ഓ​ണ​നി​റ​വി​ൽ നാ​ട്

പാ​ല​ക്കാ​ട്: മാ​വേ​ലി​മ​ന്ന​നെ വ​ര​വേ​ൽ​ക്കാ​നു​ള്ള അ​വ​സാ​ന​വ​ട്ട ഒ​രു​ക്ക​ങ്ങ​ളു​മാ​യി നാ​ടും ന​ഗ​ര​വും. ഓ​ണ​വ​ട്ട​ത്തി​ന്റെ അ​വ​സാ​ന ഒ​രു​ക്ക​ങ്ങ​ളി​ലേ​ക്ക് ഒ​ഴു​കി​യെ​ത്തു​ക​യാ​ണ് ജ​ന​സ​ഞ്ച​യം. ഓ​ണ​ക്കോ​ടി എ​ടു​ക്കാ​നും പൂ​ക്ക​ൾ വാ​ങ്ങാ​നും പ​ല​വ്യ​ജ്ഞ​ന​ങ്ങ​ൾ വാ​ങ്ങാ​നും നി​ര​ത്തി​ൽ ജ​നം നി​റ​യു​ക​യാ​ണ്.

ഓ​ണം ഓ​ഫ​റു​മാ​യി വ്യാ​പാ​ര സ്ഥാ​പ​ന​ങ്ങ​ൾ സ​ജീ​വ​മാ​ണ്. എ​ല്ലാ വ​സ്ത്ര​ശാ​ല​ക​ളി​ലും ദി​വ​സ​ങ്ങ​ളാ​യി തി​ര​ക്കോ​ട് തി​ര​ക്കാ​ണ്. മാ​വേ​ലി സ്റ്റോ​ർ, സ​​പ്ലൈ​കോ സൂ​പ്പ​ർ മാ​ർ​ക്ക​റ്റ്, കു​ടും​ബ​ശ്രീ, വ്യ​വ​സാ​യ വ​കു​പ്പ് സ്റ്റാ​ളു​ക​ൾ തു​ട​ങ്ങി​യ​വ​യി​ലും വ​ൻ തി​ര​ക്കാ​ണ്. ഓ​ണ​ത്തോ​ട​നു​ബ​ന്ധി​ച്ച് ഞാ​യ​റാ​ഴ്ച പാ​ല​ക്കാ​ട് മേ​ലാ​മു​റി പ​ച്ച​ക്ക​റി മാ​ർ​ക്ക​റ്റ് തു​റ​ന്നു​പ്ര​വ​ർ​ത്തി​ക്കും. പൂ​ക്കാ​ര​ത്തെ​രു​വി​ലെ പൂ​വി​പ​ണി​യും സ​ജീ​വ​മാ​ണ്.

കോ​ട്ട​മൈ​താ​ന​ത്തും പ​രി​സ​ര​ത്തു​മു​ള്ള വ​ഴി​യോ​ര വി​പ​ണി​യി​ലും ജ​ന​ത്തി​ര​ക്കാ​ണ്. ന​ഗ​ര​ത്തി​ൽ ഗ​താ​ഗ​തം സു​ഗ​മ​മാ​ക്കാ​ൻ പൊ​ലീ​സ് ക്ര​മീ​ക​ര​ണ​ങ്ങ​ൾ ഏ​ർ​പ്പെ​ടു​ത്തി. കൂ​ടു​ത​ൽ പൊ​ലീ​സി​നെ പ്ര​ധാ​ന ജ​ങ്ഷ​നു​ക​ളി​ൽ നി​യോ​ഗി​ച്ചു. തി​ര​ക്കി​ൽ അ​നി​ഷ്ട സം​ഭ​വ​ങ്ങ​ൾ ഒ​ഴി​വാ​ക്കാ​ൻ പ​ട്രോ​ളി​ങ് ശ​ക്ത​മാ​ക്കി. തി​ങ്ക​ളാ​ഴ്ച​യാ​ണ് ഉ​ത്രാ​ടം. ഓ​ണ​ക്കോ​ടി വാ​ങ്ങി, സ​ദ്യ​ക്കു​ള്ള വി​ഭ​വ​ങ്ങ​ൾ ശേ​ഖ​രി​ച്ച് തി​രു​വോ​ണ​ത്തി​നാ​യി നാ​ടൊ​ന്നാ​കെ ഒ​രു​ങ്ങും. വ​ർ​ഷ​ത്തി​ൽ ഒ​രു ദി​വ​സം മാ​ത്രം കാ​ണാ​വു​ന്ന വ​ലി​യ തി​ര​ക്കി​ന്റേ​യും നെ​ട്ടോ​ട്ട​ത്തി​ന്റേ​യും കാ​ഴ്ച​യാ​ണ് ഉ​​ത്രാ​ടം നാ​ളി​ൽ ദൃ​ശ്യ​മാ​വു​ക.