അത്തം പിറന്നു, കൃഷ്ണകിരീടമാണ് താരം

കോ​ട്ട​ക്ക​ൽ: പൊ​ന്നോ​ണ പൂ​വി​ളി​യി​ല്‍ ഞാ​യ​റാ​ഴ്ച അ​ത്തം പി​റ​ന്നു. പൂ​ക്ക​ള​ങ്ങ​ളി​ല്‍ പ​ര​മ്പ​രാ​ഗ​ത പൂ​ക്ക​ളാ​യ തു​മ്പ​യും മു​ക്കു​റ്റി​യും ഓ​ണ​പ്പൂ​വു​ക​ളും ഇ​ത്ത​വ​ണ​യും ഇ​ടം​പി​ടി​ക്കി​ല്ല. കാ​ല​ത്തി​നൊ​പ്പം ഇ​ത്ത​രം പൂ​ക്ക​ളും ഓ​ർ​മ​യാ​യി. എ​ന്നാ​ലും തൊ​ടി​യി​ലും പാ​ട​വ​ര​മ്പു​ക​ളി​ലും പൂ​പ​റി​ക്കു​ന്ന കു​ട്ടി​ക്കൂ​ട്ട​ങ്ങ​ള്‍ ഇ​ത്ത​വ​ണ​യും ഓ​ണ​നാ​ളു​ക​ളെ സ​ജീ​വ​മാ​ക്കു​ക​യാ​ണ്. കൃ​ഷ്ണ​കി​രീ​ടം, തെ​ച്ചി, ചെ​ണ്ടു​മ​ല്ലി തു​ട​ങ്ങി​യ പൂ​ക്ക​ള്‍ തൊ​ടി​ക​ളി​ലും വീ​ട്ടു​മു​റ്റ​ത്തും കാണുന്നത് കു​റ​ച്ചെ​ങ്കി​ലും ആ​ശ്വാ​സ​മാ​ണ്. ഗൃ​ഹാ​തു​ര സ്മ​ര​ണ​ക​ളി​ൽ ചേ​ർ​ന്നു​നി​ൽ​ക്കു​ന്ന കൃ​ഷ്ണ​കി​രീ​ടം​ത​ന്നെ​യാ​ണ് ഇ​ത്ത​വ​ണ താ​രം.

തൊ​ടി​ക​ളി​ൽ പൂ​ത്തു​ല​ഞ്ഞ് നി​ൽ​ക്കു​ന്ന കൃ​ഷ്ണ​കി​രീ​ടം മ​നോ​ഹ​ര കാ​ഴ്​​ച​യാ​ണ്. ഹ​നു​മാ​ൻ കി​രീ​ടം, പെ​രു, കൃ​ഷ്ണ​മു​ടി, ആ​റു​മാ​സ​ച്ചെ​ടി, കാ​വ​ടി​പ്പൂ​വ്, പെ​ഗോ​ട എ​ന്നി​ങ്ങ​നെ പ​ല പേ​രു​ക​ളി​ലാ​ണ് അ​റി​യ​പ്പെ​ടു​ന്ന​ത്. പൊ​തു​വേ ത​ണ​ലു​ള്ള പ്ര​ദേ​ശ​ങ്ങ​ളി​ൽ വി​രി​ഞ്ഞു​നി​ൽ​ക്കു​ന്ന പൂ​ക്ക​ൾ ഓ​ണ​നാ​ളു​ക​ളെ സ​ജീ​വ​മാ​ക്കു​ക​യാ​ണ്. ഏ​ക​ദേ​ശം ഒ​ന്ന​ര മീ​റ്റ​ർ വ​രെ ഉ​യ​ര​ത്തി​ൽ വ​ള​രു​ന്ന ചെ​ടി​യി​ൽ ചു​വ​പ്പു​ക​ല​ർ​ന്ന ഓ​റ​ഞ്ച് നി​റ​ത്തി​ലാ​ണ് പൂ​ക്ക​ൾ. വ​ലു​പ്പ​മു​ള്ള ഇ​ല​ക​ൾ ഇ​തി​ന്റെ പ്ര​ത്യേ​ക​ത​യാ​ണ്. പൂ​ക്ക​ളും ഇ​ല​ക​ൾ അ​രി​ഞ്ഞും പൂ​ക്ക​ള​ങ്ങ​ളെ വ​ർ​ണാ​ഭ​മാ​ക്കാ​ൻ ക​ഴി​യും. തൃ​ക്കാ​ക്ക​ര​യ​പ്പ​നെ അ​ല​ങ്ക​രി​ക്കാ​നാ​ണ് കൂ​ടു​ത​ൽ പേ​ർ കൃ​ഷ്ണ​കി​രീ​ടം ഉ​പ​യോ​ഗി​ക്കു​ന്ന​ത്. എ​ന്നാ​ലും അ​തി​ര്‍ത്തി ക​ട​ന്നെ​ത്തു​ന്ന പൂ​ക്ക​ളി​ല്‍ത​ന്നെ​യാ​ണ് മ​ല​യാ​ളി​ക​ളു​ടെ പൂ​ക്ക​ള​ങ്ങ​ള്‍. മ​ല്ലി​ക, ജ​മ​ന്തി, വാ​ടാ​ര്‍മ​ല്ലി, ആ​സ്ട്ര, റോ​സ്, ചി​ല്ലി റോ​സ്, അ​ര​ളി തു​ട​ങ്ങി​യ​വ​യാ​ണ് പൂ​ക്ക​ള​ങ്ങ​ളി​ല്‍ ഇ​ടം​പി​ടി​ക്കാ​ന്‍ വി​പ​ണി​ക​ളി​ല്‍ എ​ത്തി​യ​ത്.