ആ 20 ദിവസങ്ങളിലെ ഇശൽ മധുരസ്മൃതിയിൽ ആലപ്പി ഖദീജ

ദ​മ്മാം: മാ​പ്പി​ള​പ്പാ​ട്ടി​​ന്റെ രാ​ജാ​ത്തി വി​ള​യി​ൽ ഫ​സീ​ല​യു​ടെ മ​ര​ണം വി​ശ്വ​സി​ക്കാ​നാ​വാ​തെ വി​തു​മ്പു​ക​യാ​ണ്​ മാ​പ്പി​ള​പ്പാ​ട്ട്​ ഗാ​യി​ക​യും പ്ര​വാ​സി​യു​മാ​യ ആ​ല​പ്പി ബീഗം ഖ​ദീ​ജ. ഒ​രു വ​ർ​ഷം മു​മ്പ് സൗ​ദി​യി​ലെ​ത്തി​യ​പ്പോ​ൾ ത​ന്നോ​ടൊ​പ്പം ക​ഴി​ഞ്ഞ 20 ദി​വ​സ​ത്തെ മ​ധു​ര​മു​ള്ള ഓ​ർ​മ പ​ങ്കു​വെ​ക്കു​ക​യാ​ണ്​ അ​വ​ർ. മ​രി​ക്കു​ന്ന​തി​ന്​ മൂ​ന്നു ദി​വ​സം മു​മ്പ്​ ഒ​രു മ​ണി​ക്കൂ​റോ​ളം ഫോ​ണി​ൽ സം​സാ​രി​ച്ച​ത്​ കാ​തി​ൽ മു​ഴ​ങ്ങു​ന്നു. അ​ടു​ത്തു​ത​ന്നെ നേ​രി​ൽ കാ​ണാ​മെ​ന്ന വാ​ഗ്ദാ​നം പാ​ഴാ​യി​പ്പോ​യ​തി​​ന്റെ നി​രാ​ശ ഇ​വ​രെ വി​ട്ടു​പോ​കു​ന്നി​ല്ല.

സു​പ്ര​സി​ദ്ധ കാ​ഥി​ക റം​ലാ​ബീ​ഗ​ത്തി​​ന്റെ പി​ന്ന​ണി​ഗാ​യി​ക​യും ശി​ഷ്യ​യു​മാ​യി​രു​ന്ന ബീ​ഗം ഖ​ദീ​ജ 1997 മു​ത​ൽ ജി​ദ്ദ​യി​ലാ​ണ്​. റം​ലാ ബീ​ഗ​ത്തി​ന്‍റെ ക​ഥാ​പ്ര​സം​ഗ സം​ഘ​ത്തി​ലം​ഗ​മാ​യി ഊ​രു​ചു​റ്റു​ന്ന​തി​നി​ട​യി​ലാ​ണ്​ ആ​ദ്യ​മാ​യി ഫ​സീ​ലാ​ത്താ​നെ കാ​ണു​ന്ന​തെ​ന്ന്​ ബീ​ഗം ഖ​ദീ​ജ പ​റ​ഞ്ഞു. അ​ന്നെ​നി​ക്ക്​ 13 വ​യ​സ്സാ​ണ്​ പ്രാ​യം. ഒ​രു​പാ​ട്​ കേ​ട്ടി​ട്ടു​ണ്ട്. മൈ​സൂ​രു​വി​ലെ മ​ല​യാ​ളി​സം​ഘം ന​ട​ത്തു​ന്ന ഒ​രു പ​രി​പാ​ടി​യി​ൽ പ​​ങ്കെ​ടു​ക്കാ​ൻ റം​ലാ​ത്ത​നോ​ടൊ​പ്പം എ​ത്തി​യ​താ​യി​രു​ന്നു ഞാ​ൻ. അ​തേ​വേ​ദി​യി​ൽ പാ​ട്ടു​പാ​ടാ​ൻ വി.​എം. കു​ട്ടി​യും സം​ഘ​വു​മു​ണ്ട്. അ​വി​ടെ വെ​ച്ചാ​ണ്​ ഫ​സീ​ലാ​ത്താ​നെ കാ​ണു​ന്ന​ത്.

അ​ന്ന​വ​ർ വി​ള​യി​ൽ വ​ത്സ​ല​യാ​ണ്. ഞ​ങ്ങ​ളു​ടെ പ​രി​പാ​ടി ക​ഴി​ഞ്ഞും അ​വ​രു​ടെ പാ​ട്ട്​ കേ​ൾ​ക്കാ​ൻ ഞാ​ൻ സ്​​റ്റേ​ജി​​ന്റെ മു​ന്നി​ൽ​ത​ന്നെ​യി​രു​ന്നു. എ​ത്ര അ​നാ​യാ​സ​വും മ​ധു​ര​വു​മാ​യാ​ണ്​ അ​വ​ർ പാ​ടു​ന്ന​ത്. തു​ട​ർ​ന്ന്​ ബം​ഗ​ളൂ​രു​വി​ലെ മ​റ്റൊ​രു പ​രി​പാ​ടി​യി​ലും അ​വ​രോ​ടൊ​പ്പം വേ​ദി​പ​ങ്കി​ടാ​ൻ പ​റ്റി. കാ​ലം പ്ര​വാ​സി​യാ​ക്കി​മാ​റ്റി​യ ഖ​ദീ​ജ​ക്ക്​ വ​ല്ല​പ്പോ​ഴും ഫോ​ണി​ലൂ​ടെ എ​ത്തു​ന്ന സ്​​നേ​ഹാ​ന്വേ​ഷ​ണ​ങ്ങ​ളി​ൽ ആ ​സൗ​ഹൃ​ദ​മൊ​തു​ക്കേ​ണ്ടി​വ​ന്നു. പ​ക്ഷേ, എ​നി​ക്ക്​ വേ​ണ്ടി പ​ട​ച്ച​വ​ൻ കാ​ത്തു​വെ​ച്ച സു​കൃ​ത​മാ​യി​രു​ന്നു ഇ​വി​ടെ സൗ​ദി​യി​ൽ ആ ​മ​ഹാ​ഗാ​യി​ക​യോ​ടൊ​പ്പം അ​ടു​ത്തും പ​രി​ച​രി​ച്ചും ദി​വ​സ​ങ്ങ​ൾ പ​ങ്കി​ടാ​ൻ കി​ട്ടി​യ അ​വ​സ​രം.

ഈ വ​ർ​ഷം ജനുവരി അവസാനത്തിലാണ്​ വി​ള​യി​ൽ ഫ​സീ​ല ജി​ദ്ദ​യി​ലെ​ത്തി​യ​ത്. റി​യാ​ദി​ൽ ഒ​രു പ​രി​പാ​ടി​ക്കെ​ത്തി​യ അ​വ​രെ ഞ​ങ്ങ​ൾ ജി​ദ്ദ​യി​ലേ​ക്ക്​ ക്ഷ​ണി​ക്കു​ക​യാ​യി​രു​ന്നു. അ​ന്ന്​ വി​മാ​ന​ത്താ​വ​ള​ത്തി​ൽ നി​ന്ന്​ ജി​ദ്ദ​യി​ലെ സം​ഘാ​ട​ക​രാ​യ ഹ​സ​ൻ കൊ​ണ്ടോ​ട്ടി​യും അ​ഷ​റ​ഫ്​ വ​ലി​യോ​റ​യും യൂസഫ്​ കോ​ട്ട​യും അ​വ​രെ സ്വീ​ക​രി​ച്ചു​കൊ​ണ്ടു​വ​ന്ന​ത്​​ എ​ന്‍റെ​യ​ടു​ത്താ​ണ്. പി​ന്നീ​ട്​ ജി​ദ്ദ​യി​ലും മ​ക്ക​യി​ലും ന​ട​ന്ന വി​വി​ധ പ​രി​പാ​ടി​ക​ളി​ൽ ഒ​പ്പം പാ​ടി​യും സ​ഹാ​യി​യാ​യും ഞാ​നു​ണ്ടാ​യി​രു​ന്നു.

മ​ക്ക ഹ​റ​മി​ലും മ​ദീ​ന പ​ള്ളി​യി​ലും അ​വ​ർ പ്രാ​ർ​ഥ​നാ​നി​ര​ത​യാ​യി നി​ന്ന​പ്പോ​ൾ ഒ​പ്പം ഞാ​നു​ണ്ടാ​യി​രു​ന്നു. അ​ന്ന​വ​ർ ഒ​രു​പാ​ട്​ ക​ഥ​ക​ൾ പ​റ​ഞ്ഞു. ആ​ദ്യ​കാ​ല​ത്ത്​ ഒ​രു വി​ശ്ര​മ​വു​മി​ല്ലാ​തെ ഓ​ടി​ന​ട​ന്ന കാ​ല​ത്തെ ര​സ​മു​ള്ള ച​രി​ത്ര​ങ്ങ​ൾ, റം​ലാ​ത്താ​യെ​ക്കു​റി​ച്ചു​ള്ള ഓ​ർ​മ​ക​ൾ. ചെ​റു​പ്പ​ത്തി​ൽ ബം​ഗ​ളൂ​രു​വി​ലും മൈ​സൂ​രു​വി​ലും ഞ​ങ്ങ​ൾ ക​ണ്ടു​മു​ട്ടി​യ ക​ഥ​ക​ൾ. നാ​ലു വ​യ​സ്സ്​ മു​ത​ൽ പാ​ടി​ത്തു​ട​ങ്ങി​യ​തും അ​റ​ബി​മ​ല​യാ​ള​ത്തി​ലു​ള്ള പാ​ട്ടു​ക​ൾ എ​ഴു​തി​പ്പ​ഠി​ച്ച​തും അ​റ​ബി വാ​ക്കു​ക​ളു​ടെ ഉ​ച്ഛാ​ര​ണം ശ​രി​യാ​ക്കാ​ൻ ആ​വ​ർ​ത്തി​ച്ചാ​വ​ർ​ത്തി​ച്ച്​ പാ​ടി​ച്ച​തു​മെ​ല്ലാം.

വി.​എം. കു​ട്ടി മാ​ഷി​നെ​ക്കു​റി​ച്ചു​ള്ള ഓ​ർ​മ​ക​ൾ പ​ങ്കു​വെ​ക്കു​മ്പോ​ഴൊ​ക്കെ ചു​ണ്ടു​ക​ൾ വി​തു​മ്പു​ക​യും ക​ണ്ണു​ക​ൾ നി​റ​യു​ക​യും ചെ​യ്​​തു. ഇ​ങ്ങ​നെ​യൊ​രു മ​നു​ഷ്യ​ൻ ഇ​ല്ലാ​യി​രു​ന്നെ​ങ്കി​ൽ വി​ള​യി​ൽ ഫ​സീ​ല എ​ന്ന ഗാ​യി​ക ഉ​ണ്ടാ​വു​മാ​യി​രു​ന്നി​ല്ല. 20 ദി​വ​സ​ങ്ങ​ൾ പോ​യ​ത​റി​യി​ല്ല. അ​ന്നൊ​ക്കെ അ​വ​ർ ഏ​റെ ഊ​ർ​ജ്ജ​സ്വ​ല​യാ​യി​രു​ന്നു. ഇ​ത്ര പെ​ട്ടെ​ന്ന്​ അ​വ​ർ ഒ​രു യാ​ത്ര​പോ​ലും പ​റ​യാ​തെ പോ​കു​മെ​ന്ന്​ ക​രു​തി​യി​ല്ല.

ഈ ​വേ​ർ​പാ​ട്​ എ​നി​ക്ക്​ താ​ങ്ങാ​നാ​വു​ന്നി​ല്ല. ജി​ദ്ദ​യി​ൽ ഞ​ങ്ങ​ൾ ഒ​രു​ക്കു​ന്ന പ​രി​പാ​ടി​യി​ൽ ഇ​നി​​യു​മെ​ത്താ​മെ​ന്ന്​ ഉ​റ​പ്പു​ത​ന്ന്​ മ​ട​ങ്ങി​യ​താ​ണ്. ക​രോ​ക്ക​യി​ട്ടൊ​ന്നും പാ​ടാ​ൻ ഫ​സീ​ലാ​ത്ത ത​യാ​റാ​യി​രു​ന്നി​ല്ല. ലൈ​വ്​ ഓ​ർ​ക്ക​സ്​​ട്ര ഒ​രു​ക്കി​യാ​ണ്​ ഞ​ങ്ങ​ൾ പ​രി​പാ​ടി സം​ഘ​ടി​പ്പി​ച്ച​ത്. ഇ​ക്കാ​ര​ണ​ത്താ​ൽ ത​ന്നെ പ​ല പ​രി​പാ​ടി​ക​ളും ഒ​ഴി​വാ​​ക്കേ​ണ്ടി​യും വ​ന്നു. ആ ​ഓ​ർ​മ​ക​ൾ എ​ന്നെ വേ​ദ​നി​പ്പി​ച്ചു​കൊ​ണ്ടേ​യി​രി​ക്കു​ന്നു. അ​വ​ർ പാ​ടി​യ നൂ​റു​ക​ണ​ക്കി​ന്​ പാ​ട്ടു​ക​ൾ മ​ന​സ്സി​ൽ ഒ​ന്നൊ​ന്നാ​യി ഈ​ണം മു​ളു​ന്നു - ആ​ല​പ്പി ബീഗം ഖ​ദീ​ജ പ​റ​ഞ്ഞു​നി​ർ​ത്തി.