വൈക്കം ചന്ദ്രശേഖരൻ നായർ കഥ അവാർഡ് ശ്രീകണ്ഠൻ കരിക്കകത്തിന്

പൊൻകുന്നം: വൈക്കം ചന്ദ്രശേഖരൻ നായർ കഥ അവാർഡ് ശ്രീകണ്ഠൻ കരിക്കകത്തിന്. വൈക്കം ചന്ദ്രശേഖരൻ നായരുടെ സ്മരണാർഥം യുവകലാസാഹിതിയും യുവകലാ സാഹിതി ഷാർജ യൂനിറ്റും ചേർന്ന് ഏർപ്പെടുത്തിയതാണ് പുരസ്കാരം. 'അംഗൻവാടി' കഥക്കാണ് അവാർഡ്.ആലംകോട് ലീലാകൃഷ്ണൻ, ഇ.എം. സതീശൻ, പ്രശാന്ത് ആലപ്പുഴ, അരവിന്ദൻ കെ.എസ്. മംഗലം, കെ. ബിനു, ബി. ആരോക്, ജോസ് ചമ്പക്കര, എം.ഡി. ബാബുരാജ്, സാംജി ടി.വി പുരം എന്നിവരടങ്ങിയ ജൂറിയാണ് പുരസ്കാരം നിർണയിച്ചത്.

ജൂൺ 30ന് വൈക്കത്ത് നടക്കുന്ന സാംസ്കാരിക സമ്മേളനത്തിൽ അവാർഡ് വിതരണം ചെയ്യുമെന്ന് ജില്ല സെക്രട്ടറി ജോസ് ചമ്പക്കര അറിയിച്ചു.