പാർവതി, രേവതി, പദ്മപ്രിയ.... നിങ്ങളായിരുന്നു ശരി എന്ന് കാലം തെളിയിക്കും- ബെന്യാമിൻ

കോഴിക്കോട്: ആക്രമിക്കപ്പെട്ട നടിക്ക് വേണ്ടി നിരന്തരം ശബ്ദമുയർത്തുന്ന പാർവതി, രേവതി, പദ്മപ്രിയ എന്നിവരെ പൊതുസമഹം പിന്തുണക്കണമെന്ന് പ്രശസ്ത എഴുത്തുകാരൻ ബെന്യാമിൻ. കാര്യസാദ്ധ്യതകളുടെ മാത്രം ഈ ലോകത്ത് വരും വരായ്കകളെ കുറിച്ച് ആലോചിക്കാതെ ഇരയായ പെൺകുട്ടിയെ ചേർത്തു പിടിക്കാനും ധീരമായ നിലപാടിൽ ഉറച്ചു നിൽക്കാനും കരുത്ത് കാണിച്ച ഈ മൂന്നു വനിതകൾക്ക് ബിഗ് സല്യൂട്ട്. മുന്നോട്ട് പോവുക. നിങ്ങളായിരുന്നു ശരി എന്ന് കാലം തെളിയിക്കും എന്ന് ബെന്യാമിൻ ഫേസ്ബുക്കിൽ കുറിച്ചു.

ബെന്യാമിന്‍റെ ഫേസ്ബുക്ക് കുറിപ്പ്:

കാര്യസാദ്ധ്യതകളുടെ മാത്രം ഈ ലോകത്ത് വരുംവരായ്കകളെ കുറിച്ച് ആലോചിക്കാതെ ഇരയായ പെൺകുട്ടിയെ ചേർത്തു പിടിക്കാനും ധീരമായ നിലപാടിൽ ഉറച്ചു നിൽക്കാനും കരുത്ത് കാണിച്ച ഈ മൂന്നു വനിതകൾക്ക് ബിഗ് സല്യൂട്ട്. ലിംഗനീതിയും സമത്വവും ഉറപ്പു വരുത്തുന്നതിന് പൊതുജന പിന്തുണ ഇവർക്ക് ആവശ്യമുണ്ട്. പാർവതി, രേവതി, പദ്മപ്രിയ… മുന്നോട്ട് പോവുക. നിങ്ങളായിരുന്നു ശരി എന്ന് കാലം തെളിയിക്കും.