Begin typing your search above and press return to search.
proflie-avatar
Login
exit_to_app
exit_to_app
Homechevron_rightCulturechevron_rightLiteraturechevron_rightസീ​ത ക​ല്യാ​ണ...

സീ​ത ക​ല്യാ​ണ വൈ​ഭോ​ഗ​മേ... പ​രീ​ക്ഷ​ണ വ​ഴി​ക​ൾ താ​ണ്ടി തോ​ൽ​പ്പാ​വ കൂ​ത്ത്

text_fields
bookmark_border
The tholpava group is gaining acceptance again
cancel
camera_alt

മേ​ട​യി​ലെ​ത്തി വ​ധു​വും വ​ര​നും തോ​ൽ​പ്പാ​വ കൂ​ത്ത് അ​വ​ത​ര​ണം നി​രീ​ക്ഷി​ക്കു​ന്നു

ഒ​റ്റ​പ്പാ​ലം: മാ​ട​ങ്ങ​ളി​ൽ ഒ​തു​ങ്ങി​ക്ക​ഴി​ഞ്ഞി​രു​ന്ന തോ​ൽ​പ്പാ​വ കൂ​ത്ത് ക​ലാ​രൂ​പ​ത്തി​ന് മേ​ട​ക​ളി​ലും സ്വീ​കാ​ര്യ​ത​യേ​റു​ന്നു. പാ​ല​ക്കാ​ട​ൻ ദേ​വി ക്ഷേ​ത്ര​ങ്ങ​ളി​ലെ കൂ​ത്ത് മാ​ട​ങ്ങ​ളി​ൽ പ​രി​മി​ത​പ്പെ​ട്ടി​രു​ന്ന ക​ലാ​രൂ​പം പ​രീ​ക്ഷ​ണ വ​ഴി​ക​ൾ പി​ന്നി​ട്ട് വി​വാ​ഹ വേ​ദി​ക​ളി​ലാ​ണ് ഇ​പ്പോ​ൾ ദൃ​ശ്യ​വി​സ്മ​യ​മൊ​രു​ക്കു​ന്ന​ത്. തൃ​ശൂ​ർ, മ​ല​പ്പു​റം ജി​ല്ല​ക​ളി​ലെ ബ്രാ​ഹ്മ​ണ ഭ​വ​ന​ങ്ങ​ളി​ലെ വി​വാ​ഹ​ങ്ങ​ൾ​ക്ക് അ​നു​ബ​ന്ധ​മാ​യാ​ണ് കൂ​ത്ത് അ​വ​ത​രി​പ്പി​ച്ച​ത്.

ക​മ്പ​രാ​മാ​യ​ണം ഇ​തി​വൃ​ത്ത​മാ​യ പാ​വ കൂ​ത്തി​നെ പ​രീ​ക്ഷ​ണ വ​ഴി​ക​ളി​ലാ​യി വി​വി​ധ വി​ഷ​യ​ങ്ങ​ളി​ലേ​ക്ക് ഗ​തി​മാ​റ്റി​യ കൂ​ന​ത്ത​റ ഹ​രി​ശ്രീ ക​ണ്ണ​ൻ തോ​ൽ​പ്പാ​വ കൂ​ത്ത് ക​ലാ​കേ​ന്ദ്രം സ്ഥാ​പ​ക​ൻ പ​ത്മ​ശ്രീ രാ​മ​ച​ന്ദ്ര പു​ല​വ​ർ ത​ന്നെ​യാ​ണ് വി​വാ​ഹ വേ​ദി​ക​ളി​ലേ​ക്കാ​യി ക​ലാ​രൂ​പ​ത്തെ ചി​ട്ട​പ്പെ​ടു​ത്തി​യ​ത്. ഗ​ണ​പ​തി വ​ന്ദ​ന​വും ഗു​രു​വ​ന്ദ​ന​വും ക​ഴി​ഞ്ഞ് 'സീ​ത ക​ല്യാ​ണ വൈ​ഭോ​ഗ​മേ, രാ​മ ക​ല്യാ​ണ വൈ​ഭോ​ഗ​മേ ... ' എ​ന്ന ത്യാ​ഗ​രാ​ജ​രു​ടെ കീ​ർ​ത്ത​ന​ത്തോ​ടെ​യാ​ണ് വി​വാ​ഹ വേ​ദി​ക​ളി​ലെ നി​ഴ​ൽ നാ​ട​ക​ത്തി​ന് തു​ട​ക്കം.

തു​ട​ർ​ന്ന് ക​മ്പ​രാ​മാ​യ​ണ​ത്തി​ലെ പ​ഞ്ച​വ​ടി നി​ർ​മാ​ണം, ശം​ബൂ​ക വ​ധം, മാ​ൻ​വേ​ട്ട, സീ​താ​പ​ഹ​ര​ണം, ജ​ടാ​യു​മോ​ക്ഷം തു​ട​ങ്ങി​യ സ​ന്ദ​ർ​ഭ​ങ്ങ​ൾ പി​ന്നി​ട്ട് രാ​മ-​രാ​വ​ണ യു​ദ്ധ​വും (മം​ഗ​ള മു​ഹൂ​ർ​ത്ത​മെ​ന്ന നി​ല​യി​ൽ രാ​വ​ണ​വ​ധം വി​വാ​ഹ വേ​ദി​ക​ളി​ലെ അ​വ​ത​ര​ണ​ത്തി​ൽ നി​ന്ന് ഒ​ഴി​വാ​ക്ക​പ്പെ​ട്ടി​രി​ക്കു​ന്നു) ക​ഴി​ഞ്ഞ് പ​ട്ടാ​ഭി​ഷേ​ക​ത്തോ​ടെ​യാ​ണ് കൂ​ത്ത് സ​മാ​പ​നം.

മ​ല​പ്പു​റം ജി​ല്ല​യി​ലെ ബ്രാ​ഹ്മ​ണ ഗൃ​ഹ​ത്തി​ൽ വ​ധു, വ​ര​ന്മാ​രു​ടെ വീ​ടു​ക​ളി​ൽ വി​വാ​ഹ ത​ലേ​ന്ന് ന​ട​ക്കു​ന്ന 'അ​യ​നി ഊ​ൺ' ച​ട​ങ്ങി​ന്റെ ഭാ​ഗ​മാ​യാ​ണ് തോ​ൽ​പ്പാ​വ കൂ​ത്ത് അ​വ​ത​ര​ണം ന​ട​ന്ന​തെ​ന്ന് രാ​മ​ച​ന്ദ്ര പു​ല​വ​രു​ടെ മ​ക​നും സം​ഘാം​ഗ​വു​മാ​യ രാ​ജീ​വ് പു​ല​വ​ർ പ​റ​ഞ്ഞു. ല​ക്ഷ്മ​ണ​ൻ, മ​നോ​ജ്, പ്ര​ശോ​ഭ്, സു​ജി​ത് രാ​ജ​ൻ, വി​ജ​യ് കൃ​ഷ്ണ​ൻ തു​ട​ങ്ങി​യ​വ​രാ​യി​രു​ന്നു മ​റ്റു സം​ഘാം​ഗ​ങ്ങ​ൾ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Tholpavakoothu
News Summary - The tholpava group is gaining acceptance again
Next Story