കഥ: വി​വാ​ഹ​മോ​ച​നം

അ​ന്നും ഏ​റെ വൈ​കി​യാ​ണ് അ​യാ​ൾ വീ​ട്ടി​ലെ​ത്തി​യ​ത്. ജോ​ലി ക​ഴി​ഞ്ഞാ​ൽ ഓ​ഫി​സി​ൽ​ത​ന്നെ​യി​രി​ക്കും. അ​ല്ലെ​ങ്കി​ൽ സു​ഹൃ​ത്തു​ക്ക​ളോ​ടൊ​പ്പം സ​മ​യം ചെ​ല​വ​ഴി​ക്കും. വീ​ട്ടി​ൽ ഭാ​ര്യ​യും മ​ക​നും ത​നി​ച്ചാ​ണെ​ന്ന കാ​ര്യം അ​യാ​ൾ ഓ​ർ​ക്കാ​റി​ല്ല. വീ​ടെ​ന്ന ചി​ന്ത വ​രു​മ്പോ​ഴേ​ക്കും മ​ന​സ്സി​നെ​ന്തോ ഒ​രു ഭാ​ര​മാ​ണ്. നെ​ഞ്ച് ഇ​ടു​ങ്ങു​ന്ന​തു​പോ​ലെ തോ​ന്നും. ശ്വാ​സം തൊ​ണ്ട​യി​ലെ​വി​ടെ​യോ കു​ടു​ങ്ങി​യ​പോ​ലെ.

ജീ​വി​തം മ​ടു​ത്തി​രി​ക്കു​ന്നു. സ്നേ​ഹ​വും സ​മാ​ധാ​ന​വും കി​ട്ടേ​ണ്ട, ആ​ശ്വാ​സ​വും ത​ണ​ലു​മാ​കേ​ണ്ട വീ​ടും കു​ടും​ബ​വും നി​ഗൂ​ഢ​മാ​യ അ​സ്വ​സ്ഥ​ത​യാ​ൽ മൂ​ടി​യി​രി​ക്കു​ന്നു. സ​മ്പാ​ദി​ക്കു​ന്ന​തു​കൊ​ണ്ട് ജീ​വി​ത​ത്തി​​ന്റെ അ​ർ​ഥ​വും ആ​ന​ന്ദ​വും ക​ണ്ടെ​ത്താ​നാ​കു​ന്നി​ല്ല. നി​ശ്ശ​ബ്​​ദ​ത​ക്ക് ഭം​ഗം വ​രു​ത്താ​തെ അ​യാ​ൾ ത​​ന്റെ കി​ട​പ്പു​മു​റി​യി​ലേ​ക്ക് ക​യ​റി വ​സ്ത്ര​ങ്ങ​ൾ അ​ഴി​ച്ചു​വെ​ച്ച് വാ​ഷ്‌​റൂ​മി​ൽ ക​യ​റി മു​ഖ​വും കൈ​യും ശു​ദ്ധി​വ​രു​ത്തി. മ​ക​ൻ വാ​യ​ന​യി​ലോ പ​ഠ​ന​ത്തി​ലോ ആ​യി​രി​ക്കും. തീ​ന്മേ​ശ​യി​ൽ ഭാ​ര്യ ഭ​ക്ഷ​ണം ത​യാ​റാ​ക്കി മൂ​ടി​വെ​ച്ചി​രി​ക്കു​ന്നു.

അ​യാ​ൾ​ക്കും ഭാ​ര്യ​ക്കു​മി​ട​യി​ൽ സം​സാ​രം കു​റ​ഞ്ഞി​ട്ട് കു​റെ നാ​ളാ​യി. അ​പ​രി​ചി​ത​രെ​പ്പോ​ലെ​യാ​ണ്. അ​ത്യാ​വ​ശ്യ​ത്തി​നേ സം​സാ​ര​മു​ള്ളൂ... ത​നി​ക്കി​ന്ന് ഒ​രു പ്ര​ധാ​ന കാ​ര്യം പ​റ​യാ​നു​ണ്ടെ​ന്ന് സൂ​ചി​പ്പി​ച്ച്​ അ​വ​ളോ​ട് ഇ​രി​ക്കാ​ൻ പ​റ​ഞ്ഞു. തീ​ന്മേ​ശ​ക്ക​രി​കി​ലെ ഒ​രു ക​സേ​ര​യി​ൽ അ​നു​സ​ര​ണ​യോ​ടെ​യും ആ​കാം​ക്ഷ​യോ​ടെ​യും അ​വ​ളി​രു​ന്നു.

അ​യാ​ൾ പ​റ​ഞ്ഞു​തു​ട​ങ്ങി: ഇ​തു​പോ​ലെ ജീ​വി​ക്കാ​ൻ ഇ​നി ക​ഴി​യി​ല്ല, ജീ​വി​തം മ​ടു​ത്തു. എ​ത്ര​യെ​ത്ര സ്വ​പ്ന​ങ്ങ​ൾ ക​ണ്ടാ​യി​രു​ന്നു വൈ​വാ​ഹി​ക ജീ​വി​ത​ത്തി​ലേ​ക്ക് നി​ന്നെ ചേ​ർ​ത്തു​പി​ടി​ച്ച​ത്. പ​​ക്ഷേ, നീ​യൊ​രി​ക്ക​ലും എ​​ന്റെ സ്വ​പ്ന​ത്തി​ലെ പെ​ൺ​കു​ട്ടി​യാ​യി​ല്ല. അ​വ​സ്ഥ​ക​ൾ മാ​റു​മെ​ന്നും ന​ല്ലൊ​രു ജീ​വി​തം ഉ​ണ്ടാ​കു​മെ​ന്നും വി​ചാ​രി​ച്ച് ജീ​വി​തം പി​ന്നെ​യും മു​ന്നോ​ട്ടു​പോ​യി. ഒ​രു കു​ഞ്ഞാ​യി... ഒ​രു മാ​റ്റ​വും നി​ന്നി​ൽ ഞാ​ൻ ക​ണ്ടി​ല്ല. ഒ​ന്ന​ര പ​തി​റ്റാ​ണ്ട് ക​ഴി​ഞ്ഞി​ട്ടും ജീ​വി​ത​സ​ന്തോ​ഷ​ങ്ങ​ളൊ​ന്നും കൊ​ണ്ടു​വ​രാ​ൻ നി​ന​ക്ക് ക​ഴി​ഞ്ഞി​ല്ലെ​ങ്കി​ൽ​പി​ന്നെ ഈ ​ജീ​വി​ത​ത്തി​നെ​ന്ത് അ​ർ​ഥ​മാ​ണു​ള്ള​ത്? അ​തി​നാ​ൽ ഞാ​ൻ തീ​രു​മാ​നി​ച്ചു, ന​മു​ക്ക് ഇ​വി​ടെ പി​രി​യാം... ന​മു​ക്ക് ഇ​നി​യും ജീ​വി​ക്കാ​നു​ള്ള​താ​ണ്. നി​ന​ക്ക് നി​​ന്റെ ജീ​വി​തം തു​ട​രാം, എ​നി​ക്ക് എ​​ന്റെ വ​ഴി​യും.

ഇ​ത് കേ​ട്ട് അ​വ​ൾ ത​രി​ച്ചി​രു​ന്നു, ത​ല​ക​റ​ങ്ങു​ന്ന​പോ​ലെ, ശ്വാ​സ​നാ​ളം തി​ങ്ങി വാ​ക്കു​ക​ൾ തൊ​ണ്ട​യി​ൽ കു​ടു​ങ്ങി. നി​ശ്ശ​ബ്​​ദ​ത​യു​ടെ ഒ​രി​ട​വേ​ള​ക്കു​ശേ​ഷം നി​റ​ഞ്ഞ ക​ണ്ണു​ക​ളോ​ടെ അ​വ​ൾ പ​തു​ക്കെ ചോ​ദി​ച്ചു: എ​ന്താ​ണ് കാ​ര​ണം? ആ​രാ​ണ് കാ​ര​ണ​ക്കാ​ര​ൻ? അ​യാ​ൾ മ​റു​പ​ടി​യൊ​ന്നും പ​റ​ഞ്ഞി​ല്ല. അ​വ​ളെ തൃ​പ്തി​പ്പെ​ടു​ത്താ​ൻ പ​റ്റു​ന്ന വ്യ​ക്ത​മാ​യ കാ​ര​ണ​മൊ​ന്നും അ​യാ​ൾ​ക്കും പ​റ​യാ​നു​ണ്ടാ​യി​രു​ന്നി​ല്ല. മ​റു​പ​ടി കി​ട്ടാ​ത്ത​തു​കൊ​ണ്ടാ​യി​രി​ക്ക​ണം അ​വ​ൾ പ​റ​ഞ്ഞു: ‘‘താ​ങ്ക​ളൊ​രു പു​രു​ഷ​ന​ല്ല.’’

അ​ന്ന് രാ​ത്രി അ​വ​ർ പ​ര​സ്പ​രം സം​സാ​രി​ച്ചി​ല്ല. അ​വ​ൾ കു​റെ ക​ര​ഞ്ഞു. അ​വ​ളു​ടെ ക​ര​ച്ചി​ൽ തേ​ടു​ന്ന ഉ​ത്ത​രം ത​ങ്ങ​ളു​ടെ വൈ​വാ​ഹി​ക​ജീ​വി​ത​ത്തി​ന് എ​ന്തു​പ​റ്റി എ​ന്ന​താ​യി​രു​ന്നു. അ​യാ​ൾ​ക്ക​വ​ളെ സ്നേ​ഹി​ക്കാ​ൻ ക​ഴി​യി​ല്ലെ​ന്നു മാ​ത്ര​മാ​യി​രി​ക്കും അ​തി​നു​ള്ള മ​റു​പ​ടി. നേ​രം പു​ല​ർ​ന്നെ​ഴു​ന്നേ​റ്റി​ട്ടും അ​യാ​ൾ​ക്ക് അ​വ​ളോ​ട് സ​ഹാ​നു​ഭൂ​തി​യോ അ​നു​ക​മ്പ​യോ തോ​ന്നി​യി​ല്ല. കു​ളി​ച്ച് വ​സ്ത്രം മാ​റി ജോ​ലി​ക്കു പോ​കാ​ൻ ഇ​റ​ങ്ങു​ന്ന​തി​ന് മു​മ്പാ​യി അ​യാ​ൾ ഒ​രു ക​ട​ലാ​സ് അ​വ​ളു​ടെ നേ​രെ നീ​ട്ടി. അ​ത​വ​ൾ വാ​ങ്ങി ഒ​ന്ന് ക​ണ്ണോ​ടി​ച്ചു.

വി​വാ​ഹ​മോ​ച​ന​ത്തി​ന് സ​മ്മ​തി​ക്കു​ക​യാ​ണെ​ങ്കി​ൽ ത​​ന്റെ കാ​റും വീ​ടും ത​​ന്റെ നി​ക്ഷേ​പ​ത്തി​​ന്റെ 25 ശ​ത​മാ​ന​വും അ​വ​ൾ​ക്ക് എ​ഴു​തി​ക്കൊ​ടു​ക്കാം എ​ന്നാ​ണ​തി​ൽ എ​ഴു​തി​യി​രി​ക്കു​ന്ന​ത്. അ​ത​വ​ൾ വെ​റു​പ്പോ​ടെ കീ​റി​ക്ക​ള​ഞ്ഞു. പി​ന്നെ അ​വ​ൾ പൊ​ട്ടി​ക്ക​ര​ഞ്ഞു. ആ ​ക​ര​ച്ചി​ൽ അ​യാ​ൾ​ക്ക് ഒ​രാ​ശ്വാ​സ​മാ​യാ​ണ​നു​ഭ​വ​പ്പെ​ട്ട​ത്. കു​റെ​യാ​യി മ​ന​സ്സി​ൽ കൊ​ണ്ടു​ന​ട​ന്ന വി​വാ​ഹ​മോ​ച​നം എ​ന്ന ചി​ന്ത ഒ​രു യാ​ഥാ​ർ​ഥ്യ​മാ​യി ഭ​വി​ച്ചി​രി​ക്കു​ന്നു. പി​ന്നെ അ​യാ​ൾ അ​വി​ടെ കാ​ത്തു​നി​ന്നി​ല്ല. വേ​ഗം ഓ​ഫി​സി​ലേ​ക്ക് പു​റ​പ്പെ​ട്ടു.

അ​ന്ന് വൈ​കീ​ട്ടും ഏ​റെ വൈ​കി​യാ​ണ് വീ​ട്ടി​ലെ​ത്തി​യ​ത്. അ​ത്താ​ഴം ക​ഴി​ക്കാ​തെ നേ​രെ ക​ട്ടി​ലി​ലേ​ക്ക് വീ​ണു... പ​ക​ല​ത്തെ ക്ഷീ​ണം അ​യാ​ളെ പെ​ട്ടെ​ന്ന് ഉ​റ​ക്ക​ത്തി​ലേ​ക്ക് ത​ള്ളി​യി​ട്ടു. കാ​ല​ത്തെ​ഴു​ന്നേ​റ്റ​പ്പോ​ൾ അ​വ​ൾ മു​ന്നി​ൽ വ​ന്നു​നി​ൽ​ക്കു​ന്നു. വി​വാ​ഹ​മോ​ച​ന​ത്തി​ന് സ​മ്മ​തി​ക്കാ​ൻ അ​വ​ൾ​ക്ക് ഒ​രു നി​ബ​ന്ധ​ന​യു​ണ്ട​ത്രെ. ഒ​രൊ​റ്റ നി​ബ​ന്ധ​ന. അ​തും വ​ള​രെ ല​ളി​ത​വും ന്യാ​യ​വും. മ​ക​ന് പ​രീ​ക്ഷ​യ​ടു​ത്തി​രി​ക്കു​ക​യാ​ണ്. ന​മ്മു​ടെ വേ​ർ​പി​രി​യ​ൽ അ​വ​ന്റെ പ​രീ​ക്ഷ​യെ​യും ഭാ​വി​യെ​യും ബാ​ധി​ക്ക​രു​ത്.

അ​തി​നാ​ൽ ഒ​രു മാ​സ​ക്കാ​ലം സാ​ധ്യ​മാ​കും​വി​ധം ന​മു​ക്കി​ട​യി​ൽ ഒ​രു സ്വാ​ഭാ​വി​ക കു​ടും​ബ​ജീ​വി​തം ഉ​ണ്ടാ​ക​ണം. അ​ത് ന​മ്മു​ടെ മ​ക​ൻ അ​റി​യു​ക​യും വേ​ണം. വി​വാ​ഹ​മോ​ച​ന​ത്തി​ലെ ഏ​റ്റ​വും വ​ലി​യ ഇ​ര​ക​ൾ കു​ട്ടി​ക​ളാ​ണ്. ചെ​യ്യാ​ത്ത കു​റ്റ​ത്തി​ന് ശി​ക്ഷി​ക്ക​പ്പെ​ടു​ന്ന​വ​രാ​ണ​വ​ർ. അ​വ​രു​ടെ ജീ​വി​ത​ത്തി​ലെ വെ​ളി​ച്ച​മാ​ണ് വി​വാ​ഹ​മോ​ച​ന​ത്തി​ലൂ​ടെ ഊ​തി​ക്കെ​ടു​ത്തു​ന്ന​ത്. മാ​താ​പി​താ​ക്ക​ൾ ജീ​വി​ച്ചി​രി​ക്കെ അ​നാ​ഥ​ത്വം പേ​റാ​ൻ വി​ധി​ക്ക​പ്പെ​ട്ട​വ​ർ. മാ​താ​വെ​ന്ന സ്നേ​ഹ​ത്തെ​യും പി​താ​വെ​ന്ന ആ​ത്മ​ബ​ല​ത്തെ​യും ന​ഷ്​​ട​പ്പെ​ടു​ന്ന​വ​ർ അ​ല്ലെ​ങ്കി​ൽ ഇ​വ​ർ​ക്കി​ട​യി​ൽ ആ​ത്മ​സം​ഘ​ർ​ഷം പേ​റി ജീ​വി​ക്കേ​ണ്ടി​വ​രു​ന്ന​വ​രാ​ണ് കു​ട്ടി​ക​ൾ.

അ​വ​ളു​ടെ നി​ബ​ന്ധ​ന അ​യാ​ൾ​ക്കും സ്വീ​കാ​ര്യ​മാ​യി തോ​ന്നി. അ​യാ​ൾ സ​മ്മ​തം​മൂ​ളി. അ​പ്പോ​ഴാ​ണ് അ​വ​ൾ വി​ചി​ത്ര​മാ​യ മ​റ്റൊ​രു ആ​വ​ശ്യം​കൂ​ടി മു​ന്നോ​ട്ടു​വെ​ച്ച​ത്. വി​വാ​ഹ​ദി​ന​ത്തി​ൽ അ​വ​ളെ അ​യാ​ൾ എ​ങ്ങ​നെ​യാ​ണോ എ​ടു​ത്തു​യ​ർ​ത്തി​യ​ത് അ​തേ​പോ​ലെ എ​ല്ലാ ദി​വ​സം ജോ​ലി​ക്കു പോ​കു​ന്ന​തി​ന് തൊ​ട്ടു​മു​മ്പാ​യി രാ​വി​ലെ കി​ട​പ്പു​മു​റി​യി​ൽ​നി​ന്നും വ​രാ​ന്ത​യി​ൽ​വ​രെ എ​ടു​ത്തു​കൊ​ണ്ടു​പോ​ക​ണം. അ​വ​ൾ എ​ല്ലാ ദി​വ​സ​വും ന​ല്ല വ​സ്ത്ര​ങ്ങ​ൾ ധ​രി​ച്ച് ഒ​രു​ങ്ങി​യി​രി​ക്കും.

ഇ​തു​കേ​ട്ട​പ്പോ​ൾ അ​വ​ൾ​ക്ക് സ്വ​ബോ​ധം ന​ഷ്​​ട​പ്പെ​ട്ടോ എ​ന്ന​യാ​ൾ​ക്ക് തോ​ന്നി. എ​ങ്കി​ലും ത​ങ്ങ​ളു​ടെ വൈ​വാ​ഹി​ക​ജീ​വി​ത​ത്തി​ലെ അ​വ​സാ​ന നാ​ളു​ക​ൾ സ​മാ​ധാ​ന​ത്തോ​ടെ ക​ഴി​ഞ്ഞു​പോ​വു​ക​യാ​യ​ണെ​ങ്കി​ൽ അ​താ​ക​ട്ടെ എ​ന്നു ക​രു​തി അ​യാ​ൾ സ​മ്മ​തി​ച്ചു. വി​വാ​ഹ​മോ​ച​നം എ​ന്ന ചി​ന്ത വ​ന്ന​തു​മു​ത​ൽ അ​വ​ർ ര​ണ്ടു​പേ​രും ഒ​രു മു​റി​യി​ൽ കി​ട​ന്നി​ട്ടി​ല്ല. അ​വ​ളു​ടെ വി​ചി​ത്ര ആ​ഗ്ര​ഹം നി​റ​വേ​റ്റാ​നാ​യി കി​ട​പ്പു​മു​റി​യി​ൽ​നി​ന്നും അ​വ​ളെ കൈ​ത്ത​ണ്ട​യി​ൽ എ​ടു​ത്ത​പ്പോ​ൾ ഒ​രു കൊ​ള്ളി​യാ​ൻ അ​യാ​ളു​ടെ ശ​രീ​ര​ത്തി​ലൂ​ടെ ക​ട​ന്നു​പോ​യി.

അ​വ​ളെ​യും എ​ടു​ത്ത് വ​രാ​ന്ത​യി​ലേ​ക്ക് ന​ട​ക്കു​മ്പോ​ൾ അ​തു​ക​ണ്ട മ​ക​ൻ ആ​ശ്ച​ര്യ​വും സ​ന്തോ​ഷ​വും ക​ല​ർ​ത്തി ‘ഡാ​ഡി, മ​മ്മി​യെ എ​ടു​ക്കു​ന്നു’ എ​ന്ന് ഉ​റ​ക്കെ പ​റ​യു​ന്ന​ത് അ​യാ​ളു​ടെ ഹൃ​ദ​യ​ത്തി​ലെ​വി​ടെ​യോ കോ​റി. അ​യാ​ളു​ടെ കൈ​ത്ത​ണ്ട​യി​ൽ ക​ണ്ണ​ട​ച്ചു​കി​ട​ന്നി​രു​ന്ന അ​വ​ൾ പ​തു​ക്കെ ക​ണ്ണു​തു​റ​ന്ന് അ​യാ​ളോ​ട് പ​തി​ഞ്ഞ ശ​ബ്​​ദ​ത്തി​ൽ പ​റ​ഞ്ഞു: ‘‘ന​മ്മു​ടെ വി​വാ​ഹ​മോ​ച​ന​ത്തെ​ക്കു​റി​ച്ച് അ​വ​നൊ​ന്നും അ​റി​യ​രു​ത്.’’ അ​യാ​ൾ സ​മ്മ​ത​ത്തോ​ടെ ത​ല​യാ​ട്ടി. വേ​ദ​ന​പൊ​തി​ഞ്ഞ ഒ​രു വി​കാ​രം ത​ന്നെ അ​ധീ​ശ​പ്പെ​ടു​ത്തു​ന്നോ എ​ന്ന​യാ​ൾ​ക്ക് തോ​ന്നി. താ​ൻ വെ​റു​ക്കു​ന്ന ഒ​രു വി​കാ​രം അ​വ​ളെ വ​രാ​ന്ത​യി​ൽ ഇ​റ​ക്കി നി​ർ​ത്തി​യ​ശേ​ഷം അ​യാ​ൾ ത​ന്റെ കാ​റു​മെ​ടു​ത്ത് ഓ​ഫി​സി​ലേ​ക്കു പോ​യി.

അ​ടു​ത്ത ദി​വ​സം അ​വ​ളെ എ​ടു​ത്ത​പ്പോ​ൾ കു​റ​ച്ചു​കൂ​ടി സ്വാ​ഭാ​വി​ക​മാ​യി​ട്ടാ​ണ് അ​വ​ർ പെ​രു​മാ​റി​യ​ത്. അ​വ​ളു​ടെ ത​ല അ​യാ​ളു​ടെ നെ​ഞ്ചി​ലേ​ക്ക് ചാ​യ്ച്ചു​വെ​ച്ചി​രി​ക്കു​ന്നു. അ​വ​ളു​ടെ ശ​രീ​ര​ഗ​ന്ധം അ​യാ​ളി​ലേ​ക്ക് തു​ള​ച്ചു​ക​യ​റി. അ​പ്പോ​ഴാ​ണ് അ​യാ​ൾ ശ്ര​ദ്ധി​ച്ച​ത് താ​ൻ ഈ ​സ്ത്രീ​യെ ന​ന്നാ​യൊ​ന്ന് നോ​ക്കി​യി​ട്ട് എ​ത്ര​കാ​ല​മാ​യെ​ന്ന്. വി​വാ​ഹ​ദി​ന​ത്തി​ലെ പെ​ൺ​കു​ട്ടി​യ​ല്ല അ​വ​ളി​ന്ന്. കാ​ലം കോ​റി​യി​ട്ട ചു​ളി​വു​ക​ൾ മു​ഖ​ത്ത് തെ​ളി​ഞ്ഞി​രി​ക്കു​ന്നു. വെ​ളു​ത്ത ന​ര​ക​ൾ ക​റു​ത്ത മു​ടി​യു​മാ​യി യു​ദ്ധ​ത്തി​ലേ​ർ​പ്പെ​ട്ടി​രി​ക്കു​ന്നു. അ​വ​ളു​ടെ തി​ള​ങ്ങു​ന്ന യു​വ​ത്വ​ത്തി​ലാ​യി​രു​ന്ന​ല്ലോ താ​ൻ അ​വ​ളെ കൈ​പി​ടി​ച്ച് സ്വീ​ക​രി​ച്ച​ത്.

നാ​ലാം ദി​വ​സം അ​വ​ളെ വ​ഹി​ച്ച​പ്പോ​ൾ സ്നേ​ഹ​ത്തി​​ന്റെ​യും ഇ​ണ​ക്ക​ത്തി​​ന്റെ​യും ഒ​രു വി​കാ​രം ത​ന്നെ പി​ടി​കൂ​ടു​ന്ന​താ​യി അ​യാ​ൾ​ക്ക​നു​ഭ​വ​പ്പെ​ട്ടു. ത​​ന്റെ ജീ​വി​ത​ത്തി​​ന്റെ 15 വ​ർ​ഷ​ങ്ങ​ൾ ത​നി​ക്കാ​യി ന​ൽ​കി​യ​വ​ളാ​ണ​വ​ൾ. അ​ഞ്ചും ആ​റും ദി​വ​സ​ങ്ങ​ളി​ൽ ഈ ​വൈ​കാ​രി​ക അ​ടു​പ്പം കൂ​ടു​ന്ന​താ​യി​ട്ടാ​ണ് അ​യാ​ൾ​ക്ക് തോ​ന്നി​യ​ത്. അ​വ​ളാ​വ​ശ്യ​പ്പെ​ട്ട ഒ​രു മാ​സം തീ​ർ​ക്കു​ന്ന ഓ​രോ പ്ര​ഭാ​ത​ത്തി​ലും അ​വ​ളെ എ​ടു​ക്കു​ന്ന​ത് അ​യാ​ൾ​ക്ക് കൂ​ടു​ത​ൽ ആ​യാ​സ​ര​ഹി​ത​മാ​യി തോ​ന്നി. ഒ​രു ശീ​ല​മാ​യി മാ​റി​യ​തു​കൊ​ണ്ടാ​യി​രി​ക്കാം പ്ര​യാ​സ​മേ​തു​മി​ല്ലാ​തെ അ​വ​ളെ വ​ഹി​ക്കാ​നു​ള്ള ശ​ക്തി ത​നി​ക്ക് ല​ഭി​ക്കു​ന്ന​തെ​ന്നാ​ണ​യാ​ൾ ക​രു​തി​യ​ത്.

ഇ​ട​ക്കൊ​രു ദി​വ​സം രാ​വി​ലെ അ​വ​ളെ എ​ടു​ക്കാ​നാ​യി മു​റി​യി​ലേ​ക്ക് ചെ​ന്ന​പ്പോ​ൾ അ​ന്ന് ഏ​തു വ​സ്ത്രം ധ​രി​ക്ക​ണ​മെ​ന്ന് തി​ര​യു​ക​യാ​യി​രു​ന്നു അ​വ​ൾ. പ​ഴ​യ പ​ല​തും എ​ടു​ത്തു​നോ​ക്കി​യെ​ങ്കി​ലും പാ​ക​മാ​യ​ത് കി​ട്ടാ​തെ ഒ​രു ദീ​ർ​ഘ​ശ്വാ​സം വി​ട്ടു​കൊ​ണ്ട​വ​ൾ പ​റ​ഞ്ഞു: ‘‘എ​ല്ലാം വ​ലു​താ​ണ്, ഒ​ന്നും ഇ​പ്പോ​ൾ ധ​രി​ക്കാ​ൻ പ​റ്റാ​താ​യി.’’ അ​പ്പോ​ഴാ​ണ് അ​യാ​ള​ത് ശ്ര​ദ്ധി​ച്ച​ത്, കാ​ല​ച​ക്ര​ത്തി​നി​ട​യി​ൽ അ​വ​ൾ വ​ല്ലാ​തെ മെ​ലി​ഞ്ഞു​പോ​യി​രു​ന്നു. അ​തു​കൊ​ണ്ടാ​ണ് ത​നി​ക്ക​വ​ളെ അ​നാ​യാ​സം വ​ഹി​ക്കാ​നാ​കു​ന്ന​തെ​ന്ന് അ​യാ​ൾ തി​രി​ച്ച​റി​ഞ്ഞു. ഹൃ​ദ​യ​വേ​ദ​ന​യി​ൽ അ​വ​ർ ഉ​രു​കി​ത്തീ​രു​ക​യാ​യി​രു​ന്നോ? വാ​ത്സ​ല്യ​ത്തോ​ടെ അ​യാ​ളു​ടെ കൈ​ക​ൾ അ​യാ​ള​റി​യാ​തെ അ​വ​ളു​ടെ ത​ല​യി​ൽ ത​ഴു​കി. അ​പ്പോ​ഴാ​ണ് മ​ക​ൻ മു​റി​യി​ലേ​ക്ക് ക​ട​ന്നു​വ​ന്ന​ത്.

അ​വ​ൻ ഓ​ർ​മി​പ്പി​ച്ചു: ‘‘ഡാ​ഡി, മ​മ്മി​യെ എ​ടു​ക്കാ​നു​ള്ള സ​മ​യ​മാ​യി!’’ അ​വ​നെ സം​ബ​ന്ധി​ച്ച് അ​ത് ജീ​വി​ത​ചി​ട്ട​യി​ലെ ഒ​രു ഭാ​ഗ​മാ​യി മാ​റി​യി​രു​ന്നു. ത​ന്നി​ലേ​ക്ക് ചേ​ർ​ത്തു​പി​ടി​ച്ച് അ​വ​ൾ മ​ക​നെ ആ​ലിം​ഗ​നം ചെ​യ്തു. അ​ന്നും അ​വ​ളെ​യും വ​ഹി​ച്ച് കി​ട​പ്പു​മു​റി​യി​ൽ നി​ന്ന് വ​രാ​ന്ത​യി​ലേ​ക്ക് അ​യാ​ൾ ന​ട​ന്നു. അ​വ​ൾ ത​ന്റെ ഇ​രു​കൈ​ക​ളും അ​യാ​ളു​ടെ ക​ഴു​ത്തി​ലൂ​ടെ അ​ല​സ​മാ​യി പി​ടി​ച്ചി​രു​ന്നു. അ​യാ​ൾ അ​വ​ളെ ശ​ക്ത​മാ​യി ചേ​ർ​ത്തു​പി​ടി​ച്ചു.

നി​ബ​ന്ധ​ന​പ്ര​കാ​ര​മു​ള്ള അ​വ​സാ​ന​ദി​ന​ത്തി​ൽ അ​വ​ളെ​യും വ​ഹി​ച്ച് മു​ന്നോ​ട്ടു​ന​ട​ക്കാ​ൻ അ​യാ​ൾ പ്ര​യാ​സ​പ്പെ​ട്ടു. ഇ​ന്ന് മ​ന​സ്സ് നി​റ​ച്ച ഈ ​ഇ​ണ​ക്ക​വും സ്നേ​ഹ​വും ത​ങ്ങ​ളു​ടെ ക​ഴി​ഞ്ഞ​കാ​ല വി​വാ​ഹ ജീ​വി​ത​ത്തി​ൽ എ​ങ്ങ​നെ​യാ​ണ് ന​ഷ്​​ട​മാ​യ​തെ​ന്ന് അ​യാ​ൾ സ്വ​ന്ത​ത്തോ​ട് ചോ​ദി​ച്ചു. വ​രാ​ന്ത​യി​ൽ അ​വ​ളെ വെ​ച്ച് കാ​റു​മെ​ടു​ത്ത് അ​തി​വേ​ഗം അ​യാ​ൾ പോ​യി. ചെ​റി​യ ചെ​റി​യ കാ​ര്യ​ങ്ങ​ളി​ലൂ​ടെ വൈ​വാ​ഹി​ക ജീ​വി​ത​ത്തി​ലെ​പ്പോ​ഴോ ക​യ​റി​വ​ന്ന മ​ടു​പ്പാ​ണ് ത​ന്നെ വി​വാ​ഹ​മോ​ച​ന​ത്തി​നും പു​ന​ർ​വി​വാ​ഹ​ത്തി​നും ചി​ന്തി​പ്പി​ച്ച​ത്. കാ​ര്യ​ങ്ങ​ളെ​ല്ലാം ത​​ന്റെ ഇ​ഷ്​​ട​പ്ര​കാ​രം ആ​കു​ന്നി​ല്ലെ​ന്ന തോ​ന്ന​ലി​ൽ​നി​ന്നും വ​ള​ർ​ന്ന ഇ​ഷ്​​ട​ക്കു​റ​വി​ൽ താ​ൻ കൈ​പി​ടി​ച്ച് സ്വീ​ക​രി​ച്ച ഭാ​ര്യ​യെ വെ​റു​ക്കു​ക​യാ​യി​രു​ന്നു. വി​വാ​ഹ​ദി​ന​ത്തി​ൽ ത​​ന്റെ കൈ​ത്ത​ണ്ട​യി​ൽ വ​ഹി​ച്ച​തു​പോ​ലെ വീ​ണ്ടും അ​വ​ളെ വ​ഹി​ക്കാ​നാ​വ​സ​രം കി​ട്ടി​യ ഈ ​സ​മ​യ​ത്ത് ല​ഭി​ച്ച തി​രി​ച്ച​റി​വി​ൽ, ത​​ന്റെ ജീ​വി​താ​വ​സാ​നം​വ​രെ അ​വ​ളെ വ​ഹി​ക്കു​മെ​ന്ന ദൃ​ഢ​നി​ശ്ച​യം​ചെ​യ്ത് അ​യാ​ൾ കാ​ർ ഓ​ടി​ച്ചു...

കാ​ല​ങ്ങ​ളാ​യി മ​ന​സ്സി​ൽ ക​യ​റ്റി​വെ​ച്ച ആ ​വ​ലി​യ ഭാ​രം അ​യാ​ൾ ഇ​റ​ക്കി​വെ​ച്ചു. പെ​യ്തൊ​ഴി​ഞ്ഞ പേ​മാ​രി​യി​ൽ മ​ന​സ്സും ചു​റ്റു​പാ​ടും ക​ഴു​കി വൃ​ത്തി​യാ​ക്ക​പ്പെ​ട്ടി​രി​ക്കു​ന്നു. ആ ​ന​ന​വു​ള്ള പ്ര​ത​ല​ത്തി​ൽ മ​ന​സ്സ്​ ശാ​ന്ത​മാ​യി. അ​ന്ന് നേ​ര​ത്തേ വീ​ട്ടി​ലെ​ത്ത​ണ​മെ​ന്ന് തീ​രു​മാ​നി​ച്ച് ഓ​ഫി​സി​ൽ​നി​ന്ന് നേ​ര​ത്തേ​ത​ന്നെ ഇ​റ​ങ്ങി. വീ​ട്ടി​ലേ​ക്ക് മ​ട​ങ്ങു​മ്പോ​ൾ അ​വ​ൾ​ക്ക് ന​ൽ​കാ​നാ​യി ഒ​രു സ​മ്മാ​നം വാ​ങ്ങ​ണം, അ​ൽ​പം മ​ധു​ര​വും. സ​മ്മാ​ന​പ്പെ​ട്ടി​യി​ൽ ഏ​താ​ണ് ആ​ശം​സാ​വ​ച​ന​മാ​യി എ​ഴു​തേ​ണ്ട​തെ​ന്ന് ക​ച്ച​വ​ട​ക്കാ​ര​ൻ ചോ​ദി​ച്ചു. ഒ​ട്ടു സം​ശ​യി​ക്കാ​തെ അ​യാ​ൾ മ​റു​പ​ടി പ​റ​ഞ്ഞു: ‘‘മ​ര​ണം ന​മ്മെ വേ​ർ​പെ​ടു​ത്തു​വോ​ളം എ​ല്ലാ പ്ര​ഭാ​ത​ത്തി​ലും ഞാ​നെ​​ന്റെ കൈ​ത്ത​ണ്ട​യി​ൽ വ​ഹി​ച്ച് നി​ന്നെ ഞാ​നെ​ന്നി​ലേ​ക്ക് ചേ​ർ​ത്തു​പി​ടി​ക്കും.’’ ഒ​രു ചി​രി​യോ​ടെ ക​ച്ച​വ​ട​ക്കാ​ര​ൻ ആ ​വാ​ക്കു​ക​ൾ കാ​ർ​ഡി​ലേ​ക്ക് പ​ക​ർ​ത്തി സ​മ്മാ​ന​പ്പൊ​തി​യി​ൽ വെ​ച്ചു.

അ​ന്ന​ത്തെ സാ​യാ​ഹ്ന​ത്തി​ന് വ​ല്ലാ​ത്തൊ​രു ശാ​ന്ത​ത​യാ​യി​രു​ന്നു. അ​ർ​ഥ​മു​ള്ള ജീ​വി​ത​ത്തി​ലേ​ക്ക് കാ​ലെ​ടു​ത്തു​വെ​ക്കാ​നു​ള്ള ധി​റു​തി​യോ​ടെ അ​യാ​ൾ വീ​ട്ടി​ലേ​ക്കെ​ത്തി. അ​വ​ളെ കെ​ട്ടി​പ്പി​ടി​ച്ച് മാ​പ്പു​പ​റ​യ​ണം. കൈ​ത്ത​ണ്ട​യി​ൽ നെ​ഞ്ചോ​ട് ചേ​ർ​ത്തു​പി​ടി​ച്ച് സ​മ്മാ​ന​പ്പൊ​തി​യും കൈ​യി​ൽ തൂ​ക്കി​പ്പി​ടി​ക്കാ​ത്ത മ​ധു​ര​പ​ല​ഹാ​ര​വും വി​ട​ർ​ന്ന പു​ഞ്ചി​രി​യു​മാ​യി അ​വ​ളു​ടെ അ​ടു​ത്തേ​ക്ക​യാ​ൾ ഓ​ടു​ക​യാ​യി​രു​ന്നു. പൂ​മു​ഖ​ത്തും സ്വീ​ക​ര​ണ​മു​റി​യി​ലും അ​ടു​ക്ക​ള​യി​ലും അ​വ​ളെ കാ​ണാ​ത്ത​തി​നാ​ൽ അ​യാ​ൾ കി​ട​പ്പു​മു​റി​യി​ലേ​ക്കോ​ടി. അ​വി​ടെ അ​വ​ൾ ആ ​ക​ട്ടി​ലി​ൽ നീ​ണ്ടു​കി​ട​ക്കു​ന്നു. സ​ന്തോ​ഷ​ത്തോ​ടെ അ​വ​ളെ വി​ളി​ച്ചു. അ​വ​ൾ അ​ന​ങ്ങി​യി​ല്ല. തൊ​ട്ടു​വി​ളി​ച്ച​പ്പോ​ഴാ​ണ​റി​ഞ്ഞ​ത് ആ ​മെ​ലി​ഞ്ഞ ശ​രീ​രം നി​ശ്ച​ല​മാ​യി​രി​ക്കു​ന്നു. സ​മ്മാ​ന​പ്പൊ​തി​യും മ​ധു​ര​പ​ല​ഹാ​ര​വും നി​ല​ത്തെ​റി​ഞ്ഞ് അ​യാ​ൾ അ​ല​റി.

അ​യാ​ള​റി​യാ​തെ​പോ​യ രോ​ഗം നീ​ണ്ട​കാ​ല​മാ​യി അ​വ​ളെ വേ​ട്ട​യാ​ടു​ന്നു​ണ്ടാ​യി​രു​ന്നു. ജീ​വി​ക്കാ​നു​ള്ള ഓ​ട്ട​ത്തി​നി​ട​യി​ൽ അ​യാ​ൾ​ക്ക​ത​റി​യാ​ൻ സ​മ​യം കി​ട്ടി​യി​രു​ന്നി​ല്ല. എ​ന്നാ​ൽ, ത​ന്നെ കീ​ഴ്‌​പ്പെ​ടു​ത്തി​യ രോ​ഗം ത​നി​ക്ക​ധി​കം അ​വ​ധി നീ​ട്ടി​ത്ത​രി​ല്ലെ​ന്ന​വ​ർ​ക്ക​റി​യാ​മാ​യി​രു​ന്നു. മ​ന​സ്സും ശ​രീ​ര​വും തീ​ക്ഷ്ണ പ​രീ​ക്ഷ​ണ​ത്തി​ന് വി​ധേ​യ​മാ​യ അ​വ​സാ​ന നാ​ളു​ക​ളി​ലും വി​വാ​ഹ​മോ​ച​നം കാ​ര​ണം ത​ന്റെ മ​ക​ൻ പി​താ​വി​നെ വെ​റു​ക്ക​രു​തെ​ന്നും മ​ക​ന്റെ മു​ന്നി​ൽ ഭാ​ര്യ​യെ സ്നേ​ഹി​ക്കു​ന്ന ഭ​ർ​ത്താ​വി​ന്റെ ചി​ത്രം വ​ര​ച്ചി​ട്ടു​കൊ​ണ്ട് പി​രി​യ​ണ​മെ​ന്നും അ​വ​ൾ ആ​ഗ്ര​ഹി​ച്ചി​രു​ന്നു.