ഇരുട്ട്

ബാ​ച്ചി​ല​ർ ഫ്ലാ​റ്റി​ൽ സ​ഹ​വാ​സി​ക​ളോ​ടൊ​പ്പം സു​ലൈ​മാ​നി​യു​ടെ രു​ചി​യും ക​ടു​പ്പ​വും നു​ണ​ഞ്ഞ്​ വൈ​കു​ന്നേ​ര​ത്തെ വെ​ടി​വ​ട്ടം ആ​സ്വ​ദി​ച്ചി​രി​ക്കു​മ്പോ​ഴാ​ണ് ഷാ​ജി​യു​ടെ ഫോ​ൺ ശ​ബ്​​ദി​ച്ച​ത്. നാ​ട്ടി​ൽ​നി​ന്നും ഭാ​ര്യ സു​ഹാ​ന​യു​ടെ പ​തി​വ്​ കി​ളി​മൊ​ഴി. റൊ​മാ​ൻ​സി​ൽ തു​ട​ങ്ങി​യ സം​സാ​രം പ​തി​യെ ഗൗ​ര​വ​ത്തി​ലേ​ക്ക്​ ക​ട​ന്ന​പ്പോ​ൾ ആ​ത്മ​ഗ​തം പോ​ലെ ഷാ​ജി പ​റ​ഞ്ഞു:​ ‘ഹോ... ​ഇ​നി മൂ​ന്നു​മാ​സം കൂ​ടി​യ​ല്ലേ ഉ​ള്ളൂ മോ​​ന്റെ പ​ഠി​ത്തം. അ​തു​ക​ഴി​ഞ്ഞി​ട്ടു​വേ​ണം എ​​ന്റെ ന​ടു​വൊ​ന്ന് നി​വ​ർ​ത്താ​ൻ.’

സു​ഹാ​ന പെ​​ട്ടെ​ന്നെ​ന്തോ ഓ​ർ​ത്തി​​​ട്ടെ​ന്ന പോ​ലെ പ​റ​ഞ്ഞു: ‘നാ​ളെ മോ​ന്റെ കോ​ള​ജി​ലേ​ക്ക് ചെ​ല്ലാ​ൻ പ​റ​ഞ്ഞി​ട്ടു​ണ്ട്. കാ​മ്പ​സ് സെ​ല​ക്ഷ​ൻ ന​ട​ക്കു​ന്ന​തി​നെ​പ്പ​റ്റി പ​റ​യാ​നാ​യി​രി​ക്കും.’ ഷാ​ജി​യു​ടെ മു​ഖം പ്ര​കാ​ശ​ഭ​രി​ത​മാ​യി. പി​റ്റേ​ന്ന് കോ​ള​ജി​ൽ പോ​യി​വ​ന്ന​തി​നു​ശേ​ഷം വി​ശേ​ഷ​ങ്ങ​ൾ അ​റി​യി​ക്കൂ എ​ന്ന്​ പ​റ​ഞ്ഞ്​ ഷാ​ജി ഫോ​ൺ വ​ച്ചു.

സൗ​ദി​യി​ൽ മു​പ്പ​തി​ൽ​പ​രം കൊ​ല്ല​ങ്ങ​ളാ​യി ജോ​ലി​യെ​ടു​ക്കു​ന്ന പ്ര​വാ​സി​യാ​ണ്​ ഷാ​ജി. കു​ടും​ബ​ഭാ​രം, പെ​ങ്ങ​ന്മാ​രു​ടെ ക​ല്യാ​ണം, വീ​ടു​പ​ണി, സ്വ​ന്തം ക​ല്യാ​ണം, മ​ക​​ന്റെ പ​ഠ​നം ഇ​വ​യെ​ല്ലാം നി​മി​ത്തം അ​യാ​ളു​ടെ പ്ര​വാ​സ​ത്തി​​ന്റെ ദൈ​ർ​ഘ്യം കൂ​ടി​ക്കൊ​ണ്ടി​രു​ന്നു. വാ​ർ​ധ​ക്യ സ​ഹ​ജ​മാ​യ അ​സു​ഖ​ങ്ങ​ളെ​ല്ലാം അ​വ​ഗ​ണി​ച്ചു​കൊ​ണ്ട് അ​മ്പ​ത്തെ​ട്ടാം വ​യ​സ്സി​ലും അ​ദ്ദേ​ഹം വി​ശ്ര​മ​വേ​ള​ക​ളി​ലും ജോ​ലി​ചെ​യ്ത് ഒ​രു ക​ര​ക്കെ​ത്താ​ൻ ശ്ര​മി​ക്കു​ക​യാ​ണ്.

ഫോ​ൺ വി​ളി ക​ഴി​ഞ്ഞ​പ്പോ​ൾ ഷാ​ജി​യു​ടെ മു​ഖ​ത്തു​ണ്ടാ​യ സ​ന്തോ​ഷം റൂ​മി​ലു​ള്ള​വ​ർ ശ്ര​ദ്ധി​ക്കു​ന്നു​ണ്ടാ​യി​രു​ന്നു. സ​ഹ​വാ​സി​ക​ളി​ലൊ​രാ​ൾ ‘ഇ​ന്നെ​ന്താ മു​ഖ​ത്ത് പ്ര​ത്യേ​ക ഒ​രു​പ്ര​കാ​ശം’ എ​ന്ന് ചോ​ദി​ച്ച​തി​ന് മ​റ്റൊ​രാ​ൾ അ​ല്ലേ​ലും കെ​ട്ട്യോ​ളു വി​ളി​ക്കു​മ്പോ​ൾ ഈ ​പ്ര​കാ​ശം കാ​ണാ​റു​ണ്ട​ല്ലോ എ​ന്ന്​ മ​റു​പ​ടി പ​റ​ഞ്ഞു. പ​ക്ഷെ ഇ​ന്നെ​ന്തോ പ്ര​ത്യേ​ക​ത​യു​ണ്ട് എ​ന്നാ​യി മ​റ്റൊ​രാ​ൾ. എ​ല്ലാ​വ​രോ​ടു​മാ​യി പു​ഞ്ചി​രി​ച്ചു​കൊ​ണ്ട് ഷാ​ജി പ​റ​ഞ്ഞു: ‘പ്ര​ത്യേ​കി​ച്ചൊ​ന്നും ഇ​ല്ല മ​ക്ക​ളെ. മോ​ൻ എ​ൻ​ജി​നീ​യ​ർ ആ​കാ​ൻ ഇ​നി മൂ​ന്നു മാ​സം കൂ​ടെ. അ​തു​ക​ഴി​ഞ്ഞാ​ൽ എ​​ന്റെ ക​ഷ്​​ട​പ്പാ​ടൊ​ക്കെ തീ​രൂം​ന്ന് പ​റ​യ്യാ​യി​രു​ന്നു ഞ​ങ്ങ​ൾ.’

ഓ​വ​ർ ടൈം ​ഡ്യൂ​ട്ടി​ക്ക് പോ​കാ​നൊ​രു​ങ്ങി​യ ഷാ​ജി​യോ​ട്​ സ​ഹ​വാ​സി​ക​ളൊ​രാ​ൾ പ​റ​ഞ്ഞു: ‘നി​ങ്ങ​ളീ രാ​ത്രി​യും പ​ക​ലും ഇ​ങ്ങ​നെ അ​ധ്വാ​നി​ക്കു​ന്ന​തി​നോ​ട് എ​നി​ക്കൊ​ട്ടും യോ​ജി​പ്പി​ല്ലാ​ട്ടോ. ഇ​ട​ക്കൊ​ക്കെ സ്വ​ന്തം ആ​രോ​ഗ്യം നോ​ക്ക​ണം. ഇ​പ്പോ ത​ന്നെ ഇ​ല്ലാ​ത്ത അ​സു​ഖ​ങ്ങ​ളൊ​ന്നും ഇ​ല്ല. ഇ​ങ്ങ​നെ ഓ​വ​ർ​ടൈം ഡ്യൂ​ട്ടി എ​ടു​ത്താ​ൽ നി​ങ്ങ​ളി​ല്ലാ​ണ്ടാ​വും മ​നു​ഷ്യാ...’

നൊ​മ്പ​രം ക​ല​ർ​ന്നൊ​രു പു​ഞ്ചി​രി​യാ​യി​രു​ന്നു മ​റു​പ​ടി: ‘എ​ന്നി​ട്ടും ഒ​ന്നും എ​വി​ടേം എ​ത്ത​ണി​ല്ല. ര​ണ്ട​റ്റോം കൂ​ട്ടി​മു​ട്ടി​ക്ക​ണ്ടേ... എ​ല്ലാം ശ​രി​യാ​കും’

‘എ​ത്ര കൊ​ല്ല​മാ​യി ഇ​ദ്ദേ​ഹം ഇ​വി​ടെ ഇ​ങ്ങ​നെ കി​ട​ന്ന്​ ക​ഷ്​​ട​പ്പെ​ടു​ന്നു.’ ജോ​ലി​ക്ക്​ പോ​കാ​നി​റ​ങ്ങി​യ ഷാ​ജി കാ​ഴ്​​ച​യി​ൽ​നി​ന്ന്​ പ​റ​ഞ്ഞ​​പ്പോ​ൾ കൂ​ട്ട​ത്തി​ലൊ​രാ​ൾ മ​ന്ത്രി​ക്കും പോ​ലെ പ​റ​ഞ്ഞു.

*************

പ്ര​മു​ഖ​മാ​യൊ​രു എ​ൻ​ജി​നീ​യ​റി​ങ്​ കോ​ള​ജി​ലാ​ണ്​ ഷാ​ജി​യു​ടെ​യും സു​ഹാ​ന​യു​ടെ​യും ഏ​ക​മ​ക​നാ​യ ഷാ​ഹു​ൽ പ​ഠി​ക്കു​ന്ന​ത്. അ​വ​സാ​ന​വ​ർ​ഷ​മാ​ണ്. കോ​ള​ജി​ൽ​നി​ന്നും വി​ളി​ച്ച​തി​നെ​ത്തു​ട​ർ​ന്നാ​ണ്​ സു​ഹാ​ന കോ​ള​ജി​ൽ എ​ത്തി​യ​ത്. ത​ന്റെ മ​ക​നെ കൂ​ടാ​തെ മ​റ്റു​ മൂ​ന്ന്​ ആ​ൺ​കു​ട്ടി​ളെ​യും ര​ണ്ടു പെ​ൺ​കു​ട്ടി​ക​ളെ​യും കൂ​ടി ഓ​ഫീ​സ് റൂ​മി​ലേ​ക്ക് പ്രി​ൻ​സി​പ്പ​ൽ വി​ളി​ച്ചു​വ​രു​ത്തി​യി​ട്ടു​ണ്ട്.

ന​ല്ല ദേ​ഷ്യ​ത്തി​ലാ​ണ്​ പ്രി​ൻ​സി​പ്പ​ൽ, ക​ടു​പ്പ​മേ​റി​യ സ്വ​ര​ത്തി​ൽ അ​ദ്ദേ​ഹം പ​റ​ഞ്ഞു: അ​ധി​കം വ​ള​ച്ചു​കെ​ട്ടി​ല്ലാ​തെ പ​റ​യാം, നി​ങ്ങ​ളെ​പ്പോ​ലു​ള്ള കാ​ശു​കാ​രു​ടെ മ​ക്ക​ൾ കാ​ര​ണം പാ​വ​പ്പെ​ട്ട വീ​ട്ടി​ലെ കു​ട്ടി​ക​ൾ കൂ​ടി വ​ഴി​തെ​റ്റു​ക​യാ​ണ്. ഗ​ൾ​ഫു​കാ​രു​ടെ മ​ക്ക​ൾ​ക്ക് ആ​ർ​മാ​ദി​ക്കാ​നു​ള്ള കാ​ശ് പാ​ര​ന്റ്​​സ്​ അ​യ​ച്ചു​കൊ​ടു​ക്കു​ന്നു​ണ്ടാ​വും. കാ​ശു​ണ്ടെ​ങ്കി​ൽ പി​ന്നെ എ​ന്ത് തോ​ന്ന്യ​വാ​സ​വും ആ​കാ​​മെ​ന്നാ​ണ​ല്ലോ​! സ്ഥി​ര​മാ​യി ക്ലാ​സ് ക​ട്ട്ചെ​യ്ത് മോ​നി​വി​ടെ എ​ന്താ​യി​രു​ന്നു ബി​സി​ന​സ് എ​ന്ന​റി​യാ​മോ? ഈ ​കോ​ള​ജി​ലെ ഡ്ര​ഗ് ഡീ​ല​റാ​ണ് ഇ​ദ്ദേ​ഹം. സ​പ്പോ​ർ​ട്ടി​ന്​ പെ​ണ്ണു​ങ്ങ​ള​ട​ക്ക​മു​ള്ള ഗ്യാ​ങ്ങും.

സം​ശ​യം തോ​ന്നി ഹോ​സ്​​റ്റ​ൽ വാ​ർ​ഡ​ൻ മു​റി പ​രി​ശോ​ധി​ച്ച​പ്പോ​ൾ കി​ട്ടി​യ​താ ഇ​തെ​ല്ലാം’.

മേ​ശ​പ്പു​റ​ത്ത് സി​റി​ഞ്ചും പൊ​ട്ടി​യ ആം​പ്യൂ​ളു​ക​ളും മ​യ​ക്കു​മ​രു​ന്നി​​ന്റെ പൊ​ടി​ക​ളും ചൂ​ണ്ടി​ക്കാ​ണി​ച്ചു​കൊ​ണ്ട് അ​ദ്ദേ​ഹം ദേ​ഷ്യ​ത്തോ​ടെ തു​ട​ർ​ന്നു: ‘ഈ ​കു​ട്ടി​ക​ളെ​ല്ലാം തീ​രെ പാ​വ​പ്പെ​ട്ട വീ​ടു​ക​ളി​ൽ നി​ന്നു​ള്ള​വ​രാ​ണ്. ഇ​വ​രു​ടെ ഭാ​വി ഓ​ർ​ത്താ​ണ്, ചെ​യ്യാ​ൻ പാ​ടി​ല്ലെ​ന്ന​റി​ഞ്ഞി​ട്ടും ഞാ​ൻ പൊ​ലീ​സി​ൽ അ​റി​യി​ക്കാ​തി​രു​ന്ന​ത്. എ​നി​ക്കൊ​ന്നേ പ​റ​യാ​നു​ള്ളൂ. ഈ ​കു​ട്ടി​ക​ളു​ടെ ഭാ​വി ക​ള​യാ​ൻ ഇ​ട​വ​രു​ത്താ​തെ നി​ങ്ങ​ളു​ടെ മ​ക​നെ ഇ​വി​ടു​ന്ന് കൊ​ണ്ടു​പോ​യി വ​ല്ല ഡി ​അ​ഡി​ക്ഷ​ൻ സെ​ന്റ​റി​ലും ആ​ക്ക്.’

കാ​മ്പ​സ്​ ഇ​ൻ​റ​ർ​വ്യൂ​വി​നു​ള്ള വി​ളി​യാ​ണെ​ന്ന്​ ക​രു​തി സ​ന്തോ​ഷ​ത്തോ​ടെ വ​ന്ന സു​ഹാ​ന മ​ക​നെ​ക്കു​റി​ച്ചു​ള്ള വി​വ​ര​ങ്ങ​ൾ കേ​ട്ട്​ പ​ക​ച്ചു​നി​ന്നു​പോ​യി. പൊ​ട്ടി​ക്ക​ര​ഞ്ഞു. ഇ​ട​യ്​​ക്കി​ടെ മു​റി​ഞ്ഞ വാ​ക്കു​ക​ളി​ൽ അ​വ​ർ പ​റ​ഞ്ഞു: ‘മാ​ഡം, നി​ങ്ങ​ളൊ​ക്കെ ക​രു​തു​ന്ന​പോ​ലെ എ​ല്ലാ ഗ​ൾ​ഫു​കാ​രും കാ​ശു​കാ​ര​ല്ല. ഈ ​ഒ​രു മ​ക​നി​ൽ പ്ര​തീ​ക്ഷ വെ​ച്ചി​ട്ടാ ഞ​ങ്ങ​ൾ ജീ​വി​ക്കു​ന്ന​ത്. അ​ദ്ദേ​ഹം ഉ​റ​ക്കം​പോ​ലും ഇ​ല്ലാ​തെ രാ​പ്പ​ക​ൽ അ​വി​ടെ​ക്കി​ട​ന്ന് അ​ധ്വാ​നി​ക്കു​ക​യാ​ണ്.’

കു​നി​ഞ്ഞു​നി​ൽ​ക്കു​ന്ന മ​ക​​ന്റെ മു​ഖം പി​ടി​ച്ചു​യ​ർ​ത്തി സു​ഹാ​ന നി​ല​വി​ളി പോ​ലെ ചോ​ദി​ച്ചു: ‘എ​ല്ലാം ത​ക​ർ​ത്തി​ല്ലേ​ടാ...’ കൊ​ടു​ങ്കാ​റ്റി​ലു​ല​ഞ്ഞ മ​രം പോ​ലെ അ​വ​ർ നി​ന്നാ​ടി ഭി​ത്തി​യി​ലേ​ക്ക്​ ചാ​രി.

**************

ഷി​ഫ്​​റ്റ്​ മാ​റു​ന്ന സ​മ​യ​മാ​യ​പ്പോ​ൾ ഷാ​ജി ഓ​ഫീ​സി​ലേ​ക്ക്​ ഓ​ടി. മാ​നേ​ജ​രു​ടെ മു​ന്നി​ൽ പോ​യി​നി​ന്ന്​ അ​യാ​ൾ കി​ത​ച്ചു: ‘എ​നി​ക്ക് ഓ​വ​ർ​ടൈം ഡ്യു​ട്ടി ഇ​ന്ന് കി​ട്ടു​മോ സ​ർ?’

മാ​നേ​ജ​രു​ടെ മു​ഖ​ത്ത്​ അ​നു​ഭാ​വ​പൂ​ർ​വ​മു​ള്ള ആ ​പ​തി​വ്​ പു​ഞ്ചി​രി: ഈ​യി​ട​യാ​യി ഷാ​ജി​ക്ക് കാ​ശി​നോ​ട് ആ​ർ​ത്തി കൂ​ടി​യോ?’

‘അ​ത​ല്ല, മോ​ന്റെ പ​ഠി​ത്ത​ത്തി​നും മ​റ്റു​മാ​യി അ​ടു​ത്ത മാ​സം കു​റ​ച്ച്​ കാ​ശ് കൂ​ടു​ത​ൽ വേ​ണ​മാ​യി​രു​ന്നു’ ഷാ​ജി പ​രു​ങ്ങ​ലോ​ടെ പ​റ​ഞ്ഞു.

‘ഇ​ന്നി​ല്ല, നാ​ളെ നോ​ക്കാം...’ മാ​നേ​ജ​ർ പു​റ​ത്തേ​ക്ക്​ ന​ട​ന്നു. സൗ​ദി​യി​ലെ ശീ​തീ​ക​രി​ച്ച ഭ​ക്ഷ്യ​വ​സ്തു​ക്ക​ളു​ടെ ഗോ​ഡൗ​ണി​ലാ​ണ്​ ഷാ​ജി​ക്ക്​ ജോ​ലി. അ​തി​ക​ഠി​ന​മാ​യ ത​ണു​പ്പാ​ണ്​ അ​തി​നു​ള​ളി​ൽ. അ​തേ ത​ണു​പ്പ്​ ത​​ന്റെ ഉ​ള്ളി​ലും ഉ​റ​യു​ന്ന​പോ​ലെ... എ​ത്ര കൂ​ട്ടി​യി​ട്ടും ര​ണ്ട​റ്റം കൂ​ട്ടി​മു​ട്ടി​ക്കാ​നാ​വു​ന്നി​ല്ല... ആ​ലോ​ചി​ക്കു​മ്പോ​ൾ ഒ​രു ഉ​ത്ത​രം കി​ട്ടാ​താ​വു​​മ്പോ​ഴു​ള്ള മ​ര​വി​പ്പാ​ണ്. താ​മ​സ​സ്ഥ​ല​ത്തേ​ക്ക്​ ന​ട​ക്കു​മ്പോ​ൾ ഷാ​ജി​യു​ടെ ഫോ​ൺ ശ​ബ്​​ദി​ച്ചു. മ​റു​ത​ല​യ്​​ക്ക​ൽ സു​ഹാ​ന​യാ​ണ്. ഒ​രു പൊ​ട്ടി​ക്ക​ര​ച്ചി​ലാ​ണ്​ കേ​ട്ട​ത്. എ​ല്ലാം കേ​ട്ടു​ക​ഴി​ഞ്ഞ​പ്പോ​ൾ മ​ഞ്ഞു​പോ​ലെ ഉ​റ​ഞ്ഞു​പോ​യി ഷാ​ജി.

എ​ങ്ങ​നെ​യോ മു​റി​യി​ലെ​ത്തി... വേ​ഷം പോ​ലും മാ​റാ​നാ​യി​ല്ല... കി​ട​ക്ക​യി​ലേ​ക്ക്​ വീ​ണു. ത​ള​ർ​ന്ന ക​ണ്ണു​ക​ൾ താ​നെ അ​ട​ഞ്ഞു.... ചെ​വി​യി​ൽ നേ​രി​യ ഒ​രു മൂ​ള​ൽ... നോ​ക്കു​​മ്പോ​ൾ വാ​യു​വി​ലേ​ക്ക്​ കു​തി​ച്ചു​യ​രു​ന്ന ഒ​രു വി​മാ​നം.... റി​മോ​ട്ടി​ൽ ഞെ​ക്കി അ​തി​ന്റെ ഗ​തി നി​യ​ന്ത്രി​ക്കു​ന്ന മോ​ന്റെ ക​ള​ക​ള ചി​രി... നോ​ട്ടം ഇ​ട​ഞ്ഞ​പ്പോ​ൾ അ​വ​ൻ റി​മോ​ട്ടു​മാ​യി ഓ​ടി വ​ന്ന്​ മ​ടി​യി​ലേ​ക്ക്​ വ​ലി​ഞ്ഞു​ക​യ​റി. വ​യ​റി​ലേ​ക്ക്​ ചാ​രി ഇ​രി​പ്പു​റ​പ്പി​ച്ച ശേ​ഷം കൂ​ടു​ത​ൽ ഉ​യ​ര​ത്തി​ൽ വി​മാ​നം പ​റ​ത്തി​ക്കാ​നു​ള്ള ശ്ര​മ​ത്തി​ലേ​ക്ക്​ അ​വ​​ന്റെ കൈ​ക​ൾ റി​മോ​ട്ട്​ ക​ൺ​ട്രാ​ളി​ൽ ധൃ​തി​പ്പെ​ട്ടു...

‘മോ​ന്​ വ​ലു​താ​കു​മ്പോ​ൾ ആ​രാ​ക​ണം?’

‘എ​നി​ക്ക്​​ പ​യ​ല​റ്റാ​യാ​ൽ മ​തി. ന്നി​ട്ട് വേ​ണം പ​പ്പ​യെ​യും കൊ​ണ്ട് ഗ​ൾ​ഫി​ലേ​ക്ക്​ പ​റ​ക്കാ​ൻ’

‘ആ​ങ്​​ഹാ.... ആ​ഗ്ര​ഹം കൊ​ള്ളാം. അ​തി​നേ... ഇ​ങ്ങ​നെ ക​ളി​ച്ചു​കൊ​ണ്ടി​രി​ക്കാ​തെ ന​ന്നാ​യി പ​ഠി​ക്ക​ണം’ ഉ​മ്മ​യു​ടെ ജാ​ഗ്ര​ത​യോ​ടെ ഗൗ​ര​വ​ത്തി​ലാ​വു​ന്ന സു​ഹാ​ന...

‘അ​വ​നി​പ്പോ ക​ളി​ച്ചു ന​ട​ക്കേ​ണ്ട സ​മ​യ​മ​ല്ലേ! പ​ഠി​ക്കേ​ണ്ട സ​മ​യ​മാ​കു​​മ്പോ പ​ഠി​ച്ചോ​ളും’ എ​ന്ന്​ ഉ​പ്പ​യു​ടെ ക​രു​ത​ൽ...

‘ഈ ​പ​പ്പ​യാ​ണ് കൊ​ച്ചി​നെ വ​ഷ​ളാ​ക്കു​ന്ന​ത്​’ എ​ന്ന്​ അ​വ​ളു​ടെ പ​രി​ഭ​വം... ആ ​ശ​ബ്​​ദം പ​തി​യെ അ​ടു​ക്ക​ള​യി​ലേ​ക്ക് ല​യി​ക്കു​ന്നു... പ​തി​യെ എ​ല്ലാ ശ​ബ്​​ദ​ങ്ങ​ളും നി​ല​യ്​​ക്കു​ന്നു... കാ​ഴ്​​ച​ക​ൾ മ​ങ്ങൂ​ന്നു... വി​മാ​നം പ​റ​ക്കു​ന്നി​ല്ല... മോ​​ന്റെ ക​ള​ക​ള ചി​രി​യി​ല്ല... ചെ​വി​ക​ളെ ഒ​രു വ​ലി​യ നി​​ശ​ബ്​​ദ​ത വ​ന്ന്​ മൂ​ടു​ന്നു...