എപ്പളാ ടീച്ചറേ ഉച്ചയാവത്?

അ​ടു​ത്തൂ​ൺ പ​റ്റു​ന്ന അ​ന്ന​മ്മ ടീ​ച്ച​റു​ടെ യാ​ത്രയ​യ​പ്പും സ്കൂ​ൾ വാ​ർ​ഷി​ക​വും ഒ​ന്നി​ച്ച് ഗം​ഭീ​ര​മാ​ക്കാ​നു​ള്ള ഒ​രു​ക്ക​ത്തി​ലാ​ണ് നാ​ട്ടു​കാ​രും അ​ധ്യാ​പ​ക​രും. പോ​രാ​ത്ത​തി​ന് എം.​എ​ൽ.​എ ഫ​ണ്ടും പ​ഞ്ചാ​യ​ത്ത് ഫ​ണ്ടും ചേ​ർ​ന്ന് ര​ണ്ടു​കോ​ടി​യു​ടെ പു​തി​യ കെ​ട്ടി​ടം ഉ​ദ്ഘാ​ട​നം ചെ​യ്യു​ന്ന പ​രി​പാ​ടി​യും അ​ന്നു​ത​ന്നെ​യാ​ണ്. എ​ല്ലാം ചേ​ർ​ന്ന ഒ​രു​ക്ക​ങ്ങ​ളു​ടെ ഉ​ത്സ​വാ​ന്ത​രീക്ഷ​ത്തി​ലാ​ണ് സ്കൂ​ൾ. ഡാ​ൻ​സ് പ​ഠി​പ്പി​ക്കേ​ണ്ട​തി​ന്റെ ചു​മ​ത​ല ര​മ​ണി ടീ​ച്ച​ർ​ക്കാ​ണ്. ഒ​രു കാ​ര്യം ഏ​റ്റെ​ടു​ത്താ​ൽ അ​തു​ക​ഴി​ഞ്ഞേ സ്വ​ന്തം കാ​ര്യംപോ​ലും ടീച്ച​ർ​ക്കു​ള്ളൂ.

ര​മ​ണി ടീ​ച്ച​ർ വൈ​കാ​തെ പെ​ൻ​ഷ​നാ​വും. പി​ന്നെ ഇ​തൊ​ക്കെ ആ​രാ​ണ് ഏ​റ്റെ​ടു​ക്കു​ക എ​ന്ന് പ​കു​തി കാ​ര്യ​ത്തി​ലും പ​കു​തി ത​മാ​ശ​യാ​യും മ​റ്റു ടീ​ച്ച​ർ​മാ​ർ സ​ന്ദേ​ഹ​പ്പെ​ടാ​റു​ണ്ട്. ഈ ​സ​മ​യ​ത്താ​ണ് ര​മ​ണി ടീ​ച്ച​ർ​ക്ക് പ്ര​ധാ​ന അ​ധ്യാ​പി​ക​യാ​യി സ്ഥാ​ന​ക്കയ​റ്റ​ത്തോ​ടെ സ്ഥ​ല​മാ​റ്റ ഉ​ത്ത​ര​വ് വ​രു​ന്ന​ത്. സ്ഥ​ല​മാ​റ്റ​മാ​ണെ​ങ്കി​ൽ പാ​ല​ക്കാ​ട്ട് ജി​ല്ല​യു​ടെ കി​ഴ​ക്കേ​യ​റ്റ​ത്ത് പ​ശ്ചി​മ​ഘ​ട്ട മ​ല​നി​ര​ക​ളു​ടെ മ​ടി​ത്ത​ട്ടി​ലേ​ക്കാ​ണ്. ത​മി​ഴ്നാ​ടി​നോ​ട് തൊ​ട്ടു​രു​മി കി​ട​ക്കു​ന്ന കൊ​ച്ചു ഗ്രാ​മ​ത്തി​ലാ​ണ് പു​തി​യ സ്കൂ​ൾ. 28 വ​ർ​ഷ​ത്തെ അ​ധ്യാ​പ​ന ജോ​ലി​യു​ടെ അ​വ​സാ​ന കാ​ല​ത്ത് ജ​ന്മ​നാ​ട്ടി​ൽ​നി​ന്നും മാ​റി പോ​യി ജോ​ലി ചെ​യ്യ​ണോ? ടീ​ച്ച​റു​ടെ കു​ടും​ബ സ​ദ​സ്സ് ഗ​ഹ​ന​മാ​യി ച​ർ​ച്ച ന​ട​ത്തി. എ​ന്തി​നാ​പ്പ​ത്... വെ​റു​തെ പി​രി​യാ​ൻ​കാ​ല​ത്തൊ​രു ക​ഷ്ട​പ്പാ​ട്..! പ്ര​മോ​ഷ​ൻ റി​ലി​ങ്ക്വി​ഷ് ചെ​യ്താ​ലോ? ചെ​റി​യൊ​രു സാ​മ്പ​ത്തി​ക ലാ​ഭ​ത്തി​നുവേ​ണ്ടി, ഉ​ള്ള അ​സു​ഖ​ങ്ങ​ളൊ​ക്കെ വെ​ച്ച് കാ​ണാസ്ഥ​ല​ത്ത് പോ​യി ക​ഷ്ട​പ്പെ​ട​ണോ? ച​ർ​ച്ച​ക്കൊ​ടു​വി​ൽ തി​രു​മാ​ന​മൊ​ന്നു ഉ​രു​ത്തിരി​ഞ്ഞു​വ​ന്നു. അ​ടു​ത്തേ​ക്ക് എ​വി​ടെ​ക്കെ​ങ്കി​ലും സ്ഥ​ലം​മാ​റ്റം കി​ട്ടു​മോ എ​ന്ന് ഒ​ന്ന് പ​രി​ശ്ര​മി​ച്ചു നോ​ക്കാം. നേ​താ​ക്ക​ളെ പ​ല​രെ​യും നേ​രി​ൽ ക​ണ്ടു. നോ​ക്കാ​മെ​ന്ന് എ​ല്ലാ​വ​രും പ​റ​ഞ്ഞു. പ​ക്ഷേ, അ​വ​രെ​ല്ലാം നോ​ക്കി​യ​ത് അ​വ​ർ​ക്ക് ഏ​റ്റ​വും വേ​ണ്ട​പ്പെ​ട്ട മറ്റൊ​രാ​ളാ​യി​രു​വെ​ന്നു മാ​ത്രം.

ഇ​ത​റി​ഞ്ഞ​പ്പോ​ൾ ര​മ​ണി ടീ​ച്ച​ർ​ക്ക് വാ​ശി​യാ​യി. ഇ​നി ആ​രു​ടെ​യും കാ​ലുപി​ടി​ക്കാ​ൻ​ വ​യ്യ. പു​തി​യ വെ​ല്ലു​വി​ളി ഏ​റ്റെ​ടു​ക്കു​കത​ന്നെ. റി​ലീ​വ് ചെ​യ്യു​മ്പോ​ൾ ഹെ​ഡ്മാ​സ്റ്റ​റും മ​റ്റു സ​ഹ​ അ​ധ്യാ​പ​ക​രും വി​ഷ​മ​ത്തോ​ടെ പ​റ​ഞ്ഞു, ‘ഈ ​സ​മ​യ​ത്ത് ടീ​ച്ച​റു​ പോ​യാ​ൽ വാ​ർ​ഷി​ക​ത്തി​ന്റെ കാ​ര്യം?’ അ​തു കേ​ട്ട് ര​മ​ണി ടീ​ച്ച​ർ പ​റ​ഞ്ഞു ‘ഇ​തോ​ണ്ട് ആ​രും വി​ഷ​മി​ക്ക​ണ്ട.​ ഞാ​ൻ പോ​യി ജോ​യി​ൻചെ​യ്ത് ഒ​രാ​ഴ്ച ലീ​വെ​ടു​ത്തു വ​രാം. ഡാ​ൻ​സി​ന്റെ കാ​ര്യം ഞാ​നേ​റ്റു.’

ഒ​രു ഉ​ശി​രി​ന് പോ​കാ​ൻ ത​യാ​റാ​യെ​ങ്കി​ലും വീ​ട്ടി​ൽ​നി​ന്ന് എ​താ​ണ്ട് നൂ​റ് കി​ലോ​മീ​റ്റ​ർ​ ദൂ​രെ​പോ​യി ജോ​ലിചെ​യ്യേ​ണ്ട സാ​ഹ​സ​മോ​ർ​ത്ത് ടീ​ച്ച​ർ ഉ​ള്ളാ​ലെ ഭ​യ​പ്പെ​ട്ടു. കൂ​ടെ​യു​ള്ള പ്ര​മേ​ഹ​വും ഹൃ​ദ്രോ​ഗ​വും എ​ന്തു ചെ​യ്യു​മെ​ന്ന ആ​ശ​ങ്ക​യും ടീ​ച്ച​റെ ആ​ധി പി​ടി​പ്പി​ച്ചു.

റി​ലീ​വ് ചെ​യ്ത​തി​ന്റെ തൊ​ട്ട​ടു​ത്ത ദി​വ​സം അ​തി​രാ​വി​ലെ ത​ന്നെ അ​മ്മ​യും മ​ക​നും പു​തി​യ സ്കൂ​ളി​ലേ​ക്ക് യാ​ത്ര തി​രി​ച്ചു. ശീ​തീ​ക​രി​ച്ച കാ​റി​നു​ള്ളി​ലി​രു​ന്നി​ട്ടും കും​ഭ​വെ​യി​ലി​ന്റെ മ​ഞ്ഞ​പ്ര​ഭ ക​ണ്ണു​ക​ളെ ചെ​റു​താ​ക്കി. കോ​ങ്ങാ​ട് ക​ഴി​ഞ്ഞ​പ്പോ​ൾ ത​ന്നെ പാ​ല​ക്കാ​ടി​ന്റെ ചൂ​ട് 39 ഡി​ഗ്രി​യി​ലെ​ത്തി. ഒ​ല​വ​ക്കോ​ട്ട്നി​ന്ന് ബൈ​പാ​സി​ലൂ​ടെ കോ​യ​മ്പ​ത്തൂ​ർ എ​ൻ.​എ​ച്ചി​ൽ ക​യ​റി കേ​ര​ള അ​തി​ർ​ത്തി​യി​ലെ സ്കൂ​ൾ തേ​ടി കാ​ർ ഓ​ടി​ക്കൊ​ണ്ടി​രു​ന്നു. ഇ​ത്ര​യും ദൂ​രം അ​ങ്ങോ​ട്ടു​മി​ങ്ങോ​ട്ടും ദി​വ​സ​വും യാ​ത്ര ചെ​യ്യു​ക എ​ന്ന​ത് അ​ത്ര നി​സ്സാ​ര​മ​ല്ലെ​ന്ന് ര​മ​ണി ടീ​ച്ച​ർ​ക്ക് ശ​രി​ക്കും മ​ന​സ്സി​ലാ​യി. കാ​ണാ​ദൂ​ര​ത്ത് ചു​വ​പ്പും പ​ച്ച​യും സി​ഗ്ന​ൽ ലൈ​റ്റു​ക​ൾ തെ​ളി​യു​ന്ന​ത് ചൂ​ണ്ടിക്കാ​ണി​ച്ച് മ​ക​ൻ പ​റ​ഞ്ഞു ‘അ​താ​ണ​മ്മേ വാ​ള​യാ​ർ ടോ​ൾ പ്ലാ​സ, അ​വി​ടന്ന് കു​റ​ച്ചു​പോ​യാ​ൽ ത​മി​ഴ്നാ​ടാ​യി.’

പ​ശ്ചി​മ​ഘ​ട്ട മ​ല​നി​ര​ക​ളി​ൽ വാ​ള​യാ​ർ മ​ല​ക്കും നെ​ല്ലി​യാ​മ്പ​തി മ​ല​ക്കും ഇ​ട​യി​ൽ 41 കി​ലോ​മീ​റ്റ​ർ വീ​തി​യി​ലു​ള്ള സ​മ​ത​ല​മാ​ണ് പാ​ല​ക്കാ​ട് ചു​രം എ​ന്ന് കു​ട്ടി​ക​ളെ പ​ഠി​പ്പി​ച്ചി​ട്ടു​ള്ള​ത​ല്ലാ​തെ ശ​രി​ക്കും ക​ണ്ട​റി​യാ​നു​ള്ള യോ​ഗം ഇ​പ്പോ​ഴാ​ണ​ല്ലോ കി​ട്ടി​യ​ത് എ​ന്ന് ടീ​ച്ച​ർ ചി​ന്തി​ച്ചു. ടോ​ൾ പ്ലാ​സ എ​ത്തു​ന്ന​തി​നുമു​മ്പ് വ​ല​ത്തോ​ട്ട് യു ​ടേ​ൺ എ​ടു​ത്ത് സ​ർ​വീസ് റോ​ഡി​ലൂ​ടെ ഏ​താ​ണ്ട് നൂ​റ് മീ​റ്റ​ർ ക​ഴി​ഞ്ഞ് വീ​ണ്ടും ഇ​ട​ത്തോ​ട്ടു​ള്ള ഇ​ടു​ങ്ങി​യ റോ​ഡി​ലൂ​ടെ ഒ​രു കി​ലോ​മീ​റ്റ​ർ പോ​യ​പ്പോ​ൾ ഇ​ട​തുവ​ശ​ത്താ​യി നി​ൽ​ക്കു​ന്ന സ്കൂ​ളി​നെ ഗൂ​ഗി​ൾ കാ​ണി​ച്ചു​കൊ​ടു​ത്തു. പൊ​തു​വി​ദ്യാ​ഭ്യാ​സ യ​ജ്ഞ​ത്തി​ൽ മ​റ്റു സ്ഥ​ല​ങ്ങ​ളി​ലെ സ്കൂ​ളു​ക​ൾ നി​റ​പ്പ​കി​ട്ടോ​ടെ ത​ല​യു​യ​ർ​ത്തി നി​ൽ​ക്കു​ന്ന​ത് അ​നു​ഭ​വി​ച്ച​റി​ഞ്ഞ ര​മ​ണി ടീ​ച്ച​ർ അ​റി​യാ​തെ ‘എ​ന്റെ ഗു​രു​വാ​യൂ​ര​പ്പാ’ എ​ന്ന് വി​ളി​ച്ചു​പോ​യി. മ​റ്റി​ട​ങ്ങ​ളേ​ക്കാ​ൾ ഒ​ന്ന​ര ദ​ശാ​ബ്ദം പു​റ​കി​ലാ​ണ് ഈ ​സ്കൂ​ളി​ന്റെ അ​വ​സ്ഥ. നി​റം മ​ങ്ങി​യ സ്കൂ​ൾ ചു​മ​രു​ക​ൾ. അ​വി​ടെ​യു​ള്ള അ​ധ്യാ​പ​ക​ർ കു​റെ കാ​ല​ത്തി​നു​ശേ​ഷം പ്ര​ധാ​ന അ​ധ്യാ​പി​ക​യു​ടെ ത​സ്തി​ക​യി​ൽ ഒ​രാ​ളെ കി​ട്ടി​യ​തി​ൽ സ​ന്തോ​ഷി​ച്ചു.

ആ​കെ എ​ഴു​പ​തി​ൽ താ​ഴെ കു​ട്ടി​ക​ളും ത​മി​ഴ് അ​ധ്യാ​പ​ക​ന​ട​ക്കം ആ​കെ നാ​ല് അ​ധ്യാ​പ​കരും മാ​ത്ര​മേയുള്ളൂ എ​ന്ന​ത് ര​മ​ണി ടീ​ച്ച​ർ​ക്ക് ചെ​റി​യൊ​രു ആ​ശ്വാ​സം ന​ൽ​കി. പ​ക്ഷേ, എ.​ഇ.​ഒ ഓ​ഫി​സ് നാ​ൽ​പ​ത് കി​ലോ​മീ​റ്റ​റോ​ളം ദൂ​രെ​യാ​​െണ​ന്ന​ത് ചെ​റി​യ പ്ര​യാ​സം ത​ന്നെ​യാ​ണ്. സ്കൂ​ളി​ന്റെ പൊ​തു സ്ഥി​തി​യാ​കെ ഏ​താ​ണ്ട് മ​ന​സ്സി​ലാ​ക്കി​യ ര​മ​ണി ടീ​ച്ച​ർ ജോ​യി​നി​ങ് റി​പ്പോ​ർ​ട്ട് കൊ​ടു​ത്ത ശേ​ഷം മ​ക​നെ​യും കൂ​ട്ടി അ​ടു​ത്ത് എ​വി​ടെ​യെ​ങ്കി​ലും ഒ​രു വ​ർ​ഷം പാ​ർ​ക്കാ​നൊ​രി​ടം ത​പ്പി​ന​ട​ന്നു. സ്കൂ​ളി​ന്റെ അ​ടു​ത്തു​ള്ള ചി​ല വി​ടു​ക​ളൊ​ഴി​ച്ചാ​ൽ ഭൂ​രി​ഭാ​ഗം വീ​ടു​ക​ളും വ​ള​രെ ചെ​റു​താ​ണ്. അ​ന്വേ​ഷ​ണ​ത്തി​നൊ​ടു​വി​ൽ അ​വി​ടന്ന് കു​റ​ച്ചു​മാ​റി ക​ഞ്ചി​ക്കോ​ട്ടെ ഒ​രു വീ​ട്ടി​ൽ പേ​യി​ങ് ​െഗ​സ്റ്റാ​യി താ​മ​സി​ക്കാ​ൻ സൗ​ക​ര്യം കി​ട്ടി.

ത​മി​ഴ് ചു​വ​യി​ൽ നീ​ട്ടിപ്പിടി​ച്ച കു​ട്ടി​ക​ളു​ടെ സം​സാ​രം മ​ന​സ്സി​ലാ​ക്കാ​ൻ തു​ട​ക്ക​ത്തി​ൽ ര​മ​ണി ടീ​ച്ച​ർ ന​ന്നേ വി​ഷ​മി​ച്ചു. പ​ല കു​ട്ടി​ക​ളും കു​ളി​ക്കാ​തെ​യും പ​ല്ലു​പോ​ലും തേ​ച്ചു വൃ​ത്തി​യാ​ക്കാ​തെ​യു​മാ​ണ് വ​രു​ന്ന​തെ​ന്ന് അ​വ​രു​ടെ പീ​ള അ​ടി​ഞ്ഞ ക​ൺ​കോ​ണു​ക​ളും ഉ​റ​ക്ക​ത്തി​ൽ ഒ​ലി​ച്ചി​റ​ങ്ങി​യ മു​ഖ​ത്തെ ഉ​മി​നീ​ർ​പ്പാ​ടു​ക​ളും വ്യ​ക്ത​മാ​ക്കി​യി​രു​ന്നു. ഇ​ങ്ങ​നെ​യു​ള്ള കു​ട്ടി​ക​ളെ, ര​മ​ണീ ടീ​ച്ച​ർ സ​ഹ​അ​ധ്യാ​പ​ക​രു​ടെ സ​ഹാ​യ​ത്തോ​ടെ വൃ​ത്തി​യാ​ക്കാ​ൻ ശ്ര​മി​ച്ചു. പ​ൽ​പ്പൊ​ടികൊ​ണ്ട് പ​ല്ലു തേ​പ്പി​ക്കാ​ൻ ശ്ര​മി​ച്ച​പ്പോ​ഴാ​ണ് പ​ല​രും പു​ക​യി​ല തി​ന്നു​ന്ന​ത് മ​ന​സ്സി​ലാ​ക്കി​യ​ത്. അ​വ​രു​ടെ പു​സ്ത​ക താ​ളു​ക​ൾ​ക്കി​ട​യി​ൽ അ​ട​യി​രി​ക്കു​ന്ന പു​ക​യി​ല ത​ണ്ടു​ക​ൾ. മ​യി​ൽ​പ്പീലി​ത്തണ്ട് പു​സ്ത​കത്താ​ളു​ക​ൾ​ക്കി​ട​യി​ൽ സൂ​ക്ഷി​ച്ച് അ​വ പെ​റ്റുപെ​രു​കു​ന്ന​ത് കൗ​ത​ുക​ത്തോ​ടെ കാ​ത്തി​രു​ന്ന ബാ​ല്യം ടീ​ച്ച​റു​ടെ മ​ന​സ്സി​ലേ​ക്ക് ഓ​ടി​യെ​ത്തി.

മു​ത്തി​യു​ടെ പൊ​തി​യി​ൽനി​ന്നെ​ടു​ത്ത​താ​ണ് പു​ക​യി​ലത്തുണ്ടു​ക​ളെന്ന് കു​ട്ടി​ക​ൾ നി​ഷ്ക​ള​ങ്ക​മാ​യി പ​റ​യു​മ്പോ​ൾ, ഇ​തൊ​രു തെ​റ്റാ​ണെ​ന്ന് അ​വ​ർ​ക്ക് ല​വ​ലേ​ശം പോ​ലും തോ​ന്നി​യി​രു​ന്നി​ല്ല. അ​ച്ഛ​നി​ല്ലാ​ത്ത അ​ര​ക്ഷി​ത കു​ടും​ബാ​ന്ത​രീ​ക്ഷം. അ​ഷ്ടി​ക്കു വേ​ണ്ടി അ​തി​രാ​വി​ലെ ക​മ്പ​നിപ്പണി​ക്കും മ​റ്റും പോ​യി പ​ണി​യെ​ടു​ത്ത് അ​ന്തിക്ക് വ​രു​ന്ന അ​മ്മ​മാ​ർ. പി​ന്നെ ആ​കെ​യു​ള്ള മാ​ർ​ഗ​ദ​ർ​ശി​ക​ൾ വൃ​ദ്ധ​രാ​യ മു​ത്തി​യ​മ്മ മാ​ത്രം. ഒ​രു കെ​ട്ട് പു​ക​യി​ല​യോ ഒ​രു പാക്ക​റ്റ് മൂ​ലവെ​ട്ടി​യോ കൊ​ടു​ത്താ​ൽ ആ​ർ​ക്കും കൈയി​ലെ​ടു​ക്കാ​വു​ന്ന ഒ​റ്റ​മു​റി കൊ​ട്ടാ​ര​ങ്ങ​ൾ. പ​ട്ടി​ണിക്കൊ​ട്ടാ​ര​ങ്ങ​ൾ! ഉ​ച്ച​ഭ​ക്ഷ​ണ​ത്തി​നുവേ​ണ്ടി മാ​ത്ര​മെ​ത്തു​ന്ന​വ​രാ​ണ് വ​ലി​യൊ​രു വി​ഭാ​ഗം കു​ട്ടി​ക​ളും. ര​മ​ണി ടീ​ച്ച​റു​ടെ ഇ​രു​പ​ത്തി​യെ​ട്ടു വ​ർ​ഷ​ത്തെ അ​ധ്യാ​പ​ന ജീ​വി​ത​ത്തി​ൽ ഇ​ന്നേ​വ​രെ അ​നു​ഭ​വി​ച്ചി​ട്ടി​ല്ലാ​ത്ത മ​നോ​വേ​ദ​ന കു​റ​ഞ്ഞ ദി​വ​സം കൊ​ണ്ട​വ​ർ അ​നു​ഭ​വി​ച്ചു. ന​മ്മു​ടെ കേ​ര​ള​ത്തി​ലും ഇ​ത്ര​യും ദ​രി​ദ്ര​രോ? ടീ​ച്ച​റു​ടെ മ​ന​സ്സി​ൽ ഈ ​ചോ​ദ്യം പ​ല​കു​റി ആ​വ​ർ​ത്തി​ക്ക​പ്പെ​ട്ടു.

രാ​വി​ലെ പ​തി​വു ക്ലാ​സ് വി​സി​റ്റി​ന് മൂ​ന്നാം ക്ലാസിൽ ചെ​ന്ന​പ്പോ​ൾ ഒ​രു കൊ​ച്ചു പെ​ൺ​കു​ട്ടി വി​ങ്ങിപ്പൊ​ട്ടി ക​ര​യു​ന്ന​ത് ക​ണ്ടു. അ​ടു​ത്തുചെ​ന്ന് തോ​ളി​ൽ പി​ടി​ച്ച് എ​ന്താ മോ​ളേ എ​ന്നു അ​ന്വേ​ഷി​ച്ച​പ്പോ​ൾ അ​വ​ൾ വി​ങ്ങിക്കൊണ്ട് ചോ​ദി​ച്ചു, ‘എ​പ്പ​ളാ ടീ​ച്ച​റെ ഉ​ച്ച​യാ​വ​ത്?’ ത​ലേദി​വ​സം ഉ​ച്ച​ക്ക് സ്കൂ​ളി​ൽ​നി​ന്ന് ഭ​ക്ഷ​ണം ക​ഴി​ച്ച അ​വ​ൾ ഇ​തു​വ​രെ​യും ഒ​ന്നും ക​ഴി​ച്ചി​ട്ടി​ല്ലാ​യി​രു​ന്നു. ആ ​കു​ഞ്ഞി​ന്റെ വി​ശ​പ്പി​ന്റെ വി​ളി​യാ​യി​രു​ന്നു ആ ​ചോ​ദ്യം. എ​ന്താ നി​ന്റെ പേ​ര്? ശാ​ലി​നി, അ​വ​ൾ വി​ക്കി വി​ക്കി പ​റ​ഞ്ഞു. ര​മ​ണി ടീ​ച്ച​റു​ടെ ഉ​ള്ളു ക​ല​ങ്ങി. ത​ന്റെ പേ​ര​ക്കു​ട്ടി വി​ശ​ന്നു ക​ര​യു​ന്ന​താ​യി ടീ​ച്ച​ർ​ക്ക് തോ​ന്നി. പാ​ച​ക​പ്പുര​യി​ലേ​ക്ക് ഓ​ടി. അ​രി തി​ള​ച്ചി​ട്ടു​ണ്ടെ​ങ്കി​ൽ ക​ഞ്ഞി മു​ക്കി കൊ​ടു​ക്കാ​മാ​യി​രു​ന്നു. പ​ക്ഷേ, ല​ക്ഷ്മി അ​രി ക​ഴു​കി ഇ​ടു​ന്ന​തേ ഉ​ണ്ടാ​യി​രു​ന്നു​ള്ളൂ. ടീ​ച്ച​ർ നേ​രെ അ​വ​ളെ​യും കൂ​ട്ടി ഓ​ഫി​സ് റൂ​മി​ൽ ചെ​ന്ന്, ഇ​ട​നേ​രം ക​ഴി​ക്കാ​ൻ കൊ​ണ്ടു​വ​ന്ന ഇ​ഡ്ഡ​ലി​യും ച​ട്ട്ണി​യും ക​ഴി​ക്കാ​ൻ കൊ​ടു​ത്തു. ആ​ർ​ത്തി​യോ​ടെ അ​വ​ള​ത് അ​ക​ത്താ​ക്കി വെ​ള്ളം കു​ടി​ക്കു​മ്പോ​ൾ തി​ള​ങ്ങു​ന്ന ക​ണ്ണു​ക​ളോ​ടെ ടീ​ച്ച​റെ നോ​ക്കി. അ​തു ക​ണ്ട​പ്പോ​ൾ ത​നി​ക്ക് ഷു​ഗ​ർ ലെ​വ​ൽ പെ​ട്ടെ​ന്ന് കു​റ​യു​ന്ന അ​വ​സ്ഥ വ​ന്നാ​ലി​നി എ​ന്തു ചെ​യ്യു​മെ​ന്ന ആ​കു​ല​ത ടീ​ച്ച​റി​ൽനി​ന്ന് അ​ക​ന്നു​പോ​യി.

കു​ട്ടി​ക​ളു​ടെ ഈ ​ദു​ര​വ​സ്ഥ​യാ​ണ് ആ​ദ്യം പ​രി​ഹ​രി​ക്കേ​ണ്ട​ത്. ഇ​വ​ർ​ക്ക് പ്ര​ഭാ​ത ഭ​ക്ഷ​ണം കൊ​ടു​ക്കാ​നെ​ന്തു ചെ​യ്യും? സ​ഹ​അ​ധ്യാ​പ​ക​രു​മാ​യി ച​ർ​ച്ച​ചെ​യ്തു. പി.​ടി.​എ ദ​രി​ദ്ര​രു​ടെ പ്ര​തീ​ക​മാ​ണ്. അ​തു​കൊ​ണ്ട് ഒ​ന്നും ന​ട​ക്കി​ല്ല. ഗ്രാ​മ പ​ഞ്ചാ​യ​ത്തി​നെ ആ​ശ്ര​യി​ക്കാ​ൻ തീ​രു​മാ​നി​ച്ചു. പ്ര​സി​ഡ​ന്റി​നെ ക​ണ്ടു. വി​ദ്യാ​ഭാ​സ സ്ഥി​രം സ​മ​തി അ​ധ്യ​ക്ഷ​നെ ക​ണ്ടു. സെ​ക്ര​ട്ട​റി​യെ ക​ണ്ടു. എ​ല്ലാ​വ​രും പ​റ​ഞ്ഞു ‘ഫ​ണ്ടി​ല്ല’. അ​ടു​ത്ത സാ​മ്പ​ത്തി​ക വ​ർ​ഷ​മെ​ങ്കി​ലും ഇ​തി​നൊ​രു പ​ദ്ധ​തി ഉ​ണ്ടാ​ക്കാ​ൻ നോ​ക്കാ​മോ... അ​തു​വ​രെ ചി​ല ക​മ്പ​നി​ക​ളെ ക​ണ്ട് സ്പോ​ൺ​സ​ർ ചെ​യ്യി​ക്കാ​ൻ പ​റ്റു​മോ? ടീ​ച്ച​റു​ടെ ആ​ത്മാ​ർ​ഥ​മാ​യ അ​പേ​ക്ഷ പ്ര​സി​ഡ​ന്റി​ന്റെ മ​ന​സ്സി​ൽ ത​ട്ടി. ‘ശ​രി​യാ​ക്കാം ടീ​ച്ച​റെ’ എ​ന്ന് ഉ​റ​പ്പു കി​ട്ടി. പ്ര​ഭാ​ത ഭ​ക്ഷ​ണ പ​ദ്ധ​തി തു​ട​ങ്ങാ​ൻ സ​മ​യ​മെ​ടു​ക്കു​മെ​ന്ന​തു​കൊ​ണ്ട് അ​തു​വ​രെ അ​ത്യാ​വ​ശ്യ​മു​ള്ള​വ​ർ​ക്ക് ക​ഴി​ക്കാ​ൻ കു​റ​ച്ചു ഭ​ക്ഷ​ണം അ​ധ്യാ​പ​ക​ർ കൈ​യി​ൽ ക​രു​തി വ​രാ​ൻ തു​ട​ങ്ങി. അ​ങ്ങ​നെ ശ്ര​ദ്ധി​ച്ചു തു​ട​ങ്ങി​യ​പ്പോ​ഴാ​ണ് ചി​ല കു​ട്ടി​ക​ളു​ടെ കൈയിൽ ചോ​ക്ല​റ്റ് ബാ​റി​ന്റെ ക​വ​റു​ക​ളും ബി​സ്ക​റ്റ് പാ​ക്ക​റ്റു​ക​ളും ക​ണ്ട​ത്. ഇ​ത് ഇ​വ​ർ എ​വി​ടെനി​ന്നെ​ങ്കി​ലും മോ​ഷ്ടി​ച്ച​താ​ണോ എ​ന്ന് ടീ​ച്ച​ർ​മാ​ർ​ക്ക് സം​ശ​യ​മാ​യി. ക​ടു​ത്ത വി​ശ​പ്പ് മ​നു​ഷ്യ​രെ ക​ള്ള​ന്മാ​രാ​ക്കി​യാ​ലോ? അ​ത്ത​രം കു​ട്ടി​ക​ളെ വി​ളി​ച്ചു കാ​ര്യം തി​ര​ക്കി​യ​പ്പോ​ൾ ചി​ല മാ​മ്മ​ൻ​മാ​ര് വാ​ങ്ങി കൊ​ടു​ത്ത​താ​ണെ​ന്ന​വ​ർ പ​റ​ഞ്ഞു.

ര​മ​ണി ടീ​ച്ച​റെ സം​ബ​ന്ധി​ച്ച് ഒ​രോ ദി​വ​സ​വും ഒ​രോ ദീ​ന​ത​ക​ളു​ടെ കെ​ട്ടു​കാ​ഴ്ച​ക​ളാ​യി​രു​ന്നു.

ര​ണ്ടാം ശ​നി​യാ​ഴ്ച വ​രു​ന്ന ആ​ഴ്ച​യി​ൽ വെ​ള്ളി​യാ​ഴ്ച വൈ​കു​ന്നേ​രം മ​ക​ൻ വ​ന്ന് ടീ​ച്ച​റെ സ്വ​ന്തം വീ​ട്ടി​ലേ​ക്ക് കൊ​ണ്ടു​പോ​കും. പി​ന്നെ തി​ങ്ക​ളാ​ഴ്ച രാ​വി​ലെ കൊ​ണ്ടു​വ​ന്നു വി​ടും. തി​ങ്ക​ളാ​ഴ്ച സ്കൂ​ളി​ൽ എ​ത്തി​യ​പ്പോ​ൾ ഞെ​ട്ടി​ക്കു​ന്ന ഒ​രു വാ​ർ​ത്ത​യാ​ണ് ര​മ​ണി ടീ​ച്ച​റെ വ​ര​വേ​റ്റ​ത്. ഞാ​യ​റാ​ഴ്ച രാ​ത്രി മൂ​ന്നാം ക്ലാ​സിലെ ശാ​ലി​നി അ​വ​ളു​ടെ വീ​ട്ടി​ൽ തൂ​ങ്ങി​മ​രി​ച്ചി​രി​ക്കു​ന്നു. ര​മ​ണി ടീ​ച്ച​റും സ​ഹ​പ്ര​വ​ർ​ത്ത​കരും ശാ​ലി​നി​യു​ടെ വീ​ട്ടി​ലെ​ത്തി. ആ​ക്രിക്കട​യി​ൽനി​ന്ന് ശേ​ഖ​രി​ച്ച​തെ​ന്ന് തോ​ന്നു​ന്ന​ത​ര​ത്തി​ലു​ള്ള ത​ക​ര​ഷീ​റ്റും പ​ഴ​യ ബാ​ന​റു​ക​ളുംകൊ​ണ്ട് കെ​ട്ടി​യു​ണ്ടാ​ക്കി​യ ഒ​റ്റ​മു​റി വി​ട്. ശാ​ലി​നി​യെ താ​ഴെ ഇ​റ​ക്കി കീ​റി​യ ഓ​ല​പ്പാ​യി​ൽ കി​ട​ത്തി​യി​രി​ക്കു​ന്നു. വാ​ടി​യ താ​മ​ര​ത്തണ്ടു പോ​ലെ... ഒ​ന്നേ ര​മ​ണി ടീ​ച്ച​ർ നോ​ക്കി​യു​ള്ളൂ. തി​രി​ഞ്ഞു ന​ട​ക്കു​മ്പോ​ൾ ഒ​രു ദീ​ന​ശ​ബ്ദം പു​റ​കി​ൽനി​ന്ന് ഉ​യ​ർ​ന്നപോ​ലെ ടീ​ച്ച​ർ​ക്ക് തോ​ന്നി... ‘എ​പ്പ​ളാ ടീ​ച്ച​റെ ഉ​ച്ച​യാ​വ​ത്?’

.