എ​ഴു​ത്തി​ന്‍റെ ലോ​ക​ത്ത് സജീവമായി സമദ് പനയപ്പിള്ളി

മ​ട്ടാ​ഞ്ചേ​രി: എ​ഴു​ത്തി​ന്‍റെ ലോ​ക​ത്തേ​ക്ക് മ​ട്ടാ​ഞ്ചേ​രി സ്വ​ദേ​ശി സ​മ​ദ് പ​ന​യ​പ്പി​ള്ളി കാ​ലു​ന്നി​യി​ട്ട് 50 വ​ർ​ഷം തി​ക​യു​ന്നു. അ​ഞ്ചാം ക്ലാ​സി​ൽ പ​ഠി​ക്കു​മ്പോ​ഴാ​ണ് ആ​ദ്യ​മാ​യി ‘ഉ​ഷ​സ്സ്’​ എ​ന്ന കൈ​യെ​ഴു​ത്തു​മാ​സി​ക തു​ട​ങ്ങി​യ​ത്. നാ​ലാം ക്ലാ​സി​ൽ പ​ഠി​ക്കു​മ്പോ​ൾ മ​ല​യാ​ളം അ​ധ്യാ​പ​ക​നാ​യി​രു​ന്ന അ​ബ്ദു മാ​സ്റ്റ​ർ എ​ഴു​തി സം​വി​ധാ​നം ചെ​യ്ത ‘സ​മ​രം’ നാ​ട​ക​ത്തി​ലാ​ണ്​ ആ​ദ്യം അ​ഭി​ന​യി​ക്കു​ന്ന​ത്. പി​ന്നീ​ട് ഒ​രു നോ​ട്ട്ബു​ക്ക് നി​റ​യെ നാ​ട​കം എ​ഴു​തി പ്ര​ധാ​ന അ​ധ്യാ​പ​ക​നാ​യി​രു​ന്ന കു​മാ​ര​ൻ ക​ല്ലൂ​മ​ഠം മാ​സ്റ്റ​റെ കാ​ണി​ച്ചു.

മാ​സ്റ്റ​റു​ടെ അ​ഭി​ന​ന്ദ​ന​ങ്ങ​ൾ പ്ര​ചോ​ദ​ന​മാ​യി. സ്കൂ​ളി​ൽ ന​ട​ത്തി​യ ആ​ദ്യ​ചെ​റു​ക​ഥാ ര​ച​നാ മ​ത്സ​ര​ത്തി​ൽ ഒ​ന്നാം സ്ഥാ​നം നേ​ടി. 1990ൽ ​മൗ​ലാ​ന ആ​സാ​ദ് സോ​ഷ്യോ ക​ൾ​ച​റ​ൽ സെ​ന്റ​ർ ലൈ​ബ്ര​റി പ്ര​സി​ദ്ധീ​ക​രി​ച്ച ‘ഒ​രു ടി.​വി ദു​ര​ന്ത’​മാ​ണ് ആ​ദ്യ ക​ഥാ സ​മാ​ഹാ​രം. പി​ന്നീ​ടി​റ​ങ്ങി​യ പ​തി​ന​ഞ്ചോ​ളം പു​സ്ത​ക​ങ്ങ​ൾ പ്ര​സി​ദ്ധീ​ക​രി​ച്ച​ത് മ​ല​യാ​ള​ത്തി​ലെ പ്ര​മു​ഖ പ്ര​സാ​ധ​ക​രാ​ണ്.

കൊ​ച്ചി​യി​ൽ നി​ന്നി​റ​ങ്ങി​യി​രു​ന്ന ഒ​രു പ്ര​മു​ഖ പ​ത്ര​ത്തി​ൽ ആ​ഴ്ച​തോ​റും എ​ഴു​തി​യി​രു​ന്ന ‘കാ​ഴ്ച’ എ​ന്ന പം​ക്തി​യി​ൽ വ​ന്ന അ​നു​ഭ​വ​ക്കു​റി​പ്പു​ക​ൾ ‘സ്നേ​ഹ മ​ര​ങ്ങ​ൾ​ക്ക് തീ ​പി​ടി​ക്കു​മ്പോ​ൾ’ എ​ന്ന പേ​രി​ൽ പ്ര​സി​ദ്ധീ​ക​രി​ച്ചി​ട്ടു​ണ്ട്. എ​ഴു​ത്ത് പോ​ലെ ത​ന്നെ പ്രി​യ​പ്പെ​ട്ട​താ​ണ് സ​മ​ദി​ന് അ​ഭി​ന​യ​വും. മാ​ധ്യ​മ പ്ര​വ​ർ​ത്ത​ക​നാ​യ ഇ​ഖ്ബാ​ൽ സം​വി​ധാ​നം ചെ​യ്ത് വി​പി​ൻ പ​ള്ളു​രു​ത്തി നി​ർ​മി​ച്ച ‘ഭ​യം’, മ​ണി​ലാ​ൽ പ​ള്ളു​രു​ത്തി നി​ർ​മി​ച്ച ‘കാ​റ്റ്, നി​യോ​ഗം’ തു​ട​ങ്ങി​യ ചെ​റി​യ സി​നി​മ​ക​ളി​ൽ സ​മ​ദാ​ണ് മു​ഖ്യ​ക​ഥാ​പാ​ത്ര​മാ​യ​ത്.

തി​ര​ക്ക​ഥാ​കൃ​ത്താ​യ റ​ഫീ​ഖ് സീ​ലാ​ട്ട് ആ​ദ്യ​മാ​യ് സം​വി​ധാ​നം ചെ​യ്ത ‘ജാ​ക്കി ഷെ​രീ​ഫ്’ എ​ന്ന സി​നി​മ​യി​ലും സ​മ​ദ് പ്ര​ധാ​ന ക​ഥാ​പാ​ത്ര​മാ​ണ്. പ്ര​ശ​സ്ത സം​വി​ധാ​യ​ക​ൻ പി.​എ. ബ​ക്ക​റി​ന്‍റെ സി​നി​മ​യി​ൽ അ​ഭി​ന​യി​ക്കാ​ൻ അ​വ​സ​രം ല​ഭി​ച്ചെ​ങ്കി​ലും ന​ട​ക്കാ​തെ പോ​യി. സ​മ​ദ് ക​ഥ എ​ഴു​തി ജ​യ​മോ​ഹ​ൻ സം​വി​ധാ​നം ചെ​യ്ത ചെ​റി​യ സി​നി​മ​യു​ടെ ചി​ത്രീ​ക​ര​ണം ഉ​ട​ൻ തു​ട​ങ്ങും. ചേ​ർ​ത്ത​ല കു​ത്തി​യ​തോ​ട് സ്വ​ദേ​ശി​യാ​യ സാ​ലി​ഹ ഭാ​ര്യ​യും സ​ഫീ​ർ സ​മ​ദ് മ​ക​നു​മാ​ണ്.