വായന: ദേ​ശ​വും മ​നു​ഷ്യ​നും, ഒ​രു മു​ഖാ​മു​ഖം

ജീ​വി​ത​വും കാ​ല​വും ച​രി​ത്ര​വും ക​ഥാ​പാ​ത്ര​ങ്ങ​ളും ഇ​ഴചേ​ർ​ന്നാ​ണ് നോ​വ​ൽ രൂ​പ​പ്പെ​ട്ടി​രി​ക്കു​ന്ന​ത്. ച​രി​ത്ര​വും ഭാ​വ​ന​യും സ​ങ്കീ​ർ​ണ​ത​ക​ളി​ല്ലാ​തെ സ​മ​ന്വ​യി​ക്കു​ക​യും കാ​ല​വും ക​ഥ​യും യു​ക്തി​പൂ​ർ​ണ​മാ​യി അ​ലി​ഞ്ഞുചേ​രു​കയും ചെയ്യുന്നു​ണ്ട്

ദേ​ശ​ത്തി​ന്റെ ക​ഥ​ക​ൾ മ​ല​യാ​ള വാ​യ​ന​യി​ലെ സ​വി​ശേ​ഷ സാ​ന്നി​ധ്യ​മാ​ണ്. ഒ​രു ദേ​ശ​ത്തി​ന്റെ രാ​ഷ്ട്രീ​യ ഭൂ​മി​ക​യി​ലൂ​ടെ​യു​ള്ള യാ​ത്ര​ക​ൾ, ച​രി​ത്ര​ത്തി​ന്റെ അ​ന്വേ​ഷ​ണ​ങ്ങ​ൾ, ജീ​വി​ത വി​താ​ന​ങ്ങ​ൾ, സാം​സ്‌​കാ​രി​ക രൂ​പാ​ന്ത​ര​ങ്ങ​ൾ തു​ട​ങ്ങി നി​ര​വ​ധി അ​നു​ഭ​വ​ങ്ങ​ളാ​ണ് ഈ ​നോ​വ​ലു​ക​ൾ സൃ​ഷ്ടി​ക്കു​ന്ന​ത്. ഈ ​നോ​വ​ലു​ക​ളി​ൽനി​ന്ന് കാ​ല​ത്തി​ന്റെ ഋ​തു​ഭേ​ദ​ങ്ങ​ൾ, മ​നു​ഷ്യ​ജീ​വി​ത​ത്തി​ന്റെ ആ​കു​ല​ത​ക​ൾ, സം​സ്കാ​ര​ത്തി​ന്റെ അ​തി​ജീ​വ​ന​ങ്ങ​ൾ എ​ല്ലാം വാ​യി​ച്ചെ​ടു​ക്കാ​നാ​വും.

ഇ​ത്ത​രം ദേ​ശ​ക​ഥാ​ഖ്യാ​ന​ങ്ങ​ൾ ഭൂ​ത​കാ​ല ജീ​വി​ത വീ​ഥി​ക​ളി​ലേ​ക്ക് വാ​യ​ന​ക്കാ​ര​നെ നി​ര​ന്ത​രം ന​യി​ക്കു​ന്നു. നോ​വ​ൽ ച​രി​ത്ര​ത്തി​ന്റെ എ​ല്ലാ കാ​ല​ത്തും ഇ​ത്ത​രം ര​ച​ന​ക​ൾ പു​റ​ത്തു​വ​ന്നി​ട്ടു​ണ്ട്. പു​തി​യ നോ​വ​ൽ ക​ല​യി​ലും ഈ ​സ​മീ​പ​ന​മു​ള്ള കൃ​തി​ക​ൾ രൂ​പ​പ്പെ​ട്ടു​വ​രു​ന്നു​ണ്ട്

സു​​േര​ഷ് പേ​രി​ശ്ശേ​രി​യു​ടെ ‘മ​നു​ഷ്യ​ന് ഒ​രു സൂ​ത്ര​വാ​ക്യം’ എ​ന്ന നോ​വ​ലാ​ണ് ഈ ​ചി​ന്ത​ക​ളി​ലേ​ക്ക് ക്ഷ​ണി​ച്ച​ത്. ഇ​ത്ത​രം നോ​വ​ലു​ക​ൾ ഭാ​വ​ന ചെ​യ്യു​ക എ​ന്ന​ത് ര​ച​ന​യി​ലെ വെ​ല്ലു​വി​ളി​യാ​ണ്. കാ​ര​ണം കാ​ല​ത്തെ യു​ക്തിപൂ​ർ​വം സ​മീ​പി​ക്കേ​ണ്ടി​യി​രി​ക്കു​ന്നു, ച​രി​ത്ര​ത്തി​ന്റെ സാ​ധ്യ​ത​ക​ളെ തി​രി​ച്ച​റി​യ​ണം.

മാ​ത്ര​മ​ല്ല, ദേ​ശ​ത്തി​ന്റെ ജൈ​വി​ക രൂ​പാ​ന്ത​ര​ങ്ങ​ൾ അ​ട​യാ​ള​പ്പെ​ടു​ത്തു​ക​യും വേ​ണം. ഈ ​പ്ര​തി​സ​ന്ധി​ക​ളെ ത​ര​ണം ചെ​യ്യു​മ്പോ​ൾ മാ​ത്ര​മേ നോ​വ​ൽ അ​തി​ന്റെ ക​ലാ​സാ​ധ്യ​ത​ക​ൾ സാ​ക്ഷാ​ത്ക​രി​ക്കൂ. സു​രേ​ഷ് പേ​രി​ശ്ശേ​രി ഈ ​തി​രി​ച്ച​റി​വി​ലൂ​ടെ​യാ​ണ് നോ​വ​ൽ ക​ല​യെ സ​മീ​പി​ക്കു​ന്ന​ത്. ‘മ​നു​ഷ്യ​ന് ഒ​രു സൂ​ത്ര​വാ​ക്യം’ അ​ത് തെ​ളി​യി​ക്കു​ന്നു​ണ്ട്.

‘പോ​രു​വ​ഴി’ എ​ന്ന ദേ​ശ​ത്തി​ന്റെ ജീ​വി​ത വി​താ​ന​ങ്ങ​ൾ ആ​വി​ഷ്ക​രി​ക്കു​ന്ന നോ​വ​ലാ​ണി​ത്. മ​ധ്യ​തി​രു​വി​താം​കൂ​റി​ന്റെ ച​രി​ത്ര​ഭൂ​മി​ക​യി​ൽനി​ന്നാ​ണ് ഈ ​ദേ​ശം രൂ​പ​പ്പെടു​ത്തി​യി​രി​ക്കു​ന്ന​ത്.​ അ​വി​ടത്തെ ഭാ​ഷ, ഭാ​ഷാ​ഭേ​ദ​ങ്ങ​ൾ, സം​സ്കാ​രം, രാ​ഷ്ട്രീ​യം, ജീ​വി​ത​രീ​തി​ക​ൾ, സം​ഭാ​ഷ​ണ​സ്വ​ഭാ​വ​ങ്ങ​ൾ, ആ​കാ​ര സ​വി​ശേ​ഷ​ത​ക​ൾ, പ്ര​കൃ​തി എ​ന്നി​വ​യി​ൽ​നി​ന്നാ​ണ് ഈ ​ദേ​ശ​ത്തെ രൂ​പ​പ്പെടു​ത്തി​യി​രി​ക്കു​ന്ന​ത്.

ഇ​ത്ത​രം ഒ​രു ദേ​ശം സൃ​ഷ്ടിക്കു​മ്പോ​ൾ സ്വാ​ഭാ​വി​ക​മാ​യി പ​രു​വ​പ്പെ​ടേ​ണ്ട ജീ​വി​ത​ഭൂ​മി​ക ഇ​വി​ടെ സാ​ക്ഷാ​ത്ക​രി​ക്കു​ന്നു​ണ്ട്. ഒ​രു ദേ​ശ​ത്തി​ന്റെ ജീ​വി​ത​ത്തി​ലെ മി​ക്ക​വാ​റും എ​ല്ലാ സാ​മൂ​ഹി​ക രാ​ഷ്ട്രീ​യ​ജീ​വി​ത വ്യാ​പാ​ര​ങ്ങ​ളും ഇ​വി​ടെ ദൃ​ശ്യ​മാ​ണ്.

കു​ടും​ബ​ബ​ന്ധ​ങ്ങ​ളി​ലെ ഊ​ഷ്മ​ള​ത, അ​തി​ലെ ശൈ​ഥി​ല്യ​ങ്ങ​ൾ, മ​നു​ഷ്യ​സം​വേ​ദ​ന​ങ്ങ​ളി​ലെ ഇ​ട​ർ​ച്ച​ക​ളും തു​ട​ർ​ച്ച​ക​ളും, ജാ​തി മ​ത അ​ധി​ഷ്ഠി​ത​മാ​യ സാ​മൂ​ഹി​ക വ്യാ​പാ​ര​ങ്ങ​ൾ, രാ​ഷ്ട്രീ​യ വി​ഭി​ന്ന​ത​ക​ൾ, ജീ​വി​ത വി​ശ്വാ​സ​ങ്ങ​ൾ, മൂ​ല്യ​ഭേ​ദ​ങ്ങ​ൾ, വി​ഭി​ന്ന സാ​മ്പ​ത്തി​ക​ത​ല​ങ്ങ​ൾ എ​ല്ലാം ഈ ​നോ​വ​ൽ ഘ​ട​ന​യി​ൽ പ​ട​ർ​ന്നു​കി​ട​പ്പു​ണ്ട്.

കാ​ല​ത്തി​ൽ​നി​ന്നോ ച​രി​ത്ര​ത്തി​ൽ​നി​ന്നോ വേ​റി​ട്ടു​നി​ൽ​ക്കാ​തെ, അ​തി​ന്റെ ഭാ​ഗ​മാ​യി നി​ൽ​ക്കാ​നാ​ണ് പെ​രു​വ​ഴി ദേ​ശം ശ്ര​മി​ക്കു​ന്ന​ത്. ഒ​രു ഗ്രാ​മം നി​ല​നി​ർ​ത്തേ​ണ്ട ബാ​ഹ്യ സൗ​ന്ദ​ര്യ​വും അ​ന്ത​രി​ക സം​ഘ​ർ​ഷ​വും ഈ ​ര​ച​ന​യി​ൽ കാ​ണാം. എ​ഴു​ത്തു​കാ​ര​ന്റെ ര​ച​നാത​ന്ത്ര​ത്തി​ന്റെ സ​വി​ശേ​ഷ സാ​ധ്യ​ത​യാ​ണ് ഇ​ത് തെ​ളി​യി​ക്കു​ന്ന​ത്.

1960ക​ളി​ൽ തു​ട​ങ്ങു​ന്ന കാ​ല​ഭൂ​മി​ക​യാ​ണ് നോ​വ​ലി​ന്റേ​ത്. കേ​ര​ളീ​യ സ​മൂ​ഹ​ത്തെ നി​ർ​ണാ​യ​ക​മാ​യി സ്വാ​ധീ​നി​ച്ച രാ​ഷ്ട്രീ​യ ഘ​ട്ട​ങ്ങ​ളി​ലൂ​ടെ​യാ​ണ് നോ​വ​ൽ ക​ട​ന്നു​പോ​കു​ന്ന​ത്. ആ ​രാ​ഷ്ട്രീ​യ പ​രി​ണ​തി​ക​ൾ ആ ​ദേ​ശ​ത്തെ മ​നു​ഷ്യ​രെ​യും സ​മൂ​ഹ​ത്തെ​യും എ​ങ്ങ​നെ ബാ​ധി​ക്കു​ന്നു എ​ന്ന് സൂ​ക്ഷ്മമാ​യി രേ​ഖ​പ്പെ​ടു​ത്തു​ന്നു. രാ​ഷ്ട്രീ​യം അ​ന്ത​ർ​ധാ​ര​യാ​യി വ​രു​മ്പോ​ൾ ര​ച​ന​ക​ൾ​ക്ക് ആ​ഴം വ​ർ​ധി​ക്കും.

വാ​യ​ന​ക്കാ​ർ​ക്ക് ച​രി​ത്ര​വു​മാ​യി ചേ​ർ​ത്തു​വെ​ച്ച് വാ​യി​ക്കാ​നാ​വും. ച​രി​ത്ര​വു​മാ​യി നി​ര​ന്ത​രം സം​വ​ദി​ക്കാ​ൻ ക​ഴി​യു​മ്പോ​ഴാ​ണ് ഒ​രു ര​ച​ന പൂ​ർ​ണമാ​കു​ന്ന​ത്. അ​തി​നു​ള്ള ശ്ര​മ​മാ​ണ് നോ​വ​ലി​സ്റ്റ് ന​ട​ത്തു​ന്ന​ത്.

മു​ര​ളി എ​ന്ന ക​ഥാ​പാ​ത്ര​ത്തി​ലൂ​ടെ​യാ​ണ് നോ​വ​ൽ വി​ക​സി​ക്കു​ന്ന​തും പ​ട​രു​ന്ന​തും. മു​ര​ളി കേ​ര​ള​ത്തി​ന്റെ ഒ​രു പ്ര​ത്യേ​ക കാ​ല​ഘ​ട്ട​ത്തി​ന്റെ മു​ദ്ര പ​തി​ഞ്ഞ ക​ഥാ​പാ​ത്ര​മാ​ണ്. അ​റു​പ​തു​ക​ളി​ൽ തു​ട​ങ്ങി​യ സാ​മൂ​ഹിക പ​രി​ണാ​മ​ങ്ങ​ൾ​ക്കൊ​പ്പ​മാ​ണ് മു​ര​ളി സ​ഞ്ച​രി​ക്കു​ന്ന​ത്. ഭൂ​പ​രി​ഷ്ക​ര​ണ​ത്തി​ന്റെ പ്ര​ത്യാ​ഘാ​ത​ങ്ങ​ൾ സ​മൂ​ഹ​ത്തി​ൽ പ്ര​ത്യ​ക്ഷ​പ്പെ​ട്ടു തു​ട​ങ്ങി​യ കാ​ല​ത്തു​കൂ​ടി​യാ​ണ് മു​ര​ളി​യു​ടെ ബാ​ല്യം ക​ട​ന്നു​പോ​കു​ന്ന​ത്.

ദേ​ശ​ത്തെ യാ​ഥാ​സ്ഥി​തി​ക നാ​യ​ർ കു​ടും​ബ​ങ്ങ​ളി​ൽ സം​ഭ​വി​ക്കു​ന്ന​ സാ​മ്പ​ത്തി​ക സാ​മൂ​ഹിക ശൈ​ഥി​ല്യ​ങ്ങ​ൾ, ബ​ന്ധ​ങ്ങ​ളി​ലെ സ്വാ​ഭാ​വി​ക വ്യ​ഥ​ക​ൾ, പാ​ര​മ്പ​ര്യ​വും വ​ർ​ത്ത​മാ​ന​വും ത​മ്മി​ലെ ഇ​ട​ർ​ച്ച​ക​ൾ തു​ട​ങ്ങി​യവ മു​ര​ളി​യി​ലൂ​ടെ അ​നാ​വ​ര​ണം ചെ​യ്യു​ന്നു. കു​റെക്കൂ​ടി വ്യ​ക്ത​മാ​യി പ​റ​ഞ്ഞാ​ൽ കാ​ല​ത്തി​ന്റെ സാ​ക്ഷി​യാ​ണ് മു​ര​ളി. കാ​ല​ത്തി​ന്റെ തീ​ക്ഷ്ണ പാ​ത​ക​ളെ അ​തി​ജീ​വി​ക്കാ​ൻ മു​ര​ളി ന​ട​ത്തു​ന്ന യ​ത്ന​ങ്ങ​ൾ സൂ​ക്ഷ്മ​മാ​യി അ​വ​ത​രി​പ്പി​ക്കു​ന്നു.

ജീ​വി​ത​ത്തി​ന്റെ ല​ളി​ത സ​ന്ദ​ർ​ഭ​ങ്ങ​ളെപ്പോ​ലും കാ​ല​വു​മാ​യി ചേ​ർ​ത്തുവെ​ച്ചാ​ണ് നോ​വ​ലി​സ്റ്റ് ആ​വി​ഷ്ക​രി​ക്കു​ന്ന​ത്. മു​ര​ളി​യു​ടെ ആ​ന്ത​രി​ക ജീ​വി​ത സ​മ​സ്യ​ക​ൾ കാ​ല​ത്തി​ന്റെ സ​ന്ദി​ഗ്ധ​ത​ക​ളി​ൽനി​ന്ന് രൂ​പ​പ്പെ​ട്ടു വ​ന്ന​താ​ണ്. ച​രി​ത്ര​വു​മാ​യു​ള്ള​ സം​വേ​ദ​നം നോ​വ​ലി​ൽനി​ന്ന് വാ​യി​ച്ചെ​ടു​ക്കാ​നാ​വും.

കൃ​ഷ്ണ​പി​ള്ള എ​ന്ന ക​ഥാ​പാ​ത്ര​വും ച​രി​ത്ര​ത്തോ​ട് പാ​ര​സ്പ​ര്യം പു​ല​ർ​ത്തു​ന്നു. മൂ​ല്യാ​ധി​ഷ്ഠി​ത രാ​ഷ്ട്രീ​യ​വും വ്യ​ഥി​ത​രാ​യ വ്യ​ക്തി​ക​ളോ​ടു​ള്ള പ​രി​ഗ​ണ​ന​യും നി​സ്വാ​ർ​ഥ സ​മീ​പ​ന​ങ്ങ​ളും ജീ​വി​ത​ച​ര്യ​യാ​ക്കി​യ നി​ര​വ​ധി രാ​ഷ്ട്രീ​യ പ്ര​വ​ർ​ത്ത​ക​ർ ഒ​രു കാ​ല​ത്ത് കേ​ര​ള​ത്തി​ലു​ണ്ടാ​യി​രു​ന്നു. അ​വ​രി​ൽ​നി​ന്നാ​ണ് കൃ​ഷ്ണ​പി​ള്ള എ​ന്ന ക​ഥാ​പാ​ത്രം ഉ​ണ്ടാ​വു​ന്ന​ത്. ഈ ​ക​ഥാ​പാ​ത്രം കാ​ല​ത്തി​ന്റെ ഓ​ർ​മ​പ്പെ​ടു​ത്ത​ലാ​ണ്.

ഇ​ത്ത​രം രാ​ഷ്ട്രീ​യ വ്യ​ക്തി​ത്വ​ങ്ങ​ൾ കേ​ര​ളീ​യ​സ​മൂ​ഹ​ത്തി​ൽ ജീ​വി​ച്ചി​രു​ന്നുവെന്ന് ഓ​ർ​മ​പ്പെ​ടു​ത്തു​ന്നു. ല​ക്ഷ്മി​യ​മ്മ എ​ന്ന ക​ഥാ​പാ​ത്രം ഒ​രു കാ​ല​ത്ത് സ​മൂ​ഹ​ത്തി​ൽ രൂ​പ​പ്പെ​ട്ടു​വ​ന്ന, ഒ​റ്റ​പ്പെ​ട്ട​തെ​ങ്കി​ലും ശ​ക്ത​മാ​യ സ്ത്രീ ​ശാ​ക്തീക​ര​ണ​ത്തി​ന്റെ സാ​ക്ഷ്യ​മാ​ണ്. ഇ​ങ്ങ​നെ ഓ​രോ ക​ഥാ​പാ​ത്ര​ത്തെ​യും കാ​ല​ത്തോ​ട് ചേ​ർ​ത്തു​നി​ർ​ത്തി പ​രി​ഗ​ണി​ക്കാ​വു​ന്ന​താ​ണ്.

പാ​രാ​യ​ണ ക്ഷ​മ​മാ​യ ആ​ഖ്യാ​ന​മാ​ണ് നോ​വ​ലി​ന്റേ​ത്. ജീ​വി​ത​വും കാ​ല​വും ച​രി​ത്ര​വും ക​ഥാ​പാ​ത്ര​ങ്ങ​ളും ഇ​ഴചേ​ർ​ന്നാ​ണ് നോ​വ​ൽ രൂ​പ​പ്പെ​ട്ടി​രി​ക്കു​ന്ന​ത്. ച​രി​ത്ര​വും ഭാ​വ​ന​യും സ​ങ്കീ​ർ​ണ​ത​ക​ളി​ല്ലാ​തെ സ​മ​ന്വ​യി​ക്കു​ന്നു. കാ​ല​വും ക​ഥ​യും യു​ക്തി​പൂ​ർ​ണ​മാ​യി അ​ലി​ഞ്ഞുചേ​രു​ന്നു​മു​ണ്ട്. ഭാ​ഷ​യു​ടെ രൂ​പ​പ്പെ​ടു​ത്ത​ലി​ലും വി​നി​മ​യ​ത്തി​ലും സൂ​ക്ഷ്മ​ത പു​ല​ർ​ത്താ​ൻ ശ്ര​മി​ക്കു​ന്നു​ണ്ട്. ദേ​ശം കാ​ല​ത്തി​ലും കാ​ലം മ​നു​ഷ്യ​രി​ലും മ​നു​ഷ്യ​രെ ജീ​വി​ത​ത്തി​ലും കൊ​ത്തിവെ​ച്ച​താ​ണ് ‘മ​നു​ഷ്യ​ന് ഒ​രു സൂ​ത്ര​വാ​ക്യം’.