'മഞ്ഞുമനുഷ്യന്റെ' രചയിതാവ് റെയ്മണ്ട് ബ്രിഗ്സ് അന്തരിച്ചു

ലണ്ടൻ: പ്രമുഖ ബ്രിട്ടീഷ് സാഹിത്യകാരൻ റെയ്മണ്ട് ബ്രിഗ്സ് (88) അന്തരിച്ചു. ഏറെ പ്രശസ്തമായ കുട്ടികൾക്കുള്ള പ്രസിദ്ധീകരണങ്ങളായ 'ദ സ്നോമാൻ', 'ഫംഗസ് ദ ബോഗിമാൻ' തുടങ്ങിയവയുടെ രചയിതാവായിരുന്നു.

1978ൽ പുറത്തുവന്ന സ്നോമാൻ ആണ് ബ്രിഗ്സിന്റെ ഏറ്റവും പ്രശസ്തമായ പുസ്തകം. ലോകത്താകമാനം 55 ലക്ഷം കോപ്പികളാണ് ഇത് വിറ്റഴിഞ്ഞത്. 1982ൽ പുറത്തിറക്കിയ ഇതിന്റെ ആനിമേഷൻ വകഭേദം പിന്നീടുള്ള എല്ലാ ക്രിസ്മസിനും ബ്രിട്ടീഷ് ടി.വി സംപ്രേഷണം ചെയ്തുവരുന്നു.