മഴ

പണ്ട് മഴ തേടിപ്പോയ ഒരു പെൺ പക്ഷിയുണ്ടായിരുന്നു

മഴയിൽ നനയാനും കുളിരണിയാനും ആ പക്ഷി ആഗ്രഹിച്ചു.

അതിൻ്റെ കുഞ്ഞു ചിറകുകൾ കൊണ്ട് പറന്നെത്തുമ്പോഴേക്കും കാലം തെറ്റിയ മഴ അവിടെ നിന്നും ഓടിപ്പോയി കൊണ്ടിരുന്നു.

ചെറു ചില്ലയിൽ തളർന്നിരിക്കുമ്പോഴും മഴയിൽ നനയാതെ ചിറകൊതുക്കുകയില്ലെന്ന്

പക്ഷി ഉറപ്പിച്ചു.

യാത്ര തുടർന്നുകൊണ്ടേയിരുന്നു.

പക്ഷേ കാലം അവളെ തോൽപ്പിച്ചു.

വരണ്ടുണങ്ങിയ ചിരിയുമായി ഒരു ദിവസം അവൾ മണ്ണോടു ചേർന്നു .