പി.പി. നാരായണൻ കഥാപുരസ്കാരം എസ്.എഫ്. ജബ്ബാറിന്

ആലുവ: ഏറ്റുമാനൂർ കാവ്യവേദിയുടെ 2021ലെ പി.പി. നാരായൺ കഥാപുരസ്കാരം എസ്.എഫ്. ജബ്ബാറിന്‍റെ 'ചക്കരക്കഞ്ഞി' എന്ന കഥക്ക്​ ലഭിച്ചു. കഥാകൃത്തും നാടകപ്രവർത്തകനുമായ എസ്.എഫ്. ജബ്ബാർ ആലുവ സ്വദേശിയും മുൻകാല സിനിമ പ്രവർത്തകനുമായ എസ്.എ. ഫരീദിന്‍റെ മകനുമാണ്.

ഡോ. ദിവ്യ. എസ്. കേശവൻ, ഡോ. ശ്രീവിദ്യ രാജീവ്, സുരേഷ് കുറുമുള്ളൂർ എന്നിവരടങ്ങിയ ജൂറിയാണ് പുരസ്കാര ജേതാവിനെ നിർണയിച്ചത്. പുരസ്കാരം ഈ മാസം ഒടുവിൽ ഏറ്റുമാനൂരിൽ വെച്ച് സമർപ്പിക്കും.