പ​ത്താ​മു​ദ​യം

'പ​ത്താ​മു​ദ​യം' എ​ന്നു കേ​ട്ടാ​ൽ കൊ​ല്ലം ജി​ല്ല​ക്കാ​ർ​ക്ക് ഓ​ർ​മ​യി​ലെ​ത്തു​ക കൊ​ല്ലം ടൗ​ണി​ലു​ള്ള ര​ണ്ടു​ ക്ഷേ​ത്ര​ങ്ങ​ളി​ലെ ഉ​ത്സ​വ​മാ​ണ്. പ​ത്തു ദി​വ​സം വ​രെ നീ​ളു​ന്ന ഉ​ത്സ​വം. എ​ന്റെ ചെ​റു​പ്പ​കാ​ല​ത്ത് എ​ല്ലാ വ​ർ​ഷ​വും അ​ച്ഛ​നും അ​മ്മ​ക്കും സ​ഹോ​ദ​രി​ക്കും ഒ​പ്പം ഞാ​നും പോ​കും. മൂ​ന്നു ദി​വ​സം കൊ​ല്ലം ന​ഗ​ര​ത്തി​ൽ​ത​ന്നെ​യാ​വും. പ​ക​ൽ സി​നി​മ കാ​ണ​ൽ, ഷോ​പ്പി​ങ്​ അ​ങ്ങ​നെ തു​ട​ങ്ങി പ​ല​തും.

രാ​ത്രി അ​മ്പ​ല​പ്പ​റ​മ്പി​ൽ നേ​രം വെ​ളു​ക്കു​വോ​ളം. ഉ​ത്സ​വം ന​ട​ക്കു​ന്ന ര​ണ്ടു ക്ഷേ​ത്ര​ങ്ങ​ളി​ലും മാ​റി മാ​റി പോ​കും. രാ​വി​ലെ അ​ടു​ത്തു​ള്ള ഒ​രു ബ​ന്ധു​വീ​ട്ടി​ൽ പോ​യി കു​റ​ച്ചു നേ​രം വി​ശ്ര​മി​ക്കും. ഉ​ച്ച ക​ഴി​ഞ്ഞു വീ​ണ്ടും ടൗ​ണി​ൽ ഇ​റ​ങ്ങും. ഒ​രു നാ​ലു സി​നി​മ​യെ​ങ്കി​ലും കാ​ണാ​തെ തി​രി​ച്ചു വ​ ന്നി​ട്ടി​ല്ല. ഓ​രോ വ​ർ​ഷ​വും പ​ത്താ​മു​ദ​യം ആ​കാ​ൻ ഞാ​നും സ​ഹോ​ദ​രി​യും കാ​ത്തി​രി​ക്കും എ​ന്നു പ​റ​ഞ്ഞാ​ൽ അ​തി​ൽ അ​തി​ശ​യോ​ക്തി​യി​ല്ല.

അ​ങ്ങ​നെ ഒ​രു പ​ത്താ​മു​ദ​യം... സാ​ധാ​ര​ണ എ​ട്ടാം ദി​വ​സ​മാ​ണ് ഞ​ങ്ങ​ൾ പോ​കു​ന്ന​ത്. ത​ലേ​ന്നു​ത​ന്നെ സാ​ധ​ന​ങ്ങ​ളെ​ല്ലാം എ​ടു​ത്തു​വെ​ച്ച് റെ​ഡി​യാ​യി നി​ൽ​ക്കും. ഒ​രു കാ​ര്യം ഞ​ങ്ങ​ൾ ശ്ര​ദ്ധി​ച്ചു, അ​മ്മ​യും അ​ച്ഛ​നും പോ​കു​ന്ന​തി​നെ​ക്കു​റി​ച്ച് ഒ​ന്നും പ​റ​യു​ന്നി​ല്ല. എ​ന്തോ ഒ​രു പ​ന്തി​കേ​ട് ഞ​ങ്ങ​ൾ​ക്ക് തോ​ന്നി.

പ​ക്ഷേ, ഞ​ങ്ങ​ൾ അ​തൊ​ന്നും ശ്ര​ദ്ധി​ക്കാ​തെ പി​റ്റേ​ന്ന് പോ​കു​ന്ന​ത് സ്വ​പ്നം​ക​ണ്ട് ഇ​രു​ന്നു. രാ​വി​ലെ പ​തി​വു​പോ​ലെ പോ​കാ​ൻ റെ​ഡി​യാ​കാ​ൻ തു​ട​ങ്ങി​യ​പ്പോ​ൾ അ​മ്മ കു​റ​ച്ചു ക​ഴി​ഞ്ഞ് പോ​കാം, ഇ​പ്പോ പോ​യി പ​ഠി​ക്കൂ എ​ന്ന് പ​റ​ഞ്ഞ് അ​ക​ത്തു പോ​യി.

അ​ങ്ങ​നെ ഉ​ച്ച​യാ​യി. അ​ച്ഛ​ൻ പു​റ​ത്തു​പോ​യി​ട്ട് തി​രി​ച്ചു​വ​ന്ന് ആ​ഹാ​ര​മൊ​ക്കെ ക​ഴി​ച്ചു, എ​ന്നി​ട്ടു പ​റ​ഞ്ഞു: 'ഈ ​പ്രാ​വ​ശ്യം ന​മ്മ​ൾ പോ​കു​ന്നി​ല്ല'. ശേ​ഷം ഒ​രു ത​ഴ​പ്പാ​യ എ​ടു​ത്ത് നി​ല​ത്തി​ട്ട്​ അ​തി​ൽ കി​ട​ന്നു. നി​രാ​ശ​രാ​യി ഞാ​നും പെ​ങ്ങ​ളും. വെ​റു​തെ​യി​രു​ന്ന്​ മു​ഷി​ഞ്ഞ​പ്പോ​ൾ പോ​യി കി​ട​ന്നു. കു​റ​ച്ചു​ക​ഴി​ഞ്ഞ​പ്പോ​ൾ അ​മ്മ വ​ന്ന്​ അ​ടു​ത്തു​കി​ട​ന്നു.

എ​ന്നി​ട്ട്​ ഞ​ങ്ങ​ളെ ര​ണ്ടു​പേ​രെ​ യും ചേ​ർ​ത്തു​പി​ടി​ച്ചു. എ​ന്നി​ട്ട്​ പ​തി​യെ പ​റ​ഞ്ഞു​തു​ട​ങ്ങി... ആ​ദ്യ​മാ​യി​ട്ടാ​ണ്​ അ​മ്മ അ​ങ്ങ​നെ ഞ​ങ്ങ​ളോ​ട്​ സം​സാ​രി​ക്കു​ന്ന​ത്. ഒ​രു ക​ഥ പ​റ​യു​ന്ന​പോ​ലെ​യാ​ണ്​ അ​മ്മ പ​റ​ഞ്ഞു​കൊ​ണ്ടി​രു​ന്ന​ത്. വീ​ട്ടി​ൽ​നി​ന്ന്​ കൊ​ല്ല​ത്തേ​ക്ക്​ പോ​കു​ന്ന ഒ​രു യാ​ത്ര​യെ​ക്കു​റി​ച്ചാ​ണ്​ അ​മ്മ പ​റ​ഞ്ഞു​കൊ​ണ്ടി​രു​ന്ന​ത്.

ഞ​ങ്ങ​ളെ ഇ​റു​കെ പു​ണ​ർ​ന്നു​കൊ​ണ്ട്​ അ​മ്മ പ​റ​ഞ്ഞു, നോ​ക്കൂ മ​ക്ക​ളെ ന​മ്മ​ൾ ഇ​പ്പൊ കൊ​ല്ലം ടൗ​ണി​ലെ​ത്തി. എ​ന്നി​ട്ട്​ അ​ച്ഛ​നോ​ടെ​ന്ന​പോ​ലെ പ​റ​യു​ന്നു, 'മ​ക്ക​ടെ കൈ​യി​ൽ മു​റു​കെ പി​ടി​ച്ചോ​ണേ'. ശ​രി​ക്കും അ​മ്മ ഞ​ങ്ങ​ളെ ഒ​രു ക​ഥ​​യി​ലൂ​ടെ സ​ഞ്ച​രി​പ്പി​ച്ച്​ കൊ​ല്ലം പ​ട്ട​ണ​ത്തി​ലെ​ത്തി എ​ന്ന പ്ര​തീ​തി സൃ​ഷ്​​ടി​ക്കു​ക​യാ​യി​രു​ന്നു. ഞ​ങ്ങ​ളെ ഒ​രു ഫാ​ന്റ​സി ലോ​ക​ത്തേ​ക്ക് കൊ​ണ്ടു​പോ​കു​ക​യാ​യി​രു​ന്നു.

പ​ക​ൽ മു​ഴു​വ​ൻ ടൗ​ണി​ൽ ക​റ​ങ്ങു​ന്നു, സി​നി​മ കാ​ണു​ന്നു, ഭ​ക്ഷ​ണം ക​ഴി​ക്കു​ന്നു, രാ​ത്രി അ​മ്പ​ല​പ്പ​റ​മ്പി​ൽ ഉ​ത്സ​വം കാ​ണു​ന്നു. ക​ഴി​ഞ്ഞ പ​ത്താ​മു​ദ​യ​ത്തി​ലെ കാ​ഴ്​​ച​ക​ൾ അ​തേ​പ​ടി ഞ​ങ്ങ​ളു​ടെ മ​ന​സ്സി​ലേ​ക്ക്​ അ​മ്മ കൊ​ണ്ടു​വ​ന്നു. കി​ട​ന്ന ആ ​കു​റ​ച്ചു മ​ണി​ക്കൂ​റി​ൽ ഒ​രു പ​ത്താ​മു​ദ​യ ഉ​ത്സ​വം ഞ​ങ്ങ​ളെ ഫീ​ൽ ചെ​യ്യി​പ്പി​ച്ചു അ​മ്മ... ആ ​സു​ഖ​ത്തി​ൽ ഞ​ങ്ങ​ളെ​ല്ലാം മ​റ​ന്നു എ​പ്പോ​ഴോ ഉ​റ​ങ്ങി​പ്പോ​യി.

ഉ​ള്ളി​ൽ ക​ര​ഞ്ഞു​കൊ​ണ്ടാ​യി​രു​ന്നു അ​മ്മ ഞ​ങ്ങ​ളെ ആ​ശ്വ​സി​പ്പി​ച്ച​ത് എ​ന്ന് അ​ന്ന് എ​നി​ക്കോ സ​ഹോ​ദ​രി​ക്കോ മ​ന​സ്സി​ലാ​കാ​നു​ള്ള പ്രാ​യം ഉ​ണ്ടാ​യി​രു​ന്നി​ല്ല. എ​ന്നോ എ​ടു​ത്ത ചി​ല തീ​രു​മാ​ന​ങ്ങ​ളു​ടെ ഫ​ല​മാ​യി ക​ടം​ക​യ​റി ആ​ത്മ​ഹ​ത്യ മു​ന​മ്പി​ൽ ഇ​രു​ന്നു​കൊ​ണ്ടാ​യി​രു​ന്നു ആ ​ക​ഥ​പ​റ​ച്ചി​ൽ എ​ന്ന് ഞ​ങ്ങ​ൾ​ക്ക് അ​റി​വു​ണ്ടാ​യി​രു​ന്നി​ല്ല. പി​ന്നീ​ട് എ​പ്പോ​ഴോ അ​റി​ഞ്ഞു, അ​ന്ന് അ​ച്ഛ​ൻ പു​റ​ത്തു​പോ​യ​ത് അ​ച്ഛ​ന്റെ കു​ടും​ബ​ഓ​ഹ​രി ചോ​ദി​ച്ചു​വാ​ങ്ങി അ​ത് മ​റ്റൊ​രാ​ൾ​ക്ക് വി​റ്റ് ക​ട​ക്കാ​ർ​ക്കെ​ല്ലാം വീ​തി​ച്ചു​കൊ​ടു​ത്തി​ട്ട് ഒ​ന്നും ബാ​ക്കി​യി​ല്ലാ​തെ തി​രി​ച്ചു​വ​ന്നു കി​ട​ന്ന​താ​ണെ​ന്ന്.

ഇ​ന്ന് ഓ​രോ കു​ടും​ബ​ങ്ങ​ൾ ക​ടം ക​യ​റി ആ​ത്മ​ഹ​ത്യ ചെ​യ്‌​തു എ​ന്ന് കേ​ൾ​ക്കു​മ്പോ​ൾ എ​നി​ക്ക് ആ ​പ​ത്താ​മു​ദ​യം ഓ​ർ​മ​വ​രും. അ​ന്ന് അ​ങ്ങ​നെ ഓ​ഹ​രി വാ​ങ്ങി​ച്ചെ​ടു​ക്ക​ലും വി​ൽ​പ​ന​യും ന​ട​ന്നി​ല്ലാ​യി​രു​ന്നു​വെ​ങ്കി​ൽ എ​ന്തു തീ​രു​മാ​ന​മാ​യി​രി​ക്കും ആ ​ഓ​ല​മേ​ഞ്ഞ വീ​ട്ടി​ൽ എ​ടു​ത്തി​ട്ടു​ണ്ടാ​വു​ക...