കേന്ദ്ര സാഹിത്യ അക്കാദമി യുവ പുരസ്കാരം അഖിൽ പി.ധർമജന്; പുരസ്കാരത്തിനർഹനാക്കിയത് 'റാം കെയർ ഓഫ് ആനന്ദി' നോവൽ

കേന്ദ്ര സാഹിത്യ അക്കാദമിയുടെ യുവ പുരസ്കാരം നോവലിസ്റ്റായ അഖിൽ പി ധർമജന്. റാം കെയർ ഓഫ് ആനന്ദി എന്ന നോവലിനാണ് പുരസ്കാരം. മലയാള സിനിമ 2018ന്‍റെ തിരക്കഥാകൃത്തു കൂടിയാണ് അഖിൽ. പുരസ്കാരം ലഭിച്ചതിൽ സാമൂഹ്യ മാധ്യമത്തിൽ തന്‍റെ സന്തോഷം വായനക്കാരുമായി പങ്കു വെച്ചു.

ആലപ്പുഴയിൽ നിന്ന് ചെന്നെയിലേക്ക് പഠിക്കാനായെത്തുന്ന ശ്രീറാം എന്ന യുവാവിന്‍റെയും ആനന്ദി എന്ന ശ്രീലങ്കൻ യുവതിയുടെയും കഥ പറയുന്ന നോവൽ വായനക്കാർക്കിടയിൽ വലിയ ചർച്ചയാവുകയും ലക്ഷക്കണക്കിന് കോപ്പികൾ വിറ്റുപ്പോവുകയും ചെയ്തിരുന്നു. വിവിധ ഭാഷകളിൽ നിന്നുള്ള 23 കൃതികൾക്കാണ് പുരസ്കാരം ലഭിച്ചത്. 50000 രൂപയും ഫലകവും അടങ്ങുന്നതാണ് പുരസ്കാരം.