എം.ടിയുടെ ഭാഷധ്വനി വരുംയുഗങ്ങളിലും മുഴങ്ങും -വി. മധുസൂദനൻ നായർ

തി​രൂ​ർ: എം.​ടി​യു​ടെ ഭാ​ഷ​യു​ടെ ധ്വ​നി വ​രും​യു​ഗ​ങ്ങ​ളി​ലും മു​ഴ​ങ്ങി​ക്കൊ​ണ്ടേ​യി​രി​ക്കു​മെ​ന്ന് ക​വി​ വി. ​മ​ധു​സൂ​ദ​ന​ൻ നാ​യ​ർ. സാ​ദ​രം എം.​ടി ഉ​ത്സ​വ​ത്തി​ൽ ന​ട​ന്ന ‘അ​റി​യു​ന്ന എം.​ടി, അ​റി​യേ​ണ്ട എം.​ടി’ സെ​മി​നാ​റി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. കു​ട്ടി​ക​ളോ​ട് സം​വ​ദി​ക്കാ​നെ​ത്തി​യ എം.​ടി ഒ​ന്ന് ചി​ന്തി​ക്കാ​ൻ പോ​ലും സ​മ​യ​മെ​ടു​ക്കാ​തെ ബോ​ർ​ഡി​ൽ എ​ഴു​തി​യ​തും ആ ​വ​രി​ക​ൾ സം​സ്ഥാ​ന സ​ർ​ക്കാ​ർ ഔ​ദ്യോ​ഗി​ക ഭാ​ഷ പ്ര​തി​ജ്ഞ​യാ​യി പ്ര​ഖ്യാ​പി​ച്ച​തും വി. ​മ​ധു​സൂ​ദ​ന​ൻ നാ​യ​ർ വി​വ​രി​ച്ചു.

‘‘മ​ല​യാ​ള​മാ​ണ് എ​ന്റെ ഭാ​ഷ, എ​ന്റെ ഭാ​ഷ എ​ന്റെ വീ​ടാ​ണ്. എ​ന്റെ ആ​കാ​ശ​മാ​ണ്. ഞാ​ന്‍ കാ​ണു​ന്ന ന​ക്ഷ​ത്ര​മാ​ണ്. എ​ന്നെ ത​ഴു​കു​ന്ന കാ​റ്റാ​ണ്. എ​ന്റെ ദാ​ഹം ശ​മി​പ്പി​ക്കു​ന്ന കു​ളി​ര്‍ വെ​ള്ള​മാ​ണ്. എ​ന്റെ അ​മ്മ​യു​ടെ ത​ലോ​ട​ലും ശാ​സ​ന​യു​മാ​ണ്. ഏ​തു നാ​ട്ടി​ലെ​ത്തി​യാ​ലും ഞാ​ന്‍ സ്വ​പ്‌​നം കാ​ണു​ന്ന​ത് എ​ന്റെ ഭാ​ഷ​യി​ലാ​ണ്. എ​ന്റെ ഭാ​ഷ ഞാ​ന്‍ത​ന്നെ​യാ​ണ്’’ -വി. ​മ​ധു​സൂ​ദ​ന​ൻ നാ​യ​ർ ഡ​യ​റ​ക്ട​റാ​യ മ​ല​യാ​ളം പ​ള്ളി​ക്കൂ​ട​ത്തി​ലെ കു​ട്ടി​ക​ള്‍ക്കാ​യി എം.​ടി എ​ഴു​തി ന​ല്‍കി​യ​താ​ണ് ഈ ​പ്ര​തി​ജ്ഞ. ഇ​ത് ഭാ​ഷ പ്ര​തി​ജ്ഞ​യാ​യി സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് സ​ര്‍ക്കാ​റി​നെ താ​നു​ൾ​പ്പെ​ടെ​യു​ള്ള​വ​ർ സ​മീ​പി​ക്കു​ക​യും സ​ർ​ക്കാ​ർ ഔ​ദ്യോ​ഗി​ക ഭാ​ഷ പ്ര​തി​ജ്ഞ​യാ​യി പ്ര​ഖ്യാ​പി​ക്കു​ക​യു​മാ​യി​രു​ന്നു​വെ​ന്ന് മ​ധു​സൂ​ദ​ന​ൻ നാ​യ​ർ പ​റ​ഞ്ഞു.

വ​ള്ള​ത്തോ​ൾ ക​ലാ​മ​ണ്ഡ​ലം ഉ​ണ്ടാ​ക്കി​യ​തു പോ​ലെ​യാ​ണ് എം.​ടി തു​ഞ്ച​ൻ​പ​റ​മ്പ് വി​ക​സി​പ്പി​ച്ച​തെ​ന്ന് ബാ​ല​ച​ന്ദ്ര​ന്‍ ചു​ള്ളി​ക്കാ​ട് പ​റ​ഞ്ഞു. എം.​ടി നോ​വ​ലി​ലെ യാ​ഥാ​ർ​ഥ്യ​ങ്ങ​ൾ രാ​ജ്യ​ത്തി​ന്റെ യാ​ഥാ​ർ​ഥ്യ​മാ​കു​ന്നു​വെ​ന്നും ഒ​രു​പാ​ട് ക​ഥാ​കൃ​ത്തു​ക്ക​ളെ അ​ദ്ദേ​ഹം പ്രോ​ത്സാ​ഹി​പ്പി​ച്ചു​വെ​ന്നും ക​വി​യും അ​ഭി​നേ​താ​വു​മാ​യ ബാ​ല​ച​ന്ദ്ര​ന്‍ ചു​ള്ളി​ക്കാ​ട് അ​ഭി​പ്രാ​യ​പ്പെ​ട്ടു. കൂ​ട​ല്ലൂ​ർ ഗ്രാ​മ​മാ​ണ് എം.​ടി​യെ നി​ർ​മി​ച്ചെ​ടു​ത്ത​ത്. മ​ല​യാ​ള​ത്തി​ന് ല​ഭി​ച്ച വി​ജ​യ​സ്തം​ഭ​മാ​ണ് എം.​ടി​യെ​ന്നും മ​ല​യാ​ളി​യെ ഭാ​ഷ​യോ​ടും സം​സ്കാ​ര​ത്തോ​ടും അ​ദ്ദേ​ഹ​ത്തി​ന് അ​ടു​പ്പി​ക്കാ​ൻ ക​ഴി​ഞ്ഞു​വെ​ന്നും ന​ട​നും എ​ഴു​ത്തു​കാ​ര​നു​മാ​യ വി.​കെ. ശ്രീ​രാ​മ​ന്‍ പ​റ​ഞ്ഞു. സെ​മി​നാ​റി​ൽ ഡോ. ​പി.​എം. വാ​രി​യ​ര്‍ അ​ധ്യ​ക്ഷ​ത വ​ഹി​ച്ചു. വേ​ണു​ഗോ​പാ​ല്‍ കൊ​ല്‍ക്ക​ത്ത സ്വാ​ഗ​ത​വും രാ​ജേ​ന്ദ്ര​ന്‍ വ​ഴു​ത​ക്കാ​ട് ന​ന്ദി​യും പ​റ​ഞ്ഞു.