ചിലരങ്ങനെയാണ്

ക​ഴി​ഞ്ഞൊ​രു വ്യാ​ഴ​വ​ട്ട​ക്കാ​ല​ത്തി​നി​ട​ക്ക് ഇ​ന്ന​ലെ​യാ​ണ് ആ​ൻ​സി​ല​യും പാ​ട്രി​ക്കും ചി​രി​ച്ച​ത്! ക​ര​യാ​നെ​ന്ന​പോ​ലെ ചി​രി​ക്കാ​നും ചി​ന്തി​ക്കാ​നും കാ​ണും ചി​ല കാ​ര​ണ​ങ്ങ​ൾ.

ഇ​ട​നേ​ര​ങ്ങ​ളി​ലെ അ​ട്ട​ഹാ​സം ക​ണ​ക്കെ​യു​ള്ള ഏ​തോ വി​കൃ​ത​ഭാ​ഷ​യി​ലു​ള്ള നി​ല​വി​ളി​ക​ൾ, ചൊ​ല്ലി​പ്പ​റ​ച്ചി​ലു​ക​ൾ... എ​ല്ലാം തി​ക​ച്ചും അ​വ്യ​ക്തം. അ​വ​ര​ങ്ങ​നെ​യാ​ണ്, അ​ടു​ത്തി​ട​പ​ഴ​കി​യ​വ​ർ​ക്ക​റി​യാം അ​വ​ർ അ​ങ്ങ​നെ​യാ​ണെ​ന്ന്.

****

‘‘ഇ​ന്ന​ലെ ഒ​രു പോ​ള ക​ണ്ണ​ട​ക്കാ​നാ​യി​ല്ല. ഇ​ങ്ങ​നേം​ണ്ടൊ​രു ഒ​ച്ചേം വി​ളി​യും?’’ നി​ഷ അ​പ്പു​റ​മ​തി​ലി​ലെ അ​നു​വി​നോ​ട് അ​ട​ക്ക​മെ​ന്ന മ​ട്ടി​ൽ ഉ​റ​ക്കെ പ​റ​യു​ന്നു.

‘‘ചി​ല ദി​വ​സം കൂ​ടു​ത​ലാ​ണെ​ന്ന് തോ​ന്നു​ന്നു.’’ അ​നു​വി​ന്റെ മ​റു​പ​ടി​യി​ലും അ​രി​ശ​മൊ​തു​ക്ക​ലു​ള്ള​താ​യി തോ​ന്നി.

‘‘എ​ന്നാ ഇ​വ​റ്റ​ക​ൾ​ക്കാ ജ​ന​ലെ​ങ്കി​ലു​മൊ​ന്ന​ട​ച്ചൂ​ടെ? ശ​ബ്ദം ഇ​ങ്ങോ​ട്ടെ​ടു​ക്കൂ​ല​ല്ലോ’’

‘‘ഇ​ന്ന​ലെ നോ​ക്ക​ണേ, ക​റ​ന്റും പോ​യി​ല്ലേ..! ചെ​ല​പ്പോ ചൂ​ടും പൊ​കേം എ​ടു​ത്തു​കാ​ണു​മ​തി​ന്...’’

‘‘ഇ​ങ്ങ​നൊ​ള്ളോ​രെ നോ​ക്കാ​നാ​യി​ട്ടു​ള്ള സ്ഥ​ല​ങ്ങ​ളൊ​ക്കെ​യു​ണ്ടെ​ന്നേ... കൊ​ണ്ടു​വി​ട​ത്തി​ല്ല ആ ​പെ​മ്പ്രോ​ന്ന​ത്തി... കെ​ട്ടി​പ്പി​ടി​ച്ചോ​ണ്ടി​രി​ക്കു​വ​ല്ലേ​യ​തി​നെ ര​ണ്ടാ​ളും...’’

‘‘ഇ​ട​യ്ക്ക് ചെ​റു​താ​യി ഉ​പ​ദ്ര​വി​ക്കൂ​ന്ന്...’’

‘‘ആ​ണോ...’’

‘‘ത​ള്ളേ​ടെ ക​ര​ച്ചി​ലും കൂ​ടി കേ​ൾ​ക്കാം ചെ​ല നേ​ര​ത്ത്. ചോ​ദി​ച്ച​പ്പോ പ​റ​യാ, ദേ​ഷ്യം കൂ​ടി​യാ​ൽ ക​ടി​ക്കു​മെ​ന്ന്... സ്വ​ന്തം മോ​ളാ​യാ​ലും ക​ടി​ച്ചാ വേ​ദ​നി​ക്കാ​തി​രി​ക്ക്വോ?’’

‘‘എ​ന്താ​യാ​ലും മ​റ്റു​ള്ളോ​രു​ടെ സ്വൈ​ര്യം കൂ​ടി പോ​വ്വ​ല്ലേ... ആ, ​ആ​രോ​ട് പ​റ​യാ​നാ​ണി​തൊ​ക്കെ. ഒ​ഴി​ഞ്ഞു​പോ​ണ ല​ക്ഷ​ണ​മൊ​ന്നും കാ​ണാ​നി​ല്ല. ല്ലേ ​അ​നു..?’’

***

കു​ട്ടി​ക​ൾ​ക്ക് ഇ​തു​മ​തി​യെ​ന്ന ഏ​കാ​ധി​പ​ത്യ​വും, കാ​ലം ക​ഴി​ഞ്ഞ​തു​മാ​യ ചി​ന്ത മാ​റ്റി നി​ർ​ത്തി, കു​ട്ടി​ക​ൾ ന​മ്മെ​ക്കാ​ൾ മു​തി​ർ​ന്ന ഭാ​വ​നാ​ശേ​ഷി​യു​ള്ള ആ​ളാ​ണെ​ന്ന് മ​ന​സ്സി​ലാ​ക്കി​യാ​ണ് ആ​ൻ​സി​ല ബാ​ല​സാ​ഹി​ത്യ​കൃ​തി ര​ചി​ക്കാ​ൻ തു​ട​ങ്ങി​യ​ത്. അ​തും അ​മേ​യ ഉ​റ​ങ്ങും നേ​ര​ങ്ങ​ളി​ൽ മാ​ത്രം. എ​ന്തെ​ങ്കി​ലു​മാ​യി മ​നു​ഷ്യ​ൻ ഇ​ഴ​ചേ​ർ​ന്നി​ല്ലെ​ങ്കി​ൽ വ​ലി​യ കു​ഴ​പ്പ​മാ​വും. ഒ​രു ബി.​എ​ഡു​കാ​രി​ക്ക് ഇ​ങ്ങ​നെ​യെ​ങ്കി​ലും നാ​ലു​വ​രി കു​ത്തി​ക്കു​റി​ക്കാ​നാ​യാ​ൽ അ​തും ന​ല്ല​ത​ല്ലേ? ഒ​രാ​ശ്വാ​സ​ത്തി​നെ​ങ്കി​ലും.

അ​ടു​ത്ത കു​ഞ്ഞി​നെ പ​റ്റി​യ​ല്ല, അ​വ​ൾ ചി​ന്തി​ച്ച​ത്; അ​മേ​യ​യെ കു​റി​ച്ചു മാ​ത്ര​മാ​ണ്. കാ​ര​ണം, അ​മേ​യ എ​ന്ന പ​ത്തു​വ​യ​സ്സു​കാ​രി പ​ക്ഷി​ക്ക് വേ​ണ്ട​ത് സ്വാ​ത​ന്ത്ര്യ​മാ​യി​രു​ന്നു. അ​വ​ൾ​ടെ ആ​കാ​ശ​വും മ​ര​ച്ചി​ല്ല​ക​ളു​മാ​യി​രു​ന്നു. അ​തി​നു​വേ​ണ്ടി മാ​ത്ര​മാ​യാ​ണ് ഞ​ങ്ങ​ൾ ജീ​വി​ക്കു​ന്ന​തെ​ന്ന് മ​റ്റാ​രെ​യും ബോ​ധി​പ്പി​ക്കാ​ൻ, സ​ർ​ട്ടി​ഫി​ക്ക​റ്റ് ആ​വ​ശ്യ​മി​ല്ലാ​ത്ത​തി​നാ​ൽ മ​റ്റു​ള്ള​വ​രു​ടെ ക​ടും​വാ​ക്കു​ക​ൾ കേ​ൾ​ക്കാ​ന​വ​ളി​പ്പോ​ൾ നി​ൽ​ക്കാ​റു​മി​ല്ല. പ​ക്ഷേ, എ​ന്നി​ട്ടും അ​വ​ളാ പ​തം​ഗം പ​റ​ച്ചി​ൽ കേ​ട്ടു. കാ​ര​ണം, കേ​ൾ​ക്കാ​ൻ വേ​ണ്ടി കൂ​ടി​യാ​യി​രു​ന്ന​ല്ലോ അ​വ​ളു​മാ​ർ ത​മ്മി​ൽ ത​മ്മി​ൽ കു​ത്തി​ക്കു​ത്തി പ​റ​ഞ്ഞോ​ണ്ടി​രു​ന്ന​തും. എ​ന്നി​രു​ന്നാ​ലും, പ​ല​യി​ട​ത്തു നി​ന്നും പ​ലത​വ​ണ കേ​ട്ട​താ​യ​തി​നാ​ൽ സ​ങ്ക​ടം തോ​ന്നി​യി​ല്ല, പു​തു​മ​യും.

കു​ടും​ബ​ത്തി​ലെ മ​റ്റു​ള്ള​വ​രു​ടെ ബു​ദ്ധി​മു​ട്ട് പ​റ​ച്ചി​ലും, ത​ഴ​യ​ലും, ചു​ണ്ടു കോ​ട്ട​ലും​കൊ​ണ്ട് വ​രി​ഞ്ഞു​കീ​റി​യ മ​ന​സ്സു​മാ​യാ​ണ് ആ​ദ്യം ത​രാ​ൻ മ​ടി​ച്ച, ഓ​ഹ​രി വാ​ങ്ങി വി​റ്റ്, നാ​ടു ത​ന്നെ മാ​റി​യ​ത്. ചി​കി​ത്സ​ക്കാ​യി വി​ൽ​ക്ക​ലും മാ​റ​ലും പി​ന്നെ പ​തി​വാ​യി. മാ​റി മാ​റി​യി​ത് അ​ഞ്ചാ​മ​ത്തെ വീ​ടാ​ണെ​ന്നു​ള്ള​ത് അ​വ​ൾ​ക്ക് മാ​ത്ര​മ​റി​യാ​വു​ന്ന​തു​കൊ​ണ്ട് ആ​ൻ​സി​ല​യ​ത് കാ​ര്യ​മാ​ക്കി​യ​തു​മി​ല്ല. നി​ത്യ​രോ​ഗി​യും മ​രു​ന്നും മാ​ത്രം മ​തി​യ​ല്ലോ ഒ​രാ​ൾ​ക്ക് എ​ല്ലാം ന​ഷ്ട​മാ​വാ​ൻ..! എ​ന്നി​ട്ടും അ​വ​ളാ​രോ​ടും പ​രാ​തി പ​റ​ഞ്ഞ​താ​യി കേ​ട്ടി​ല്ല, ദൈ​വ​ത്തോ​ടൊ​ഴി​ച്ച്. ഇ​വി​ടെ വ​ന്നി​ട്ട്, ര​ണ്ടേ ര​ണ്ടു ദി​വ​സ​മേ അ​യ​ൽ​ക്കാ​ർ കാ​ണാ​നും മി​ണ്ടാ​നും വ​ന്നു​ള്ളൂ. അ​ക​ലാ​നാ​ഗ്ര​ഹി​ക്കു​ന്ന​വ​രോ​ട് എ​ത്ര അ​ടു​ത്തി​ട്ടും കാ​ര്യ​മി​ല്ലെ​ന്ന ക​ണ​വ​ൻ പാ​ട്രി​ക്കി​ന്റെ വാ​ക്കു​ക​ളി​ൽ അ​വ​ളും തൃ​പ്ത​യാ​യി.

അ​വ​ഗ​ണ​ന എ​വി​ടെ​യാ​ണി​ല്ലാ​ത്ത​ത്..? സ്വ​ന്തം വീ​ട്ടി​ലും കു​ടും​ബ​ത്തി​ലു​മ​ല്ലേ ന​ന്നാ​യി​ട്ടു​ള്ള​തും! പാ​ട്രി​ക് പ​ല​തും ഓ​ർ​ത്തു.

എ​ന്തോ​രം വെ​ള്ളം തി​രി​ച്ചു. എ​ത്ര ത​വ​ണ ഭൂ​മി​യെ ന​ന​ച്ചു, കു​ളി​പ്പി​ച്ചു, പു​ഷ്പി​ച്ചു. വാ​ടാ​തെ ത​ള​രാ​തെ കാ​ത്തു. പു​ൽ​ക്കൊ​ടി മു​ത​ൽ പു​ഷ്പ​വാ​ടി വ​രെ ദാ​ഹം തീ​ർ​ത്തു ചി​രി​ച്ചു. നാ​ട്ടു​കാ​രി​ൽ പ​ല​രും പ​റ​ഞ്ഞു, ‘‘പാ​ട്രി​ക് സാ​റേ... നി​ങ്ങ​ൾ വ​ന്ന​തി​ന് ശേ​ഷ​മാ പ​മ്പ് ഹൗ​സു​ണ്ടെ​ന്ന് ഞ​ങ്ങ​ള​റി​ഞ്ഞ​ത് ത​ന്നെ.’’ ഒ​രു പ​മ്പ് ഹൗ​സ് ജീ​വ​ന​ക്കാ​ര​നാ​യ​തി​ല​ന്നേ​രം പാ​ട്രി​ക്കി​ന് അ​ഭി​മാ​നം തോ​ന്നി. പ​ക്ഷേ, ഉ​ള്ളു നീ​റു​ന്ന​വ​രു​ടെ ഏ​ത് അ​ഭി​മാ​ന​വും, ഒ​രു ചി​രി​യി​ലാ​യൊ​തു​ങ്ങി​യ​മ​രു​ക പ​തി​വാ​ണ്.

ന​ന്മ​ക​ൾ മാ​ത്രം ന​ൽ​കി​യി​ട്ടും എ​നി​ക്ക് തി​രി​ച്ചുകി​ട്ടി​യ​തോ, കൊ​ടും ശാ​പം മാ​ത്ര​മാ​യ​ല്ലോ..! അ​റി​ഞ്ഞുകൊ​ണ്ടൊ​രു ഉ​റു​മ്പി​നെ​പ്പോ​ലും കൊ​ന്ന​താ​യി ഓ​ർ​മ​യി​ല്ലെ​ന്ന് പ​റ​യു​ന്ന ആ​ൻ​സി​ല​യു​ടെ ക​നം തൂ​ങ്ങി​യ മു​ഖംകൂ​ടി പാ​ട്രി​ക് ആ ​നേ​രം ഓ​ർ​ത്തുപോ​യി. ഓ​ർ​ക്കാ​തെ ത​ര​മി​ല്ല, വി​ഷ​മ​ത​യി​ൽ നാ​മെ​ല്ലാ​യി​ട​ത്തേ​ക്കും തി​രി​ഞ്ഞു നോ​ക്കു​മ​ല്ലോ!

***

ക​ഴി​ഞ്ഞ ജ​ന്മത്തി​ലെ പാ​പ​മാ​ണെ​ന്ന് ഒ​രു കൂ​ട്ടം. മാ​താ​പി​താ​ക്ക​ളു​ടെ തെ​റ്റു​ക​ൾ കാ​ര​ണ​മെ​ന്ന് മ​റ്റൊ​രു കൂ​ട്ടം. പ​ക്ഷേ, ഒ​ന്നു​റ​പ്പാ​ണ്, ഇ​തൊ​ന്നു​മ​ല്ല ഓ​ട്ടി​സ​മു​ണ്ടാ​വു​ന്ന​തി​നു​ള്ള കാ​ര​ണ​മെ​ന്ന് ഞാ​ൻ വി​ശ്വ​സി​ച്ച​ത്, ഡോ​ക്ട​ർ ഫി​ലി​പ്പ് മാ​ത്യു​വി​നെ ക​ണ്ട​പ്പോ​ഴാ​ണ്.

‘‘യ​ഥാ​ർ​ഥ ലോ​ക​ത്തു​നി​ന്ന് പി​ൻ​വാ​ങ്ങി ആ​ന്ത​രി​ക സ്വ​പ്ന​ലോ​ക​ത്ത് വി​ഹ​രി​ക്കു​ന്ന ഒ​രു അ​വ​സ്ഥ​യാ​ണ് ഓ​ട്ടി​സം.’’ ആ​ൻ​സി​ല​യും പാ​ട്രി​ക്കും ഒ​ന്നും മ​ന​സ്സി​ലാ​വാ​തെ പ​ര​സ്പ​രം നോ​ക്കി​യ ജീ​വി​ത​ത്തി​ലെ ആ​ദ്യ നി​മി​ഷ​മാ​യ​ത് മാ​റി.

‘‘ഇ​തൊ​രു രോ​ഗ​മ​ല്ല; പ​ക​ർ​ച്ച​വ്യാ​ധി​യു​മ​ല്ല. ത​ല​ച്ചോ​റി​ന്റെ ഒ​രു പ്ര​ത്യേ​ക അ​വ​സ്ഥ മാ​ത്ര​മാ​ണ്.’’

***

ലേ​ബ​ർ റൂ​മി​ന്റെ ക്ലോ​റോ​​ഫോംമ​ണ​മ​ടി​ക്കു​ന്ന​തി​ന്റെ ത​ലേ ദി​വ​സം വീ​ർ​ത്ത വ​യ​റ്റി​ലെ ഇ​ള​ക്കം കാ​ത​മ​ർ​ത്തി കേ​ൾ​പ്പി​ച്ചു കൊ​ടു​ത്തു​കൊ​ണ്ട​വ​ൾ പ​റ​ഞ്ഞു. ‘‘വ​ലി​യ വി​പ്ല​വ​കാ​രി​യാ​ണെ​ന്ന് തോ​ന്നു​ന്നു. ച​വി​ട്ടും കു​ത്തും കു​റ​ച്ചു​കൂ​ടു​ത​ലാ...’’

‘‘നോ ​നോ, ഇ​റ്റ്സ് മൈ ​ടാ​ഗോ​ർ... മ​ഹാ​ക​വി​യാ​കാ​നു​ള്ള​വ​ൻ.’’ പാ​ട്രി​ക് തി​രു​ത്തി.

‘‘ക​വി? വ​ല്ല ക​ളി​ക്കാ​ര​നെ​ങ്കി​ലു​മാ​വാ​ൻ പ്രാ​ർ​ഥി​ക്ക് മ​നു​ഷ്യാ.’’

‘‘ക​ളി​ക്കാ​ര​ൻ... ഞാ​നൊ​രു പ​ഴ​യ പ​ന്തു​ക​ളി​ക്കാ​ര​നാ​ണെ​ന്ന​തൊ​ക്കെ ശ​രി ത​ന്നെ. എ​ടീ നി​ന​ക്ക​റി​യോ, പെ​ലെ​യു​ടെ മ​ക​നൊ​രു ന​ല്ല ഗോ​ളിപോ​ലും ആ​യി​ട്ടി​ല്ല.’’

ചി​രി​ക​ൾ വീ​ണു​കി​ലു​ങ്ങി.

പ്ര​ണ​യി​ച്ച് കൂ​ടെ കൂ​ട്ടി​യ​ന്നു മു​ത​ൽ കാ​ണു​ന്ന​താ​ണ​വ​നീ പൂ​ത്തി​രിപോ​ലെ​ത്തെ പു​ഞ്ചി​രി​ക​ൾ.

‘‘ആ​രാ​യി​രു​ന്നാ​ലും സ്നേ​ഹം മാ​ത്രം വി​ള​മ്പാ​ന​റി​യു​ന്ന മ​നു​ഷ്യ​നാ​യി വ​ള​ർ​ത്ത​ണം.’’ അ​വ​ൾ ആ​ഗ്ര​ഹ​ങ്ങ​ളെ​ടു​ത്ത് കു​ട​ഞ്ഞി​ട്ടു.

‘‘ന​മ്മ​ൾ പ്ര​ണ​യി​ച്ചപോ​ലെ സ്നേ​ഹം കൊ​ണ്ടു വീ​ർ​പ്പു​മു​ട്ടി​ക്കാ​നും, അ​ല്ലേ?’’ അ​വ​ൻ, അ​വ​ർ നീ​ന്തി​യ പ്ര​ണ​യ​ത്തി​ൻ ആ​ഴം പ​റ​ഞ്ഞു.

‘‘മ​നു​ഷ്യ​ർ എ​ന്തെ​ല്ലാം കൊ​തി​ക്കു​ന്നു, അ​ല്ലേ?’’

‘‘കൊ​തി ഒ​രു തെ​റ്റ​ല്ല​ല്ലോ ആ​ൻ​സി​ല!’’

ചി​രി​ക​ൾ...

ഇ​ന്ന് കൊ​തി​യ​റി​യാ​തെ അ​മേ​യ​യും, കൊ​തി​യൊ​ന്നു​മി​ല്ലാ​തെ ആ​ൻ​സി​ല​യും, കൊ​തി​ക്കാ​ൻ​പോ​ലും നേ​ര​മി​ല്ലാ​തെ പാ​ട്രി​ക്കും പാ​ടു​പെ​ടു​ന്നു. സ​ത്യ​ത്തി​ൽ, ന​മു​ക്കൊ​ന്ന് പ്ര​ക​ടി​പ്പി​ക്കാ​നെ​ങ്കി​ലും ക​ഴി​ഞ്ഞി​ല്ലെ​ങ്കി​ൽ, മ​ര​ണ​തു​ല്യ​മാ​ണ് ജീ​വി​തം. ദാ​ഹി​ക്കു​ന്നു​വെ​ന്നോ, വി​ശ​ക്കു​ന്നു​വെ​ന്നോപോ​ലും പ​റ​യാ​ൻ ക​ഴി​യാ​ത്ത ഈ ​മ​ക്ക​ളെ​യോ​ർ​ത്താ​വി​ല്ലേ പ​ല മാ​താ​പി​താ​ക്ക​ളും ഇ​ന്നും വ്യ​സ​നി​ക്കു​ന്നു​ണ്ടാ​വു​ക.! മ​ക്ക​ളെ​യോ​ർ​ത്ത് ഒ​രി​ക്ക​ലെ​ങ്കി​ലും വി​ഷ​മി​ക്കാ​ത്ത ഏ​ത​മ്മ​യാ​ണു​ള്ള​ത്?!

ഉ​റ​പ്പാ​യും, എ​ന്ന​തി​ന്റെ തെ​ളി​വാ​യി​രു​ന്നു, ത​ന്റെ അ​ധ്യാ​പി​ക ജോ​ലി ആ​ൻ​സി​ല ആ​ദ്യം ഉ​പേ​ക്ഷി​ച്ച​ത്. മ​ക്ക​ൾ​ക്കാ​യി അ​മ്മ​മാ​ർ ത്യ​ജി​ച്ച​ത്ര​യൊ​ന്നും ഒ​ര​ച്ഛ​നും ത്യ​ജി​ച്ചുകാ​ണി​ല്ല എ​ന്നു പ​റ​യാ​നാ​വു​മോ...? പാ​ട്രി​ക് ഉ​പേ​ക്ഷി​ച്ച​വ​യു​ടെ ലി​സ്റ്റു​ക​ൾ ത​പ്പി​യാ​ൽ ത​ള​രും. ആ​ൻ​സി​ല​യും പാ​ട്രി​ക്കും ഒ​രു​മി​ച്ചൊ​രി​ട​ത്ത് പോ​യി​ട്ട് കൊ​ല്ലം പ​ത്താ​യി.

മൂ​വ​രും ചേ​ർ​ന്നി​റ​ങ്ങു​ന്ന​ത് ഡോ​ക്ട​ർ​ക്ക​ടു​ത്തേ​ക്ക്...! വി​ധി, ത​ന്നെ വെ​ല്ലാ​നാ​രു​മി​ല്ലെ​ന്ന് വീ​മ്പുപ​റ​യു​ന്ന ചി​ല നി​മി​ഷ​ങ്ങ​ളാ​ണി​വ.

‘‘ആ​ൽ​ബ​ർ​ട്ട് ഐ​ൻ​സ്റ്റീ​ൻ, ചാ​ൾ​സ് ഡാ​ർ​വി​ൻ, ലി​യാ​നാ​ർ​ഡോ ഡാ​വി​ഞ്ചി, തോ​മ​സ് എ​ഡി​സ​ൺ, ബി​ൽ​ഗേ​റ്റ്സ്, സ്റ്റീ​വ് ജോ​ബ്സ്, എ​ലോ​ൺ മ​സ്ക്, ഹോ​പ്കി​ൻ​സ്, നി​ക്കോ​ള ടെ​സ്ല ഈ ​പേ​രു​ക​ളൊ​ക്കെ നി​ങ്ങ​ൾ കേ​ട്ടി​രി​ക്കും. ആ ​നി​ര തീ​ർ​ന്നി​ട്ടി​ല്ല, റോ​വ​ൻ സെ​ബാ​സ്റ്റ്യ​ൻ അ​റ്റ്കി​ൻ​സ​ൺ അ​താ​യ​ത് മി​സ്റ്റ​ർ ബീ​ൻ എ​ന്നുപ​റ​ഞ്ഞാ​ൽ കു​റ​ച്ചു​കൂ​ടി വ്യ​ക്ത​മാ​വും. പി​ന്നെ, സ്റ്റീ​ഫ​ൻ സ്പി​ൽ​ബ​ർ​ഗ് തു​ട​ങ്ങി​യ​ങ്ങ​നെ നീ​ണ്ടുനി​വ​ർ​ന്നു കി​ട​ക്കു​ക​യാ​ണാ പ​ട്ടി​ക. ഓ​ട്ടി​സ​മു​ണ്ടാ​യി​ട്ടും ഇ​വ​രെ​ല്ലാം അ​വി​ശ്വ​സ​നീ​യമാം വി​ധം വി​ജ​യി​ച്ചു. കാ​ര​ണം, അ​വ​ർ​ക്ക് ലോ​ക​ത്തെ വ​ള​രെ വ്യ​ത്യ​സ്ത​മാ​യ രീ​തി​യി​ലൂ​ടെ കാ​ണാ​ൻ ക​ഴി​ഞ്ഞു.’’

സെ​മി​നാ​റി​ലെ പ്ര​ഭാ​ഷ​ക​ന്റെ വാ​ക്കു​ക​ൾ പ്ര​തീ​ക്ഷ​യു​ടെ പി​ച്ച​ക​മ​ല്ലേ ന​ട്ട​ത്..! അ​പ്പോ​ൾ പി​ന്നെ ആ​ൻ​സി​ല​യും പാ​ട്രി​ക്കും പ്ര​തീ​ക്ഷി​ക്കു​ന്ന​തി​ൽ തെ​റ്റു​ണ്ടോ..?

ഇ​ല്ല. പ​ക്ഷേ, ഇ​തി​നി​ട​യി​ലാ​ണ് ആ ​കു​ടും​ബം ആ​ത്മ​ഹ​ത്യ ചെ​യ്ത​ത്..! ഇ​ത്ര കാ​ലം കാ​ണാ​ത്ത എ​ന്ത് വേ​ദ​ന​യാ​ണ​വ​രെ കാ​ർ​ന്നു ക​ഴി​ക്കാ​ൻ വ​ന്ന​ത്..? ഇ​ന്ന​ലെ മോ​ൾ എ​പ്പോ​ഴോ ഒ​രു ഈ​ളി​യ ശ​ബ്ദ​ത്തി​ൽ ‘അ​മ്മേ...’ എ​ന്നു വി​ളി​ച്ചു​വെ​ന്ന്..!

സ​ങ്ക​ടം കൊ​ണ്ട​ല്ല, സ​ന്തോ​ഷം കൊ​ണ്ടാ​ണ​വ​ർ ക്രി​സ്തു​മ​സെ​ത്തി​യി​ട്ടും ത​ലേ​ദി​വ​സം ആ​ത്മ​ഹ​ത്യ ചെ​യ്ത​തത്രെ! ഓ​ണ​വും ഈ​സ്റ്റ​റും പി​റ​ന്നാ​ളു​മൊ​ന്നു​മ​ല്ല അ​വ​രു​ടെ കാ​ത്തി​രി​പ്പും ആ​ഗ്ര​ഹ​വും. അ​തെ, ചി​ല​ര​ങ്ങ​നെ​യാ​ണ്, ചി​ല​തി​നാ​യ് മാ​ത്രം കാ​ത്തി​രി​ക്കു​ന്ന​വ​ർ!