ഒപ്പം നിന്നവർക്ക് അവാർഡ്​ സമർപ്പിക്കുന്നു –പ്രഫ. ടി.ജെ. ജോസഫ്

മൂ​വാ​റ്റു​പു​ഴ: പ്ര​തി​സ​ന്ധി ഘ​ട്ട​ങ്ങ​ളി​ൽ കൂ​ടെ​നി​ൽ​ക്കു​ക​യും സ​ഹാ​യി​ക്കു​ക​യും ചെ​യ്ത​വ​ർ​ക്ക് അ​വാ​ർ​ഡ് സ​മ​ർ​പ്പി​ക്കു​ന്ന​താ​യി ആ​ത്മ​ക​ഥ​ക്കു​ള്ള കേ​ര​ള സാ​ഹി​ത്യ അ​ക്കാ​ദ​മി അ​വാ​ർ​ഡ്​ ല​ഭി​ച്ച പ്ര​ഫ. ടി.​ജെ. ജോ​സ​ഫ്. അ​വാ​ർ​ഡ്​ ല​ഭി​ച്ച​തി​ൽ സ​ന്തോ​ഷ​മു​ണ്ട്. ത​ന്‍റെ മോ​ശം കാ​ല​ത്ത്​ കൂ​ടെ​നി​ൽ​ക്കു​മെ​ന്ന്​ ക​രു​തി​യ​വ​ർ പ​ല​രും ത​ള്ളി​പ്പ​റ​ഞ്ഞു. ജോ​ലി മാ​ത്ര​മ​ല്ല, ഭാ​ര്യ​യെ​യും ന​ഷ്ട​പ്പെ​ട്ടു. ചി​കി​ത്സ തു​ട​രാ​ൻ ക​ഴി​യാ​തെ​വ​ന്നു. എ​ന്നാ​ൽ, ഇ​ര​യാ​യ​ല്ല പോ​രാ​ളി​യാ​യാ​ണ് ത​ന്നെ താ​ൻ കാ​ണു​ന്ന​തെ​ന്നും ജോ​സ​ഫ്​ പ്ര​തി​ക​രി​ച്ചു.

പൊ​ള്ളു​ന്ന ജീ​വി​താ​നു​ഭ​വ​ങ്ങ​ളാ​ണ്​ എ​ഴു​താ​ൻ പ്രേ​രി​പ്പി​ച്ച​ത്. അ​ത്​ ​​ഒ​ട്ടേ​റെ പാ​ഠ​ങ്ങ​ൾ പ​ഠി​പ്പി​ച്ചു. സ​മ​കാ​ലി​ക സാ​ഹ​ച​ര്യ​ത്തി​ൽ അ​ര​ക്ഷി​താ​വ​സ്ഥ അ​നു​ഭ​വി​ക്കു​ന്ന ജ​ന​ങ്ങ​ളെ ബോ​ധ​വ​ത്​​ക​രി​ക്കാ​നാ​ണ് എ​ഴു​തി​ത്തു​ട​ങ്ങി​യ​ത്.

2010ലാ​ണ്​ ചോ​ദ്യ പേ​പ്പ​ർ ത​യാ​റാ​ക്കി​യ​തി​ൽ മ​ത​നി​ന്ദ ആ​രോ​പി​ച്ച്​ തൊ​ടു​പു​ഴ ന്യൂ​മാ​ൻ കോ​ള​ജ്​ അ​ധ്യാ​പ​ക​നാ​യി​രു​ന്ന ജോ​സ​ഫി​ന്‍റെ വ​ല​ത്​ കൈ​പ്പ​ത്തി വെ​ട്ടി​മാ​റ്റി​യ​ത്. ഇ​ട​ത്​ ​കൈ​​കൊ​ണ്ടാ​ണ്​ ഇ​പ്പോ​ൾ അ​വാ​ർ​ഡ്​ ല​ഭി​ച്ച 'അ​റ്റു​പോ​കാ​ത്ത ഓ​ർ​മ​ക​ൾ' ആ​ത്മ​ക​ഥ ര​ചി​ച്ച​ത്.

മ​ക​ൾ ആ​മി, മ​രു​മ​ക​ൻ ബാ​ല​കൃ​ഷ്ണ, കൊ​ച്ചു​മ​ക​ൻ എ​ന്നി​വ​ർ​ക്കൊ​പ്പം അ​യ​ർ​ല​ൻ​ഡി​ലാ​ണ്​ ഇ​പ്പോ​ൾ പ്ര​ഫ. ജോ​സ​ഫ് ക​ഴി​യു​ന്ന​ത്.