രാ​ജ്യ​ത്ത് നി​ർ​ഭ​യ​മാ​യി എ​ഴു​ത്ത് സാ​ധ്യ​മാ​കു​ന്ന പ​ച്ച​ത്തു​രു​ത്താ​ണ് കേരളം ​-എൻ.എസ്. മാധവൻ

തി​രു​വ​ന​ന്ത​പു​രം: രാ​ജ്യ​ത്ത് നി​ർ​ഭ​യ​മാ​യി എ​ഴു​ത്ത് സാ​ധ്യ​മാ​കു​ന്ന പ​ച്ച​ത്തു​രു​ത്താ​ണ് കേ​ര​ള​മെ​ന്ന് എ​ൻ.​എ​സ്. മാ​ധ​വ​ൻ. രാ​ജ്യ​ത്ത്​ ച​രി​ത്രം ആ​സ്പ​ദ​മാ​ക്കി എ​ഴു​തു​ന്ന​വ​ർ നി​ശ​ബ്ദ​രാ​ക്ക​പ്പെ​ടു​ക​യാ​ണ്. ച​രി​ത്ര​സ​ത്യ​ങ്ങ​ളെ മാ​യ്​​ച്ചു​ക​ള​യാ​നു​ള്ള ശ്ര​മ​ങ്ങ​ൾ ന​ട​ക്കു​ന്നു. കേ​ര​ള​വും ത​മി​ഴ്‌​നാ​ടും പോ​ലെ ചു​രു​ക്കം ചി​ല ഇ​ട​ങ്ങ​ളേ സ്വ​ത​ന്ത്ര​മാ​യ എ​ഴു​ത്ത് അ​നു​വ​ദി​ക്കു​ന്നു​ള്ളൂ.

വ​ട​ക്കേ ഇ​ന്ത്യ​യി​ൽ യാ​ഥാ​ർ​ഥ്യ​ങ്ങ​ൾ എ​ഴു​തു​ന്ന​വ​ർ​ക്ക് താ​മ​സി​ക്കാ​ൻ വീ​ട് കി​ട്ടാ​ത്ത സ്ഥി​തി​യാ​ണെ​ന്നു​ം അ​ദ്ദേ​ഹം ആ​രോ​പി​ച്ചു. മീ​റ്റ് ദ ​ഓ​ത​ർ സെ​ഷ​നി​ൽ എ​സ്. ഹ​രീ​ഷു​മാ​യി ന​ട​ത്തി​യ സം​ഭാ​ഷ​ണ​ത്തി​ലാ​ണ് അ​ദ്ദേ​ഹം മ​ന​സ്സു​തു​റ​ന്ന​ത്‌. എ​ഴു​ത്തി​ലും ച​ല​ച്ചി​ത്ര​ങ്ങ​ളി​ലും പ്രാ​ദേ​ശി​ക​ഭാ​ഷ വി​പ​ണ​ന​മൂ​ല്യ​മു​ള്ള​താ​യി മാ​റി. ഇ​തി​ന്​ തു​ട​ക്കം​കു​റി​ച്ച​ത് എം.​ടി​യാ​ണ്.

ഒ.​വി. വി​ജ​യ​ൻ ഖ​സാ​ക്കി​ന്റെ ഇ​തി​ഹാ​സം ഖ​ണ്ഡ​ശ്ശ പ്ര​സി​ദ്ധീ​ക​രി​ച്ച​പ്പോ​ൾ ആ​ദ്യ​ത്തെ കു​റേ ല​ക്ക​ങ്ങ​ളി​ൽ വി​മ​ർ​ശ​നം പോ​ലും ഉ​ന്ന​യി​ക്കാ​നാ​വാ​ത്ത വി​ധം വി​മ​ർ​ശ​ക​ലോ​കം സ്ത​ബ്​​ധ​രാ​യി​രു​ന്നു​വെ​ന്നും അ​ദ്ദേ​ഹം പ​റ​ഞ്ഞു. കേ​ര​ള​ത്തേ​ക്കാ​ൾ രാ​ഷ്ട്രീ​യ​ബോ​ധ​മു​ള്ള ജ​ന​ത വ​ട​ക്കേ ഇ​ന്ത്യ​ക്കാ​രാ​ണെ​ന്നും അ​വ​രു​ടെ ജീ​വ​ൽ​പ്ര​ശ്ന​ങ്ങ​ളി​ൽ ഒ​രു വി​ട്ടു​വീ​ഴ്ച​യ്ക്കും അ​വ​ർ ഒ​രു​ക്ക​മ​ല്ലെ​ന്നും എ​ൻ.​എ​സ്. മാ​ധ​വ​ൻ ചോ​ദ്യ​ത്തി​ന്​ മ​റു​പ​ടി​യാ​യി പ​റ​ഞ്ഞു.