ഹി​റ്റ്ല​റും മ​ധു​വും

സാ​റ്റ​ലൈ​റ്റി​ന്റെ തൃ​ക്ക​ണ്ണു​ക​ൾ​ക്കു​മ​പ്പു​റം ചു​രു​ള​ഴി​യാ​ത്ത പ്ര​പ​ഞ്ച സ​ത്യ​ത്തി​ന്റെ ഒ​രു ദ്വീ​പ്. മ​നു​ഷ്യ​കു​ല​ത്തി​ന്റെ ക​ല്ല​റ​ക​ളെ​ന്നോ​ണം കു​മി​ഞ്ഞു​കൂ​ടി​യ മ​ല​ക​ളും താ​ഴ്വ​ര​ക​ളി​ൽ ഇ​ട​തൂ​ർ​ന്നു വ​ള​രു​ന്ന മു​ള​ങ്കാ​ടു​ക​ളും. അ​വി​ടെ​യാ​ണ് മ​രി​ച്ച​വ​രെ​ല്ലാ​രും ച​ത്തു ജീ​വി​ക്കു​ന്ന​ത്. മു​ൻ​വി​ധി​ക​ളി​ല്ലാ​തെ ക​ണ​ക്കു​കൂ​ട്ട​ലു​ക​ൾ ഇ​ല്ലാ​തെ പ്ര​തീ​ക്ഷ​യി​ല്ലാ​തെ, മ​രി​ച്ച് മ​ണ്ണ​ടി​ഞ്ഞ ഓ​ർ​മ​ക​ൾ ഇ​ല്ലാ​തെ മ​രി​ച്ച​വ​ർ ചി​രി​ച്ചി​രി​ക്കു​ന്നി​ടം. മ്യാ​ന്മ​റി​ൽ​നി​ന്നും ഭൂ​ച​ല​നം വ​ഴി വ​ന്ന ഒ​രു​കൂ​ട്ടം സ്വ​പ്ന​ങ്ങ​ളെ ത​ച്ചു​ട​ച്ച് ദ്വീ​പി​ന്റെ അ​ന്തേ​വാ​സി​ക​ൾ ആ​ക്കാ​ൻ വേ​ണ്ടി എ​ല്ലാ​വ​രും ഒ​ത്തു കൂ​ടി​യി​ട്ടു​ണ്ട്. അ​വ​രു​ടെ ആ​ര​വ​ങ്ങ​ളും ആ​ർ​പ്പു​വി​ളി​ക​ളും മ​ല​മു​ക​ളി​ൽ പ്ര​തി​ധ്വ​നി​ക​ൾ ഉ​യ​ർ​ത്തി. അ​യാ​ൾ പ​തി​വു​പോ​ലെ മു​ള​ങ്കാ​ടു​ക​ൾ​ക്കു​ള്ളി​ലേ​ക്ക് വേ​ഗം ന​ട​ന്നു. ആ​ര​വ​ങ്ങ​ളും ആ​ൾ​ക്കൂ​ട്ട​ങ്ങ​ളും ഇ​പ്പോ​ഴും അ​യാ​ളെ ഭ​യ​പ്പെ​ടു​ത്തു​ന്നു​ണ്ട്.

വെ​ട്ടി​യൊ​തു​ക്കി​യ മീ​ശ​രോ​മ​ങ്ങ​ളി​ൽ പോ​ലും ആ​ര​വ​ങ്ങ​ൾ ഭ​യ​മു​ണ്ടാ​ക്കു​ന്നു. ആ​ർ​പ്പു​വി​ളി​ക​ളു​ടെ ശ​ക്തി​യേ​റു​ന്ന​തി​നോ​ടൊ​പ്പം അ​യാ​ളു​ടെ ന​ട​ത്ത​ത്തി​ന്റെ വേ​ഗ​വും കൂ​ടി​ക്കൂ​ടി വ​ന്നു. ചാ​ര​നി​റ​ത്തി​ലു​ള്ള യൂ​നി​ഫോ​മും ക​ണ്ണു​ക​ളി​ൽ ആ​ജ്ഞ​യു​ടെ ഉ​റ​ച്ച ക​ന​വും. ചു​ണ്ടു​ക​ൾ മെ​ല്ലെ മെ​ല്ലെ മ​ന്ത്രി​ച്ചു.. ഞാ​നാ​ണ് ഹി​റ്റ്ല​ർ.. ഞാ​നാ​ണ് ഹി​റ്റ്ല​ർ..​പെ​ട്ടെ​ന്നാ​ണ് വ​ഴി​യ​രി​കി​ൽ ഒ​രാ​ൾ മ​ണ്ണോ​ടു ചേ​ർ​ന്ന് ഉ​റ​ങ്ങു​ന്ന​ത് അ​യാ​ൾ കാ​ണു​ന്ന​ത്.. ജൂ​ത​ന​ല്ലെ​ന്ന് ഉ​റ​പ്പു​വ​രു​ത്തി​യ​ശേ​ഷം ഹി​റ്റ്ല​ർ അ​യാ​ളെ ത​ട്ടി​യു​ണ​ർ​ത്തി. പേ​ടി​ച്ച​ര​ണ്ട മു​ഖ​ത്തോ​ടെ കി​ട​ന്ന​യാ​ൾ ഞെ​ട്ടി ഉ​ണ​ർ​ന്നു..​വി​ശ​പ്പാ​ണ്. വി​ശ​ന്നി​ട്ടാ​ണ്. ഉ​റ​ക്ക​പ്പി​ച്ചി​ല്ലെ​ന്നോ​ണം അ​യാ​ൾ പി​റു​പി​റു​ത്തു. നീ ​ആ​രാ​ണ്, ഹി​റ്റ്ല​ർ ക​ർ​ക്ക​ശ​മാ​യ സ്വ​ര​ത്തി​ൽ ചോ​ദി​ച്ചു.

ഞാ​ൻ മ​ധു. ചു​രു​ണ്ട മു​ടി ചൊ​റി​ഞ്ഞു​കൊ​ണ്ട് അ​യാ​ൾ മ​റു​പ​ടി ന​ൽ​കി. അ​വ​രെ​ന്നെ അ​ങ്ങ​നെ​യാ​ണ് വി​ളി​ക്കു​ന്ന​ത്.. എ​നി​ക്ക് അ​വ​രെ എ​ല്ലാം പേ​ടി​യാ​ണ്..​ആ​ൾ​ക്കൂ​ട്ട​ത്തെ ഭ​യ​മാ​ണ്. ഒ​രു നി​മി​ഷം ഹി​റ്റ്ല​ർ വാ​ക്കു​ക​ൾ കി​ട്ടാ​തെ മ​ധു​വി​നെ​യും മ​ല​യ്ക്ക​പ്പു​റം ആ​ർ​പ്പു​വി​ളി​ക്കു​ന്ന ആ​ൾ​ക്കൂ​ട്ട​ത്തെ​യും മാ​റി മാ​റി നോ​ക്കി. ഇ​രു​വ​ർ​ക്കും മു​ക​ളി​ൽ ആ​കാ​ശം മൗ​നം പു​ക​ച്ചു. ഹി​റ്റ്ല​ർ ആ​ത്മ​ഗ​തം എ​ന്നോ​ണം പ​റ​ഞ്ഞു. ആ​ൾ​ക്കൂ​ട്ടം എ​പ്പോ​ഴും എ​ന്റെ ആ​യു​ധം ആ​യി​രു​ന്നു. അ​തു​വ​രെ​യും വാ​ക്കു​ക​ൾ ചാ​പി​ള്ള​ക​ൾ ആ​യി​ക്കൊ​ണ്ടി​രു​ന്ന മ​ധു വി​റ​ക്കാ​തെ പ​റ​യാ​ൻ തു​ട​ങ്ങി. എ​നി​ക്ക് നി​ങ്ങ​ളെ അ​റി​യാം. നീ ​യു​ദ്ധം കൊ​ണ്ടു​വ​ന്നു. അ​വ​സാ​നം അ​തി​നി​ട​യി​ൽ​നി​ന്ന് ര​ക്ഷ​പ്പെ​ട്ട​വ​ർ എ​ന്നെ ക​ല്ലെ​റി​ഞ്ഞു കൊ​ന്നു.

ശ​രി​യാ​ണ് ഒ​രു പൊ​ക്കി​ൾ​കൊ​ടി​യി​ൽ​നി​ന്നാ​ണ് അ​വ​ർ വി​ഭ​ജി​ച്ച​ത്. അ​ധി​കാ​ര​വും അ​തി​ന്റെ അ​ഭാ​വ​വും. ഒ​രു​വ​ൻ കാ​ല​ങ്ങ​ളെ ഭ​യ​പ്പെ​ടു​ത്തി. ഒ​രു​വ​ൻ മ​ണ്ണി​നോ​ടൊ​പ്പം ഉ​രു​ണ്ടു. ആ​ര​വ​ങ്ങ​ൾ മു​ള​ങ്കാ​ടു​ക​ളി​ൽ ഉ​ച്ച​ത്തി​ൽ അ​ല​യ​ടി​ക്കാ​ൻ തു​ട​ങ്ങി.. ര​ണ്ടു​പേ​രും ധി​റു​തി​യി​ൽ കാ​ടു​ക​ൾ​ക്കു​ള്ളി​ലേ​ക്ക് ന​ട​ന്നു​കൊ​ണ്ടേ​യി​രു​ന്നു..​ഇ​വി​ടെ എ​ല്ലാം മു​ള​ങ്കാ​ടു​ക​ൾ തി​ങ്ങി വ​ള​ർ​ന്നി​രി​ക്കു​ന്ന​ത് എ​ന്താ​ണെ​ന്ന് അ​റി​യാ​മോ? ഹി​റ്റ്ല​ർ ചോ​ദി​ച്ചു. അ​റി​യാം ചെ​റു ചി​രി​യോ​ടെ മ​ധു മ​റു​പ​ടി ന​ൽ​കി..​മ​ര​ണ​ഗീ​തം പാ​ടി​യാ​ണ് മു​ള​ങ്കാ​ടു​ക​ൾ വ​സ​ന്ത​ത്തെ വ​ര​വേ​ൽ​കു​ന്ന​ത്…