ഒ​ന്നു മി​ണ്ടി​പ്പ​റ​യാ​ൻ​കൂ​ടി ക​ഴി​യാ​താ​യാ​ൽ

ശ്ര​ദ്ധി​ക്ക​പ്പെ​ടേ​ണ്ട പ​ല കാ​ര്യ​ങ്ങ​ളും അ​ത്ര​മേ​ൽ ശ്ര​ദ്ധി​ക്ക​പ്പെ​ടാ​തെ ക​ട​ന്നു​പോ​വു​ന്ന, പ്ര​തി​ക​ര​ണം ആ​വ​ശ്യ​പ്പെ​ടു​ന്ന പ​ല​തും നാ​മ​മാ​ത്ര​പ്ര​തി​ക​ര​ണ​ങ്ങ​ൾപോ​ലും ഇ​ല്ലാ​തെ ഒ​ഴി​ഞ്ഞു​പോ​വു​ന്ന, അ​സ്വ​സ്​​ഥ​പ്പെ​ടേ​ണ്ട ഒ​ര​വ​സ്​​ഥ​യി​ൽ​പോ​ലും ഒ​ന്ന് അ​സ്വ​സ്​​ഥ​പ്പെ​ടാ​ൻ പോ​ലു​മാ​വാ​ത്ത, മി​നി​മം സം​ഭ​വി​ക്കു​ന്ന​ത് ഇ​ത്ര​യു​മാ​ണെ​ന്ന് മ​ന​സ്സി​ലാ​ക്കു​ക​യെ​ങ്കി​ലും ചെ​യ്യേ​ണ്ട, കീ​ഴ്മേ​ൽ​മ​റി​ഞ്ഞു​കൊ​ണ്ടി​രി​ക്കു​ന്ന കാ​ല​ത്ത്, ഞാ​നൊ​ന്നും ക​ണ്ടി​ല്ല കേ​ട്ടി​ല്ല, ഞ​ങ്ങ​ളീ നാ​ട്ടു​കാ​രേ​യ​ല്ലെ​ന്ന മ​ട്ടി​ൽ പ​ല​രും അ​ല​സ​മാ​വു​ന്നൊ​രു കാ​ല​ത്ത്, എ​ത്ര പ​റ​ഞ്ഞി​ട്ടും എ​ഴു​തി​യി​ട്ടും നി​ല​വി​ളി​ച്ചി​ട്ടും എ​ന്തു​ഫ​ലം എ​ന്ന് ചി​ല​രെ​ങ്കി​ലും ഉ​ള്ളി​ൽ​ ത​ട്ടി ഉ​ത്ക​ണ്ഠ​പ്പെ​ടു​ന്നൊ​രു പ​ശ്ചാ​ത്ത​ല​ത്തി​ൽ, പേ​ടി​പ്പെ​ടു​ത്തു​ന്ന മൗ​നം ജീ​വി​ത​ത്തെ മൂ​ടു​മ്പോ​ൾ, നാ​നാ​ത​ര​ത്തി​ലു​ള്ള ക​മ്പോ​ള​ ബ​ഹ​ള​ങ്ങ​ൾ​ക്കി​ട​യി​ൽ ജീ​വി​തം വീ​ർ​പ്പു​മു​ട്ടു​മ്പോ​ൾ, വ്യാ​ജ​തി​ര​ക്കു​ക​ൾ​ക്കി​ട​യി​ൽ വി​ന​യ​പ്പെ​ടേ​ണ്ട ബ​ന്ധ​ങ്ങ​ൾ ഒ​ലി​ച്ചു​പോ​വു​മ്പോ​ൾ, മ​നു​ഷ്യ​ർ പ​ര​സ്​​പ​രം ക​ണ്ടും മി​ണ്ടി​യും കേ​ട്ടും സ്വ​ന്തം സാ​ക്ഷാ​ത്കാ​രം ഉ​റ​പ്പു വ​രു​ത്തേ​ണ്ട​തു​ണ്ട്.

എ​ന്നെ​ക്കൊ​ണ്ടെ​ന്താ​വും എ​ന്ന​ല്ല, എ​ന്നെ​ക്കൊ​ണ്ടാ​വു​ന്ന​തി​ന്റെ പ​ര​മാ​വ​ധി ഞാ​ൻ ചെ​യ്തി​ല്ലെ​ങ്കി​ൽ, പി​ന്നെ ഞാ​നെ​ന്തി​ന് കൊ​ള്ളും, എ​ന്നു​ത​ന്നെ​യാ​ണ് പ​രി​മി​തി​ക​ൾ​ക്കി​ട​യി​ൽ​നി​ന്നും മ​റ്റാ​രും കേ​ട്ടി​ട്ടി​ല്ലെ​ങ്കി​ലും നാ​മെ​ന്നും ന​മ്മ​ളോ​ട് ചോ​ദി​ക്കേ​ണ്ട​ത്. സ്വ​യം സം​സാ​രി​ക്കാ​നു​ള്ള ഒ​ര​വ​സ​ര​വും ന​ഷ്​​ട​പ്പെ​ടു​ത്താ​തി​രി​ക്കു​മ്പോ​ഴാ​ണ് സം​ഭാ​ഷ​ണ​ങ്ങ​ൾ സൂ​ക്ഷ്മ​വും സ​ർ​ഗാ​ത്മ​ക​വു​മാ​വു​ന്ന​ത്. ന​മ്മ​ളോ​ടുപോ​ലും സ്വ​ന്തം ഉ​ള്ളം​തു​റ​ന്ന് ന​മ്മ​ൾ സം​സാ​രി​ക്കാ​തി​രു​ന്നാ​ൽ ന​മ്മ​ൾ​ക്കു​വേ​ണ്ടി ആ ​കൃ​ത്യം മ​റ്റാ​ര് നി​ർ​വ​ഹി​ക്കും?

അ​ച്ച​ടി​മാ​ധ്യ​മ​ങ്ങ​ൾ മു​ത​ൽ സൈ​ബ​ർ മാ​ധ്യ​മ​ങ്ങ​ൾ​ വ​രെ​യു​ള്ള​വ​യു​ടെ വ​ള​ർ​ച്ച അ​ത്ഭു​ത​ക​ര​മാ​ണ്. അ​തി​ന്റെ വി​സ്​​മ​യാ​വ​ഹ​മാ​യ സാ​ധ്യ​ത​ക​ൾ​ക്കും അ​ധി​കാ​രോ​ന്മു​ഖ​മാ​യ പ​രി​മി​തി​ക​ൾ​ക്കു​മി​ട​യി​ലാ​ണ് ഇ​ന്ന് നാം ​ജീ​വി​ക്കു​ന്ന​ത്. അ​പ്പോ​ഴും മ​നു​ഷ്യ​നും മ​നു​ഷ്യ​നും ത​മ്മി​ലു​ള്ള നേ​ർ​ക്കു​നേ​ർ ബ​ന്ധ​വും, അ​തി​ന്റെ ഭാ​ഗ​മാ​യ സം​ഭാ​ഷ​ണ​ങ്ങ​ളും ത​ന്നെ​യാ​ണ്, ജീ​വി​ത​നേ​തൃ​ത്വം ഏ​റ്റെ​ടു​ക്കേ​ണ്ട​ത്. ഒ​രു​ ഗ്ലാ​സ്​ വെ​ള്ളം ചോ​ദി​ക്കു​ന്ന​വ​രോ​ട്, ഇ​പ്പോ​ൾ തി​ര​ക്കി​ലാ​ണ്, പി​ന്നെ മെ​സേ​ജി​ടാം എ​ന്നു പ​റ​യു​ന്ന​തി​ലു​ള്ള അ​സം​ബ​ന്ധം ന​മ്മെ അ​സ്വ​സ്​​ഥ​മാ​ക്കു​ന്നി​ല്ലെ​ങ്കി​ൽ, മ​നു​ഷ്യ​ത്വം വ​ര​ണ്ടു​പോ​കും.

വാ​ക്കു​ക​ൾ​ക്കി​ട​യി​ൽ​നി​ന്ന് ചി​ത്ര​ശ​ല​ഭ​ങ്ങ​ൾ പ​റ​ക്കു​ന്ന​ത് നേ​രി​ൽ കാ​ണ​ണ​മെ​ങ്കി​ൽ, സൗ​ഹൃ​ദ​ത്തി​ന്റെ ആ​കാ​ശ​ത്തി​ൽ ന​ക്ഷ​ത്ര​ങ്ങ​ൾ നി​ര​ന്നുനി​ന്ന് നൃ​ത്തം ച​വി​ട്ടു​ന്ന​ത് അ​നു​ഭ​വി​ക്ക​ണ​മെ​ങ്കി​ൽ, ച​വി​ട്ടി​നി​ൽ​ക്കു​ന്ന മ​ണ്ണി​ന്റെ കോ​രി​ത്ത​രി​പ്പി​ൽ അ​നു​ഭൂ​തി​പ്പെ​ട​ണ​മെ​ങ്കി​ൽ, മ​ന​സ്സ​റി​ഞ്ഞ് മ​നു​ഷ്യ​ർ​ക്ക് പ​ര​സ്​​പ​രം സം​സാ​രി​ക്കാ​ൻ ക​ഴി​യ​ണം. സം​ഭാ​ഷ​ണം മാ​ക്ബ്ര​ഡ് ക​മീ​ഷ​ൻ റി​പ്പോ​ർ​ട്ടി​ൽ പ​റ​യു​ന്ന​തുപോ​ലെ, അ​സം​ഖ്യം സ​മ്പ​ർ​ക്ക​ശൃം​ഖ​ല​ക​ളു​ടെ ജീ​വി​ത​ര​ക്തം പു​ര​ണ്ട​താ​ണ്. അ​തി​ൽ കൂ​ടി​ച്ചേ​രു​ന്ന​ത് ചോ​ര​യും നീ​രു​മി​ല്ലാ​ത്ത വെ​റും വാ​ക്കു​ക​ള​ല്ല, അ​റി​യു​ന്ന​വ​രും അ​റി​യാ​ത്ത​വ​രു​മാ​യ അ​സം​ഖ്യം മ​നു​ഷ്യ​രു​ടെ നി​ന​വു​ക​ളും കി​നാ​വു​ക​ളു​മാ​ണ്.

സം​ഭാ​ഷ​ണ​ന​ഷ്​​ടം ഒ​രു ജ​ന​ത​ക്ക് സം​ഭ​വി​ക്കാ​വു​ന്ന മ​ഹാ​ന​ഷ്​​ട​ങ്ങ​ളി​ൽ ഒ​ന്നാ​ണെ​ന്ന് മ​ന​സ്സി​ലാ​ക്കാ​ൻ ക​ഴി​യാ​തെ പോ​യാ​ൽ, കു​ഴ​ച്ചി​ൽ സം​ഭ​വി​ക്കു​ന്ന​ത്, ജീ​വി​ത​ത്തെ പ്ര​കാ​ശ​പൂ​ർ​ണമാ​ക്കേ​ണ്ട പൊ​തു ജീ​വി​ത​ത്തി​നാ​യി​രി​ക്കും. മ​ദ്യ​പാ​നം, മാം​സ​ഭ​ക്ഷ​ണം, രാ​ഷ്ട്രീ​യം ഇ​തൊ​ന്നു​മി​ല്ലാ​ത്ത മാ​തൃ​കാ​സ്​​ഥാ​ന​ത്തെ​ക്കു​റി​ച്ചു​ള്ള സൈ​ദ്ധാ​ന്തി​ക പ​രി​ക​ൽപ​ന​ക​ൾ​ക്ക് ന​മ്മു​ടെ ഇ​ന്ത്യ​ൻ കാ​ലം ന​ൽ​കു​ന്ന​ത് വ​ൻ പ്ര​ചാ​ര​ണ​മാ​ണ്!

മ​ലി​ന​മാ​വു​ന്ന വാ​യു​ മു​ത​ൽ മ​ലി​ന​മാ​വു​ന്ന മ​നു​ഷ്യ​ബ​ന്ധ​ങ്ങ​ളെ​ക്കു​റി​ച്ചു​ള്ള അ​നി​വാ​ര്യ​മാ​യ ആ​ലോ​ച​ന​ക​ൾ​ക്കുവ​രെ അ​വ​ധി​കൊ​ടു​ത്തു​കൊ​ണ്ടാ​ണ്, ഒ​രു​വി​ധേ​ന​യും പ​ര​സ്​​പ​രം പൊ​രു​ത്ത​പ്പെ​ടാ​ത്ത മ​ദ്യ​പാ​നം, മാം​സ​ഭ​ക്ഷ​ണം, രാ​ഷ്ട്രീ​യം എ​ന്നി​വ​യെ ബ​ലാ​ൽ​ക്കാ​രേ​ണ ചേ​ർ​ത്ത്, സ്വ​സ്​​ഥ ജീ​വി​ത​മാ​തൃ​ക​യു​ടെ ത്രി​ത്വം, ദൃ​ശ്യ​വും അ​ദൃ​ശ്യ​വു​മാ​യി നി​ർ​മി​ക്കു​ന്ന​ത്.

ഈ​യി​ടെ ക​ണ്ട, ത​മി​ഴ്നാ​ട്ടി​ലെ പോ​ണ്ടി​ച്ചേ​രി​ക്ക​ടു​ത്തു​ള്ള മെ​യ്വ​ഴി​ശാ​ല ഗ്രാ​മ​ത്തെ​ക്കു​റി​ച്ചു​ള്ള വി​വ​ര​ണ​ത്തി​ലാ​ണ് ഇ​തെ​ഴു​തു​മ്പോ​ൾ ഒ​ടു​വി​ലാ​യി ഈ ​വി​ശു​ദ്ധ​ത്രി​ത്വം​ക​ണ്ട്, ചി​രി​ക്ക​ണോ ക​ര​യ​ണോ എ​ന്ന​റി​യാ​തെ ഞാ​ൻ വി​ര​ണ്ടു പോ​യ​ത്! എ​ല്ലാ കോ​മാ​ളി​ത്ത​ര​ത്തി​നു​മു​ണ്ടാ​വ​ണം ഒ​ര​തി​ര്!

ഒ​രു രാ​ഷ്ട്ര​ത്തി​ൽ, ആ ​രാ​ഷ്ട്രം നി​ർ​ദേ​ശി​ക്കു​ന്ന പൗ​ര​ധ​ർ​മ​മ​നു​സ​രി​ച്ചുകൂ​ടി ജീ​വി​ക്കാ​ൻ നി​ർ​ബ​ന്ധി​ത​മാ​യ പൗ​ര/​മ​നു​ഷ്യ​രു​ടെ ജീ​വി​ത​ത്തെ​യാ​കെ നി​ർ​ണയി​ക്കു​ന്ന രാ​ഷ്ട്രീ​യ​ത്തി​ൽ​നി​ന്ന് ആ​ർ​ക്കും ഒ​രു​വി​ധേ​ന​യും മാ​റി​നി​ൽ​ക്കാ​ൻ ക​ഴി​യി​ല്ലെ​ന്നി​രി​ക്കെ, രാ​ഷ്ട്രീ​യം ഇ​ല്ലാ​ത്ത സ്​​ഥ​ലമെ​ന്ന് ഒ​രു ബ​ഹു​മ​തി​യാ​യി പ​റ​യു​ക​യും, പി​ന്നീ​ട് ജ​ന​ങ്ങ​ളി​ൽ ഒ​രു വ​ലി​യ​വി​ഭാ​ഗ​ത്തി​ന്റെ ഭ​ക്ഷ​ണ​മാ​യ, മ​ത്സ്യ​മാം​സാ​ദി​ക​ളെ മ​ദ്യ​പാ​ന​ത്തോ​ട് ചേ​ർ​ത്തുകെ​ട്ടി, സ​ർ​വ കു​ഴ​പ്പ​വാ​ദം ഇ​യ​ർ​ത്തു​ക​യും ചെ​യ്യു​ന്ന​തി​ന്റെ യു​ക്തി അ​പ​ഗ്ര​ഥി​ക്ക​പ്പെ​ടാ​തെ പോ​വു​ന്ന​ത്, പ്രാ​ഥ​മി​ക രാ​ഷ്ട്രീ​യ​ബോ​ധം​പോ​ലും ഇ​ല്ലാ​താ​വു​ന്ന​തുകൊ​ണ്ടോ, ഇ​ല്ലാ​താ​ക്ക​പ്പെ​ടു​ന്ന​തുകൊ​ണ്ടോ ആ​ണ്. പ​ല നി​ല​ക​ളി​ൽ പൊ​തു​ജീ​വി​തം, അ​ല്ലെ​ങ്കി​ൽ രാ​ഷ്ട്രീ​യ​ജീ​വി​തം കു​റ​യു​ന്ന​തോ​ടെ​യാ​ണ്, കാ​ലം ആ​വ​ശ്യ​പ്പെ​ടു​ന്ന സം​ഭാ​ഷ​ണ​ങ്ങ​ളും കു​റ​യു​ന്ന​ത്.

എ​ല്ലാ ദി​വ​സ​വും എ​ത്ര​യോ ഒ​ഴി​വു സമ​യ​മു​ണ്ടാ​യി​ട്ടും പ​ര​സ്​​പ​രം കാ​ണു​മ്പോ​ൾ ഒ​ന്നി​ച്ചി​രി​ക്കു​മ്പോ​ൾ, എ​ന്താ സു​ഖ​മ​ല്ലേ എ​ന്നുമാ​ത്രം, എ​ന്തോ ക്രൂ​ര​നി​ർ​ബ​ന്ധ ബു​ദ്ധി​യോ​ടെ, എ​പ്പോ​ഴും ആ​വ​ർ​ത്തി​ച്ചു​കൊ​ണ്ടി​രി​ക്കു​ന്ന​ത് ഒ​ര​സു​ഖ​മാ​ണെ​ന്ന് പ​ല​ർ​ക്കും മ​ന​സ്സി​ലാ​വാ​ത്ത​ത്, വ​ര​ൾ​ച്ച​യു​ടെ കാ​ല​ത്തും, പ​ച്ച​പ്പു​പോ​ലെ പ​ട​ർ​ന്ന് കു​ളി​ർ​മ പ​ക​രേ​ണ്ട സം​ഭാ​ഷ​ണ​ ന​ഷ്​​ട​ത്തെ, സ്വാ​ഭാ​വി​ക​മാ​യി സ്വീ​ക​രി​ക്കാ​ൻ അ​വ​ര​ത്ര​മേ​ൽ പ​രി​ശീ​ലി​പ്പി​ക്ക​പ്പെ​ട്ട​തു​കൊ​ണ്ടാ​ണ്. ഒ​രു ജ​ന​സ​മൂ​ഹ​ത്തി​ൽ സം​ഭ​വി​ക്കു​ന്ന സം​ഭാ​ഷ​ണ​ ന​ഷ്​​ട​ത്തി​ൽകൂ​ടി​യാ​ണ് അ​ധി​കാ​രം സു​ര​ക്ഷി​ത​മാ​വു​ന്ന​ത്.

ആ​ധി​പ​ത്യ​ത്തി​നും വി​ധേ​യ​ത്വ​ത്തി​നുമി​ട​യി​ൽ വെ​ച്ചാ​ണ്, മ​റ്റു പ​ല​തി​നു​മൊ​പ്പം സ്വ​ത​ന്ത്ര​മാ​യ സം​ഭാ​ഷ​ണ​ങ്ങ​ളും, അ​തിന്റെ വി​ക​സി​ത രൂ​പ​മാ​യി ക​രു​താ​വു​ന്ന സം​ഭാ​ഷ​ണ​ങ്ങ​ളും കു​റ​യു​ന്ന​ത്. ആ​ദ്യ​മാ​ദ്യം ത​ന്നെ​പ്പോ​ലു​ള്ള മ​റ്റു മ​നു​ഷ്യ​രി​ൽ​നി​ന്നും, ഒ​ടു​വി​ൽ ത​ന്നി​ൽ​നി​ന്നും, ഒ​ഴി​ഞ്ഞു മാ​റി​പ്പോ​വാ​നു​ള്ള ശ്ര​മം ശ​ക്ത​മാ​വു​മ്പോ​ഴാ​ണ്, പൊ​തു​ജീ​വി​തം ശു​ഷ്ക​മാ​വു​ന്ന​ത്.

അ​പ്പോ​ൾ​പി​ന്നെ ഗാ​ന്ധി വ​ധ​മി​ല്ല, ബാ​ബ​രി പ​ള്ളി പൊ​ളി​ച്ച​തി​ല്ല, ഗ്ര​ഹാം​സ്റ്റൈ​യി​ൻസി​നെ​യും മ​ക്ക​ളെ​യും കൊ​ന്ന​തി​ല്ല, ഗു​ജ​റാ​ത്ത് ക​ന്ധ​മാ​ൽ വം​ശ​ഹ​ത്യ​ക​ളി​ല്ല ഫാ​ഷി​സ​മി​ല്ല വി​ല​ക്ക​യ​റ്റ​മി​ല്ല പ​ഹ​ൽ​ഗാ​മി​ലെ ഭീ​ക​രാ​ക്ര​മ​ണ​മി​ല്ല കാ​ലാ​വ​സ്​​ഥാ വ്യ​തി​യാ​ന​മി​ല്ല ക​ൺ​മു​മ്പി​ൽ​വെ​ച്ച് ഇ​ല്ലാ​താ​വു​ന്ന ഗ​സ്സ​യു​മി​ല്ല​, എ​ന്തി​ന് ആ ​പ​ഴ​യ സം​ഭാ​ഷ​ണ​ന​ഷ്​​ട സ്വാ​ർ​ഥ​ക​ഥ​യി​ലെ ത​ട്ടാ​ൻ പോ​ലു​മി​ല്ല!

ഞാ​നും എ​ന്റെ ഭാ​ര്യ​യും അ​വ​ൾ​ക്ക് സ്വ​ർ​ണ​മു​ണ്ടാ​ക്കാ​നു​ള്ള ത​ട്ടാ​നും എ​ന്ന​താ​യി​രു​ന്നു മു​മ്പ് സ്വാ​ർ​ഥ സ്വ​കാ​ര്യ​ത​യു​ടെ മാ​നി​​െഫ​സ്റ്റോ​യാ​യി ക​രു​ത​പ്പെ​ട്ട​ത്. സ്വ​ന്തം കാ​ര്യം സി​ന്ദാ​ബാ​ദ് എ​ന്നു​ള്ള​ത് പി​ന്നീ​ട് അ​തി​നോ​ട് കൂ​ട്ടി​ച്ചേ​ർ​ക്കു​ക​യും ചെ​യ്തി​രി​ക്ക​ണം! എ​ന്നാ​ലി​പ്പോ​ൾ അ​വി​ടെ​നി​ന്നും ചി​ല​ർ ഏ​റെ പു​രോ​ഗ​മി​ച്ചി​രി​ക്കു​ന്നു. ത​ട്ടാ​നെ ത​ട്ടു​ക​യും പ​ഴ​യ സ്വ​ന്തം കാ​ര്യം എ​ന്ന​തി​നോ​ട്, സ്വ​ന്തം കാ​ര്യം മാ​ത്രം എ​ന്നെ​ഴു​തി​ച്ചേ​ർ​ക്കു​ക​യും ചെ​യ്തി​രി​ക്കു​ന്നു.

മ​ത്സ്യ-​മാം​സാ​ദി​ക​ളെ ഒ​ഴി​ച്ചു​നി​ർ​ത്തു​ന്ന ഒ​രു ജീ​വി​ത​ത്തെ സ്വ​സ്​​ഥ​സ്​​ഥ​ല​മാ​യി സ്വീ​ക​രി​ക്കു​ന്ന മാ​ന​സി​കാ​വ​സ്​​ഥ​യി​ലും, അ​തി​ലെ​ന്താ കു​ഴ​പ്പമെ​ന്ന് ചോ​ദി​ക്കു​ന്ന അ​തി​ൽ ഏ​റെ കു​ഴ​പ്പം പി​ടി​ച്ച മാ​ന​സി​കാ​വ​സ്​​ഥ​യി​ലും അ​ഭി​ര​മി​ക്കു​ന്ന​വ​ർ ഏ​റ്റ​വും ചു​രു​ങ്ങി​യ​ത്, ഡോ. ​വേ​ലു​ക്കു​ട്ടി അ​ര​യ​ന്റെ പ്ര​ശ​സ്​​ത​മാ​യ ‘മ​ത്സ്യ​വും മ​ത​വും’ എ​ന്ന പ്ര​ബ​ന്ധരൂ​പ​ത്തി​ൽ അ​ച്ച​ടി​ച്ചു​വ​ന്ന 1935ലെ ​ച​രി​ത്ര​പ്ര​സി​ദ്ധ​മാ​യ പ്ര​ഭാ​ഷ​ണ​മെ​ങ്കി​ലും ഓ​ർ​മി​ക്ക​ണം. അ​ടി​സ്​​ഥാ​ന​ജ​ന​ത​ക്ക് അ​വ​ർ മ​ത്സ്യം പി​ടി​ക്കു​ന്ന​വ​രും, ക​ഴി​ക്കു​ന്ന​വ​രു​മാ​ക​യാ​ൽ ക്ഷേ​ത്ര​പ്ര​വേ​ശ​നം നി​രോ​ധി​ച്ച​വ​ർ​ക്കെ​തി​രെ​യു​ള്ള ഗം​ഭീ​ര​മാ​യ ആ​ശ​യാ​ന്വേ​ഷ​ണ​മാ​ണ് അ​ന്ന് ഡോ. ​വേ​ലു​ക്കു​ട്ടി അ​ര​യ​ൻ ന​ട​ത്തി​യ​ത്.

എ​ന്നി​ട്ടും ന​മ്മ​ളി​ൽ ചി​ല​രി​ന്നും മ​ത്സ്യ​മാം​സാ​ദി​ക​ളെ മ​ദ്യ​ത്തി​നും രാ​ഷ്ട്രീ​യ​ത്തി​നും ഒ​പ്പം ചേ​ർ​ത്ത് അ​ർ​മാ​ദി​ക്കു​ക​യോ, അ​തി​ലൊ​ക്കെ എ​ന്താ​ണൊ​രു കു​ഴ​പ്പം എ​ന്ന് ചോ​ദി​ച്ച് ആ​ശ്വ​സി​ക്കു​ക​യോ ചെ​യ്യു​ക​യാ​ണ്. മാം​സം ക​ഴി​ക്കു​ന്ന വി​ദേ​ശി​ക​ൾ എ​ന്നു​മു​ത​ൽ ഇ​ന്ത്യ​യി​ൽ വ​ന്നോ, അ​ന്നു​മു​ത​ൽ ആ​ര്യ​ന്മാ​രു​ടെ സ​ങ്ക​ടം വ​ർ​ധി​ച്ചു​വ​ന്നു എ​ന്നെ​ഴു​തി​യ​ത് മ​ഹാ​പ​ണ്ഡി​ത​നാ​യ, വേ​ദ​ങ്ങ​ളി​ലേ​ക്ക് മ​ട​ങ്ങാ​ൻ ആ​ഹ്വാ​നം ചെ​യ്ത, ആ​ര്യ​സ​മാ​ജ​ത്തി​ന്റെ സ്​​ഥാ​പ​ക​നാ​യ ദ​യാ​ന​ന്ദ സ​ര​സ്വ​തി​യാ​ണ്.

ഒ​രാ​ൾ ക​ഴി​ക്കു​ന്ന ഭ​ക്ഷ​ണം അ​യാ​ൾ​ക്ക് സ​ന്തോ​ഷം പ​ക​രു​ന്ന​ത് മ​ന​സ്സി​ലാ​ക്കാ​വു​ന്ന​താ​ണ്. എ​ന്നാ​ൽ, അ​പ​ര​വി​ദ്വേ​ഷ​ക്കറ പു​ര​ളാ​ത്ത വേ​റൊ​രാ​ളു​ടെ ഭ​ക്ഷ​ണ​ത്തെ​യോ​ർ​ത്ത്, മ​റ്റു​ള്ള​വ​ർ വ്യാ​കു​ല​രാ​വു​ന്ന​തെ​ന്തി​ന്? ര​ണ്ട് കൂ​ട്ട​രും മ​നു​ഷ്യ​ർ​ക്ക് ആ​വ​ശ്യ​ത്തി​ന് ഭ​ക്ഷ​ണം കി​ട്ടാ​ത്ത​തി​നെ​ക്കു​റി​ച്ച് ആ​ലോ​ചി​ക്കു​മ്പോ​ഴാ​ണ് സ്വ​കാ​ര്യ​ത​യു​ടെ ഇ​ടു​ങ്ങി​യ കി​ട​ങ്ങു​ക​ളി​ൽ നി​ന്ന്, ന​മ്മ​ൾ പൊ​തു​ജീ​വി​ത​ത്തി​ലേ​ക്ക് പ്ര​വേ​ശി​ക്കു​ന്ന​ത്.

പൊ​തു​ജീ​വി​ത​പ്ര​വേ​ശ​ത്തി​ലേ​ക്കു​ള്ള വാ​തി​ലു​ക​ളൊ​ക്കെ എ​ത്ര സ​മ​ർ​ഥ​മാ​യാ​ണ്, അ​ട​ച്ചു​പൂ​ട്ട​പ്പെ​ടു​ന്ന​തെ​ന്ന് മ​ന​സ്സി​ലാ​ക്ക​പ്പെ​ടാ​തി​രി​ക്കു​മ്പോ​ൾ; ഒ​ന്ന് ചു​മ്മാ ത​ല​പൊ​ക്കി നോ​ക്കി​യാ​ൽ​ന​മ്മു​ടെ ശി​ര​സ്സി​നു​മു​ക​ളി​ലി​രു​ന്ന് ചി​രി​ക്കു​ന്ന​ത് ആ​രാ​ണെ​ന്ന് അ​പ്പോ​ൾ ബോ​ധ്യ​മാ​വും! അ​ന്ന​വി​ചാ​രം മു​ന്ന​വി​ചാ​രം എ​ന്നു​ള്ള​ത്, അ​തി​നൊ​പ്പം ഓ​ർ​ക്കേ​ണ്ട മ​റ്റ് കാ​ര്യ​ങ്ങ​ൾ മ​റ​ക്കു​ന്നി​ല്ലെ​ങ്കി​ൽ, ഗം​ഭീ​ര രാ​ഷ്ട്രീ​യ മു​ദ്രാ​വാ​ക്യ​മാ​ണ്.

എ​ന്നാ​ൽ മ​ദ്യം, മാം​സം, മ​ത്സ്യം, രാ​ഷ്ട്രീ​യം ഇ​ല്ലാ​ത്ത സ്വ​ത​ന്ത്ര റി​പ്പ​ബ്ലി​ക് എ​ന്ന പ​ര​സ്യം ആ​ഘോ​ഷി​ക്കു​ന്ന​ത്, അ​രാ​ഷ്ട്രീ​യ​ത​യാ​ണ്. ബ​ഹു​സ്വ​ര​ത​യു​ടെ ക​ഴു​ത്തി​ല​ല്ല, ആ​ത്മാ​വി​ൽത​ന്നെ​യാ​ണ​ത്, ക​ത്തി​വെ​ക്കു​ന്ന​ത്. നാ​യ​ർ​ക്ക് ഇ​ഞ്ചി​പ​ക്ഷം, അ​ച്ചി​ക്ക് കൊ​ഞ്ചു​പ​ക്ഷം എ​ന്ന മ​ല​യാ​ളം ചൊ​ല്ലി​ലെ ഭ​ക്ഷ​ണ​സൗ​ഹൃ​ദ​ത്തെ​യാ​ണ​ത് കാ​ണാ​തി​രി​ക്കു​ന്ന​ത്.

അ​ടു​ക്ക​ള ദേ​വാ​ല​യ​മാ​ണെ​ന്നും വെ​പ്പ്പാ​ത്രം ദൈ​വ​മാ​ണെ​ന്നും പ​റ​ഞ്ഞ വി​വേ​കാ​ന​ന്ദ​നെ​പ്പോ​ലും ആ ​സ്വ​ത​ന്ത്ര​റി​പ്പ​ബ്ലി​ക് സ്വ​ന്തം ചാ​ര​ത്ത് കാ​ലു​കു​ത്താ​ൻ അ​നു​വ​ദി​ക്കു​ക​യി​ല്ല! അ​ക​ത്തും പു​റ​ത്തും ഭ​യം നി​റ​യു​മ്പോ​ൾ സ്വ​ത​ന്ത്ര​മാ​യ സം​ഭാ​ഷ​ണ​ങ്ങ​ൾ കു​റ​യും!

എ​ന്തു​കേ​ട്ടാ​ലും, ഒ​രു​വ​ട്ടം​പോ​ലും ആ​ലോ​ചി​ക്കാ​തെ ചേ​ർ​ത്തുവെ​ച്ച് അ​ടി​ച്ച് അ​ഭി​ന​ന്ദ​നം അ​റി​യി​ക്കാ​നു​ള്ള​ത​ല്ല, ന​മ്മു​ടെ കൈ​ക​ളെ​ന്ന്, ആ​രു​ടെ ഏ​ത് പ​ര​സ്യം കാ​ണു​മ്പോ​ഴും മ​നു​ഷ്യ​ർ മ​റ​ക്ക​രു​ത്. സ​ർ​വ പ​ര​സ്യ​ങ്ങ​ളും പൊ​തു​ജീ​വി​ത​ഭാ​ഗ​മാ​യി വ​ള​ർ​ന്ന സം​ഭാ​ഷ​ണ​ങ്ങ​ൾ​ക്കെ​തി​രെ​യു​ള്ള ഒ​ളി​യു​ദ്ധ​ങ്ങ​ളാ​ണ്.

പ​ര​സ്യ​ങ്ങ​ൾ​ ക​ണ്ടും വാ​യി​ച്ചു​മാ​ണ്, അ​ല്ലാ​തെ അ​തി​നെ ആ​രാ​ധി​ച്ചു​കൊ​ണ്ട​ല്ല ന​മ്മ​ള​തി​നെ അ​തി​ജീ​വി​ക്കേ​ണ്ട​ത്. പ​ര​സ്യ​ങ്ങ​ളേ​യി​ല്ലാ​ത്ത ഒ​രു ലോ​ക​ത്തെ​യ​ല്ല, സ​ർ​വ പ​ര​സ്യ​ങ്ങ​ളോ​ടും സൂ​ക്ഷ്മ​മാ​യി പ്ര​തി​ക​രി​ക്കാ​ൻ സ​ജ്ജ​മാ​യ ഒ​രു ജ​ന​സ​മൂ​ഹ​മു​ള്ള സം​ഭാ​ഷ​ണ​ ന​ഷ്​​ടം സം​ഭ​വി​ക്കാ​ത്ത ഒ​രു രാ​ഷ്ട്ര​ത്തെ​യാ​ണ് നാം ​സ്വ​പ്നം കാ​ണേ​ണ്ട​ത്. സ്വ​പ്ന​മെ​ങ്കി​ലും കാ​ണാ​ൻ ക​ഴി​യു​മെ​ങ്കി​ൽ!