ജീ​വി​ക്കാ​ൻ മ​റ​ന്ന് മ​നു​ഷ്യ​ൻ യ​ന്ത്ര​സ​മാ​ന​മാ​കു​ന്നു -മെ​ഹ​ന്ദി ഫെ​ര​ജ്പൂ​ർ

തൃ​ശൂ​ർ: പു​തു​യു​ഗ​ത്തി​ൽ മ​നു​ഷ്യ​ൻ ജീ​വി​ക്കാ​ൻ മ​റ​ന്ന്​ യ​ന്ത്ര​ങ്ങ​ളാ​കു​ക​യാ​ണെ​ന്ന് പ്ര​ശ​സ്ത നാ​ട​ക സം​വി​ധാ​യ​ക​ൻ മെ​ഹ​ന്ദി ഫെ​ര​ജ്പൂ​ർ. വ്യ​ക്തി​ത്വം ന​ഷ്ട​പ്പെ​ട്ട ജീ​വി​യാ​യി ജീ​വി​ത നൈ​ര​ന്ത​ര്യ​ങ്ങ​ളി​ൽ കു​ടു​ങ്ങി​പ്പോ​കു​ന്നു. ആ​രൊ​ക്കെ​യോ നി​യ​ന്ത്രി​ക്കു​ന്ന ക​ളി​യു​ടെ ഭാ​ഗ​മാ​കും അ​വ​ർ. ​വി​കാ​ര​ങ്ങ​ൾ ന​ഷ്ട​പ്പെ​ട്ട മ​നു​ഷ്യ​ൻ ​വെ​റും മ​നു​ഷ്യ​ശ​രീ​രം മാ​ത്ര​മാ​കു​ന്നു -അ​ദ്ദേ​ഹം പ​റ​ഞ്ഞു. അ​ന്താ​രാ​ഷ്ട്ര നാ​ട​കോ​ത്സ​വ​ത്തി​ന്​ എ​ത്തി​യ​താ​യി​രു​ന്നു അ​ദ്ദേ​ഹം.

കാ​ഫ്ക​യു​ടെ ‘മെ​റ്റ​മോ​ർ​ഫോ​സി​സ്’ കൃ​തി​യു​ടെ സ്വ​ത​ന്ത്രാ​വി​ഷ്കാ​ര​മാ​ണ് മെ​ഹ​ന്ദി ഇ​റ്റ്ഫോ​ക്കി​ൽ അ​വ​ത​രി​പ്പി​ച്ച ‘കാ​ഫ്ക’ നാ​ട​കം. “ഇ​തൊ​രു പ​രീ​ക്ഷ​ണ നാ​ട​ക​മാ​ണ്. സ​മ​കാ​ലി​ക യാ​ഥാ​ർ​ഥ്യ​ങ്ങ​ളെ വി​ഷ​യ​മാ​ക്കു​ന്ന ഒ​ന്ന്. മ​നു​ഷ്യ​ൻ യ​ന്ത്ര​സ​മാ​ന​മാ​കു​മ്പോ​ൾ അ​വ​ന് അ​നു​ഭ​വ​പ്പെ​ടു​ന്ന മാ​ന്ദ്യം വ്യ​വ​സ്ഥി​തി​യു​ടെ മു​ന്നോ​ട്ടു​പോ​ക്കി​നെ ത​ട​സ്സ​പ്പെ​ടു​ത്തു​ന്നു. വൈ​കാ​തെ അ​വ​ൻ സ​മൂ​ഹ​ത്തി​ൽ​നി​ന്ന് പു​റ​ത്താ​കും. ഇ​താ​ണ് നാ​ട​ക​ത്തി​ന്‍റെ പ​ശ്ചാ​ത്ത​ലം. എ​ന്‍റെ നാ​ട​ക​ത്തെ ഒ​രു പ്ര​ത്യേ​ക ക​ള്ളി​യി​ൽ ഒ​തു​ക്കാ​നാ​വി​ല്ല” -അ​ദ്ദേ​ഹം പ​റ​ഞ്ഞു.

ഇ​റാ​ൻ ഭ​ര​ണ​കൂ​ടം ആ​വി​ഷ്കാ​ര സ്വാ​ത​ന്ത്ര്യ​ത്തെ പ​രി​മി​ത​പ്പെ​ടു​ത്തു​ന്ന​ത് ക​ലാ​പ്ര​വ​ർ​ത്ത​ന​ത്തെ ബാ​ധി​ക്കു​മെ​ന്ന​റി​ഞ്ഞ് ഇ​റാ​ൻ സ്വ​ദേ​ശി​യാ​യ മെ​ഹ​ന്ദി 15 വ​ർ​ഷം മു​മ്പാ​ണ് ഫ്രാ​ൻ​സി​ൽ എ​ത്തി​യ​ത്.