ബിമൽ കാമ്പസ് കവിതാ പുരസ്കാരം രാഹുൽ മണപ്പാട്ടിന്

കോഴിക്കോട് : എടച്ചേരി ബിമൽ സാംസ്കാരികഗ്രാമം സംസ്ഥാന തലത്തിൽ നടത്തിയ ഇത്തവണത്തെ കാമ്പസ് കവിതാ പുരസ്കാരത്തിന് രാഹുൽ മണപ്പാട്ട് അർഹനായി. "പാടവരമ്പത്ത് നമുക്കൊരു വീടുണ്ടായിരുന്നു" എന്ന കവിതയ്ക്കാണ് പുരസ്കാരം.

കോഴിക്കോട് മീഞ്ചന്ത ഗവൺമെൻറ്​ ആർട്സ് ആൻറ്​ സയൻസ് കോളേജിൽ ബിരുദാനന്തര ബിരുദ വിദ്യാർത്ഥിയാണ് രാഹുൽ. 10000 രൂപ മൂല്യമുള്ള പുസ്തകങ്ങളാണ് ഇത്തവണ പുരസ്കാരമായി നൽകുക. അവാർഡ് വിതരണവുമായി ബന്ധപ്പെട്ട കാര്യങ്ങൾ പിന്നീടറിയിക്കും.