കലയും സംസ്​കാരവും വികസനപ്രക്രിയയുടെ അടിസ്ഥാന സ്തംഭങ്ങൾ -സൗദി മന്ത്രി

റി​യാ​ദ്​: ക​ല​യും സം​സ്കാ​ര​വും സൗ​ദി സ​മൂ​ഹ​ത്തി​​ന്റെ ആ​ത്മാ​വി​ന്റെ ഭാ​ഗ​മാ​ണെ​ന്നും അ​വ വി​ക​സ​ന​പ്ര​ക്രി​യ​യു​ടെ ര​ണ്ട് അ​ടി​സ്ഥാ​ന സ്തം​ഭ​ങ്ങ​ളാ​ണെ​ന്നും സാം​സ്കാ​രി​ക ഡെ​പ്യൂ​ട്ടി മ​ന്ത്രി ഹ​മീ​ദ് ബി​ൻ മു​ഹ​മ്മ​ദ്. റി​യാ​ദി​ലെ റോ​ഷ​ൻ ഫ്ര​ൻ​റി​ൽ ന​ട​ന്ന നാ​ലു​ദി​ന സൗ​ദി ഫി​ലിം ഫോ​റ​ത്തി​ൽ (സൗ​ദി ഫി​ലിം കോ​ൺ​ഫെ​ക്​​സ്) സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. കി​രീ​ടാ​വ​കാ​ശി അ​മീ​ർ മു​ഹ​മ്മ​ദ് ബി​ൻ സ​ൽ​മാ​ൻ ആ​രം​ഭി​ച്ച ‘വി​ഷ​ൻ 2030’ന്റെ ​അ​ടി​സ്ഥാ​ന​ത്തി​ൽ ച​ല​ച്ചി​ത്ര-​ക​ലാ​വ്യ​വ​സാ​യ​ത്തി​ന് ശോ​ഭ​ന​മാ​യ ഭാ​വി കെ​ട്ടി​പ്പ​ടു​ക്കാ​ൻ സാം​സ്കാ​രി​ക മ​ന്ത്രാ​ല​യ​വും ഫി​ലിം ക​മീ​ഷ​നും ശ്ര​മി​ച്ചു​വ​രു​ക​യാ​ണ്.

യാ​ഥാ​ർ​ഥ്യ​ത്തെ മി​ക​ച്ച​താ​ക്കി മാ​റ്റു​ന്ന​തി​ലും ന​മ്മു​ടെ സം​സ്കാ​രം ലോ​ക​മെ​മ്പാ​ടും പ്ര​ച​രി​പ്പി​ക്കു​ന്ന​തി​ലും സി​നി​മ പ്ര​ധാ​ന പ​ങ്കു​വ​ഹി​ക്കു​മെ​ന്ന്​ ഞ​ങ്ങ​ൾ മ​ന​സ്സി​ലാ​ക്കു​ന്നു. ഫി​ലിം ക​മീ​ഷ​ൻ ക​ലാ​പ​ര​വും സി​നി​മാ​പ​ര​വു​മാ​യ സം​രം​ഭ​ങ്ങ​ളെ പി​ന്തു​ണ​ക്കു​ന്ന​ത് തു​ട​രും. ക​ഴി​വു​ക​ൾ വി​ക​സി​പ്പി​ക്കു​ന്ന​തി​നും സ​ർ​ഗാ​ത്മ​ക​ത​യു​ടെ ച​ക്ര​വാ​ള​ങ്ങ​ൾ വി​ക​സി​പ്പി​ക്കു​ന്ന​തി​നും ഇ​ത്​ സം​ഭാ​വ​ന ന​ൽ​കും. ഇ​തെ​ല്ലാം ന​മ്മു​ടെ രാ​ജ്യ​ത്തെ ക​ല​യും സി​നി​മാ​മേ​ഖ​ല​യും വി​ക​സി​പ്പി​ക്കാ​നു​ള്ള ഉ​റ​ച്ച പ്ര​തി​ജ്ഞാ​ബ​ദ്ധ​ത​യു​ടെ ച​ട്ട​ക്കൂ​ടി​നു​ള്ളി​ലാ​ണ്. ക​ഴി​ഞ്ഞ കു​റ​ച്ച് വ​ർ​ഷ​ങ്ങ​ളാ​യി സൗ​ദി യു​വാ​ക്ക​ളു​ടെ സ​ർ​ഗാ​ത്മ​ക​ത, മി​ക​വ്, നി​ശ്ച​യ​ദാ​ർ​ഢ്യം എ​ന്നി​വ ഉ​പ​യോ​ഗി​ച്ച് അ​ന്താ​രാ​ഷ്​​ട്ര​ത​ല​ത്തി​ലും ആ​ഗോ​ള​ത​ല​ത്തി​ലും മി​ക​ച്ച സൗ​ദി സൃ​ഷ്​​ടി​ക​ൾ ഉ​ണ്ടാ​യി​ട്ടു​ണ്ടെ​ന്നും ഡെ​പ്യൂ​ട്ടി മ​ന്ത്രി പ​റ​ഞ്ഞു.

സാം​സ്കാ​രി​ക മ​ന്ത്രി​യും ഫി​ലിം അ​തോ​റി​റ്റി ഡ​യ​റ​ക്ട​ർ ബോ​ർ​ഡ് ചെ​യ​ർ​മാ​നു​മാ​യ അ​മീ​ർ ബ​ദ​ർ ബി​ൻ അ​ബ്​​ദു​ല്ല ബി​ൻ ഫ​ർ​ഹാ​​ൻ, സാം​സ്കാ​രി​ക ഡെ​പ്യൂ​ട്ടി മ​ന്ത്രി മു​ഹ​മ്മ​ദ് ബി​ൻ ഹ​മ​ദ് എ​ന്നി​വ​രു​ടെ ര​ക്ഷാ​ക​ർ​തൃ​ത്വ​ത്തി​ൽ നാ​ലു​ ദി​വ​സം നീ​ണ്ട സൗ​ദി ഫി​ലിം ഫോ​റം ബു​ധ​നാ​ഴ്​​ച​യാ​ണ്​ സ​മാ​പി​ച്ച​ത്. ച​ല​ച്ചി​ത്ര​നി​ർ​മാ​ണ​ത്തി​ൽ താ​ൽ​പ​ര്യ​മു​ള്ള നി​ര​വ​ധി അ​റ​ബ്, അ​ന്ത​ർ​ദേ​ശീ​യ വ്യ​ക്തി​ത്വ​ങ്ങ​ളു​ടെ​യും രാ​ജ്യ​ത്തി​ലെ പ്രാ​ദേ​ശി​ക, അ​റ​ബ്, അ​ന്ത​ർ​ദേ​ശീ​യ സം​വി​ധാ​യ​ക​ർ, അ​ഭി​നേ​താ​ക്ക​ൾ, വ്യ​വ​സാ​യ വി​ദ​ഗ്ധ​ർ എ​ന്നി​വ​രു​ടെ​യും വ​ലി​യ സാ​ന്നി​ധ്യ​ത്തി​നും ഫോ​റം സാ​ക്ഷ്യം വ​ഹി​ച്ചു.

സി​നി​മാ​മേ​ഖ​ല​യി​ലെ നൂ​റി​ല​ധി​കം വി​ദ​ഗ്ധ​രു​ടെ​യും അ​ന്ത​ർ​ദേ​ശീ​യ വ്യ​ക്തി​ക​ളു​ടെ​യും പ​ങ്കാ​ളി​ത്ത​ത്തോ​ടെ ലോ​ക​മെ​മ്പാ​ടു​മു​ള്ള എ​ക്സി​ക്യൂ​ട്ടി​വു​ക​ൾ, നി​ക്ഷേ​പ​ക​ർ, സ്പെ​ഷ​ലി​സ്​​റ്റു​ക​ൾ എ​ന്നി​വ​രു​ൾ​പ്പെ​ടെ 50ഓ​ളം പ്ര​ഭാ​ഷ​ക​ർ ഫോ​റ​ത്തി​ൽ പ​െ​ങ്ക​ടു​ത്തു. ച​ല​ച്ചി​ത്ര​നി​ർ​മാ​ണ​ത്തെ​യും അ​തി​​ന്റെ പ്ര​വ​ർ​ത്ത​ന​ങ്ങ​ളെ​യും പി​ന്തു​ണ​ക്കു​ന്ന ഏ​റ്റ​വും പു​തി​യ വി​ഷ​യ​ങ്ങ​ളും സാ​ങ്കേ​തി​ക​വി​ദ്യ​ക​ളും ഫോ​റ​ത്തി​​ന്റെ വി​വി​ധ സെ​ഷ​നു​ക​ളി​ൽ ച​ർ​ച്ച​ചെ​യ്തു.