ഫോൺ കോൾസ്

മ​ത്സ​ര​ശേ​ഷം ക​ണ്ണു​ക​ൾ തു​ളു​മ്പി

കു​നി​ഞ്ഞു നി​ന്ന മു​യ​ലി​നെ

ചേ​ർ​ത്തു​പി​ടി​ച്ച് ആ​മ സാ​ന്ത്വ​ന​പ്പെ​ടു​ത്തി.

പ​ര​സ്പ​രം ഫോ​ൺ ന​മ്പ​റു​ക​ൾ

കൈ​മാ​റു​മ്പോ​ഴേ​ക്കും ആ​മ​യു​ടെ

തി​ള​ക്ക​മാ​ർ​ന്ന ക​ണ്ണു​ക​ൾ

മു​യ​ലി​ന്റെ ക​ണ്ണു​ക​ളി​ലെ ദൈ​ന്യ​ത

ഊ​റ്റി​ക്ക​ള​ഞ്ഞി​രു​ന്നു.

രാ​പ്പേ​ടി​യു​ള്ള ആ​മ​യും

പ​ക​ലു​റ​ങ്ങാ​ത്ത മു​യ​ലും

രാ​പ്പ​ക​ൽ അ​റി​യാ​ത​റി​യാ​തെ

ഫോ​ൺ കോ​ളു​ക​ളി​ൽ മു​ഴു​കി.

ഫി​നി​ഷി​ങ് ലൈ​നി​ലേ​ക്ക് ഓ​ടി​യ​ടു​ക്കു​ന്ന

മ​ത്സ​രാ​ർ​ഥി​ക​ളെപ്പോ​ലെ

അ​വ​രു​ടെ വാ​ക്കു​ക​ൾ​ക്ക് വേ​ഗ​വും

ചി​ന്ത​ക​ൾ​ക്ക് ഉ​ന്മാ​ദ​വും

കൂ​ടി​ക്കൂ​ടി വ​ന്നു.

മ​ത്സ​രാ​വേ​ശ​ത്തി​ലെ

കൈ​യ​ടി​ക​ളും കൂ​ക്കിവി​ളി​ക​ളും

ക​മ​ന്റ​റി​ക​ളും പ​തി​യെ

ഫോ​ൺകോ​ളു​ക​ൾ​ക്കി​ട​യി​ൽ

ക​യ​റി​ത്തു​ട​ങ്ങി.

വൈ​ബും വേ​വ് ലെ​ങ്തും

വെ​വ്വേ​റെ​യാ​ണെ​ന്ന​ത്

പ്രാ​ക്ടീ​സ് സെ​ഷ​നു​ക​ളി​ല്ലാ-

ത്ത​തി​ന്റെ കു​റ​വെ​ന്ന നി​ഗ​മ​ന​ത്തി​ലെ​ത്തി

ഇ​ത്ത​വ​ണ മ​ത്സ​രം ഉ​പേ​ക്ഷി​ച്ച്,

ഫോ​ൺകോ​ളു​ക​ൾ ക​ട്ട് ചെ​യ്ത്,

ര​ണ്ടു പേ​രും ട്രാ​ക്കു​ക​ൾ

മാ​റി​യ​ക​ലു​ക​യാ​യി​രു​ന്നു.