അ​ന​ന്ത​രാ​വ​കാ​ശ നി​യ​മം ച​ർ​ച്ച​യാ​വു​മ്പോ​ൾ

മു​സ്‍ലിം അ​ന​ന്ത​രാ​വ​കാ​ശ നി​യ​മ​ങ്ങ​ളും ഇ​സ്‍ലാ​മി​ക ദാ​യ​ക്ര​മ​വും സ​മ​ഗ്ര​മാ​യി പ​ഠ​ന​ത്തി​നുവെ​ച്ച ര​ച​ന​ക​ൾ മ​ല​യാ​ള​ത്തി​ൽ നി​ര​വ​ധി​യാ​ണ്. ഖു​ർ​ആ​നി​ന്റെ അ​ടി​സ്ഥാ​ന വീ​ക്ഷ​ണ​ങ്ങ​ളെ മാ​ത്രം അ​വ​ലം​ബി​ച്ചാ​വും ഇ​ത്ത​രം ര​ച​ന​ക​ളൊ​ക്കെ​യും പൂ​ർ​ത്തി​യാ​ക്കി​യി​ട്ടു​ണ്ടാ​വു​ക. എ​ന്നാ​ൽ പ​ര​മ്പ​രാ​ഗ​ത പ​ഠ​നസ​ര​ണി​യി​ൽ നി​ന്ന് തെ​ന്നി, പ്ര​മാ​ണനി​ർ​ധാ​ര​ണ​ത്തി​ൽ കാ​ല​ത്തെ​യും യു​ക്തി​യെ​യും കൂ​ട്ടു​പി​ടി​ച്ചാ​ണ് ‘അ​ന​ന്ത​രാ​വ​കാ​ശ നി​യ​മ​വും ഖു​ർ​ആ​നി​ലെ ഗ​ണി​തഭ​ദ്ര​ത​യും’ എ​ന്ന കെ.​ടി. മു​ഹ​മ്മ​ദ് ചെ​മ്മ​നാ​ടി​ന്റെ പു​സ്ത​കം മു​ന്നേ​റു​ന്ന​ത്. എ​ന്നാ​ൽ, ഖു​ർ​ആ​നി​ക പ​രി​ക​ൽ​പ​ന​ക​ളെ നി​രീ​ക്ഷ​ണ​ങ്ങ​ളു​ടെ ആ​ധാ​ര​മാ​യി ഏ​റ്റെ​ടു​ക്കു​ക​യും ചെ​യ്യു​ന്നു​ണ്ട്.

അ​തു​കൊ​ണ്ടു​ത​ന്നെ എ​ഴു​ത്തു​കാ​ര​ന്റെ കാ​ഴ്ച​പ്പാ​ടു​ക​ൾ അ​ന്യൂ​ന​വും യു​ക്തി​ഭ​ദ്ര​വു​മാ​യി വാ​യ​ന​ക്കാ​ര​ന് അ​നു​ഭ​വ​പ്പെ​ടും. ഇ​സ്‌​ലാ​മി​ക വി​ധി തീ​ർ​പ്പു​ക​ളെ വ​ള​രെ സ​മ​കാ​ലി​ക​മാ​യി അ​വ​ത​രി​പ്പി​ക്കു​ക മാ​ത്ര​മ​ല്ല, പു​സ്ത​കം ചെ​യ്യു​ന്ന​ത്. ഒ​പ്പം ഇ​ന്ത്യ​യി​ൽ നി​ല​നി​ൽ​ക്കു​ന്ന മു​ഹ​മ്മ​ദ​ൻ ലോ​യെ സം​ശ​യ​മു​ന​യി​ൽ നി​ർ​ത്തി വി​ചാ​ര​ണചെ​യ്യു​ക​യും ചെ​യ്യു​ന്നു​ണ്ട്. ഗ്ര​ന്ഥ​കാ​ര​ൻ നി​യ​മ​ജ്ഞ​ന​ല്ല. മാ​ത്ത​മാ​റ്റി​ക്സി​ൽ ബി​രു​ദ പ​ഠ​നം പൂ​ർ​ത്തി​യാ​ക്കു​ന്ന​തി​നു മു​മ്പേ വ്യാ​പാ​ര വാ​ണി​ജ്യ രം​ഗ​ത്തേ​ക്ക് തി​രി​ഞ്ഞ സാ​ധാ​ര​ണ​ക്കാ​ര​ൻ. എ​ന്നാ​ൽ, കെ.​ടി. മു​ഹ​മ്മ​ദി​ന്റെ സി​ദ്ധാ​ന്തബ​ന്ധി​ത​മാ​യ വാ​ദ​ങ്ങ​ൾ​ക്ക് മു​ന്നി​ൽ നി​യ​മപ​ണ്ഡി​ത​ന്മാ​രും സാ​മൂ​ഹിക പ​രി​ഷ്കർ​ത്താ​ക്ക​ളും വി​സ്മ​യി​ച്ചു​പോ​ക​ത്ത​ക്ക​വി​ധ​മാ​ണ് അ​വ​ത​ര​ണ മി​ക​വും ഭ​ദ്ര​ത​യും.

ഇ​പ്പോ​ഴ​ത്തെ നി​യ​മ സം​വി​ധാ​ന പ്ര​കാ​രം പി​ന്തു​ട​ർ​ന്ന് വ​രു​ന്ന ര​ണ്ടു​ത​രം ന​ട​പ​ടി​ക്ര​മ​ങ്ങ​ളെ ഖു​ർ​ആ​നി​ന്റെ വെ​ളി​ച്ച​ത്തി​ൽ, മ​നോ​ഹ​ര​മാ​യാ​ണ് ഗ്ര​ന്ഥ​കാ​ര​ൻ വി​ശ​ദീ​ക​രി​ക്കു​ന്ന​ത്. നി​ർ​ണി​താ​വ​കാ​ശി​ക​ളി​ൽ ഓ​രോ​രു​ത്ത​ർ​ക്കും അ​വ​കാ​ശി​ക​ളു​ടെ എ​ണ്ണം കൂ​ടു​ന്ന​തി​ന​നു​സ​രി​ച്ച് സ്വ​ത്ത് വീ​തി​ച്ചു​ന​ൽ​കേ​ണ്ട​തു​ണ്ട്. ചി​ല​പ്പോ​ഴൊ​ക്കെ വി​ഹി​ത​മ​നു​സ​രി​ച്ചു​ള്ള സ്വ​ത്തി​ന്റെ അ​പ​ര്യാ​പ്ത​ത​യോ അ​ത​ല്ലെ​ങ്കി​ൽ വീ​തം വെ​ക്കു​മ്പോ​ൾ വി​ഹി​തം ബാ​ക്കിവ​രു​ന്ന അ​വ​സ്ഥ​യോ ഉ​ണ്ടാ​കാ​റു​ണ്ട്. നി​ർ​ണി​ത ഓ​ഹ​രി​ക​ളാ​യ ഭി​ന്നസം​ഖ്യ​ക​ളെ ഛേദ​ങ്ങ​ളു​ടെ ല​സാ​ഗു, ഛേദ​മാ​യ സ​മാ​നഭി​ന്ന​ങ്ങ​ളാ​ക്കി കൂ​ട്ടു​മ്പോ​ൾ അം​ശം ഛേദ​ത്തേ​ക്കാ​ൾ വ​ലു​താ​യാ​ൽ ആ ​അം​ശ സം​ഖ്യ​യി​ലേ​ക്ക് ഛേദ​ത്തെ വ​ർ​ധി​പ്പി​ക്കു​ന്ന രീ​തി​യാ​ണ് ഔ​ൽ അ​ഥ​വാ ഛേദ​വ​ർ​ധന​വ്.

നി​ല​വി​ലു​ള്ള സം​വി​ധാ​ന​ത്തി​ൽ ഔ​ൽ (doctrine of increase) എ​ന്നും റ​ദ്ദ് (doctrine of decrease) എ​ന്നും ഇ​ത് വി​വ​ക്ഷി​ക്ക​പ്പെ​ടു​ന്നു​ണ്ട്. ഇ​തി​നെ ഗ്ര​ന്ഥ​കാ​ര​ൻ കാ​ണു​ന്ന​ത് ഖു​ർ​ആ​നി​ക വീ​ക്ഷ​ണ​ത്തി​ൽ അ​വ​കാ​ശ വി​ഹി​ത​ത്തി​ൽ കൂ​ട്ട​ലും കി​ഴി​ക്ക​ലും ന​ട​ത്താ​ൻ ന​മു​ക്ക​നു​മ​തി​യു​ണ്ടോ എ​ന്ന ചോ​ദ്യം ചോ​ദി​ച്ചാ​ണ്. അ​ത്ത​രം പ​രി​മി​തി ഇ​സ്‍ലാ​മി​ക നി​യ​മ​ത്തി​ന്റെ പോ​രാ​യ്ക അ​ല്ലെ​ന്നും അ​ത് ന​മ്മു​ടെ ഗ​ണി​ത​ശാ​സ്ത്ര സൂ​ത്ര​ങ്ങ​ളു​ടെ പ​രി​മി​തി മാ​ത്ര​മാ​ണെ​ന്നും ന്യാ​യ​ങ്ങ​ൾ നി​ര​ത്തി​യാ​ണ് എ​ഴു​ത്തു​കാ​ര​ൻ വി​ശ​ദീ​ക​രി​ക്കു​ന്ന​ത്.

വ​ർ​ത്ത​മാ​ന​കാ​ല​ത്ത് ഏ​റെ ച​ർ​ച്ച​യാ​യി​രി​ക്കു​ന്ന ഇ​സ്‍ലാ​മി​ന്റെ അ​ന​ന്ത​രാ​വ​കാ​ശ നി​യ​മ​ങ്ങ​ളി​ൽ ഒ​ന്നാ​ണ് പെ​ൺ​കു​ട്ടി​ക​ൾ മാ​ത്ര​മാ​കു​മ്പോ​ൾ മ​ര​ണ​പ്പെ​ട്ട​വ​രു​ടെ സ​ഹോ​ദ​രി, സ​ഹോ​ദ​ര​ന്മാ​ർകൂ​ടി അ​വ​കാ​ശി​ക​ളാകും എ​ന്ന​ത്. ഇ​ത് ദൈ​വ​ക​ൽ​പ​ന​യാ​ണ് എ​ന്ന ഖ​ണ്ഡി​താ​ഭി​പ്രാ​യ​ത്തി​ൽ ഉ​റ​ച്ചു​നി​ന്നു​കൊ​ണ്ടുത​ന്നെ, ഖു​ർ​ആ​നി​ക വീ​ക്ഷ​ണ​ത്തി​ൽ വ​ള​രെ പ്ര​സ​ക്ത​മാ​യ പ​രി​ഹാ​ര​ങ്ങ​ളും പു​സ്ത​കം നി​ർ​ദേ​ശി​ക്കു​ന്നു​ണ്ട്.

ചു​രു​ക്ക​ത്തി​ൽ നൂ​റ്റാ​ണ്ടി​ന​പ്പു​റ​ത്ത് അ​വ​ത​രി​പ്പി​ക്ക​പ്പെ​ട്ട ദാ​യനി​യ​മ​ങ്ങ​ൾ ഇ​രു​പ​താം നൂ​റ്റാ​ണ്ടി​ലെ ഗ​ണി​തശാ​സ്ത്ര നി​യ​മ​ങ്ങ​ൾ​ക്ക് അ​നു​രോ​ധ​മാ​ണെ​ന്ന് തി​രി​ച്ച​റി​ഞ്ഞു​കൊ​ണ്ട് സ​മു​ദാ​യ​ത്തി​ലെ സാ​മൂ​ഹിക പ​രി​ഷ്ക​ർ​ത്താ​ക്ക​ളും ബു​ദ്ധി​ജീ​വി​ക​ളും പ​ണ്ഡി​ത​ന്മാ​രും നി​യ​മ​ജ്ഞ​രും ഒ​ത്തു​ചേ​ർ​ന്ന് പ്രാ​മാ​ണി​ക വീ​ക്ഷ​ണ​ത്തെ സ​ത്യ​സ​ന്ധ​മാ​യി അ​വ​ത​രി​പ്പി​​ച്ച് ജ​ന​ത്തെ പ​ഠി​പ്പി​ക്കേ​ണ്ട​താ​ണെ​ന്ന വാ​ദ​മാ​ണ് പു​സ്ത​കം ഊ​ന്നി ഉ​റ​പ്പി​ക്കു​ന്ന​ത്. ഒ​പ്പം മു​ഹ​മ്മ​ദ​ൻ ലോ ​പോ​ലു​ള്ള അ​വ​ലം​ബ​ങ്ങ​ളെ, ഖു​ർ​ആ​നിന്റെ വെ​ളി​ച്ച​ത്തി​ൽ പു​നഃ​പ​രി​ശോ​ധി​ച്ച് കാ​ലോ​ചി​ത​മാ​യി തി​രു​ത്ത​ലു​ക​ളും ആ​വ​ശ്യ​മാ​യ മു​ൻ​ക​രു​ത​ലു​ക​ളും ആ​ലോ​ച​ന​ക​ളും പ​ഠ​ന​ങ്ങ​ളും ന​ട​ത്താ​ൻ പു​സ്ത​കം ന​മ്മെ പ്രേ​രി​പ്പി​ക്കു​ന്നു.