മ​ല​യാ​ള സൂ​ഫി ക​വി​ത; ദൈ​വി​കാ​നു​രാ​ഗ​ത്തി​ന്റെ ദാ​ർ​ശ​നി​കാ​വി​ഷ്കാ​രം

സൂ​ഫി​സ​മെ​ന്ന ഒ​ഴു​ക്കി​ലൊ​രി​ക്ക​ൽ കാ​ൽ ന​ന​ച്ചാ​ൽ നി​ല​ക്കാ​ത്ത ആ ​ഒ​ഴു​ക്കി​നൊ​പ്പ​മാ​യി​രി​ക്കും അ​നു​വാ​ച​ക​ർ. എ​ന്നാ​ൽ, ന​ന​യു​ന്ന​ത് യ​ഥാ​ർ​ഥ സൂ​ഫി​സ​ത്തി​ലാ​യി​രി​ക്ക​ണം എ​ന്നുമാ​ത്രം. സൂ​ഫി​സം പ്ര​ണ​യസ​ന്ദേ​ശ​ങ്ങ​ളി​ൽ നി​റ​യു​ന്ന റൂ​മി​യ​ല്ല, ച​ല​ച്ചി​ത്രഗാ​ന​ങ്ങ​ളി​ലും അ​ടു​ത്ത​വീ​ട്ടി​ലെ ക​ല്യാ​ണവേ​ദി​യി​ലും കാ​ണു​ന്ന സ​മാ നൃ​ത്ത​വു​മ​ല്ല. എ​ന്നാ​ൽ, പു​രോ​ഗ​മ​നം പു​ച്ഛ​ത്തോ​ടെ നോ​ക്കു​ന്ന പ​ല​തും സൂ​ഫി​സ​മാ​ണു താ​നും. സൂ​ഫി​സ​മെ​ന്തെ​ന്ന് മ​ന​സ്സി​ലാ​ക്കാ​ൻ ശ്ര​മി​ക്കു​ന്ന ഒ​രു ശ​രാ​ശ​രി വാ​യ​ന​ക്കാ​ര​ൻ ആ​ദ്യ​മെ​ത്തു​ന്ന​ത് ശൈ​ഖ് ജ​ലാ​ലു​ദ്ദീ​ൻ റൂ​മി​യു​ടെ ക​വി​ത​ക​ളി​ലേ​ക്കാ​യി​രി​ക്കും. എ​ന്നാ​ൽ, റൂ​മി​യു​ടെ​യോ ഹ​ല്ലാ​ജി​ന്റെ​യോ ക​വി​ത​ക​ളി​ൽ കാ​ണു​ന്ന​ത് സൂ​ഫി​സം എ​ന്താ​ണെ​ന്ന​ല്ല, പ​ക​രം സൂ​ഫി​സ​ത്തി​ന്റെ പ്ര​തി​ഫ​ല​നം എ​ന്താ​ണെ​ന്നാ​ണ്.

പ​ണ്ടൊ​രി​ക്ക​ൽ റൂ​മി​യു​ടെ ‘മ​സ്ന​വി​’യും ഓ​ഷോ​യു​ടെ ‘സൂ​ഫി​സ്’ എ​ന്ന പു​സ്ത​ക​വും വാ​യി​ച്ച് ഇ​തി​ലേ​താ​ണ് സൂ​ഫി​സമെ​ന്ന​് അത്ഭു​ത​പ്പെ​ട്ടി​രി​ക്കു​മ്പോൾ ഒ​രാ​ൾ പ​റ​ഞ്ഞ​ത്, സൂ​ഫി​സം ഓ​രോ​രു​ത്ത​ർ​ക്കും ഓ​രോ​ന്നാ​ണ് എ​ന്നാ​ണ്. എ​ന്നാ​ൽ, അ​ങ്ങ​നെ​യ​ല്ല. ഇ​സ്‍ലാമി​ന്റെ ആ​ത്മീ​യ അ​ന്ത​ർ​ധാ​ര​യാ​യ സൂ​ഫി​സം അ​ല്ലാ​ഹു​വി​നോ​ടു​ള്ള അ​തി​രു​ക​ളി​ല്ലാ​ത്ത അ​നു​രാ​ഗ​മാ​ണ്. ദൈ​വ​ത്തോ​ടു​ള്ള പ്ര​ണ​യാ​ധി​ഷ്ഠി​ത​മാ​യ ഭ​ക്തി​യു​ടെ അ​മൂ​ർ​ത്ത​ത​യാ​ണ​ത്. മൂ​ർ​ത്ത​ത പ്രാ​പി​ക്കാ​ൻ ശ്ര​മി​ക്കു​ന്തോ​റും അ​മൂ​ർ​ത്ത​മാ​യി ശേ​ഷി​ക്കു​ന്ന ആ​ത്മീ​യാ​ന്വേ​ഷ​ണ​മാ​ണ് ദൈ​വ​ത്തോ​ടു​ള്ള അ​നു​രാ​ഗം. ഇ​ത് എ​ന്താ​ണെ​ന്നും എ​ങ്ങ​നെ​യാ​യി​രി​ക്ക​ണ​മെ​ന്ന​തി​ലും വ്യ​ക്ത​മാ​യ സി​ദ്ധാ​ന്ത​ങ്ങ​ളും മാ​ന​ദ​ണ്ഡ​ങ്ങ​ളു​മു​ണ്ട്. അ​തേ​സ​മ​യം, സൂ​ഫി​സം ഓ​രോ വ്യ​ക്തി​യി​ലും ഓ​രോ വി​ധ​ത്തി​ലാ​യി​രി​ക്കും പ്ര​തി​ഫ​ലി​ക്കു​ക എ​ന്ന​ത് സ​ത്യം.

ഇ​ന്ന് സൂ​ഫി​സ​ത്തെ കു​റി​ച്ച് വാ​യ​ന​യി​ലൂ​ടെ മ​ന​സ്സി​ലാ​ക്കാ​ൻ ശ്ര​മി​ക്കു​മ്പോ​ൾ ഏ​തൊ​രാ​ളും എ​ത്തി​ച്ചേ​രു​ന്ന​ത് സൂ​ഫി ക​വി​ത​ക​ളി​ലോ ക​ഥ​ക​ളി​ലോ ആ​യി​രി​ക്കും. അ​തി​ല​പ്പു​റം സൂ​ഫി​സം എ​ന്തെ​ന്ന് വ​സ്തു​നി​ഷ്ഠ​വും അ​ക്കാ​ദ​മി​ക​വു​മാ​യി വി​വ​രി​ക്കു​ന്ന സൈ​ദ്ധാ​ന്തി​ക ഗ്ര​ന്ഥ​ങ്ങ​ൾ ഇ​പ്പോ​ഴും മു​ഖ്യ​ധാ​രാ പ്ര​സി​ദ്ധീ​ക​ര​ണ​ങ്ങ​ളി​ൽ വ​ന്നി​ട്ടി​ല്ല. അ​തേ​സ​മ​യം, സൂ​ഫി​സ​ത്തെ വി​മ​ർ​ശി​ക്കു​ന്ന, അ​ല്ലെ​ങ്കി​ൽ സൂ​ഫി​സം എ​ന്താ​ണെ​ന്നും എ​ന്ത​ല്ലെ​ന്നും സ്ഥാ​പി​ക്കാ​ൻ ശ്ര​മി​ക്കു​ന്ന ഏ​ക​പ​ക്ഷീ​യ​മാ​യ ര​ച​ന​ക​ൾ ഒ​ട്ടൊ​രു​പാ​ട് വ​ന്നി​ട്ടു​ണ്ട് താ​നും. ഇ​ത്ത​രം പു​സ്ത​ക​ങ്ങ​ൾ​ക്കി​ട​യി​ലാ​ണ് പു​തു എ​ഴു​ത്തു​കാ​ര​നാ​യ ഡോ. ​മു​ന​വ്വ​ർ ഹാ​നി​ഹി​ന്റെ ‘മ​ല​യാ​ള സൂ​ഫി ക​വി​ത’ എ​ന്ന പു​സ്ത​ക​ത്തി​ന്റെ സ്ഥാ​നം. സൂ​ഫി​സം എ​ന്തെ​ന്ന് ച​രി​ത്ര​പ​ര​മാ​യി അ​വ​ത​രി​പ്പി​ക്കു​ന്ന​തോ​ടൊ​പ്പം ത​ന്നെ സൂ​ഫി​സ​ത്തി​ന്റെ വ്യ​ക്തി​ഗ​ത പ്ര​തി​ഫ​ല​ന​ങ്ങ​ളാ​യ സൂ​ഫി ക​വി​ത​ക​ളും അ​വ​യു​ടെ ആ​ശ​യ​വി​ശ​ക​ല​ന​വും ആ​ഴ​ത്തി​ൽ വി​വ​രി​ക്കു​ന്ന ഗ്ര​ന്ഥ​മാ​ണ് മ​ല​യാ​ള​ സൂ​ഫി ക​വി​ത. എ​ന്നാ​ൽ, ഈ ​പു​സ്ത​ക​ത്തി​ന്റെ കാ​ത​ലാ​യ ആ​ക​ർ​ഷ​ണം, ഈ ​ക​വി​ത​ക​ൾ മ​ല​യാ​ള​ത്തി​ലു​ണ്ടാ​യ സൂ​ഫി ക​വി​ത​ക​ളാ​ണ് എ​ന്നു​ള്ള​താ​ണ്.

മ​ല​യാ​ള​ത്തി​ലെ സൂ​ഫി ക​വി​ത​ക​ളെ അ​വ​യു​ടെ ശി​ൽപ-ആ​ശ​യ സൗ​കു​മാ​ര്യ​ത്തെ വെ​ളി​വാ​ക്കും വി​ധം പ​രി​ച​യ​പ്പെ​ടു​ത്തു​ന്ന​തോ​ടൊ​പ്പം സൂ​ഫി സാ​ഹി​ത്യ​ത്തെ സം​ബ​ന്ധി​ച്ച്, വ​ള​രെ ന​വീ​ന​മാ​യൊ​രു കാ​ഴ്ചപ്പാ​ടും ഈ ​പു​സ്ത​ക​ത്തി​ലൂ​ടെ എ​ഴു​ത്തു​കാ​ര​ൻ മു​ന്നോ​ട്ടു വെ​ക്കു​ന്നു. ലോ​ക​ത്ത് ഇ​സ്‍ലാം മ​തം പ്ര​ച​രി​ച്ചി​ട​ങ്ങ​ളി​ലെ​ല്ലാം സൂ​ഫി​സം എ​ന്ന ഇ​സ്‍ലാമി​ന്റെ ആ​ത്മീ​യ​ലാ​വ​ണ്യത​ലം പ്ര​ച​രി​ച്ചി​ട്ടു​ണ്ടെ​ന്നും അ​വി​ടത്തെ പ്രാ​ദേ​ശി​ക​ഭാ​ഷ​ക​ളി​ൽ ജ​ലാ​ലു​ദ്ദീ​ൻ റൂ​മി​യുടേ​തി​നു സ​മാ​ന​മാ​യ സൂ​ഫി ദാ​ർ​ശ​നി​ക ക​വി​ത​ക​ളും ഉ​ണ്ടാ​യി​ട്ടു​ണ്ടെ​ന്ന് സ്ഥാ​പി​ക്കു​ക​യാ​ണ് ഗ്ര​ന്ഥ​ക​ർ​ത്താ​വ്. ഇ​തി​ന്റെ തെ​ളി​വു​ക​ളാ​യി അ​ദ്ദേ​ഹം വാ​യ​ന​ക്കാ​ർ​ക്കു മു​ന്നിൽ സ​മ​ർ​പ്പി​ക്കു​ന്ന​താ​വ​ട്ടെ, മ​ല​യാ​ള​ മ​ണ്ണി​ൽ കാ​ല​ങ്ങ​ളാ​യി നി​ല​നി​ന്നുപോ​രു​ന്ന എ​ന്നാ​ൽ മു​ഖ്യ​ധാ​രാ സാ​ഹി​ത്യ​ഭൂ​മി​ക​യി​ലേ​ക്ക് എ​ത്തി​പ്പെ​ടാ​ത്ത സൂ​ഫി ക​വി​ത​ക​ളും.

ഇ​ച്ച അ​ബ്ദു​ൽ ഖാ​ദ​ർ മ​സ്താ​ൻ, ക​ടാ​യി​ക്ക​ൽ പു​ല​വ​ർ മൊ​യ്തീ​ൻ​കു​ട്ടി ഹാ​ജി, ഹാ​ജി അ​ബ്ദു​റ​സാ​ഖ് മ​സ്താ​ൻ, കെ.​വി. അ​ബൂ​ബ​ക്ക​ർ മാ​സ്റ്റ​ർ തു​ട​ങ്ങി​യ നാ​ലു സൂ​ഫി ക​വി​ക​ളു​ടെ പ​ന്ത്ര​ണ്ടോ​ളം ക​വി​ത​ക​ളെ​ടു​ത്ത് വി​ശ​ക​ല​നം ചെ​യ്യു​ക​യാ​ണ് ഈ ​പു​സ്ത​ക​ത്തി​ൽ. ഭാ​ഷ, ആ​ശ​യം എ​ന്നീ ത​ല​ങ്ങ​ളി​ൽ കേ​ന്ദ്രീ​ക​രി​ച്ച് ഈ ​ക​വി​ത​ക​ളെ ഇ​ഴ​കീ​റി പ​രി​ശോ​ധി​ക്കു​ക​യും അ​വ​യെ ആ​ധു​നി​ക വൈ​ജ്ഞാ​നി​ക ശാ​സ്ത്ര​ങ്ങ​ളു​മാ​യി ബ​ന്ധ​പ്പെ​ടു​ത്തു​ന്നു​മു​ണ്ട് എ​ഴു​ത്തു​കാ​ര​ൻ. വി​ദേ​ശ​ സ​ർ​വക​ലാ​ശാ​ല​ക​ളി​ൽ ഡി​വി​നി​റ്റി സ്കൂ​ൾ, റി​ലീ​ജ്യ​ൻ ആ​ൻഡ് ക​ൾ​ചർ ഡി​പ്പാ​ർ​ട്മെ​ന്റ് തു​ട​ങ്ങി​യ പ​ഠ​ന-​ഗ​വേ​ഷ​ണ വി​ഭാ​ഗ​ങ്ങ​ൾ​ക്കു കീ​ഴി​ൽ സൂ​ഫി​സ​ത്തെക്കു​റി​ച്ചും അ​തി​ലെ വൈ​ജ്ഞാ​നി​ക​ത​ക​ളെ കു​റി​ച്ചും ആ​ഴ​ത്തി​ൽ പ​ഠ​നം ന​ട​ന്നു​കൊ​ണ്ടി​രി​ക്കു​ക​യാ​ണ്. അ​ത്ത​രം ആ​ഗോ​ള​ പ​ഠ​ന​ങ്ങ​ളി​ലേ​ക്കു ചേ​ർ​ത്തു​വെ​ക്കാ​വു​ന്ന അ​ക്കാ​ദ​മി​ക നി​ല​വാ​രം പു​ല​ർ​ത്തു​ന്ന പ​ഠ​ന​ഗ്ര​ന്ഥ​മാ​ണ് ‘മ​ല​യാ​ള സൂ​ഫി ക​വി​ത’ എ​ന്ന പു​സ്ത​കം.

അ​ലീഗ​ഢ് മു​സ്‍ലിം സ​ർ​വക​ലാ​ശാ​ല​യി​ലെ ഗ​വേ​ഷ​ണ​ത്തി​ന്റെ ഭാ​ഗ​മാ​യി സ്വ​രൂ​പി​ച്ച വി​വ​ര​ വി​ശ​ദാം​ശ​ങ്ങ​ളെ​യാ​ണ് ഈ ​പു​സ്ത​ക​ത്തി​ൽ എ​ഴു​ത്തു​കാ​ര​ൻ ക്രോ​ഡീ​ക​രി​ച്ചി​രി​ക്കു​ന്ന​ത്. കേ​ര​ള​ത്തി​ന്റെ ആ​ത്മീ​യ​സ്ഥ​ലി​ക​ളി​ൽ പ​ര​ന്നുകി​ട​ക്കു​ക​യാ​യി​രു​ന്ന ഈ ​ക​വി​ത​ക​ളു​ടെ ശേ​ഖ​ര​ണ​ത്തി​ലും വി​ശ​ക​ല​ന​ത്തി​ലും ഗ്ര​ന്ഥ​കാ​ര​നെ സ​ഹാ​യി​ച്ച​ത് ത​വ​ക്ക​ൽ മു​സ്ത​ഫ, സ​ലാ​ഹു​ദ്ദീ​ൻ അ​യ്യൂ​ബി എ​ന്നീ സൂ​ഫി അ​ന്വേ​ഷ​ക​രാ​ണ്. മ​ല​യാ​ള സൂ​ഫി ക​വി​ത​ക​ളു​ടെ ആ​ശ​യം, ഭാ​ഷാ സ​വി​ശേ​ഷ​ത​ക​ൾ എ​ന്നി​വ വി​ശ​ക​ല​നം ചെ​യ്ത് ക്രോ​ഡീ​ക​രി​ക്കു​ന്ന ഗ്ര​ന്ഥ​കാ​ര​ൻ ഈ ​ക​വി​ത​ക​ളെ മ​ല​യാ​ള ക​വി​താ​ശാ​ഖ​യി​ലെ ത​ന്നെ വ്യ​ത്യ​സ്ത​മാ​യ ക​വി​താ​ശാ​ഖ​യാ​യി അ​ട​യാ​ള​പ്പെ​ടു​ത്തേ​ണ്ട​തി​ന്റെ ആ​വ​ശ്യ​ക​ത ചൂ​ണ്ടി​ക്കാ​ട്ടു​ന്നു​ണ്ട്. ഈ ​ക​വി​ത​ക​ളു​ടെ മൗ​ലി​ക​പ്ര​ത്യേ​ക​ത​യാ​യി ഇ​ദ്ദേ​ഹം ചൂ​ണ്ടി​ക്കാ​ണി​ക്കു​ന്ന​ത് ഈ ​ക​വി​ത​ക​ളു​ടെ ദാ​ർ​ശ​നി​ക സ്വ​ഭാ​വ​മാ​ണ്.

സൂ​ഫി​സം എ​ന്ന ആ​ത്മീ​യാ​ന​ന്ദ​ത്തി​ന്റെ​യും വി​ജ്ഞാ​ന​ത്തി​ന്റെ​യും കേ​ര​ളീ​യ അ​നു​ഭ​വ​ത്തെ ഒ​രു കു​മ്പി​ളി​ൽ സ​മ​ർ​പ്പി​ക്കാ​നു​ള്ള ശ്ര​മ​മാ​ണ് ഡോ. ​മു​ന​വ്വ​ർ ഹാ​നി​ഹി​ന്റെ ‘മ​ല​യാ​ള സൂ​ഫി ക​വി​ത’ എ​ന്ന പു​സ്ത​കം. ഇ​തി​ന്റെ വാ​യ​ന ഒ​രേ​സ​മ​യം, അ​റി​വി​ന്റെ​യും ആ​ന​ന്ദ​ത്തി​ന്റെ​യും പു​തി​യ​ ഭൂ​മി​ക പ​രി​ച​യ​പ്പെ​ടു​ത്തു​മെ​ന്ന് തീ​ർ​ച്ച.