ഷാ​ർ​ജ അ​ന്താ​രാ​ഷ്ട്ര പു​സ്ത​കോ​ത്സ​വ​ത്തി​ൽ അ​ത്ഭു​തം നി​റ​ച്ച് പു​രാ​ത​ന കൈ​യെ​ഴു​ത്ത് പ്ര​തി​ക​ൾ

ഷാ​ർ​ജ: അ​ന്താ​രാ​ഷ്ട്ര പു​സ്ത​കോ​ത്സ​വ​ത്തി​ൽ ഇ​ത്ത​വ​ണ സ​ന്ദ​ർ​ശ​ക​ർ​ക്ക് അ​ത്ഭു​തം​നി​റ​ച്ച് പു​രാ​ത​ന രേ​ഖ​ക​ളു​ടെ​യും കൈ​യെ​ഴു​ത്ത് പ്ര​തി​ക​ളു​ടെ​യും ശേ​ഖ​രം. വി​വി​ധ പ​വി​ലി​യ​നു​ക​ളി​ലാ​ണ് അ​റ​ബ്, ഇ​സ്‌​ലാ​മി​ക ച​രി​ത്ര​ത്തി​ലേ​ക്ക് വെ​ളി​ച്ചം വീ​ശു​ന്ന നി​ര​വ​ധി കാ​ഴ്ച​ക​ളു​ള്ള​ത്.

ഖു​ർ​ആ​നി​ന്റെ പ​തി​മൂ​ന്നാം നൂ​റ്റാ​ണ്ടി​ലും പ​തി​ന​ഞ്ചാം നൂ​റ്റാ​ണ്ടി​ലും എ​ഴു​ത​പ്പെ​ട്ട കൈ​യെ​ഴു​ത്ത് പ്ര​തി​ക​ളു​ടെ പ​ക​ർ​പ്പ് പ്ര​ദ​ർ​ശ​ന ഹാ​ളി​ലെ തു​ട​ക്ക​ത്തി​ലെ ഹാ​മി​ദ് ജാ​ഫ​റി​ന്റെ പ്ര​ത്യേ​ക കാ​ലി​ഗ്ര​ഫി പ്ര​ദ​ർ​ശ​ന സ്റ്റാ​ളി​ലാ​ണു​ള്ള​ത്. ഖു​ർ​ആ​നി​ന്റെ ത​ന്നെ സ്വ​ർ​ണ​ത്തി​ൽ ത​യാ​റാ​ക്കി​യ കോ​പ്പി​യും സ​ന്ദ​ർ​ശ​ക​രെ ഏ​റെ ആ​ക​ർ​ഷി​ക്കു​ന്നു​ണ്ട്. മൊ​റോ​ക്കോ​യി​ൽ പ​തി​മൂ​ന്നാം നൂ​റ്റാ​ണ്ടി​ൽ ര​ചി​ക്ക​പ്പെ​ട്ട മ​ഗ്രി​ബി​ന് സ്ക്രി​പ്റ്റി​ലെ ഖു​ർ​ആ​ൻ പ്ര​തി​യാ​ണ് ഇ​തി​ൽ ഏ​റ്റ​വും ശ്ര​ദ്ധേ​യം. പ​തി​ന​ഞ്ചാം നൂ​റ്റാ​ണ്ടി​ലെ ഇ​റാ​നി​ൽ​നി​ന്നു​ള്ള സ്വ​ർ​ണ​നി​റ​ത്തി​ലെ ഖു​ർ​ആ​ൻ പ്ര​തി​യും ശ്ര​ദ്ധി​ക്ക​പ്പെ​ടു​ന്നു​ണ്ട്. 24 കാ​ര​റ്റ് സ്വ​ർ​ണ​ത്തി​ൽ ത​യാ​റാ​ക്കി​യ അ​ഞ്ചു ല​ക്ഷം ദി​ർ​ഹം വി​ല​വ​രു​ന്ന ഖു​ർ​ആ​നി​ന്റെ പ്ര​തി​യും പ്ര​ദ​ർ​ശ​ന​ത്തി​നു​ണ്ട്. ആ​സ്ട്രേ​ലി​യ​യി​ലെ ഗ്രാ​ൻ​ഡ് എ​ന്ന സ്ഥ​ല​ത്തെ 'അ​ദേ​വ' എ​ന്ന ക​മ്പ​നി​യാ​ണ് ഇ​തി​ന്റെ ഉ​ട​മ​ക​ൾ. പു​രാ​ത​ന ലി​പി​ക​ളും എ​ഴു​ത്തു​ക​ളും വ​ള​രെ പേ​രെ ആ​ക​ർ​ഷി​ക്കു​ന്നു​ണ്ടെ​ന്നും ച​രി​ത്ര​രേ​ഖ​ക​ളോ​ട് പു​തി​യ ത​ല​മു​റ​പോ​ലും വ​ലി​യ താ​ൽ​പ​ര്യ​മാ​ണ് കാ​ണി​ക്കു​ന്ന​തെ​ന്നും സം​ഘാ​ട​ക​ർ അ​ഭി​പ്രാ​യ​പ്പെ​ട്ടു. യു.​എ.​ഇ​യി​ലെ വി​വി​ധ സ​ർ​ക്കാ​ർ ഏ​ജ​ൻ​സി​ക​ളും പു​രാ​ത​ന രേ​ഖ​ക​ളും ച​രി​ത്രം വി​വ​രി​ക്കു​ന്ന ചി​ത്ര​ങ്ങ​ളും ഗ്ര​ന്ഥ​ങ്ങ​ളും പ്ര​ദ​ർ​ശി​പ്പി​ക്കു​ന്നു​ണ്ട്. ച​രി​ത്രം അ​നാ​വ​ര​ണം ചെ​യ്യു​ന്ന പ്ര​ദ​ർ​ശ​ന​ങ്ങ​ളി​ൽ യു.​എ.​ഇ രാ​ഷ്ട്ര​പി​താ​വ് ശൈ​ഖ് സാ​യി​ദ് ബി​ൻ സു​ൽ​ത്താ​ൻ ആ​ൽ ന​ഹ് യാ​ന്റെ ജീ​വി​തം വി​വ​രി​ക്കു​ന്ന പു​സ്ത​ക​ങ്ങ​ളു​മു​ണ്ട്. ഷാ​ർ​ജ സ​മൂ​ഹ​ത്തി​ലെ പു​രാ​ത​ന ജീ​വി​ത​ശൈ​ലി​ക​ളും സം​സ്കാ​രി​ക ഈ​ടു​വെ​പ്പു​ക​ളും മ​ന​സ്സി​ലാ​ക്കി​ത്ത​രു​ന്ന പ്ര​ദ​ർ​ശ​ന​വും പ്ര​ധാ​ന ഹാ​ളി​ൽ ത​ന്നെ ഒ​രു​ക്കി​യി​ട്ടു​ണ്ട്.