ഈ ചിത്രങ്ങൾ പ്രകൃതി നൽകിയ സമ്മാനം

കോ​ഴി​ക്കോ​ട്: കാ​ഴ്ച​യു​ടെ സൂ​ക്ഷ്മ​ത​യി​ലേ​ക്കു​ള്ള അ​സാ​ധാ​ര​ണ യാ​ത്ര​യു​ടെ സാ​ക്ഷ്യ​ങ്ങ​ളാ​ണ് ര​ഞ്ജി​ത്ത് മാ​ധ​വ​ന്റെ ഫോ​ട്ടോ​ക​ൾ. അ​വ്യ​ക്ത​മാ​യ നി​ഴ​ലു​ക​ളു​ടെ ഇ​രു​ണ്ട നി​റ​ങ്ങ​ളി​ൽ​പോ​ലും ക​ല​യു​ടെ ര​സം ക​ണ്ടെ​ത്താ​നു​ള്ള ശ്ര​മം. ‘ക്ഷ​ണി​ക​ങ്ങ​ൾ’ എ​ന്ന് പേ​രി​ട്ട ഫോ​ട്ടോ​ഗ്ര​ഫി സീ​രീ​സ് ഒ​രു​ക്കി​യി​രി​ക്കു​ന്ന​ത് വെ​ള്ള​ത്തി​ലെ മ​നു​ഷ്യ​രൂ​പ​ങ്ങ​ൾ കോ​ർ​ത്തി​ണ​ക്കി​യാ​ണ്.

കേ​ര​ള​ത്തി​ലെ പെ​രി​യാ​ർ മു​ത​ൽ ല​ഡാ​ക്കി​ലെ സി​ന്ധു ന​ദി വ​രെ ഇ​ന്ത്യ​യി​ലെ 18 സം​സ്ഥാ​ന​ങ്ങ​ളി​ൽ​നി​ന്നു​ള്ള 20 ന​ദി​ക​ളി​ൽ​നി​ന്നു​ള്ള ഫോ​ട്ടോ​ക​ൾ. ഒ​രു നി​മി​ഷാ​ർ​ധ നേ​രം മാ​ത്രം തെ​ളി​ഞ്ഞു​മാ​ഞ്ഞു​പോ​കു​ന്ന നി​ഴ​ൽ​രൂ​പ​ങ്ങ​ളി​ൽ നി​ന്നെ​ടു​ത്ത ചി​ത്ര​ങ്ങ​ളെ ഇ​നി​യാ​ർ​ക്കും പു​നഃ​സൃ​ഷ്ടി​ക്കാ​ൻ ക​ഴി​യു​ക​യു​മി​ല്ല. മൂ​ന്ന് ഘ​ട്ട​ങ്ങ​ളാ​യി ആ​റു​മാ​സ​ത്തോ​ളം രാ​ജ്യ​ത്തു​ട​നീ​ളം യാ​ത്ര ചെ​യ്താ​ണ് ഓ​രോ ചി​ത്ര​ങ്ങ​ളും ര​ഞ്ജി​ത്ത് എ​ടു​ത്ത​ത്.

വെ​ള്ള​ത്തി​ന് മു​ക​ളി​ൽ ത​ണ​ലു​ക​ൾ വീ​ഴ്ത്തു​ന്ന സൂ​ര്യ​നെ​യും തി​ര​മാ​ല​ക​ളു​ണ്ടാ​ക്കി നി​ഴ​ലു​ക​ളെ ച​ലി​പ്പി​ക്കു​ന്ന കാ​റ്റി​നെ​യും വ​ള​രെ ആ​വേ​ശ​ത്തോ​ടെ​യാ​ണ് താ​ൻ സ്വാ​ഗ​തം ചെ​യ്തി​രു​ന്ന​തെ​ന്ന് പ​റ​യു​ന്നു ര​ഞ്ജി​ത്. ന​ദീ​തീ​ര​ങ്ങ​ളി​ൽ ചി​ത്ര​ങ്ങ​ൾ​ക്കാ​യി അ​ല​യു​മ്പോ​ൾ ഓ​രോ​ന്നും കാ​ഴ്ച​യു​ടെ കാ​ൻ​വാ​സി​ൽ മോ​ഹി​പ്പി​ക്കു​ന്ന പെ​യി​ന്റി​ങ്ങു​ക​ളാ​യി മാ​റി. വെ​ള്ള​ത്തി​നെ കാ​ൻ​വാ​സാ​ക്കി പ്ര​കൃ​തി​ചി​ത്രം വ​ര​ക്കു​ക​യാ​യി​രു​ന്നു. പ്ര​കൃ​തി​യു​ടെ മാ​സ്മ​രി​ക​മാ​യ ചി​ത്ര​ക​ല പി​ന്തു​ട​രു​ന്ന​താ​ണ് ര​ഞ്ജി​ത്തി​ന്‍റെ ന​ദീ​യാ​ത്ര​ക​ൾ.

ആ​കെ​യു​ള്ള 31 ഫോ​ട്ടോ​ക​ളി​ൽ 17 ഫോ​ട്ടോ​ക​ളാ​ണ് ല​ളി​ത​ക​ല അ​ക്കാ​ദ​മി ആ​ർ​ട് ഗാ​ല​റി​യി​ൽ പ്ര​ദ​ർ​ശി​പ്പി​ച്ചി​രി​ക്കു​ന്ന​ത്. 31 ചി​ത്ര​ങ്ങ​ളും ഉ​ൾ​പ്പെ​ടു​ത്തി കോ​ഫി ടേ​ബി​ൾ എ​ന്ന പേ​രി​ൽ ഒ​രു പു​സ്ത​ക​വും ര​ഞ്ജി​ത്ത് മാ​ധ​വ​ൻ ത​യാ​റാ​ക്കു​ന്നു​ണ്ട്. ചി​ത്ര​കാ​ര​ൻ പാ​രി​സ് മോ​ഹ​ൻ​കു​മാ​റാ​ണ്​ ഉ​ദ്ഘാ​ട​നം നി​ർ​വ​ഹി​ച്ച​ത്. പ്ര​ദ​ർ​ശ​നം ഡി​സം​ബ​ർ ആ​റി​ന് അ​വ​സാ​നി​ക്കും.