ചേ​റ്റൂ​രി​ന്‍റെ ജീ​വി​തം നാ​ട​ക​മാ​യി പ്രേ​ക്ഷ​ക​ർ​ക്ക് മു​ന്നി​ൽ

പാ​ല​ക്കാ​ട്​: സ്വാ​ത​ന്ത്ര്യ​ത്തി​ന്റെ 75ാം വാ​ർ​ഷി​ക​ത്തോ​ട​നു​ബ​ന്ധി​ച്ച് ഇ​ന്ത്യ​ൻ നാ​ഷ​ന​ൽ കോ​ൺ​ഗ്ര​സി​ന്‍റെ പ്ര​സി​ഡ​ന്റാ​യ ഏ​ക മ​ല​യാ​ളി സ​ർ ചേ​റ്റൂ​ർ ശ​ങ്ക​ര​ൻ നാ​യ​രു​ടെ ജീ​വി​തം നാ​ട​ക​മാ​യി പ്രേ​ക്ഷ​ക​ർ​ക്ക് മു​ന്നി​ലെ​ത്തി. ചേ​റ്റൂ​ർ പി​ന്നി​ട്ട വ​ഴി​ക​ളെ അ​ട​യാ​ള​പ്പെ​ടു​ത്തു​ന്ന നാ​ട​കം സം​സ്കാ​ര സാ​ഹി​തി ജി​ല്ല ക​മ്മി​റ്റി​യാ​ണ് ത​യാ​റാ​ക്കി​യ​ത്. ജി​ല്ല ചെ​യ​ർ​മാ​ൻ ബോ​ബ​ൻ മാ​ട്ടു​മ​ന്ത​യാ​ണ് നാ​ട​ക​ത്തി​ന്റെ ര​ച​ന​യും സം​വി​ധാ​ന​വും നി​ർ​വ​ഹി​ച്ച​ത്.

വൈ​സ്രോ​യി​യു​ടെ എ​ക്സി​ക്യൂ​ട്ടി​വ് കൗ​ൺ​സി​ൽ അം​ഗ​മെ​ന്ന നി​ല​യി​ൽ വി​ദ്യാ​ഭ്യാ​സം, നീ​തി​ന്യാ​യ രം​ഗം തു​ട​ങ്ങി രാ​ജ്യ​ത്തി​ന്റെ പു​രോ​ഗ​തി​ക്ക് അ​ടി​ത്ത​റ പാ​കി​യ ദീ​ർ​ഘ​ദ​ർ​ശി​യാ​ണ് ചേ​റ്റൂ​ർ. അ​ദ്ദേ​ഹ​ത്തി​ന്റെ രാ​ഷ്ട്രീ​യ ജീ​വി​ത​ത്തെ കൂ​ടു​ത​ൽ അ​ടു​ത്ത​റി​യാ​നും ചേ​റ്റൂ​രു​യ​ർ​ത്തി​യ നി​ല​പാ​ടു​ക​ളു​ടെ പു​ന​ർ​വി​ചി​ന്ത​ന​ത്തി​നും നാ​ട​കം വ​ഴി​യൊ​രു​ക്കും. ഒ​രു​മ​ണി​ക്കൂ​ർ ദൈ​ർ​ഘ്യ​മു​ള്ള നാ​ട​ക​ത്തി​ൽ ഇ​രു​പ​തോ​ളം പേ​രാ​ണ് അ​ഭി​ന​യി​ക്കു​ന്ന​ത്. അ​നു​സ്മ​ര​ണ യോ​ഗ​വും നാ​ട​കാ​വ​ത​ര​ണ​വും ജി​ല്ല കോ​ൺ​ഗ്ര​സ് പ്ര​സി​ഡ​ന്റ് എ. ​ത​ങ്ക​പ്പ​ൻ ഉ​ദ്ഘാ​ട​നം ചെ​യ്തു. എ.​സി. സി​ദ്ധാ​ർ​ത്ഥ​ൻ അ​ധ്യ​ക്ഷ​ത വ​ഹി​ച്ചു.