സമദി​െൻറ കരവിരുതിൽ പഴമയുടെ മിനാരങ്ങൾ പിറന്നു

െതാ​ടു​പു​ഴ: പു​തു​ത​ല​മു​റ​ക്ക്​ കൗ​തു​ക​വും പ​ഴ​മ​ക്കാ​ർ​ക്ക്​ ഗൃ​ഹാ​തു​ര സ്​​മ​ര​ണ​ക​ളും ഉ​ണ​ർ​ത്തി നൂ​റ്റാ​ണ്ടു​ക​ൾ പ​ഴ​ക്ക​മു​ള്ള തൊ​ടു​പു​ഴ കാ​രി​ക്കോ​ട്​ നൈ​നാ​ർ പ​ള്ളി​യു​ടെ മി​നി​യേ​ച്ച​ർ. ജി​ല്ല​യി​ലെ ഏ​റ്റ​വും പ​ഴ​ക്കം​ചെ​ന്ന പ​ള്ളി​ക​ളി​ൽ ഒ​ന്നാ​യ നൈ​നാ​ർ ജു​മാ​മ​സ്​​ജി​ദ്. 1956 കാ​ല​ഘ​ട്ട​ത്തി​ലെ പ​ള്ളി​യു​ടെ രൂ​പം ത​െൻറ മി​നി​യേ​ച്ച​റി​ലൂ​ടെ ആ​വി​ഷ്​​ക​രി​ച്ചി​രി​ക്കു​ക​യാ​ണ്​ കു​മ്പം​ക​ല്ല്​ ആ​യ​പ്പു​ര​ക്ക​ൽ എ.​എം. അ​ബ്​​ദു​സ്സ​മ​ദ് (70).

പ​ഴ​മ​ക്കാ​രോ​ട​ട​ക്കം ചോ​ദി​ച്ച്​ ര​ണ്ടു​മാ​സ​ത്തി​നി​​ട​യി​ൽ ല​ഭി​ച്ച ഇ​ട​വേ​ള​ക​ളി​ലാ​യി​രു​ന്നു​ നി​ർ​മാ​ണം. കെ​ട്ടി​ട നി​ർ​മാ​ണ സാ​മ​ഗ്രി​ക​ളു​ടെ അ​വ​ശി​ഷ്​​ട​ങ്ങ​ൾ, സീ​ലി​ങ്ങി​ന്​ ഉ​പ​യോ​ഗി​ക്കു​ന്ന വ​സ്​​തു​ക്ക​ൾ, പ്ലാ​സ്​​റ്റി​ക്കു​ക​ൾ തു​ട​ങ്ങി​യ​വ​യും പാ​ഴ്​​വ​സ്​​തു​ക്ക​ളും ഉ​​പ​യോ​ഗി​ച്ചാ​ണ്​ ഇ​വ നി​ർ​മി​ച്ച​ത്. പ​ള്ളി​യു​ടെ ഓ​രോ ഭാ​ഗ​ങ്ങ​ളാ​യി ആ​ദ്യ​മാ​ദ്യം ഉ​ണ്ടാ​ക്കി. പി​ന്നീ​ട്​ ഇ​വ​യെ​​ല്ലാം കൂ​ട്ടി​ച്ചേ​ർ​ത്തു.

ഓ​ർ​മ​യി​ൽ അ​ന്ന​ത്തെ പ​ഴ​യ പ​ള്ളി ഇ​പ്പോ​ഴും ഉ​ണ്ടെ​ന്നും ഇ​ത്​ നി​ർ​മാ​ണ​ത്തി​ന്​ ഏ​റെ സ​ഹാ​യ​ക​മാ​യെ​ന്നും സ​മ​ദ്​ പ​റ​ഞ്ഞു. അ​ന്ന​ത്തെ പ​ള്ളി​യു​ടെ രൂ​പം​കി​ട്ടാ​ൻ പ​ല​രോ​ടും പ​ള്ളി​യെ​ക്കു​റി​ച്ചും ഓ​രോ ഭാ​ഗ​ത്തെ​ക്കു​റി​ച്ചും ച​ർ​ച്ച ചെ​യ്​​തു. നി​ർ​മി​ച്ച്​ ക​ഴി​ഞ്ഞി​ട്ട്​ വി​ഡി​യോ എ​ടു​ത്ത്​ പ​ല​രെ​യും കാ​ണി​ച്ച്​ ഉ​റ​പ്പു​വ​രു​ത്തി. പ​ള്ളി​യി​ലെ കി​ണ​ർ, കു​ളം എ​ന്നി​വ​യൊ​െ​ക ഉ​ൾ​പ്പെ​ടു​ത്തി​യി​ട്ടു​ണ്ട്. മ​രം​കൊ​ണ്ടു​ള്ള കൊ​ത്ത്​ പ​ണി​ക​ൾ അ​ന്ന​ത്തെ പ​ള്ളി​യു​ടെ പ്ര​ത്യേ​ക​ത​യാ​ണ്. പ​ഴ​യ രൂ​പം ത​ന്നെ മി​നി​യേ​ച്ച​റി​ലും വ​രു​ത്താ​ൻ പ​ര​മാ​വ​ധി ശ്ര​ദ്ധി​ച്ചു.

അ​ലൂ​മി​നി​യം ​ഫേ​ബ്രി​ക്കേ​ഷ​ൻ ജോ​ലി നോ​ക്കു​ന്ന മ​ക​നി​ൽ​നി​ന്ന്​ നി​ർ​മാ​ണ വ​സ്​​തു​ക്ക​ൾ ക​ണ്ടെ​ത്തി. മൂ​ന്ന്​ അ​ടി നീ​ള​വും ര​ണ്ട​ര​യ​ടി ഉ​യ​ര​ത്തി​ലു​മാ​ണ്​ നി​ർ​മാ​ണം. പ​ഴ​യ ഓ​ർ​മ​ക​ളോ​ടു​ള്ള ഇ​ഷ്​​ട​ത്തി​ലാ​ണ്​ ഇ​വ​യെ​ല്ലാം ഉ​ണ്ടാ​ക്കു​ന്ന​തെ​ന്ന്​ സ​മ​ദ്​ പ​റ​യു​ന്നു. എ​ട്ടു​വ​ർ​ഷം വി​ദേ​ശ​ത്ത്​ കെ​ട്ടി​ട നി​ർ​മാ​ണ ക​മ്പ​നി​യി​ലെ ജീ​വ​ന​ക്കാ​ര​നാ​യി​രു​ന്നു. ഇ​പ്പോ​ൾ പൊ​തു​പ്ര​വ​ർ​ത്ത​ന രം​ഗ​ത്തു​ണ്ട്​​. കാ​രി​ക്കോ​ട്​ ക്ഷേ​ത്ര​വും നൈ​നാ​ർ പ​ള്ളി​യും ഏ​താ​ണ്ട്​ ഒ​രേ സ​മ​യ​ത്താ​ണ്​ നി​ർ​മി​ച്ച​തെ​ന്നാ​ണ്​ പ​റ​ഞ്ഞ്​ കേ​ട്ടി​ട്ടു​ള്ള​ത്. ഇ​നി ക്ഷേ​ത്ര മി​നി​യേ​ച്ച​ർ കൂ​ടി നി​ർ​മി​ക്കാ​ൻ ആ​ലോ​ച​ന​യു​ണ്ടെ​ന്നും ഇ​ദ്ദേ​ഹം പ​റ​ഞ്ഞു. നൈ​നാ​ർ പ​ള്ളി​യു​ടെ ഓ​ഫി​സി​ൽ ത​ന്നെ മി​നി​യേ​ച്ച​ർ സൂ​ക്ഷി​ച്ചി​ട്ടു​ണ്ട്. ന​ഗ​ര​ത്തി​ലെ ത​ന്നെ മ​റ്റ്​ പ​ള്ളി​ക​ളു​ടെ​യും രൂ​പ​ങ്ങ​ൾ നി​ർ​മി​ച്ചി​ട്ടു​ണ്ട്.