രാ​മ​ച​ന്ദ്ര​ൻ മൊ​കേ​രി: നാടകാഭിനയം​ പ്രതിഷേധത്തീയാക്കിയയാൾ

കോ​ഴി​ക്കോ​ട്​: ആ​നു​കാ​ലി​ക സം​ഭ​വ​ങ്ങ​ൾ​ക്കെ​തി​രാ​യ പ്ര​തി​ഷേ​ധം തെ​രു​വി​ലും വേ​ദി​ക​ളി​ലും അ​ഭി​ന​യ​മാ​ക്കി​ത്തീ​ർ​ത്ത്​​ പീ​ഡ​ന​മേ​റ്റു​വാ​ങ്ങി​യ പ്ര​തി​ഭ​യാ​ണ്​ ഞാ​യ​റാ​ഴ്ച വി​ട​പ​റ​ഞ്ഞ രാ​മ​ച​ന്ദ്ര​ൻ മൊ​കേ​രി. കോ​ഴി​ക്കോ​ട്​​ ന​ഗ​ര​ത്തി​ൽ സാ​മൂ​ഹി​ക ഇ​ട​പെ​ട​ലു​ക​ളു​ടെ തീ​ക്ക​ന​ൽ സൃ​ഷ്ടി​ച്ച ത​ല​മു​റ​യി​ലെ അ​വ​സാ​ന പ്ര​തി​നി​ധി​ക​ളി​ലൊ​രാ​ൾ. അ​ടി​യ​ന്ത​രാ​വ​സ്ഥ​ക്കാ​ല​ത്ത്​ കാ​ലി​ക്ക​റ്റ്​ സ​ർ​വ​ക​ലാ​ശാ​ല​യി​ൽ ഗ​വേ​ഷ​ണ വി​ദ്യാ​ർ​ഥി​യാ​യി​രി​ക്കെ അ​യ​ണ​സ്​​കോ​യു​ടെ ലീ​ഡ​ർ കാ​മ്പ​സി​ൽ ക​ളി​ച്ച​പ്പോ​ൾ രാ​മ​ച​ന്ദ്ര​നാ​യി​രു​ന്നു മു​ഖ്യ ക​ഥാ​പാ​ത്രം. നാ​ട​ക​ത്തി​ലെ ത​ല​യി​ല്ലാ​ത്ത ലീ​ഡ​റി​ലൂ​ടെ ല​ക്ഷ്യ​മി​ടു​ന്ന​ത്​ ഇ​ന്ദി​ര ഗാ​ന്ധി​യെ​യാ​ണെ​ന്ന്​ തി​രി​ച്ച​റി​ഞ്ഞ​തോ​ടെ പൊ​ലീ​സെ​ത്തി ക​ക്ക​യം ക്യാ​മ്പി​ലെ​ത്തി​ച്ചു.

പൊ​ലീ​സ്​ മേ​ധാ​വി പു​ലി​ക്കോ​ട​ന്‍റെ നാ​ട്ടു​കാ​ര​നെ​ന്ന ഇ​ള​വി​ൽ രാ​മ​ച​ന്ദ്ര​നെ വി​ട്ടെ​ങ്കി​ലും കൂ​ടെ നാ​ട​കം ക​ളി​ച്ച​വ​ർ​ക്കെ​ല്ലാം മ​ർ​ദ​ന​മേ​റ്റു. 'ഞാ​നൊ​രു തെ​ണ്ടി ഹാ ​ഹാ, നീ​യൊ​രു തെ​ണ്ടി ഹാ ​ഹാ, മൂ​ന്നാം ​ലോ​ക തെ​ണ്ടി​ക​ൾ ന​മ്മ​ൾ' എ​ന്ന്​ തു​ട​ങ്ങു​ന്ന തെ​ണ്ടി​ക്കൂ​ത്തു​മാ​യി ആ​ശു​പ​ത്രി​യി​ലും ആ​ദി​വാ​സി ഊ​രി​ലും തെ​രു​വി​ലും ജ​യി​ലി​ലു​മെ​ല്ലാം അ​ദ്ദേ​ഹം ക​യ​റി​യി​റ​ങ്ങി. നാ​ട​കാ​ഭി​ന​യം സ​ർ​വ സ്വ​ത​ന്ത്ര​മാ​ണെ​ന്ന്​ അ​ദ്ദേ​ഹം വി​ശ്വ​സി​ച്ചു.

ജ​ന​കീ​യ സാം​സ്​​കാ​രി​ക വേ​ദി​യു​ടെ നാ​ട​കം ക​ളി​യും ഗു​രു​വാ​യൂ​ര​പ്പ​ൻ കോ​ള​ജി​ൽ ഇം​ഗ്ലീ​ഷ്​ അ​ധ്യാ​പ​ന​വും പൊ​ലീ​സ്​ ന​ട​പ​ടി​ക​ളു​മെ​ല്ലാ​മാ​യി​രു​ന്നു അ​ദ്ദേ​ഹ​ത്തി​ന്‍റെ കോ​ഴി​ക്കോ​ട്ടെ ജീ​വി​തം. മ​ധു മാ​സ്റ്റ​റു​ടെ നേ​തൃ​ത്വ​ത്തി​ലു​ള്ള ര​ണ​ചേ​ത​ന​യോ​ടൊ​പ്പം നാ​ട​ക​വേ​ദി​ക​ളി​ലെ​ത്തി. ടാ​ഗോ​ർ ഹാ​ളി​ൽ റാ​ഡി​ക്ക​ൽ തി​യ​റ്റേ​ഴ്​​സി​ന്‍റെ നാ​ട​ക​മ​വ​ത​രി​പ്പി​ക്ക​വെ അ​ഭി​ന​യം ക​ണ്ട്​​ ജോ​ൺ എ​ബ്ര​ഹാം ഓ​ടി​യെ​ത്തി കെ​ട്ടി​പ്പി​ടി​ച്ചു. അ​ങ്ങ​നെ ജോ​ണി​ന്‍റെ അ​മ്മ അ​റി​യാ​ൻ എ​ന്ന പ​ട​ത്തി​ൽ അ​ഭി​ന​യി​ച്ചു.

(ഡോ. ​രാ​മ​ച​ന്ദ്ര​ന്‍ മൊ​കേ​രി​യു​ടെ ഭൗ​തി​ക​ശ​രീ​രം ടൗ​ണ്‍ഹാ​ളി​ല്‍ പൊ​തു​ദ​ര്‍ശ​ന​ത്തി​ന് വെ​ച്ച​പ്പോ​ള്‍)

സ്കൂ​ൾ ഓ​ഫ്​ ഡ്രാ​മ​യി​ൽ നാ​ട​കം പ​ഠി​പ്പി​ക്കു​ന്ന​യാ​ളാ​യാ​ണ്​ അ​ഭി​ന​യി​ച്ച​ത്. പി​ന്നീ​ട്​ ജീ​വി​ത​ത്തി​ലും ആ ​രം​ഗം ഏ​റ്റെ​ടു​ക്കേ​ണ്ടി​വ​ന്നു. സു​ഹൃ​ത്ത്​ ര​വീ​ന്ദ്ര​ന്‍റെ ഒ​രേ തൂ​വ​ൽ​പ​ക്ഷി​ക​ളി​ൽ നി​ല​മ്പൂ​രി​ലെ തൊ​ഴി​ലാ​ളി​നേ​താ​വാ​യി അ​ഭി​ന​യി​ച്ചു. ഐ​സ്ക്രീം കേ​സി​ന്‍റെ കാ​ല​ത്ത്​ മാ​നാ​ഞ്ചി​റ ലൈ​ബ്ര​റി​ക്ക്​ സ​മീ​പം നാ​ട​കം ക​ളി​ച്ച​തും മ​ർ​ദ​ന​ത്തി​ൽ ക​ലാ​ശി​ച്ചു. എ​വി​ടെ​യും നാ​ട​കം ക​ളി​ക്കാ​ൻ അ​വ​കാ​ശ​മു​ണ്ട്​ എ​ന്ന​താ​യി​രു​ന്നു രാ​മ​ച​ന്ദ്ര​ൻ മൊ​കേ​രി​യു​ടെ നി​ല​പാ​ട്.