തെർമോകോളിൽ കാളകളെ നിർമിച്ച് പ്രശാന്തൻ

ചാ​രും​മൂ​ട്: 16 ക​ര​ക​ളു​ടെ പ്രൗ​ഢി വി​ളി​ച്ചോ​തു​ന്ന മ​നോ​ഹ​ര കെ​ട്ടു​കാ​ഴ്ച​ക​ളാ​യ ജോ​ടി കാ​ള​ക​ളെ തെ​ർ​മോ​കോ​ളി​ൽ നി​ർ​മി​ച്ച് ശി​വ​രാ​ത്രി നാ​ളി​ൽ പ​ട​നി​ലം ക്ഷേ​ത്ര​ത്തി​ലെ​ത്തി​ക്കാ​ൻ കാ​ത്തി​രി​ക്കു​ക​യാ​ണ് പ്ര​ശാ​ന്ത​ൻ.

11നാ​ണ് നൂ​റ​നാ​ട് പ​ട​നി​ലം പ​ര​ബ്ര​ഹ്മ ക്ഷേ​ത്ര​ത്തി​ലെ ശി​വ​രാ​ത്രി ഉ​ത്സ​വം. ക്ഷേ​ത്ര​വു​മാ​യി ബ​ന്ധ​പ്പെ​ട്ട് 18 ക​ര​ക​ളാ​ണു​ള്ള​തെ​ങ്കി​ലും 16 ക​ര​ക​ളി​ൽ​നി​ന്നാ​ണ് കെ​ട്ടു​കാ​ഴ്ച​ക​ൾ എ​ത്തു​ന്ന​ത്. ത​ത്തം​മു​ന്ന ക​ര​യി​ലെ അം​ഗ​വും നി​ർ​മാ​ണ തൊ​ഴി​ലാ​ളി​യു​മാ​യ മൂ​ന്നു​മൂ​ല​യി​ൽ പു​ത്ത​ൻ​വീ​ട്ടി​ൽ പ്ര​ശാ​ന്ത​നാ​ണ് തെ​ർ​മോ​കോ​ളി​ൽ ജോ​ടി കാ​ള​ക​ളെ രൂ​പ​പ്പെ​ടു​ത്തി​യ​ത്.

കോ​വി​ഡ്​ പ​ശ്ചാ​ത്ത​ല​ത്തി​ൽ ഈ ​വ​ർ​ഷ​ത്തെ ശി​വ​രാ​ത്രി​ക്ക് ക്ഷേ​ത്ര​ത്തി​ൽ ക​ര​ക​ളി​ൽ​നി​ന്നു​ള്ള കെ​ട്ടു​കാ​ഴ്ച​ക​ളി​ല്ല. പ​ക​രം ച​ട​ങ്ങി​നാ​യി ക്ഷേ​ത്ര ഭ​ര​ണ സ​മി​തി കെ​ട്ടു​കാ​ഴ്ച ത​യാ​റാ​ക്കും. ഈ ​സാ​ഹ​ച​ര്യ​ത്തി​ലാ​ണ് പ്ര​ശാ​ന്ത​ൻ 16 ക​ര​ക​ളെ​യും പ്ര​തീ​കാ​ത്മ​മാ​യി പ്ര​തി​നി​ധാ​നം ചെ​യ്യു​ന്ന കെ​ട്ടു​കാ​ഴ്ച​ക​ൾ നി​ർ​മി​ച്ച​ത്.

ര​ണ്ടു​മാ​സം കൊ​ണ്ടാ​യി​രു​ന്നു നി​ർ​മാ​ണം. ജോ​ലി ക​ഴി​ഞ്ഞെ​ത്തി​യു​ള്ള സ​മ​യ​മാ​ണ് ഒ​ര​ടി​യി​ൽ താ​ഴെ പൊ​ക്കം വ​രു​ന്ന കെ​ട്ടു​കാ​ഴ്ച​ക​ൾ നി​ർ​മി​ക്കാ​ൻ ചെ​ല​വ​ഴി​ച്ചി​രു​ന്ന​ത്. തെ​ർ​മോ​കോ​ളും പ​ശ​യും ഉ​പ​യോ​ഗി​ച്ച് കാ​ള​ക​ളു​ടെ രൂ​പ​വും ശി​ര​സ്സും ച​ട്ട​ക്കൂ​ടും നി​ർ​മി​ച്ച് വാ​ട്ട​ർ ക​ള​ർ​കൊ​ണ്ട് നി​റം പി​ടി​പ്പി​ച്ച ശേ​ഷം അ​ല​ങ്കാ​ര​ങ്ങ​ളും ച​മ​യ​ങ്ങ​ളും ചാ​ർ​ത്തി മ​നോ​ഹ​ര​മാ​ക്കു​ക​യാ​യി​രു​ന്നു. ശി​വ​രാ​ത്രി നാ​ളി​ൽ ബ​ന്ധു​ക്ക​ളും അ​യ​ൽ​ക്കാ​രു​മൊ​ക്കെ ചേ​ർ​ന്ന് കെ​ട്ടു​കാ​ഴ്ച​ക​ളെ ക്ഷേ​ത്ര​ത്തി​ലെ​ത്തി​ക്കാ​നാ​ണ് തീ​രു​മാ​നം.

20 വ​ർ​ഷ​ത്തോ​ളം കേ​ര​ള​ത്തി​നു പു​റ​ത്ത് ജോ​ലി ചെ​യ്തി​രു​ന്ന പ്ര​ശാ​ന്ത​ൻ 15 വ​ർ​ഷ​മാ​യി നാ​ട്ടി​ലു​ണ്ട്. ചെ​റു​പ്പ​ത്തി​ലേ ശി​ൽ​പ നി​ർ​മാ​ണ​ത്തി​ൽ താ​ൽ​പ​ര്യം കാ​ട്ടി​യി​രു​ന്നു. രോ​ഹി​ണി​യാ​ണ് ഭാ​ര്യ.