അയ്യങ്കാളിയുടെ ചരിത്ര മുഹൂർത്തങ്ങൾ മോഹിനിയാട്ട രൂപത്തിൽ അരങ്ങിലേക്ക്

ഷൊ​ർ​ണൂ​ർ: സാ​മൂ​ഹി​ക പ​രി​ഷ്ക​ർ​ത്താ​വ് അ​യ്യ​ങ്കാ​ളി​യു​ടെ സ​മ​ര ച​രി​ത്ര​ത്തി​ലെ പ്ര​ധാ​ന​പ്പെ​ട്ട മൂ​ന്ന് അ​ധ്യാ​യ​ങ്ങ​ൾ ആ​ദ്യ​മാ​യി മോ​ഹി​നി​യാ​ട്ട രൂ​പ​ത്തി​ൽ അ​ര​ങ്ങി​ലേ​ക്ക്. പ​ഞ്ച​മി, വി​ല്ലു​വ​ണ്ടി, മാ​റു​മ​റ​ക്ക​ൽ സ​മ​ര​ങ്ങ​ളാ​ണ് നൃ​ത്ത​രൂ​പ​ത്തി​ൽ വേ​ദി​യി​ലെ​ത്തു​ന്ന​ത്.

മോ​ഹി​നി​യാ​ട്ട​വും ഭ​ര​ത​നാ​ട്യ​വും കേ​ര​ള ന​ട​ന​വും ക​ഥ​ക​ളി​യും ഒ​രു​പോ​ലെ വ​ഴ​ങ്ങു​ന്ന ന​ർ​ത്ത​കി സൗ​മ്യ സു​കു​മാ​ര​നാ​ണ് അ​യ്യ​ങ്കാ​ളി ച​രി​ത​ത്തി​ലെ പ്ര​ധാ​ന ഏ​ടു​ക​ളി​ലെ സം​ഭ​വ​ങ്ങ​ൾ​ക്ക് നൃ​ത്ത​ഭാ​ഷ്യ​മൊ​രു​ക്കു​ന്ന​ത്. ക​ഴി​ഞ്ഞ​വ​ർ​ഷം കൂ​ട​ൽ​മാ​ണി​ക്യ ക്ഷേ​ത്ര​ത്തി​ലെ ഉ​ത്സ​വ​ത്തി​ന് സൗ​മ്യ​യു​ടെ നൃ​ത്തം അ​ര​ങ്ങി​ലെ​ത്തേ​ണ്ടി​യി​രു​ന്നെ​ങ്കി​ലും മ​തം പ്ര​ശ്ന​മാ​യ​തോ​ടെ അ​വ​സാ​ന​നി​മി​ഷം അ​നു​മ​തി നി​ഷേ​ധി​ക്ക​പ്പെ​ടു​ക​യാ​യി​രു​ന്നു. ഈ ​മ​നോ​വേ​ദ​ന​യി​ൽ​നി​ന്നാ​ണ് അ​യ്യ​ങ്കാ​ളി​യു​ടെ ച​രി​ത്ര മു​ഹൂ​ർ​ത്ത​ങ്ങ​ൾ നൃ​ത്ത​രൂ​പ​ത്തി​ൽ ചി​ട്ട​പ്പെ​ടു​ത്താ​ൻ ആ​ഗ്ര​ഹം മൊ​ട്ടി​ട്ട​തെ​ന്ന് സൗ​മ്യ പ​റ​ഞ്ഞു.

പൊ​തു​വി​ദ്യാ​ല​യ​ത്തി​ൽ അ​വ​ർ​ണ​ർ​ക്ക് പ​ഠി​ക്കാ​നാ​കു​മാ​യി​രു​ന്നി​ല്ല. അ​യ്യ​ങ്കാ​ളി നാ​ട്ടു​രാ​ജാ​വി​ൽ​നി​ന്ന് പ്ര​ത്യേ​ക അ​നു​മ​തി വാ​ങ്ങി പ​ഞ്ച​മി എ​ന്ന് പേ​രു​ള്ള ഒ​രു പെ​ൺ​കു​ട്ടി​യെ സ്കൂ​ളി​ൽ ഇ​രു​ത്തു​ന്നു. ഇ​തി​നെ​തി​രെ പ്ര​തി​ക​രി​ച്ച സ​വ​ർ​ണ​രാ​യ ര​ക്ഷി​താ​ക്ക​ൾ സ്കൂ​ൾ തീ​യി​ട്ട് ന​ശി​പ്പി​ക്കു​ന്ന​താ​ണ് ‘പ​ഞ്ച​മി’​യി​ൽ പ​റ​യു​ന്ന​ത്. ക​ർ​ഷ​ക​ർ​ക്ക് മ​ണ്ണി​ലെ​ടു​ത്ത കു​ഴി​യി​ൽ ക​ഞ്ഞി​വി​ള​മ്പു​ന്ന​തി​നെ​യും കൂ​ലി​യി​ലെ അ​നീ​തി​ക്കെ​തി​രെ​യും ന​ട​ത്തി​യ വി​ല്ലു​വ​ണ്ടി സ​മ​ര​മാ​ണ് മ​റ്റൊ​ന്ന്. മാ​റ് മ​റ​ക്കാ​നു​ള്ള അ​വ​കാ​ശം നേ​ടി​യെ​ടു​ത്ത ച​രി​ത്ര​വും അ​ര​മ​ണി​ക്കൂ​ർ നീ​ളു​ന്ന നൃ​ത്ത​രൂ​പ​മാ​യി അ​ര​ങ്ങി​ലെ​ത്തും. ഒ​രു​ക്ക​ങ്ങ​ൾ അ​ന്തി​മ​ഘ​ട്ട​ത്തി​ലാ​ണെ​ന്ന് സൗ​മ്യ സു​കു​മാ​ര​ൻ പ​റ​ഞ്ഞു.

ആ​ഗ​സ്റ്റ് 24ന് ​വൈ​കീ​ട്ട് ആ​റി​ന് തി​രു​വ​ന​ന്ത​പു​രം ഭാ​ര​ത് ഭ​വ​നി​ലാ​ണ് പു​തി​യ നൃ​ത്ത​രൂ​പം അ​ര​ങ്ങേ​റു​ക. ക​ലാ​മ​ണ്ഡ​ലം ഭ​ര​ണ​സ​മി​തി അം​ഗ​മാ​യി​രു​ന്ന നൃ​ത്ത അ​ധ്യാ​പി​ക കൂ​ടി​യാ​യ ക​ലാ​മ​ണ്ഡ​ലം ക​വി​ത കൃ​ഷ്ണ​കു​മാ​റാ​ണ് നൃ​ത്ത​രൂ​പം സം​വി​ധാ​നം ചെ​യ്യു​ന്ന​ത്. ക​ലാ​മ​ണ്ഡ​ലം ഗ​ണേ​ശ​ന്റെ വ​രി​ക​ൾ​ക്ക്‌ സം​ഗീ​തം ന​ൽ​കി​യി​രി​ക്കു​ന്ന​ത് ഡോ. ​തൃ​ശൂ​ർ കൃ​ഷ്ണ​കു​മാ​റാ​ണ്. സി​ന്ധു ഉ​ണ്ണി​കൃ​ഷ്ണ​ൻ, എ​സ്. ആ​ര്യ, ക​ലാ​മ​ണ്ഡ​ലം ആ​തി​ര പ്ര​കാ​ശ് എ​ന്നി​വ​ര​ട​ക്കം പ​ത്ത് ന​ർ​ത്ത​കി​മാ​ർ രം​ഗ​ത്തെ​ത്തും.