നോ​വ് നി​റം ചാ​ർ​ത്തു​ന്നു

ചോ​ര​യും ചാ​ര​വും ക​ല​ര്‍ന്ന നി​റ​ങ്ങ​ളി​ൽ നോ​വ് ചാ​ലി​ച്ചാ​ണ് ഈ ​ചി​ത്ര​ങ്ങ​ൾ പൂ​ർ​ത്തി​യാ​യ​ത്. കു​രു​ന്നു​മു​ഖ​ങ്ങ​ളി​ലെ ര​ക്ത​ച്ചാ​ലു​ക​ൾ കാ​ഴ്ച​ക്കാ​രി​ലേ​ക്കും പ​ട​രും. ഭ​ക്ഷ​ണ​വും അ​ഭ​യ​വു​മി​ല്ലാ​തെ സ്വ​ന്തം മ​ണ്ണി​ൽ അ​ഭ​യാ​ർ​ഥി​ക​ളാ​യ ഗ​സ്സയി​ലെ ആ​യി​ര​ങ്ങ​ളു​ടെ ഭാ​വ​ങ്ങ​ളാ​ണ് ഡോ. ​ഖ​ലീ​ൽ ചൊ​വ്വ​യു​ടെ ചി​ത്ര​ങ്ങ​ളി​ൽ. ത​ക​ര്‍ന്ന് ത​രി​പ്പ​ണ​മാ​യ കെ​ട്ടി​ട​ങ്ങ​ള്‍, പൊ​ടി​യും ഇ​രു​ട്ടും നി​റ​ഞ്ഞ മു​റി​ക​ള്‍, മ​രി​ച്ചു മ​ര​വി​ച്ച മ​നു​ഷ്യ​ര്‍... മു​റി​വു​വീ​ണ ഹൃ​ദ​യ​ങ്ങ​ളി​ലെ​ല്ലാം മ​ഷി പു​ര​ണ്ടു.

ഗ​സ്സയി​ലെ കു​ഞ്ഞു​ങ്ങ​ൾ

അ​ധ്യാ​പ​ക​നും സ്കോ​ൾ കേ​ര​ള ഡ​യ​റ​ക്ട​റു​മാ​യി​രു​ന്ന ഖ​ലീ​ൽ ചൊ​വ്വ ഔ​ദ്യോ​ഗി​ക ചു​മ​ത​ല​ക​ളി​ൽ​നി​ന്ന് ഒ​ഴി​ഞ്ഞ​ശേ​ഷ​മാ​ണ് കു​ഞ്ഞു​നാ​ളി​ലേ ചേ​ർ​ത്തു​വെ​ച്ച ചി​ത്ര​ര​ച​ന​യി​ലേ​ക്ക് വീ​ണ്ടും തി​രി​ഞ്ഞ​ത്. ഗ​സ്സയി​ൽ കു​ഞ്ഞു​ങ്ങ​ൾ അ​ട​ക്കം മ​രി​ച്ചു​വീ​ഴു​ന്ന ദൃ​ശ്യ​ങ്ങ​ൾ ഉ​റ​ക്കം കെ​ടു​ത്തി​യ​തി​നാ​ലാ​ണ് വ​ര​ക​ളി​ൽ യു​ദ്ധ​ത്തി​ന്റെ നേ​ർ​ക്കാ​ഴ്ച​ക​ൾ ക​ട​ന്നു​വ​ന്ന​ത്. കു​ഞ്ഞു​നാ​ളി​ൽ ​േജ്യഷ്ഠ​ൻ ന​സീ​ർ ചി​ത്രം വ​ര​ക്കു​ന്ന​ത് ക​ണ്ടാ​ണ് വ​ര ത​ല​യി​ൽ ക​യ​റി​യ​ത്. ജ​പ്പാ​ന്റെ ഗി​റ്റാ​ർ വാ​ട്ട​ർ ക​ള​ർ ഉ​പ​യോ​ഗി​ച്ചാ​യി​രു​ന്നു അ​ന്ന​ത്തെ ചി​ത്ര​ര​ച​ന. ക​ണ്ണൂ​ർ ചൊ​വ്വ​യി​ൽ​നി​ന്ന് പ്ര​സി​ദ്ധീ​ക​രി​ച്ചി​രു​ന്ന ബാ​ല​സം​ഘം ​ൈകയെ​ഴു​ത്ത് മാ​സി​ക​യി​ൽ ചി​ത്ര​ങ്ങ​ൾ അ​ച്ച​ടി​ച്ചു​വ​ന്ന​തോ​ടെ ധൈ​ര്യ​മാ​യി. കൂ​ടു​ത​ൽ ചി​ത്ര​ങ്ങ​ൾ വ​ര​ച്ചു. പ്രീ​ഡി​ഗ്രി​ക്ക് ക​ണ്ണൂ​ർ എ​സ്.​എ​ൻ കോ​ള​ജി​ലെ​ത്തി​യ​പ്പോ​ൾ കൊ​മേ​ഴ്സാ​ണ് ല​ഭി​ച്ച​ത്.

ക​ണ​ക്കു​കൂ​ട്ട​ലു​ക​ളേ​ക്കാ​ൾ ചി​ത്രം വ​ര​യി​ലാ​ണ് താ​ൽ​പ​ര്യ​മെ​ന്നും ബ​യോ​ള​ജി സ​യ​ൻ​സി​ലേ​ക്ക് മാ​റ്റി​ത്ത​ര​ണ​മെ​ന്നും അ​ന്ന​ത്തെ പ്രി​ൻ​സി​പ്പ​ൽ രാ​മ​ച​ന്ദ്ര​ൻ സാ​റി​നോ​ട് പ​റ​ഞ്ഞു. അ​ങ്ങ​നെ​യെ​ങ്കി​ൽ വ​ര​ച്ച ചി​ത്ര​ങ്ങ​ൾ കാ​ണ​ണ​മെ​ന്നാ​യി പ്രി​ൻ​സി​പ്പ​ൽ. പി​റ്റേ ദി​വ​സം പ​ക്ഷി​ക​ളു​ടെ​യും പൂ​ക്ക​ളു​ടെ​യും അ​ട​ക്കം ഒ​രു​ ലോ​ഡ് ചി​ത്ര​ങ്ങ​ളു​മാ​യാ​ണ് ഖ​ലീ​ൽ കോ​ള​ജി​ലെ​ത്തി​യ​ത്. ബ​യോ​ള​ജി ക്ലാ​സി​ലേ​ക്ക് മാ​റ്റി​ന​ൽ​കാ​ൻ പ്രി​ൻ​സി​പ്പ​ലി​ന് അ​ധി​കം ആ​ലോ​ചി​ക്കേ​ണ്ടി വ​ന്നി​ല്ല. പ​ഠ​നം ഗൗ​ര​വ​മാ​യി ക​ണ്ട​തോ​ടെ ചി​ത്ര​ര​ച​ന പ​തി​യെ കു​റ​ഞ്ഞു.

33 വ​ർ​ഷം ത​ളി​പ്പ​റ​മ്പ് സ​ർ സ​യ്യി​ദ് കോ​ള​ജി​ൽ ബോ​ട്ട​ണി വി​ഭാ​ഗം അ​ധ്യാ​പ​ക​നാ​യും പ്രി​ൻ​സി​പ്പ​ലാ​യും പ്ര​വ​ർ​ത്തി​ച്ചശേ​ഷം ​സ്കോ​ൾ കേ​ര​ള ഡ​യ​റ​ക്ട​റാ​യി​രി​ക്കെ​യാ​ണ് കോ​വി​ഡ് വ്യാ​പ​നം. ലോ​ക്ഡൗ​ൺ പ്ര​ഖ്യാ​പി​ച്ച​പ്പോ​ൾ തി​രു​വ​ന​ന്ത​പു​ര​ത്ത് വീ​ട്ടി​ൽ ത​നി​ച്ചാ​യി​പ്പോ​യി. അ​ന്ന് എ​വി​ടെ​നി​ന്നോ കു​റ​ച്ച് ക​ള​ർ​പെ​ൻ​സി​ലു​ക​ൾ ല​ഭി​ച്ചു. മ​ഹാ​മാ​രി​യു​ടെ ഒ​റ്റ​പ്പെ​ട​ലി​ൽ ചി​ത്ര​ക​ല പു​ന​രാ​രം​ഭി​ച്ചു. കോ​വി​ഡി​ന് ശേ​ഷം അ​ധ്യാ​പ​ന​വും ഗ​വേ​ഷ​ണ​വു​മൊ​ക്കെ​യാ​യി വീ​ണ്ടും തി​ര​ക്കി​ലാ​യി. ക​ഴി​ഞ്ഞ ന​വം​ബ​റി​ൽ വി​ര​മി​ച്ച​തി​ന് ശേ​ഷ​മാ​ണ് അ​ൽ​പം ക​ള​റു​ക​ൾ വാ​ങ്ങി വ​ര​ച്ചു​തു​ട​ങ്ങി​യ​ത്.

വ​ര​യു​ടെ ചു​വ​രു​ക​ൾ

ഓ​യി​ൽ, അ​ക്രി​ലി​ക് പെ​യി​ന്റി​ങ്ങു​ക​ളി​ലാ​ണ് ശ്ര​ദ്ധ​കേ​ന്ദ്രീ​ക​രി​ച്ച​ത്. പെ​ൻ സ്കെ​ച്ചു​ക​ളും ചെ​യ്യു​ന്നു​ണ്ട്. ഖ​ലീ​ൽ വ​ര​ച്ച സ​ർ സ​യ്യി​ദ് അ​ഹ​മ്മ​ദ് ഖാ​ന്റെ ചി​ത്രം സ​ർ സ​യ്യി​ദ് കോ​ള​ജ് ലൈ​ബ്ര​റി ചു​മ​രി​ലു​ണ്ട്. നി​ര​വ​ധി പ്ര​ബ​ന്ധ​ങ്ങ​ളും പു​സ്ത​ക​ങ്ങ​ളും പ്ര​സി​ദ്ധീ​ക​രി​ച്ചു. ഒ​ട്ടേ​റെ വി​ദ്യാ​ർ​ഥി​ക​ൾ ഖ​ലീ​ൽ ചൊ​വ്വ​യു​ടെ കീ​ഴി​ൽ ഗ​വേ​ഷ​ണം പൂ​ർ​ത്തി​യാ​ക്കി. ‘ന​മ്മു​ടെ നാ​ട്ടു​പ​ക്ഷി​ക​ൾ’ എ​ന്ന പേ​രി​ൽ ഭാ​ഷ ഇ​ൻ​സ്റ്റി​റ്റ്യൂ​ട്ട് പു​റ​ത്തി​റ​ക്കി​യ പു​സ്ത​ക​ത്തി​ന് പി. ​കു​ഞ്ഞി​രാ​മ​ൻ നാ​യ​രു​ടെ പേ​രി​ലു​ള്ള താ​മ​ര​ത്തോ​ണി പു​ര​സ്കാ​രം ല​ഭി​ച്ചു. അ​ധ്യാ​പ​ക പ്ര​തി​ഭ പു​ര​സ്കാ​രം അ​ട​ക്കം നി​ര​വ​ധി അ​വാ​ർ​ഡു​ക​ൾ തേ​ടി​യെ​ത്തി.

ക​ണ്ണൂ​ർ യൂ​നി​വേ​ഴ്സി​റ്റി എ​ൻ​വയ​ൺ​മെ​ന്റ​ൽ സ്റ്റ​ഡീ​സ് ഡ​യ​റ​ക്ട​ർ, സ​ർ സ​യ്യി​ദ് ഇ​ൻ​സ്റ്റി​റ്റ്യൂ​ട്ട് പ്രി​ൻ​സി​പ്പ​ൽ തു​ട​ങ്ങി​യ നി​ല​ക​ളി​ൽ പ്ര​വ​ർ​ത്തി​ച്ച ഖ​ലീ​ൽ ചൊ​വ്വ ചി​ത്ര​ര​ച​ന​യും പ​ക്ഷി​നി​രീ​ക്ഷ​ണ​വു​മൊ​ക്കെ​യാ​യി വി​ശ്ര​മ​ജീ​വി​തം സ​ർ​ഗാ​ത്മ​ക​മാ​ക്കു​ക​യാ​ണ്.

ഭാ​ര്യ സു​ൽ​ഫ​ത്തി​നൊ​പ്പം ക​ണ്ണൂ​ർ താ​ണ​യി​ലാ​ണ് താ​മ​സം. ന​വ്വാ​ഫ്, ഫ​ഹ്‌​മി, സ​ൽ​മാ​ൻ, സ​ർ​ഹാ​ൻ എ​ന്നി​വ​രാ​ണ് മ​ക്ക​ൾ.