അപൂര്‍വ കലാരൂപങ്ങള്‍ വീക്ഷിക്കാന്‍ അവസരമൊരുക്കി ടൂറിസം വകുപ്പ്

തി​രു​വ​ന​ന്ത​പു​രം: കേ​ര​ള​ത്തി​ല്‍ അ​ന്യം നി​ന്നു​കൊ​ണ്ടി​രി​ക്കു​ന്ന 53 ക​ലാ​രൂ​പ​ങ്ങ​ള്‍ ലോ​ക​മെ​മ്പാ​ടു​മു​ള്ള മ​ല​യാ​ളി​ക​ള്‍ക്ക് വീ​ക്ഷി​ക്കാ​ന്‍ അ​വ​സ​ര​മൊ​രു​ക്കി സം​സ്ഥാ​ന ടൂ​റി​സം വ​കു​പ്പ്. വെ​ര്‍ച്വ​ല്‍ ഓ​ണാ​ഘോ​ഷ​ങ്ങ​ളു​ടെ ഭാ​ഗ​മാ​യി 14 ജി​ല്ല​ക​ളി​ല്‍നി​ന്നാ​യി 53 ക​ലാ​രൂ​പ​ങ്ങ​ളു​ടെ വി​ഡി​യോ ദൃ​ശ്യ​ങ്ങ​ളാ​ണ് ഒ​രു​ക്കി​യ​ത്. ടി.​വി ചാ​ന​ലു​ക​ളി​ലൂ​ടെ​യും സ​മൂ​ഹ​മാ​ധ്യ​മ​ങ്ങ​ളി​ലൂ​ടെ​യും ഇ​ത് സം​പ്രേ​ഷ​ണം ചെ​യ്യും. പ്രാ​ദേ​ശി​ക ക​ലാ​രൂ​പ​ങ്ങ​ള്‍ അ​വ​ത​രി​പ്പി​ച്ചു​വ​ന്നി​രു​ന്ന ക​ലാ​കാ​ര​ന്മാ​ർ ​കോ​വി​ഡ് മ​ഹാ​മാ​രി​മൂ​ലം ക​ഷ്​​ട​ത​യ​നു​ഭ​വി​ക്കു​ക​യാ​ണ്. ഇ​വ​രെ സ​ഹാ​യി​ക്കു​ന്ന​തി​നോ​ടൊ​പ്പം അ​ന്യം നി​ന്നു​പൊ​യ്ക്കൊ​ണ്ടി​രി​ക്കു​ന്ന ക​ലാ​രൂ​പ​ങ്ങ​ളെ ലോ​ക​ത്തി​ന് മു​ന്നി​ല്‍ അ​വ​ത​രി​പ്പി​ക്കു​ക​യെ​ന്ന​തും ല​ക്ഷ്യ​മാ​ണെ​ന്ന് മ​ന്ത്രി പി.​എ. മു​ഹ​മ്മ​ദ് റി​യാ​സ് പ​റ​ഞ്ഞു.

25 മു​ത​ല്‍ 30 മി​നി​റ്റ്​​ ദൈ​ര്‍ഘ്യ​മു​ള്ള വി​ഡി​യോ​ക​ളാ​ണ് ത​യാ​റാ​ക്കു​ന്ന​ത്. 23 വ​രെ രാ​വി​ലെ ആ​റ​ര​മു​ത​ല്‍ രാ​ത്രി എ​ട്ടു​വ​രെ വി​വി​ധ ചാ​ന​ലു​ക​ളി​ല്‍ പ​രി​പാ​ടി സം​പ്രേ​ഷ​ണം ചെ​യ്യു​ം. ടി.​വി ചാ​ന​ലു​ക​ള്‍ക്ക് പു​റ​മെ ടൂ​റി​സം വ​കു​പ്പി‍െൻറ യു​ട്യൂ​ബ് ചാ​ന​ലി​ലൂ​ടെ​യും സ​മൂ​ഹ​മാ​ധ്യ​മ പേ​ജു​ക​ളി​ലൂ​ടെ​യും വി​ഡി​യോ​ക​ള്‍ കാ​ണാ​നു​ള്ള അ​വ​സ​ര​വു​മു​ണ്ടാ​കും. എ​ല്ലാ ജി​ല്ല​ക​ളി​ല്‍ നി​ന്നു​മു​ള്ള പ്രാ​തി​നി​ധ്യം ഇ​തി​ലു​ള്‍പ്പെ​ടു​ത്തി. വി​ല്‍പ്പാ​ട്ട്, ന​ങ്ങ്യാ​ര്‍കൂ​ത്ത്, കാ​ക്കാ​രി​ശ്ശി നാ​ട​കം എ​ന്നി​വ​യാ​ണ് തി​രു​വ​ന​ന്ത​പു​ര​ത്തു​നി​ന്നു​ള്ള​ത്.

പൂ​വ​ട​തു​ള്ള​ല്‍, പാ​ക്ക​നാ​ര്‍ തു​ള്ള​ല്‍ എ​ന്നി​വ കൊ​ല്ലം ജി​ല്ല​യി​ല്‍നി​ന്നു​മാ​ണ്. മു​ള സം​ഗീ​തം, ഓ​ത​റ പ​ട​യ​ണി എ​ന്നി​വ പ​ത്ത​നം​തി​ട്ട ജി​ല്ല​യി​ല്‍നി​ന്ന് അ​വ​ത​രി​പ്പി​ക്കും. ക​ള​മെ​ഴു​ത്തും പാ​ട്ടും, വേ​ല​ക​ളി, കോ​ല​ടി​പ്പാ​ട്ട്, ഗ​രു​ഡ​ന്‍ തൂ​ക്കം എ​ന്നി​വ ആ​ല​പ്പു​ഴ ജി​ല്ല അ​വ​ത​രി​പ്പി​ക്കും. നാ​ട​ന്‍പാ​ട്ട്, അ​ർ​ജു​ന​നൃ​ത്തം. മാ​ര്‍ഗം​ക​ളി, ഭ​ദ്ര​കാ​ളി തീ​യാ​ട്ട്, ഗ​രു​ഡ​ന്‍ തൂ​ക്കം എ​ന്നി​വ കോ​ട്ട​യം ജി​ല്ല​യി​ല്‍നി​ന്നാ​ണ്. ആ​ദി​വാ​സി നൃ​ത്ത​വും ആ​ര​ണ്യം മ​ന്നാ​ന്‍ കൂ​ത്തു​മാ​ണ് ഇ​ടു​ക്കി ജി​ല്ല അ​വ​ത​രി​പ്പി​ക്കു​ന്ന​ത്. അ​യ്യ​പ്പ​ന്‍ തീ​യാ​ട്ട്, സോ​പാ​ന​സം​ഗീ​തം, കു​ടു​ക്ക വീ​ണ, ച​വി​ട്ടു​നാ​ട​കം എ​ന്നി​വ എ​റ​ണാ​കു​ളം ജി​ല്ല​യു​ടെ വ​ക​യാ​ണ്. ചാ​ക്യാ​ര്‍കൂ​ത്ത്, ശീ​ത​ങ്ക​ന്‍ തു​ള്ള​ല്‍, ഓ​ട്ട​ന്‍തു​ള്ള​ല്‍, പാ​വ​ക​ഥ​ക​ളി, കോ​ലം​ക​ളി തു​ട​ങ്ങി​യ​വ തൃ​ശൂ​ര്‍ ജി​ല്ല അ​വ​ത​രി​പ്പി​ക്കും.

തോ​ല്‍പ്പാ​വ​ക്കൂ​ത്ത്, തി​റ​യും പൂ​ത​നും, ക​ന്യ​ര്‍ക്ക​ളി, തി​റ​ക​ളി, ആ​ദി​വാ​സി അ​നു​ഷ്ഠാ​ന​ക​ല, ച​വി​ട്ട​ക്ക​ളി എ​ന്നി​വ പാ​ല​ക്കാ​ട് ജി​ല്ല​യി​ല്‍നി​ന്നാ​ണ്. മാ​പ്പി​ള ക​ല​ക​ൾ മ​ല​പ്പു​റ​ത്തു​നി​ന്നും​ അ​റ​ബ​ന​മു​ട്ട്, കാ​പ്പാ​ട് കോ​ല്‍ക്ക​ളി, ദ​ഫ്മു​ട്ട്, ഒ​പ്പ​ന, തോ​റ്റം​പാ​ട്ട്, തെ​യ്യം എ​ന്നി​വ കോ​ഴി​ക്കോ​ട് ജി​ല്ല​യി​ല്‍നി​ന്നും അ​വ​ത​രി​പ്പി​ക്കും. ഗ​ദ്ദി​ക, കൊ​ര​മ്പ​ക്ക​ളി, വ​ട്ട​മു​ടി​യാ​ട്ടം, നാ​ട​ന്‍പാ​ട്ട് എ​ന്നി​വ വ​യ​നാ​ട്ടി​ല്‍ നി​ന്നു​മാ​ണ്. കോ​ല്‍ക്ക​ളി, ചി​ന​ക്ക​ളി, കോ​ത​മൂ​രി​യാ​ട്ടം, തി​റ​യാ​ട്ടം എ​ന്നി​വ ക​ണ്ണൂ​രി​ല്‍നി​ന്നും, എ​രു​തു​ക​ളി, പൂ​ര​ക്ക​ളി, അ​ലാ​മി​ക്ക​ളി, യ​ക്ഷ​ഗാ​നം, യ​ക്ഷ​ഗാ​നം ബൊ​മ്മ​യാ​ട്ടം എ​ന്നി​വ കാ​സ​ര്‍കോ​ടു​നി​ന്നും അ​വ​ത​രി​പ്പി​ക്കും.