ജീവിതം മാറ്റി‍യ തല വര

പോ​ര്‍ട്രേ​റ്റു​ക​ള്‍ വ​ര​യ്ക്കാ​നാ​ണ് ഏ​റെ ഇ​ഷ്ടം. പ​ഠ​ന​കാ​ല​യ​ള​വി​ല്‍ ത​ന്നെ പ​ഠി​പ്പി​ച്ച അ​ധ്യാ​പ​ക​രെ വ​ര​ച്ച് ഗു​രു​ദ​ക്ഷി​ണ​യാ​യി ന​ല്‍കി​യ സ​ന്തോ​ഷം പ​റ​ഞ്ഞ​റി​യി​ക്കാ​നാ​വി​ല്ലെ​ന്ന്- ഷി​ഹാ​ബ് പ​റ​യു​ന്നു

‘വ​ര​യാ​ണ് സ​ന്തോ​ഷം, പ്ര​തി​ഫ​ല​ത്തേ​ക്കാ​ള്‍ മൂ​ല്യം അ​ത് സ്വീ​ക​രി​ക്കു​ന്ന​വ​രു​ടെ നി​റ​ഞ്ഞ മ​ന​സ്സും ചി​രി​യു​മാ​ണ്. വ്യ​ക്തി​പ​ര​മാ​യി അ​ത്ര​മേ​ല്‍ സം​തൃ​പ്തി​യും ഏ​റെ സ​ന്തോ​ഷ​വും പ​ക​രു​ന്ന ഈ ​ക​ല​യെ പി​ന്നെ​ങ്ങ​നെ​യാ​ണ് ഞാ​ന്‍ അ​ട​യാ​ള​പ്പെ​ടു​ത്തു​ക. ത​ന്‍റെ പ്ര​വാ​സ​കാ​ലം ഇ​ങ്ങ​നെ​യാ​വും അ​ട​യാ​ള​പ്പെ​ടു​ത്തു​ക എ​ന്ന് വ​ര​ച്ചു​തു​ട​ങ്ങി​യ നാ​ളു​ക​ളി​ൽ കാ​സ​ര്‍കോ​ടു​കാ​ര​ന്‍ ഷി​ഹാ​ബ്​ ചി​ന്തി​ച്ചു​പോ​ലു​മി​ല്ല. ഇ​ന്ന് ദു​ബൈ​യി​ലെ ജോ​ലി​ത്തി​ര​ക്കു​ക​ള്‍ക്കി​ട​യി​ലും സൗ​ഹൃ​ദ​ങ്ങ​ളു​ടെ മ​ന​സ്സു​ക​ളി​ലേ​ക്ക് കു​ടി​യേ​റാ​ന്‍ ഷി​ഹാ​ബ് പ​ല​യി​ട​ങ്ങ​ളി​ലും ഓ​ടി​യെ​ത്തും, അ​വ​രെ ത​ന്‍റെ കാ​ന്‍വാ​സി​ല്‍ പ​ക​ര്‍ന്ന​ത് കൈ​മാ​റാ​ന്‍.

20 വ​ര്‍ഷ​മാ​യി പ്ര​വാ​സി​യാ​ണ് ഷി​ഹാ​ബ് റു​ഖി​യ്യ ഉ​ദി​നൂ​ര്‍. ത​ന്‍റെ പ​തി​നാ​ലാം വ​യ​സ്സി​ല്‍ ഉ​പ്പ മ​രി​ക്കു​മ്പോ​ള്‍, കു​ടും​ബം പോ​റ്റി​യി​രു​ന്ന ജ്യേ​ഷ്ഠ​ന് കൈ​ത്താ​ങ്ങാ​വാ​നാ​ണ് ദു​ബൈ​യി​ലേ​ക്ക് പ​റ​ന്ന​ത്. പ​ഠ​ന കാ​ല​യ​ള​വി​ലൊ​ന്നും വ​ര​ക​ളോ​ട് ഒ​ട്ടു​മേ പ്രി​യ​മി​ല്ലാ​യി​രു​ന്നു. ജോ​ലി​യും മ​റ്റു​മൊ​ക്കെ​യാ​യി പൊ​തു​യി​ട​ങ്ങ​ളി​ലേ​ക്ക് ഇ​റ​ങ്ങി​യ​പ്പോ​ഴാ​ണ് ത​ന്നി​ലൊ​രു വ​ര​ക്കാ​ര​ന്‍ ഒ​ളി​ഞ്ഞു​കി​ടി​ക്കു​ന്ന​താ​യി ക​ണ്ടെ​ത്തി​യ​ത്. നാ​ട്ടി​ലെ ചെ​റി​യ ജോ​ലി​ക​ളു​ടെ ഇ​ട​യ്ക്ക് ചി​ത്ര​ര​ച​ന പ​ഠി​ച്ചെ​ടു​ത്തു. ബാ​ന​റെ​ഴു​ത്തും ചി​ല്ല​റ ആ​ര്‍ട്ട് വ​ര്‍ക്കു​ക​ളു​മൊ​ക്കെ​യാ​യി ക​ഴി​ഞ്ഞു​വ​രു​മ്പോ​ഴാ​ണ് ക​ട​ല്‍ക്ക​ട​ക്കേ​ണ്ടി വ​ന്ന​ത്. ജോ​ലി ചെ​യ്തി​രു​ന്ന ഓ​ഫി​സി​ലെ മാ​നേ​ജ​ര്‍ പ്രീ​തി ചേ​ച്ചി​യെ വ​ര​ച്ച​ത് ഷി​ഹാ​ബി​ന്‍റെ ത​ല​വ​ര മാ​റ്റി​മ​റി​ച്ചു. ക​മ്പ​നി​ച്ചെ​ല​വി​ല്‍ ഡി​സൈ​നി​ങ് പ​ഠി​പ്പി​ച്ചു. ഒ​പ്പം ഡോ​ക്യു​മെ​ന്‍റ്​ ക​ൺ​ട്രോ​ള​ര്‍ എ​ന്ന പ്ര​മോ​ഷ​നും.

പോ​ര്‍ട്രേ​റ്റു​ക​ള്‍ വ​ര​യ്ക്കാ​നാ​ണ് ഏ​റെ ഇ​ഷ്ടം. പ​ഠ​ന​കാ​ല​യ​ള​വി​ല്‍ ത​ന്നെ പ​ഠി​പ്പി​ച്ച അ​ധ്യാ​പ​ക​രെ വ​ര​ച്ച് ഗു​രു​ദ​ക്ഷി​ണ​യാ​യി ന​ല്‍കി​യ സ​ന്തോ​ഷം പ​റ​ഞ്ഞ​റി​യി​ക്കാ​നാ​വി​ല്ലെ​ന്ന് ഷി​ഹാ​ബ് പ​റ​യു​ന്നു. ഉ​ദി​നൂ​ര്‍ ഗ​വ. ഹ​യ​ര്‍ സെ​ക്ക​ന്‍ഡ​റി, ഉ​ദി​നൂ​ര്‍ സെ​ന്‍ട്ര​ല്‍ എ.​യു.​പി. സ്‌​കൂ​ളു​ക​ളി​ലെ അ​ധ്യാ​പ​ക​രെ​യാ​ണ് പ്ര​വാ​സ​ത്തി​ന്‍റെ ഇ​ട​വേ​ള​ക​ളി​ല്‍ നാ​ട്ടി​ലെ​ത്തി​യ​പ്പോ​ള്‍ വ​ര​ച്ച് ത​ന്‍റെ ഗു​രു​ക്ക​ന്‍മാ​രോ​ടു​ള്ള സ്‌​നേ​ഹം പ​ങ്കു​വ​ച്ച​ത്. അ​ന്നും ഇ​ന്നും ത​ന്നി​ലെ ചി​ത്ര​കാ​ര​നെ ഏ​റെ പ്ര​ചോ​ദി​പ്പി​ച്ചു​കൊ​ണ്ടി​രി​ക്കു​ന്ന​ത് അ​യ​ല്‍വാ​സി​യാ​യ കാ​ര്‍ത്യാ​യ​നി അ​മ്മ​യാ​ണ്. ആ​ദ്യ​കാ​ല​ങ്ങ​ളി​ല്‍ സി​നി​മാ​താ​ര​ങ്ങ​ളു​ടെ ചി​ത്ര​ങ്ങ​ളാ​ണ് അ​ധി​ക​മാ​യും വ​ര​ച്ചി​രു​ന്ന​ത്. പി​ന്നീ​ട​ത് സു​ഹൃ​ത്തു​ക​ളു​ടെ ചി​ത്ര​ങ്ങ​ളാ​യി. ഇ​പ്പോ​ള്‍, സാ​മൂ​ഹി​ക മാ​ധ്യ​മ​ങ്ങ​ളി​ലെ സൗ​ഹൃ​ദ​ങ്ങ​ളു​ടെ ചി​ത്ര​ങ്ങ​ള്‍ വ​ര​ച്ച് ഞെ​ട്ടി​ക്കു​ക എ​ന്ന​താ​ണ് മ​റ്റൊ​രു വി​നോ​ദം. അ​തോ​ടൊ​പ്പം ദു​ബൈ​യി​ലെ ഒ​ഴി​വു​നേ​ര​ങ്ങ​ളി​ല്‍ തെ​രു​വോ​ര​ക്കാ​ഴ്ച​ക​ളും ജ​ന​ങ്ങ​ളെ​യു​മൊ​ക്കെ പ​ക​ര്‍ത്തും.

2018 ലെ ​പ്ര​ള​യ​ക്കെ​ടു​തി​യി​ല്‍ ദു​രി​തം​പേ​റി​യ​വ​ര്‍ക്കു കൈ​ത്താ​ങ്ങാ​വാ​ന്‍ ചി​ത്ര​ങ്ങ​ള്‍ വ​ര​ച്ച് വി​റ്റ​ഴി​ച്ചു ന​ല്ലൊ​തു തു​ക സ​മാ​ഹ​രി​ച്ചി​രു​ന്നു. കാ​ഞ്ഞ​ങ്ങാ​ട് ബ​സ് സ്റ്റാ​ന്‍ഡി​ല്‍ പ്ര​ള​യ​ദു​രി​താ​ശ്വാ​സ ഫ​ണ്ട് സ്വ​രൂ​പി​ക്കാ​ന്‍ ഷി​ഹാ​ബ് ത​ല്‍സ​മ​യ കാ​രി​ക്കേ​ച്ച​ര്‍ ര​ച​ന ന​ട​ത്തി​യ​പ്പോ​ള്‍ നി​ര​വ​ധി​പേ​രാ​ണ് പ​ങ്കാ​ളി​ക​ളാ​യ​ത്. പ്ര​വാ​സ​ത്തി​നി​ടെ വീ​ണു​കി​ട്ടു​ന്ന ഇ​ട​വേ​ള​ക​ളി​ല്‍ നാ​ട്ടി​ലെ​ത്തു​മ്പോ​ള്‍ ഇ​ത്ത​ര​ത്തി​ല്‍ ത​ന്നാ​ല്‍ ക​ഴി​യു​ന്ന​ത് ചെ​യ്യു​ക എ​ന്ന​തും ശീ​ല​മാ​ണ്.

ഖ​ത്ത​റി​ലാ​യി​രു​ന്ന​പ്പോ​ഴും നി​ര​വ​ധി ചി​ത്ര പ്ര​ദ​ര്‍ശ​ന​ങ്ങ​ള്‍ ഒ​രു​ക്കി​യി​ട്ടു​ണ്ട്. ഗ്രാ​മ​ക്കാ​ഴ്ച​ക​ള്‍ക്കു വ​ര്‍ണം പ​ക​രു​മ്പോ​ള്‍ തെ​യ്യ​വും ചെ​ണ്ട​യും മേ​ലേ​രി​യു​മെ​ല്ലാം ഷി​ഹാ​ബി​ന്‍റെ കാ​ന്‍വാ​സു​ക​ള്‍ക്ക് മി​ഴി​വേ​കും. യു.​എ.​ഇ. ആ​ര്‍ട്ടി​സ്റ്റ് ഗ്രൂ​പ്പു​ക​ളു​മാ​യി സ​ഹ​ക​രി​ച്ചു പ്ര​വ​ര്‍ത്തി​ക്കു​ക​യും ഔ​ട്ട്‌​ഡോ​ര്‍ ചി​ത്ര​ര​ച​ന​ക​ളി​ല്‍ പ​ങ്കെ​ടു​ക്കു​ക​യും ചെ​യ്തു​വ​രു​ന്നു​ണ്ട്. 2024ലെ ​വേ​ള്‍ഡ് ആ​ര്‍ട്ട് ദു​ബൈ പ​രി​പാ​ടി​യി​ല്‍ പ​ങ്കെ​ടു​ക്കാ​നു​ള്ള ശ്ര​മ​ത്തി​ലാ​ണി​പ്പോ​ള്‍. ഒ​പ്പം അ​തേ​വ​ര്‍ഷം ജ​നു​വ​രി​യി​ല്‍ ന​ട​ക്കു​ന്ന കേ​ര​ള ല​ളി​ത​ക​ലാ അ​ക്കാ​ദ​മി ആ​ര്‍ട്ട് ഗാ​ല​റി​യി​ലെ എ​ക്‌​സി​ബി​ഷ​നി​ല്‍ ചി​ത്ര​ങ്ങ​ള്‍ പ്ര​ദ​ര്‍ശി​പ്പി​ക്കാ​നു​ള്ള ത​യ്യാ​റെ​ടു​പ്പു​ക​ളും തു​ട​രു​ക​യാ​ണ്.

എ​ത്ര ചി​ത്ര​ങ്ങ​ള്‍ വ​ര​ച്ചു. ആ​ര്‍ക്കൊ​ക്കെ കൊ​ടു​ത്തു എ​ന്ന​തി​ന് ഷി​ഹാ​ബി​ന് ഉ​ത്ത​ര​മി​ല്ല. വ​ര​ച്ചു​കൊ​ടു​ക്കു​മ്പോ​ള്‍ കി​ട്ടു​ന്ന സ​ന്തോ​ഷ​വും സം​തൃ​പ്തി​യു​മാ​ണ് ഏ​റ്റ​വും വ​ലി​യ ബ​ഹു​മ​തി​യെ​ന്നാ​ണ് ഷി​ഹാ​ബി​ന്‍റെ പ​ക്ഷം. ദു​രി​താ​ശ്വാ​സ പ്ര​വ​ര്‍ത്ത​ന​ങ്ങ​ളു​ടെ ഭാ​ഗ​മാ​യി ചി​ത്ര പ്ര​ദ​ര്‍ശ​നം സം​ഘ​ടി​പ്പി​ച്ച​പ്പോ​ള്‍ കാ​സ​ര്‍കോ​ട് ക​ല​ക്ട​റി​ല്‍ നി​ന്ന് ഉ​പ​ഹാ​രം ല​ഭി​ച്ച​ത് ഈ ​പ്ര​വാ​സി ചി​ത്ര​കാ​ര​ന്‍റെ ഹൃ​ദ്യ​മാ​യ ഓ​ര്‍മ​ക​ളാ​ണ്. കാ​സ​ര്‍കോ​ട് പെ​രി​യ അ​മ്പ​ലം ക​ളി​യാ​ട്ട​ത്തി​ല്‍ പ്ര​ദ​ര്‍ശി​പ്പി​ച്ച ചി​ത്രം വ​ന്‍ വി​ല​യ്ക്കു വി​റ്റു​പോ​യ​ത് ത​ന്നി​ലെ ക​ലാ​കാ​ര​ന് ല​ഭി​ച്ച അം​ഗീ​കാ​ര​മാ​യി​ട്ട് ഷി​ഹാ​ബ് ക​രു​തു​ന്നു.

പി​താ​വ് കാ​ത്തി​മും മാ​താ​വ് റു​ഖി​യ്യ​യും മ​ര​ണ​പ്പെ​ട്ടു. അ​ഷ്‌​റ​ഫ്, ന​സീ​മ, സു​ഹ​റ, മു​നീ​ര്‍ എ​ന്നി​വ​രാ​ണ് സ​ഹോ​ദ​ര​ങ്ങ​ള്‍. ഭാ​ര്യ ജ​സ്മി​ന. ജ​ഹാ​ന, ജ​സ്മ, റു​ഖി​യ്യ, ഫാ​ത്വി​മ എ​ന്നി​വ​രാ​ണ് മ​ക്ക​ള്‍. മ​ക്ക​ളെ​ല്ലാം ചി​ത്ര​ക​ല​യു​ടെ വി​വി​ധ മേ​ഖ​ല​ക​ളി​ല്‍ താ​ല്‍പ്പ​ര്യ​മു​ള്ള​വ​രാ​ണ്. പ​ങ്കെ​ടു​ത്ത ചി​ത്ര​ക​ലാ മ​ല്‍സ​ര​ങ്ങ​ളി​ലൊ​ക്കെ സ​മ്മാ​ന​ങ്ങ​ളും ഇ​വ​രെ തേ​ടി​യെ​ത്തി​യി​ട്ടു​ണ്ട്.