മയക്കുമരുന്നുമായി യുവാക്കള്‍ പിടിയില്‍

മട്ടന്നൂര്‍: ഹാഷിഷ് ഓയിലും എം.ഡി.എം.എ മയക്കുമരുന്നുമായി രണ്ടു യുവാക്കള്‍ പിടിയിലായി. ചെറുഞ്ഞിക്കരി സ്വദേശി പി.കെ. ഷിജിന്‍ (25), അഞ്ചരക്കണ്ടി സ്വദേശി പി.കെ. ലിതിന്‍ (25) എന്നിവരെയാണ് മട്ടന്നൂർ പൊലീസ് പിടികൂടിയത്. പനയത്താംപറമ്പില്‍ നമ്പർ പ്ലേറ്റ് ഇല്ലാത്ത മോട്ടോര്‍ സൈക്കിളില്‍ യാത്ര ചെയ്യുകയായിരുന്നു പ്രതികള്‍.

പൊലീസ് കൈ കാണിച്ചിട്ടും നിര്‍ത്താതെ പോയതോടെ പിന്തുടര്‍ന്ന് പിടികൂടി. ഇവരില്‍നിന്ന് ഏകദേശം മൂന്ന് ഗ്രാം എം.ഡി.എം.എ പൊലീസ് കണ്ടെത്തി.