Begin typing your search above and press return to search.
proflie-avatar
Login
exit_to_app
exit_to_app
Sabir
cancel
Homechevron_rightNewschevron_rightCrimechevron_rightഗോരക്ഷ ഗുണ്ടകളുടെ...

ഗോരക്ഷ ഗുണ്ടകളുടെ കാറിടിച്ച്​ യുവാവിന്​ ദാരുണാന്ത്യം; കൊലക്ക്​ കാരണം മുൻവൈരാഗ്യമെന്ന്​ കുടുംബം

text_fields
bookmark_border

ആൽവാർ: രാജസ്​ഥാനിലെ ആൽവാറിൽ ഗോരക്ഷ ഗുണ്ടകളുടെ കാറിടിച്ച്​ യുവാവിന്​ ദാരുണാന്ത്യം. 17കാരനായ സാബിർ ഖാനാണ്​ മരിച്ചത്​. മുൻ വൈരാഗ്യമാണ്​ സാബി​റിനെ കൊലപ്പെടുത്താൻ കാരണമെന്ന്​ കുടുംബം ആരോപിച്ചു. സാബിറും സു​ഹൃത്തുക്കളും റോഡിലൂടെ നടന്ന​ുപോകുന്നതിനിടെയാണ്​ സംഭവം. പശുക്കടത്തുകാരെന്ന്​ ആരോപിച്ച്​ മറ്റൊരു വാഹനത്തെ പിന്തുടരുന്നതിനിടെ​ ഇവർ സഞ്ചരിച്ചിരുന്ന കാർ സാബിറിനെ ഇടിക്കുകയായിരുന്നു​. ചോപൻകി പൊലീസ്​ സ്​റ്റേഷൻ പരിധിയിലാണ്​ സംഭവം.

രണ്ടുവാഹനങ്ങളും സാബിറിനെ ഇടിച്ചതായാണ്​ വിവരം. ഒരു വാഹനം മറ്റൊരു വാഹനത്തെ പിന്തുടരുന്നതിനിടെ രണ്ടുവാഹനങ്ങളും സാബിറിനെ ഇടിക്കുകയായിരുന്നുവെന്ന്​ ദൃക്​സാക്ഷികൾ പറയുന്നു. എന്നാൽ, രണ്ടു വാഹനങ്ങളും സാബി​റിനെ ഇടിച്ചോ എന്ന കാര്യം പൊലീസ്​ സ്​ഥിരീകരിച്ചിട്ടില്ല.

രാവിലെ സുഹൃത്തുക്കളോടൊപ്പം സാബിർ ഓടാൻ പോയതാണെന്നും ബജ്​രംഗ്​ദൾ പ്രവർത്തകരാണ്​ സാബിറിനെ വാഹനം ഇടിപ്പിച്ചതെന്നും സാബിറിന്‍റെ ബന്ധുവായ ഹു​സ്സൈനുദീൻ ആരോപിച്ചു. സാബിറിനെ ഇടിച്ചശേഷം വാഹനം നിർത്താതെ പോയിരുന്നു. പിന്നീട്​ വാഹനം തവാഡു സ്റ്റാൻറിൽ നിർത്തിയിട്ടിട്ടുണ്ടായിരുന്നുവെന്നും ടയറിൽ രക്തക്കറയുണ്ടായിരുന്നുവെന്നും അദ്ദേഹം പറഞ്ഞു. ഡ്രൈവർ തന്നെ ഭീഷണിപ്പെടുത്തിയതായും തുടർന്ന്​ പൊലീസിൽ പരാതി നൽകിയെന്നും ഹു​സ്സൈനുദീൻ കൂട്ടിച്ചേർത്തു.

സാബിറിന്‍റെ മരണത്തിൽ നാട്ടുകാർ പ്രതിഷേധം സംഘടിപ്പിക്കുകയും മൃതദേഹവുമായി റോഡ്​ ഉപരോധിക്കുകയും ചെയ്​തു. പിന്നീട്​ പൊലീസ്​ സ്​ഥലത്തെത്തി ​പ്രതിഷേധം അവസാനിപ്പിക്കുകയായിരുന്നു.

യുവാവിന്‍റെ ബന്ധുക്കളുടെ പരാതിയുടെ അടിസ്​ഥാനത്തിൽ പ്രതികളായ അനിൽ ഗുർജാറിനും മറ്റു ആ​റുപേർക്കുമെതിരെ കേസെടുത്തതായി പൊലീസ്​ പറഞ്ഞു.

അന്വേഷണത്തിൽ അനിൽ ദിവസങ്ങൾക്ക്​ മുമ്പ്​ സാബിറിനെ ഭീഷണിപ്പെടുത്തിയതായി പൊലീസ്​ കണ്ടെത്തി. താനൊരു ഹിന്ദു സംഘടന പ്രവർത്തകൻ ആണെന്നും റോഡിലൂടെ ഇനി ഓടിയാൽ കൊല്ലുമെന്ന്​ ഭീഷണിപ്പെടുത്തിയതായും പൊലീസ്​ പറഞ്ഞു. അനിൽ മനപൂർവം സാബിറിനെ വാഹനം ഇടിപ്പിച്ചതാ​െണന്ന്​ കുടുംബം പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Crime NewsCow vigilantesMurder
News Summary - youth dies after being hit by car chasing cow smugglers
Next Story