എം.ഡി.എം.എയുമായി യുവാവ് അറസ്റ്റിൽ

തിരുവമ്പാടി: മാരക ലഹരിമരുന്നായ എം.ഡി.എം.എയുമായി യുവാവ് പൊലീസ് പിടിയിൽ. അരീക്കോട് കാവന്നൂർ കളത്തിങ്കൽ വീട്ടിൽ അബ്ദുല്ലയെ (23) ആണ് തിരുവമ്പാടി പൊലീസ് അറസ്റ്റ് ചെയ്തത്.

തിരുവമ്പാടി എസ്.ഐ ഹാഷിമിന് കിട്ടിയ രഹസ്യവിവരത്തിന്റെ അടിസ്ഥാനത്തിലാണ് അറസ്റ്റ് . സീനിയർ സി.പി.ഒമാരായ കെ.ടി. ജദീർ, കെ.എം. അനീസ്, കെ.കെ. ഷിനോജ് എന്നിവർ സംഘത്തിലുണ്ടായിരുന്നു. പ്രതിയെ താമരശ്ശേരി ജുഡീഷ്യൽ മജിസ്ട്രേട്ട് കോടതി 14 ദിവസത്തേക്ക് റിമാൻഡ് ചെയ്തു.