എം.ഡി.എം.എയുമായി യുവാവ് പിടിയിൽ

വടക്കേക്കാട്: എം.ഡി.എം.എയും ലഹരി ഗുളികകളുമായി യുവാവ് പിടിയിൽ. വടക്കേക്കാട് കല്ലിങ്ങൽ തോട്ടുപുറത്ത് വീട്ടിൽ പ്രണവിനെയാണ് (25) വടക്കേക്കാട് പൊലീസ് അറസ്റ്റ് ചെയ്തത്. പ്രതിയിൽ നിന്നും 3.80 ഗ്രാം മയക്കുമരുന്നായ എം.ഡി.എം.എയും ലഹരിക്കായി ഉപയോഗിക്കുന്ന 3.960 ഗ്രാം ഗുളികയും പൊലീസ് പിടികൂടി. പ്രണവ് വധശ്രമം ഉൾപ്പെടെ കേസുകളിൽ പ്രതിയാണെന്ന് പൊലീസ് അറിയിച്ചു.