എം.ഡി.എം.എയുമായി യുവാവ് പിടിയിൽ

കാ​യം​കു​ളം: മാരകമയക്കുമരുന്നായ എം.ഡി.എം.എയുമായി യുവാവ് പിടിയിൽ. ചേരാവള്ളി പേട്ടയിൽ പുത്തൻവീട്ടിൽ സോനു തമ്പിയാണ് (25) അറസ്റ്റിലായത്. 1.6 മില്ലിഗ്രാം ഇയാളിൽനിന്ന് കണ്ടെടുത്തു. ബോട്ട്ജെട്ടി കേന്ദ്രീകരിച്ച് മയക്കുമരുന്ന് കച്ചവടം നടക്കുന്നതിന്റെ അടിസ്ഥാനത്തിൽ നടത്തിവന്ന നിരീക്ഷണത്തിലാണ് പ്രതി പിടിയിലായത് .

ഡിവൈ.എസ്.പി അലക്സ് ബേബിയുടെ മേൽനോട്ടത്തിൽ സി.ഐ മുഹമ്മദ് ഷാഫി, എസ്.ഐമാരായ ശ്രീകുമാർ, ഉദയകുമാർ, പൊലീസുകാരായ ദീപക്, വിഷ്ണു, അനീഷ്, ഷാജഹാൻ, ഫിറോസ്, ബിനുമോൻ എന്നിവരടങ്ങിയ സംഘമാണ് ഇയാളെ അറസ്റ്റ് ചെയ്തത്.