എം.ഡി.എം.എയുമായി യുവാവ് പിടിയിൽ

വടക്കഞ്ചേരി: മയക്കുമരുന്നായ എം.ഡി.എം.എയുമായി വടക്കഞ്ചേരിയിൽ യുവാവ് പിടിയിൽ. ബംഗളൂരു വിനായനഗർ സ്വദേശി ഷാഹിലിനെയാണ് (19) വടക്കഞ്ചേരി പൊലീസ് അറസ്റ്റ് ചെയ്തത്.

തേനിടുക്ക് അപ്ലൈഡ് സയൻസ് കോളജിന് സമീപം സംശയാസ്പദമായി കണ്ട യുവാവിനെ ചോദ്യം ചെയ്തപ്പോഴാണ് മയക്കുമരുന്ന് കണ്ടെത്തിയത്. ഇയാളിൽനിന്ന് അഞ്ചര ഗ്രാം മയക്കുമരുന്ന് പിടിച്ചെടുത്തു.

വടക്കഞ്ചേരി ഭാഗത്ത് ചില്ലറ വിൽപനക്കായി എത്തിച്ചതെന്നാണ് പ്രാഥമിക വിവരം.വടക്കഞ്ചേരി എസ്.ഐ കെ.വി. സുധീഷ്കുമാറിന്‍റെ നേതൃത്വത്തിലുള്ള പൊലീസ് സംഘമാണ് പ്രതിയെ അറസ്റ്റ് ചെയ്തത്.