കഞ്ചാവുമായി യുവാക്കൾ പിടിയിൽ

പാലാ: കഞ്ചാവ് വിൽപനക്കിടെ യുവാക്കൾ അറസ്റ്റിൽ. ആനിക്കാട് മുക്കാലി കൊടിമറ്റം ഷെബിൻ (32), ആനിക്കാട് തേക്കിലക്കാട്ട് വിഷ്ണു ബാബു (26) എന്നിവരെയാണ് പാലാ പൊലീസ് അറസ്റ്റ് ചെയ്തത്.

ലഹരിവസ്തുക്കളുടെ വിൽപന തടയുന്നതിന്‍റെ ഭാഗമായി നടന്ന പരിശോധനയിലാണ് ഇവർ കുടുങ്ങിയത്. പാലാ സ്റ്റേഷൻ എസ്.എച്ച്.ഒ കെ.പി. ടോംസൺ, എസ്.ഐ അഭിലാഷ് എം.ഡി, സിവിൽ പൊലീസ് ഓഫിസർമാരായ സി. രഞ്ജിത്, മഹേഷ് എന്നിവരടങ്ങുന്ന സംഘമാണ് പ്രതികളെ പിടികൂടിയത്.