വിദേശ മദ്യവുമായി യുവാവ് പിടിയിൽ

തുവ്വൂർ: അനധികൃത വിൽപനയ്ക്കായി കൊണ്ടുവന്ന പത്ത് ലിറ്റർ വിദേശ മദ്യവുമായി യുവാവ് പിടിയിൽ. പായിപ്പുല്ലിലെ കൊറ്റങ്ങോടൻ കബീറിനെ (32) ആണ് കരുവാരകുണ്ട് സ്റ്റേഷൻ ഹൗസ് ഓഫിസർ സി.കെ. നാസർ അറസ്റ്റ് ചെയ്തത്.

ഓട്ടോറിക്ഷയിൽ ചില്ലറ മദ്യവിൽപന നടത്തുകയായിരുന്നു ഇയാൾ.എസ്.ഐമാരായ അബ്‌ദുന്നാസർ, മൊയ്തീൻകുട്ടി, സി.പി.ഒമാരായ വിനീഷ്, മനു പ്രസാദ്, അർഷാദ്, അജിത് കുമാർ എന്നിവരാണ് സംഘത്തിലുണ്ടായിരുന്നത്. പ്രതിയെ മഞ്ചേരി കോടതിയിൽ ഹാജരാക്കി.