പീഡനക്കേസിൽ യുവാവ് അറസ്റ്റിൽ

കോട്ടയം: വിവാഹ വാഗ്ദാനം നൽകി പെൺകുട്ടിയെ പീഡിപ്പിച്ച കേസിൽ യുവാവിനെ അറസ്റ്റ് ചെയ്തു. ഇടുക്കി 20 ഏക്കർ പൊട്ടൻകാട് കൊല്ലംകുന്നേൽ വീട്ടിൽ അലൻസാമിനെയാണ് (20) കിടങ്ങൂർ പൊലീസ് അറസ്റ്റ് ചെയ്തത്. പെൺകുട്ടിയുടെ പരാതിയിൽ കേസെടുത്ത പൊലീസ് പ്രതിയെ പെരുമ്പാവൂരിൽനിന്നാണ് പിടികൂടിയത്.

പരിശോധനക്ക് കിടങ്ങൂർ സ്റ്റേഷൻ എസ്.എച്ച്.ഒ കെ.ആർ. ബിജു, എസ്.ഐ കുര്യൻ മാത്യു, പി.എൽ. സനീഷ്, സുനിൽകുമാർ, സി.ജി. അനൂപ്, ജോസ് എന്നിവർ നേതൃത്വം നൽകി. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.