എം.ഡി.എം.എ കേസിൽ യുവാക്കൾ അറസ്റ്റിൽ

കൊച്ചി: കലൂർ സ്റ്റേഡിയം ലിങ്ക് റോഡിൽ പാർക്ക് ചെയ്തിരുന്ന സ്കൂട്ടറിൽ നിന്ന് 102.4 ഗ്രാം എം.ഡി.എം.എ പിടികൂടിയ സംഭവത്തിൽ രണ്ട് യുവാക്കൾ അറസ്റ്റിൽ. മട്ടാഞ്ചേരി നസ്രത്ത് ജനത റോഡ് വലിയമരത്തിങ്കൽ അലിൻ ജോസഫ് (29), തോപ്പുംപടി ചുള്ളിക്കൽ വലിയപറമ്പിൽ വീട്ടിൽ നിജു (34) എന്നിവരാണ് അറസ്റ്റിലായത്.

കേസിൽ ഒന്നാം പ്രതിയായ ഹാറൂൺ സുൽത്താൻ കഴിഞ്ഞ 20ന് അറസ്റ്റിലായിരുന്നു. തുടർന്ന് നടത്തിയ അന്വേഷണത്തിലാണ് മറ്റ് പ്രതികളും കുടുങ്ങിയത്. അലിനെ കളമശ്ശേരി മെഡിക്കൽ കോളജ് ഭാഗത്തുനിന്നും നിജുവിനെ തോപ്പുംപടി നസ്രത്ത് സ്റ്റാച്യു ജങ്ഷൻ ഭാഗത്തുനിന്നുമാണ് പിടികൂടിയത്.