Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightCrimechevron_rightവ്യാപാരിയുടെ 1.35...

വ്യാപാരിയുടെ 1.35 ലക്ഷം തട്ടിയ കേസിൽ യുവാവ് പിടിയിൽ

text_fields
bookmark_border
paradeep
cancel
camera_alt

പ്ര​ദീ​പ്

Listen to this Article

ഗോവിന്ദാപുരം: നാളികേര വ്യാപാരിയുടെ 1.35 ലക്ഷം രൂപ തട്ടിയെടുത്ത കേസിൽ യുവാവിനെ പൊലീസ് അറസ്റ്റ് ചെയ്തു. മൂച്ചങ്കുണ്ട് ആനക്കട്ടിമേട് കോളനിയിലെ പ്രദീപിനെയാണ് (38) കൊല്ലങ്കോട് പൊലീസ് അറസ്റ്റ് ചെയ്തത്. കഴിഞ്ഞ വ്യാഴാഴ്ച വൈകീട്ട് നാളികേര കച്ചവടത്തിനായി മുതലമടയിലെത്തിയ കൊടുങ്ങല്ലൂർ കയ്പമംഗലം അശ്വിന്‍റെ പണമാണ് മോഷ്ടിച്ചത്. സ്വകാര്യ തോട്ടത്തിൽ ചരക്ക് കയറ്റാൻ നിർത്തിയ വാഹനത്തിൽ സൂക്ഷിച്ച പണം കൈക്കലാക്കുകയായിരുന്നു.

കൊല്ലങ്കോട് പൊലീസിൽ നൽകിയ പരാതിയെ തുടർന്ന് നടത്തിയ അന്വേഷണത്തിൽ പ്രദീപ് ഇവിടെയെത്തിയതായി അറിയുകയും വ്യാഴാഴ്ച വൈകീട്ട് പൊള്ളാച്ചി, വേട്ടക്കാരൻപുതൂർ അമ്മമ്പതിയിൽനിന്ന് അറസ്റ്റ് ചെയ്യുകയുമായിരുന്നു. മോഷ്ടിച്ച തുകയിൽ 21,000 രൂപ വീട്ടിൽ നൽകുകയും കടബാധ്യത വീട്ടിയ ശേഷമുള്ള തുക ഒളിപ്പിച്ചു വെക്കുകയുമായിരുന്നെന്ന് സി.ഐ വിപിൻദാസ് പറഞ്ഞു. പ്രതി മറയൂരിൽ ചന്ദനം കടത്തിയ കേസിൽ 11 മാസം ജയിൽശിക്ഷ അനുഭവിച്ചതായി പൊലീസ് പറഞ്ഞു. എസ്.ഐ ഷാഹുൽ, ജില്ല കാവൽ സ്ക്വാഡ് അംഗങ്ങളായ എസ്. ജിജോ, സി. ശിവദാസൻ എന്നിവരും പൊലീസ് സംഘത്തിൽ ഉണ്ടായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:arrestedRobbery Case
News Summary - Youth arrested for embezzling Rs 1.35 lakh from a trader
Next Story