കക്കൂസിനുള്ളിലെ ചാരായ വാറ്റിനിടെ യുവാവ് പിടിയിൽ

വള്ളികുന്നം: ഓണ നാളിൽ കക്കൂസിനുള്ളിൽ ചാരായ വാറ്റ് നടത്തിയ യുവാവ് പൊലിസ് പിടിയിൽ. കറ്റാനം കരിമുട്ടത്ത് ജംഗ്ഷന് സമീപം ശ്യാം നിവാസിൽ ശ്യാമാണ് (37) പിടിയിലായത്.

15 ലിറ്റർ ചാരായവും വാറ്റുപകരണങ്ങളും കണ്ടെടുത്തു. ഞായറാഴ്ച ഉച്ചയോടെയായിരുന്നു സംഭവം. സി.ഐ എം.എം. ഇഗ്നേഷ്യസ്, എസ്.ഐ ജി. ഗോപകുമാർ, സിവിൽ പൊലിസ് ഓഫീസർമാരായ അസറുദീൻ, സോനു, സീതമ്മ എന്നിവരാണ് റെയ്ഡ് നടത്തിയത്.